សុខាភិបាលស្រុកប្រតិបត្តិសង្កែ OD Sangker

21/08/2026

18/08/2026

🩺🎗️ ពង្រឹងសមត្ថភាពមន្ត្រីសុខាភិបាល ក្នុងការស្រាវជ្រាវរកជំងឺមហារីកមាត់ស្បូនដោយប្រើតេស្ត HPV
—— ១៨ សីហា ២០២៦ ——
✅វគ្គបណ្តុះបណ្តាលស្តីពី «ការពិនិត្យស្រាវជ្រាវរកជំងឺមហារីកមាត់ស្បូន ដោយប្រើតេស្ត HPV» សម្រាប់មន្ត្រីទទួលបន្ទុកកម្មវិធីមហារីកមាត់ស្បូន មកពីមណ្ឌលសុខភាពទាំង១៤ ក្នុងស្រុកប្រតិបត្តិសង្កែ។

🙏ពិធីបើកវគ្គបណ្តុះបណ្តាល ប្រព្រឹត្តទៅក្រោមអធិបតីភាព៖
_លោកសាស្រ្តាចារ្យជំនួយ ជា ពៅ អនុប្រធានមន្ទីរសុខាភិបាលនៃរដ្ឋបាលខេត្តបាត់ដំបង
_លោកអនុបណ្ឌិត សូ សារិទ្ធ ប្រធានការិយាល័យសុខាភិបាលស្រុកប្រតិបត្តិសង្កែ
_លោកស្រីវេជ្ជបណ្ឌិត ម៉េង កល្យាណ វេជ្ជបណ្ឌិតឯកទេសផ្នែកសម្ភព និងរោគស្ត្រី នៃមន្ទីរពេទ្យកាល់ម៉ែត។

📚 វគ្គបណ្តុះបណ្តាលនេះ មានគោលបំណង៖
✅ ពង្រឹងចំណេះដឹង និងជំនាញក្នុងការប្រើប្រាស់ តេស្ត HPV សម្រាប់ការស្រាវជ្រាវរកជំងឺមហារីកមាត់ស្បូន នៅតាមមូលដ្ឋានសុខាភិបាល។
✅ ពង្រឹងជំនាញទំនាក់ទំនង និងការប្រឹក្សាដល់ស្ត្រីគោលដៅ ដើម្បីបង្កើនការទទួលយកសេវាពិនិត្យ និងស្រាវជ្រាវរកជំងឺបានទាន់ពេលវេលា។

🤝 ការិយាល័យសុខាភិបាលស្រុកប្រតិបត្តិសង្កែ សូមថ្លែងអំណរគុណដល់ក្រុមគ្រូបង្គោលថ្នាក់ជាតិ ថ្នាក់មន្ទីរសុខាភិបាល ថ្នាក់ស្រុកប្រតិបត្តិ និងដៃគូពាក់ព័ន្ធទាំងអស់ ដែលបានរួមចំណែកក្នុងការអភិវឌ្ឍសមត្ថភាពមន្ត្រីសុខាភិបាល ដើម្បីលើកកម្ពស់គុណភាពសេវាសុខភាពស្ត្រីនៅមូលដ្ឋាន។

🌿 «ការរកឃើញជំងឺបានទាន់ពេល គឺជាឱកាសដ៏ល្អបំផុតក្នុងការព្យាបាល និងការពារជីវិត។ ការពង្រឹងសមត្ថភាពបុគ្គលិកសុខាភិបាល និងការបង្កើនការយល់ដឹងរបស់ស្ត្រី គឺជាគន្លឹះសំខាន់ក្នុងការកាត់បន្ថយអត្រាឈឺ និងស្លាប់ដោយសារជំងឺមហារីកមាត់ស្បូន។»

🤝 វគ្គបណ្តុះបណ្តាលនេះ ទទួលបានការគាំទ្រថវិកាពីគម្រោង H-EQIP 2
📱មានផ្តល់ជូនជា Tablet និង ទូរទឹកកកសំរាប់មណ្ឌលសុខភាពផងដែរ តាមរយះកម្មវិធីស្រាវជ្រាវជំងឺមហារីកមាត់ស្បូន🙏

14/08/2026

យើងខ្ញុំទាំងអស់គ្នាជាមន្រ្តីរាជការនៃការិយាល័យសុខាភិបាលស្រុកប្រតិបត្តិសង្កែ សូមសម្តែងនូវការអបអរសាទរយ៉ាងជ្រាលជ្រៅចំពោះ
១.លោកអនុបណ្ឌិត សូ សារិទ្ធ ប្រធានការិយាល័យសុខាភិបាលស្រុកប្រតិបត្តិសង្កែ
២.លោកអនុបណ្ឌិត ញូង រ៉ុច អនុប្រធានការិយាល័យសុខាភិបាលស្រុកប្រតិបត្តិសង្កែ
៣.លោក ផល សុជំនឿន ប្រធានមណ្ឌលសុខភាពព្រែកហ្លួង
៤.លោកស្រី ឌិន និមល អនុប្រធានមណ្ឌលសុខភាពព្រែកហ្លួង
ទើបទទួលការតែងតាំថ្មីនេះ សូមគោរពជូនពរឱ្យទទួលបានជោគជ័យគ្រប់ភារកិច្ចថ្មី ដើម្បីរួមចំណែកក្នុងការពង្រឹងវិស័យសុខាភិបាលនៅក្នុងស្រុកប្រតិបត្តិយើង 🎉🎉🎉

06/08/2026

👨‍⚕️សកម្មភាពចុះអប់រំសុខភាពស្តីពីជំងឺគ្រុនឈាម និងគ្រុនចាញ់ ជូនដល់ប្រជាពលរដ្ឋ និងសិស្សានុសិស្ស នៅក្នុងស្រុកសង្កែនិងស្រុកឯកភ្នំ
📢 ការិយាល័យស្រុកប្រតិបត្តិសង្កែ បន្តយកចិត្តទុកដាក់ខ្ពស់លើសុខុមាលភាពរបស់បងប្អូនប្រជាពលរដ្ឋ និងក្មួយៗសិស្សានុសិស្ស!
👨‍⚕️ ក្រុមការងារការិយាល័យស្រុកប្រតិបត្តិសង្កែ ដឹកនាំដោយលោកអនុបណ្ឌិត សូ សារិទ្ធ អនុប្រធានស្រុកប្រតិបត្តិសង្កែ សហការជាមួយមន្ត្រីមណ្ឌលសុខភាព លោកមេភូមិ និងក្រុមទ្រទ្រង់សុខភាពភូមិ បានចុះយុទ្ធនាការអប់រំសុខភាពស្តីពីការការពារជំងឺគ្រុនឈាម និងគ្រុនចាញ់។
🎯 គោលបំណងនៃយុទ្ធនាការ
- ផ្តល់ចំណេះដឹងជាមូលដ្ឋានអំពីមូលហេតុ រោគសញ្ញា និងវិធីបង្ការជំងឺគ្រុនឈាម និងគ្រុនចាញ់។
- ជំរុញការចូលរួមរបស់សហគមន៍ក្នុងការកំចាត់ជម្រកមូសខ្លា និងការចំណាកស្រុកចូលតំបន់ព្រៃភ្នំ។
- លើកកម្ពស់អនាម័យរស់នៅស្អាត ផឹកស្អាត និងហូបស្អាត។
- គេងក្នុងមុងជានិច្ច ទោះបីជាពេលថ្ងៃក៏ដោយ។
- លុបបំបាត់កន្លែងដក់ទឹកជុំវិញផ្ទះ។
- ប្រើប្រាស់ថ្នាំលាបការពារមូស។
- ស្លៀកសម្លៀកបំពាក់វែងៗ។
❤️ យើងសង្ឃឹមយ៉ាងមុតមាំថា សកម្មភាពអប់រំសុខភាពនេះនឹងចូលរួមចំណែកកាត់បន្ថយអត្រាឆ្លងជំងឺគ្រុនឈាម និងគ្រុនចាញ់នៅក្នុងមូលដ្ឋានរបស់យើង។
🙏🏻 ការិយាល័យស្រុកប្រតិបត្តិសង្កែ សូមថ្លែងអំណរគុណយ៉ាងជ្រាលជ្រៅចំពោះអង្គការ Good neihbors ដែលបានឧបត្ថម្ភគាំទ្រ និងការចូលរួមយ៉ាងសកម្មជាមួយមណ្ឌលសុខភាព និងអាជ្ញាធរមូលដ្ឋាន លោកគ្រូអ្នកគ្រូ សិស្សានុសិស្ស និងបងប្អូនប្រជាពលរដ្ឋទាំងអស់។
#ការិយាល័យស្រុកប្រតិបត្តិសង្កែ #អប់រំសុខភាព #ជំងឺគ្រុនឈាម #ជំងឺគ្រុនចាញ់ #សុខភាពសហគមន៍

31/07/2026

🦟យុទ្ធនាការរួមគ្នា បាញ់ថ្នាំសម្លាប់មូសខ្លា បង្ការជំងឺគ្រុនឈាម ក្នុងឃុំអន្លង់វិល

🌡️ដើម្បីសុខភាព និងសុវត្ថិភាពរបស់បងប្អូនប្រជាពលរដ្ឋពីជំងឺគ្រុនឈាម! ក្រុមការងារស្រុកប្រតិបត្តិដឹកនាំដោយ លោក សូ សារិទ្ធ និង លោក ហ៊ា ស៊ិ (អនុប្រធានស្រុកប្រតិបត្តិ) រួមជាមួយ លោក សៅ សុគន្ធរ័ត្ន (មន្ត្រី RRT) តំណាងក្រុមប្រឹក្សាឃុំអន្លង់វិល និងមន្ត្រីមណ្ឌលសុខភាពអន្លង់វិល បានចុះយុទ្ធនាការយ៉ាងសកម្មក្នុងការបាញ់ថ្នាំសម្លាប់មូសខ្លាតាមខ្នងផ្ទះ និងភូមិដ្ឋាននានាក្នុងឃុំអន្លង់វិល។

🦟សូមបងប្អូនប្រជាពលរដ្ឋបន្តអនុវត្តវិធានការរស់នៅស្អាត ធានាថាជុំវិញផ្ទះគ្មានទឹកដក់ និងរួមគ្នាកម្ចាត់ដង្កូវទឹកដើម្បីគ្រួសារគ្មានជំងឺគ្រុនឈាម! 🙏

#សុខភាពសាធារណៈ #យុទ្ធនាការកម្ចាត់មូសខ្លា #អន្លង់វិល

24/07/2026

📢 កម្មវិធីប្រជុំស្តីពី «ការបញ្ជូនស្ត្រីមានហានិភ័យអំឡុងពពោះ»
🗓 ថ្ងៃទី២៣ ខែកក្កដា ឆ្នាំ២០២៦
📍ការិយាល័យសុខាភិបាលស្រុកប្រតិបត្តិសង្កែ
នាព្រឹកថ្ងៃទី២៣ ខែកក្កដា ឆ្នាំ២០២៦ នេះ ការិយាល័យសុខាភិបាលស្រុកប្រតិបត្តិសង្កែ បានរៀបចំ «កម្មវិធីប្រជុំស្តីពីការបញ្ជូនស្ត្រីមានហានិភ័យអំឡុងពពោះ» ក្រោមវត្តមានអញ្ជើញចូលរួមពីសំណាក់ លោក-លោកស្រី ប្រធាន/អនុប្រធានស្រុកប្រតិបត្តិ ប្រធានការិយាល័យ និងមន្ត្រីជំនាញពាក់ព័ន្ធ ព្រមទាំងប្រធានមណ្ឌលសុខភាព និងមន្ត្រីសុខាភិបាលជាច្រើនរូប។
🎯 គោលបំណងសំខាន់ៗនៃអង្គប្រជុំ៖
* បង្កើនចំណេះដឹង៖ ការប្រើប្រាស់ដៃគូបញ្ជូនស្ត្រីមានហានិភ័យ និងកំណត់ហានិភ័យលើស្ត្រីផ្ទៃពោះ។
* រៀបចំប្រព័ន្ធទទួល៖ រៀបចំកន្លែងសម្រាប់ទទួលស្ត្រីមានហានិភ័យដែលបានរកឃើញដោយមណ្ឌលសុខភាព។
* ការគ្រប់គ្រង៖ ការគ្រប់គ្រងប្រព័ន្ធបញ្ជូនស្ត្រីមានហានិភ័យឲ្យកាន់តែមានប្រសិទ្ធភាពខ្ពស់។
💡 ខ្លឹមសារ និងប្រធានបទសំខាន់ៗដែលបានពិភាក្សា៖
១. និតិវិធីប្រតិបត្តិស្តង់ដារនៃការបញ្ជូន៖ ការកំណត់ និងបញ្ជូនស្ត្រីមានហានិភ័យឲ្យបានទាន់ពេលវេលា។
២. ឧបករណ៍ និងទម្រង់បែបបទ៖ ការប្រើប្រាស់ឧបករណ៍ និងវិធីសាស្ត្រ SBAR (Situation, Background, Assessment, Recommendation) ក្នុងការទំនាក់ទំនង និងការបំពេញ ANC Referral Sheet។
៣. អត្ថប្រយោជន៍ចម្បង៖
* កាត់បន្ថយមរណភាពមាតា និងទារកស្លាប់ក្នុងផ្ទៃ/ទារកទើបនឹងកើត
* បញ្ជូនអ្នកជំងឺបានទាន់ពេលវេលា និងបង្កើនលទ្ធផលល្អសម្រាប់ម្តាយ និងទារក
អង្គប្រជុំបានប្រព្រឹត្តទៅដោយបរិយាកាសរីករាយ និងទទួលបានលទ្ធផលយ៉ាងផ្លែផ្កា តាមរយៈការផ្លាស់ប្តូរមតិយោបល់ និងការដោះស្រាយរាល់សំណួរ-ចម្លើយផ្សេងៗ ដើម្បីលើកកម្ពស់គុណភាពនៃការថែទាំសុខភាពមាតា និងទារកនៅក្នុងមូលដ្ឋានឲ្យកាន់តែប្រសើរឡើង។ 🏥💙
#សុខាភិបាល #ស្រុកប្រតិបត្តិសង្កែ #ការថែទាំសុខភាពមាតានិងទារក

07/07/2026

អបអរសាទរ ខួបលើកទី១៨ នៃការដាក់បញ្ចូលប្រាសាទព្រះវិហារ ក្នុងបញ្ជីបេតិកភណ្ឌពិភពលោក ( ៧​ កក្កដា ២០០៨ - ៧ កក្កដា ២០២៦ )
#ស្រុកប្រតិបត្តិសង្កែ #មន្ទីរសុខាភិបាល

30/06/2026

30/06/2026

🦟យុទ្ធនាការរួមគ្នា បាញ់ថ្នាំសម្លាប់មូសខ្លា បង្ការជំងឺគ្រុនឈាម ក្នុងឃុំកំពង់ព្រៀង

🌡️ដើម្បីសុខភាព និងសុវត្ថិភាពរបស់បងប្អូនប្រជាពលរដ្ឋពីជំងឺគ្រុនឈាម! ក្រុមការងារស្រុកប្រតិបត្តិដឹកនាំដោយ លោក សូ សារិទ្ធ និង លោក ហ៊ា ស៊ិ (អនុប្រធានស្រុកប្រតិបត្តិ) រួមជាមួយ លោក សៅ សុគន្ធរ័ត្ន (មន្ត្រី RRT) តំណាងក្រុមប្រឹក្សាឃុំកំពង់ព្រៀង និងមន្ត្រីមណ្ឌលសុខភាពកំពង់ព្រៀង បានចុះយុទ្ធនាការយ៉ាងសកម្មក្នុងការបាញ់ថ្នាំសម្លាប់មូសខ្លាតាមខ្នងផ្ទះ និងភូមិដ្ឋាននានាក្នុងឃុំកំពង់ព្រៀង។

🦟សូមបងប្អូនប្រជាពលរដ្ឋបន្តអនុវត្តវិធានការរស់នៅស្អាត ធានាថាជុំវិញផ្ទះគ្មានទឹកដក់ និងរួមគ្នាកម្ចាត់ដង្កូវទឹកដើម្បីគ្រួសារគ្មានជំងឺគ្រុនឈាម! 🙏

#សុខភាពសាធារណៈ #យុទ្ធនាការកម្ចាត់មូសខ្លា #កំពង់ព្រៀង