សារព័ត៍មាន ប្រជារាស្រ្ត - BCR News

Directions

សារព័ត៍មាន ប្រជារាស្រ្ត - BCR News Contact information, map and directions, contact form, opening hours, services, ratings, photos, videos and announcements from សារព័ត៍មាន ប្រជារាស្រ្ត - BCR News, Medical and health, Khan Sen sok, Phnom Penh.

11/09/2026

នាព្រឹកថ្ងៃទី១១​ ខែកញ្ញា​ ឆ្នាំ២០២៦​ កម្មករនិយោជិតនៃក្រុមហ៊ុន សេលលី ហ្វេសិន ហ្គាមិន ហ្វេកធើរី ផ្ទុះការតវ៉ាក្រោយទទួលដំណឹងបឋមថា​ ថៅកែក្រុមហ៊ុននេះបានរត់ចោល​ មិនបេីកប្រាក់ខែជូនពួកគាត់​ កម្មករធ្វេីការតវ៉ានិងបន្តធ្វេីកូដកម្មបិទផ្លូវសាធារណ:​ ដែលធ្វេីឲ្យកក់ស្ទះ​ ដល់អ្នកដំណេីរ​ ។
យ៉ាងណាមុិញ​ លោក​ ហ្វា​ សាលី​ ប្រធានសម្ព័ន្ធសហជីពជាតិ​ បានអំពាវនាវកុំឱ្យបងប្អូនកម្មករនិយោជិតជ្រេីសរេីសយកនីតិវីធីបិទផ្លូវសាធារណ:​ ដែលធ្វេីឲ្យអ្នកធ្វេីដំណេីរ​ ត្រូវខកខាតការងាររកសុី​ គេត្រូវទៅពេទ្យ​ ដាំបាយទឹកកូនញាំ​ ក្មេងទៅសាលារៀន​ ពុកម៉ែឈឺ​ ដឹកទំនិញអោយគេ​ លនិងល​ ខាតពេលវេលាគេ​ និងមានទោសព្រហ្មទណ្ឌ​ទៀត​ ដូចនេះសូមស្វែងរកការដោះស្រាយដោយសន្តិវិធី​ សារព័ត៌មាន​ប្រជារាស្ត្រ​ សូមបញ្ជាក់ថា​ កម្មករបាតុកម្មមានអាសយដ្ឋាននៅសួនឧស្សាហកម្ម ស៊ូ ចូវ ភូមិព្រែកឡុង ឃុំរកាខ្ពស់ ស្រុកស្អាង ខេត្តកណ្តាល។
#សារព័ត៌មានប្រជារាស្ត្រ​

11/09/2026

លោក​ ហ្វា​ សាលី​ ប្រធានសម្ព័ន្ធសហជីពជាតិ​ បានអំពាវនាវ​ក្នុងបណ្តាញសង្គ​ម​ ស្នេីសុំឱ្យបងប្អូនកម្មករយេីងស្តាប់តាមការនែនាំរបស់​ ឯ.ឧ​ ទុយ​ សុីផាន​ ដែលបានប្រឹងប្រែងរកដំណោះស្រាយជូនបងប្អូន​ យន្តការដោះស្រាយរបស់ក្រសួងការងារគឺ​ មិនធ្វេីឲ្យបងប្អូនកម្មករយេីងខាតបង់អត្ថប្រយោជន៍ឡេីយ​ ។
សូមបញ្ជាក់ថា​ បាតុកម្មរបស់កម្មករនៃក្រុមហ៊ុន​ សេសលី​ ហ្វេសសិន​ ហ្គាមុិន​ ហ្វេកធូរី​ នេះគឺបណ្តាមកពីថៅកែរត់ចោល​ ។
ថ្ងៃទី១១​ ខែកញ្ញា​ ឆ្នាំ២០២៦

ម៉ោង៨ព្រឹកថ្ងៃទី៨ កញ្ញា ២០២៦ កម្មករកម្មការិនីរោងចក្រ​ លានហ្វា​ ហេងយូ ស្ថិតនៅឃុំស្នាមព្រះ ស្រុកបាកាន ខេត្តពោធិ៍សាត់ បានប...
08/09/2026

ម៉ោង៨ព្រឹកថ្ងៃទី៨ កញ្ញា ២០២៦ កម្មករកម្មការិនីរោងចក្រ​ លានហ្វា​ ហេងយូ ស្ថិតនៅឃុំស្នាមព្រះ ស្រុកបាកាន ខេត្តពោធិ៍សាត់ បានប្រមូលផ្តុំគ្នាបិទផ្លូវជាតិលេខ៥ ដើម្បីទាមទារឲ្យថ្នាក់ដឹកនាំរោងចក្រដោះស្រាយបញ្ហាជម្លោះជាមួយមេរដ្ឋបាលនិងជាអ្នកបកប្រែភាសាចិន ម្នាក់ឈ្មោះ ផុង សុខា បានប្រើប្រាស់ពាក្យសម្តីអសុរោះ ជេរប្រមាថ និងកាយវិកាមិនសមរម្យ និងបានធាក់តុម៉ាស៊ីនដាក់កម្មករ។

អភិបាលខេត្តពោធិ៍សាត់ ឯកឧត្តម ខូយ រីដា ឲ្យដឹងថា ការបិទផ្លូវជាតិលេខ៥ នៅទីតាំងរោងចក្រនោះ គឺមានរយៈពេលខ្លីទេ អាជ្ញាធរនិងក្រុមការងារបានដោះស្រាយ បានបើកផ្លូវធ្វើចរាចរណ៍ឡើងវិញហើយ។ ចំណែកបុគ្គលដែលមានជម្លោះគ្នាតែ២នាក់នោះ ត្រូវហៅមកដោះស្រាយគ្នាសាលាខេត្តពោធិ៍សាត់។

លោក ទុយ ស៊ីផាន រដ្ឋលេខាធិការក្រសួងការងារ បានឲ្យដឹងថា កន្លងទៅនេះ ក្រសួងបានធ្វើការប្រជុំ អប់រំ និងបើកវគ្គបណ្តុះបណ្តាលដល់អ្នកមានតួនាទីមួយចំនួននៅក្នុងរោងចក្រ សហគ្រាស ដូចជា អ្នកគ្រប់គ្រង ជាជនបរទេស ខ្មែរ អ្នគ្រប់គ្រងដ្ឋបាល ផ្នែកធនាធានមនុស្ស អ្នកបកប្រែ និងថ្នាក់ដឹកនាំអង្គការវិជ្ជាជីវៈមូលដ្ឋាន អំពីច្បាប់ស្តីពីការងារ លិខិតបទដ្ឋាន និងជាពិសេសបំផុតគឺការប្រើប្រាស់ពាក្យសំដីសមរម្យ មានសីលធម៍ល្អ ចេះគោរពគ្នាទៅវិញទៅមក ការទំនាក់ទំនងល្អ និងការពន្យល់ហេតុផលអោយបានច្បាស់លាស់ ដើម្បីភាពសុខសាន្តនៅតាមរោងចក្រ សហគ្រាស។

ក្រសួងនឹងសហការជាមួយអជ្ញាធរពាក់ព័ន្ធ ចាត់វិធានការយ៉ាងម៉ឺងម៉ាត់ស្របតាមច្បាប់ ចំពោះអ្នកដែលបង្កបញ្ហាដែលនាំអោយមានកូដកម្ម បាតុកម្ម ប៉ៈពាល់ដល់ផលប្រយោជន៍ កម្មករ និយោជិត និយោជក និងសណ្តាប់ធ្នាប់សាធារណៈ៕
ប្រភព:​ និងអត្ថបទដោយលោក​ Veng Sambo

08/09/2026

រដ្ឋមន្ត្រី ហេង សួរ៖ «សព្វថ្ងៃ វិស័យឯកជនសុទ្ធតែមានតម្រូវការចំពោះមុខនូវកម្លាំងពលកម្មដែលចេះជំនាញវិជ្ជាជីវៈ TVET»

28/08/2026

#បន្ថែម ឆេះផ្សារនាគមាស សង្កាត់ផ្សារដើមគរ ខណ្ឌទួលគោក នារសៀលថ្ងៃទី២៨ ខែសីហា ឆ្នាំ២០២៦។

28/08/2026

ឆេះផ្សារនាគមាស សង្កាត់ផ្សារដើមគរ ខណ្ឌទួលគោក នារសៀលថ្ងៃទី២៨ ខែសីហា ឆ្នាំ២០២៦។

26/08/2026

ក្រុមហ៊ុន​ ​ផ្លររីស​ ហ្គាមិន​ ខេមបូឌា​រខុទីតាំងរោងចក្រនៅ,ភូមិស្តៅកន្លែង៥,ឃុំដីឥដ្ឋ,ស្រុកកៀនស្វាយ,ខេត្តកណ្តាល
សូមខាងអធិការកិច្ចក្រសួងចុះផង​ មានភាពមិនប្រក្រតីច្រេីន​ 🙏​ សូមអន្តរាគមន៍អោយកម្មករបានចូលធ្វេីការវិញផង​ ។
ប្រភព:​Farsaly

ឯកឧត្តម ហេង សួរ ក្រើនរំលឹកដល់អ្នកគ្រប់គ្រង មេការ និងអ្នកបកប្រែ នៃរោងចក្រជាពិសេសជនបរទេស ឱ្យចៀសវាងការប្រើពាក្យសម្តីនិងអាកប...
26/08/2026

ឯកឧត្តម ហេង សួរ ក្រើនរំលឹកដល់អ្នកគ្រប់គ្រង មេការ និងអ្នកបកប្រែ នៃរោងចក្រជាពិសេសជនបរទេស ឱ្យចៀសវាងការប្រើពាក្យសម្តីនិងអាកប្បកិរិយាមិនសមរម្យ ដែលបង្កឱ្យផ្ទុះការតវ៉ាពីកម្មករនិយោជិតក្លាយជាកូដកម្ម

ភ្នំពេញ៖ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជាអធិបតីក្នុងកិច្ចប្រជុំស្តីពី “ការលើកកម្ពស់ការយល់ដឹងស្ដីពីការបង្ការ និងទប់ស្កាត់ហិង្សា និងការបៀតបៀននៅកន្លែងធ្វើការ” នារសៀលថ្ងៃទី២៤ ខែសីហា ឆ្នាំ២០២៦ នៅទីស្តីការក្រសួង ដើម្បីជំរុញម្ចាស់សហគ្រាស ក្រុមហ៊ុន រោងចក្រ និងបងប្អូនកម្មករនិយោជិតឱ្យមានការយល់ដឹងកាន់តែស៊ីជម្រៅពីសិទ្ធិ និងកាតព្វកិច្ចរបស់ខ្លួនក្នុងការចូលរួមលើកកម្ពស់បរិយាកាសការងារមួយប្រកបដោយសុវត្ថិភាព សុខដុមរមនា សេចក្ដីថ្លៃថ្នូរ និងការគោរពគ្នានៅកន្លែងការងារ ដោយចៀសវាងការបង្កឱ្យមានការតវ៉ាដែលនាំឱ្យប៉ះពាល់ដល់ផលិតភាព។

ថ្លែងទៅកាន់អ្នកចូលរួមដែលភាគច្រើនជាជនបរទេសប្រមាណ ៤០០នាក់ ដែលមានតួនាទីជាអ្នកគ្រប់គ្រង មេការ និងអ្នកបកប្រែ នៃសហគ្រាស ក្រុមហ៊ុន និងរោងចក្រ ឯកឧត្តមរដ្ឋមន្រ្តីបានលើកឡើងពីសារៈសំខាន់ក្នុងការបញ្រ្ជាបការយល់ដឹងពីសិទ្ធិ និងកាតព្វកិច្ច អ្វីដែលគួរធ្វើ និងអ្វីដែលមិនគួរធ្វើ ដើម្បីរួមគ្នាលុបបំបាត់បាតុភាពផ្សេងៗជាវិវាទការងារ ដែលបណ្តាលមកពីការប្រើប្រាស់អាកប្បកិរិយាមិនសមរម្យ ការជេរប្រមាថ និងការបៀតបៀនគ្រប់ទម្រង់នៅកន្លែងធ្វើការ។

ឯកឧត្តមរដ្ឋមន្រ្តី បានបញ្ជាក់យ៉ាងម៉ឺងម៉ាត់ក្នុងអនុវត្តចំណាត់ការច្បាប់ចំពោះអ្នកប្រព្រឹត្តល្មើស ដូចករណីថ្មីៗនេះ ដែលក្រសួងបានចេញសេចក្តីប្រកាសព័ត៌មាន ចំណាត់ការលើអ្នកគ្រប់គ្រងជាជនបរទេសចំនួនពីរនាក់ដែលបានប្រើប្រាស់អាកប្បកិរិយាមិនសមរម្យជាមួយបងប្អូនកម្មករនិយោជិត។ ឯកឧត្តមសង្កត់ធ្ងន់ថា ក្រសួងអាចលើកលែងបានបើវាជាករណីលើកទី១ ប៉ុន្តែបើបុគ្គលទាំងនោះប្រព្រឹត្តកំហុសដដែលម្តងទៀត នឹងប្រឈមការដកហូតបណ្ណការងារ និងបណ្ដេញចេញពីកម្ពុជាដោយគ្មានការលើកលែង។ រីឯអ្នកបកប្រែភាសា ក៏អាចប្រឈមនឹងការបញ្ឈប់ពីការងារផងដែរ ប្រសិនបើរកឃើញថាកំហុសបង្កឡើងពីអ្នកបកប្រែ។

ទោះយ៉ាងណា នៅមុនពេលមានចំណាត់ការយ៉ាងតឹងរ៉ឹងនោះ ឯកឧត្តមរដ្ឋមន្រ្តី លើកទឹកចិត្តដល់អ្នកគ្រប់គ្រង មេការ និងអ្នកបកប្រែ ជាពិសេសជនបរទេស មកទទួលការបណ្តុះបណ្តាលដែលវិទ្យាស្ថានជាតិការងារ នឹងបើកវគ្គបណ្តុះបណ្តាលចាប់ពីខែកញ្ញាខាងមុខ ឱ្យយល់ដឹងកាន់តែច្បាស់ពីសុជីវធម៌ វប្បធម៌ និងទំនៀមទម្លាប់ប្រជាជនខ្មែរ រួមទាំងវិធីសាស្រ្តក្នុងការគ្រប់គ្រងធនធានមនុស្ស និងវិធីសាស្រ្តក្នុងការដោះស្រាយបញ្ហា ដើម្បីបង្កើតបាននូវវប្បធម៌សុខដុមរមនានៅកន្លែងធ្វើការ។ ឯកឧត្តមក៏បានជម្រាបជូនអង្គប្រជុំឱ្យទាញយកឯកសារច្បាប់ស្តីពីការងារ ពី QR Code ដែលក្រសួងបានបកប្រែជា ៤ភាសា (ភាសាអង់គ្លេស ចិន កូរ៉េ និងជប៉ុន) យកទៅអានឬសិក្សាដើម្បីឱ្យយល់ដឹងពីលក្ខខណ្ឌការងារ លើកកម្ពស់ឱ្យមានវប្បធម៌អនុលោមភាព និងវប្បធម៌នៃការគោរពច្បាប់។

ឯកឧត្តមសង្ឃឹមថា ម្ចាស់សហគ្រាស ក្រុមហ៊ុន និងរោងចក្រទាំងអស់ ជាពិសេសបុគ្គលដែលធ្វើការផ្ទាល់ជាមួយបងប្អូនកម្មករនិយោជិត នឹងប្រកាន់ខ្ជាប់នូវការគោរពសិទ្ធិការងារ ការគោរពសេចក្ដីថ្លៃថ្នូររបស់កម្មករនិយោជិត និងហាមឃាត់ ព្រមទាំងទប់ស្កាត់រាល់ទម្រង់នៃការជេរប្រមាថ ការគំរាមកំហែង និងអាកប្បកិរិយាមិនសមរម្យជាដាច់ខាត។ បងប្អូនកម្មករនិយោជិតទាំងអស់ ក៏ត្រូវប្រកាន់ខ្ជាប់នូវវិន័យការងារ គោរពសិទ្ធិគ្នាទៅវិញទៅមក គោរពបទបញ្ជាផ្ទៃក្នុង និងផ្តល់ព័ត៌មានភ្លាមៗមកមន្រ្តីអធិការការងារ ប្រសិនបើមានករណីរំលោភបំពាន តាមរយៈប្រព័ន្ធ Hotline លេខ ១២៨៦ ឬប្រអប់បណ្តឹងអនាមិករបស់ក្រសួង https://feedback.mlvt.gov.kh/feedback ៕

សេចក្តីប្រកាសព័ត៌មាន ស្តីពីចំណាត់ការលើអ្នកគ្រប់គ្រងជាជនបរទេសដែលប្រើប្រាស់អាកប្បកិរិយា និងពាក្យសម្តីមិនសមរម្យ ជាមួយបងប្អូ...
19/08/2026

សេចក្តីប្រកាសព័ត៌មាន ស្តីពីចំណាត់ការលើអ្នកគ្រប់គ្រងជាជនបរទេសដែលប្រើប្រាស់អាកប្បកិរិយា និងពាក្យសម្តីមិនសមរម្យ ជាមួយបងប្អូនកម្មករនិយោជិតខ្មែរ​ ។

18/08/2026

#ផ្ទុះបាតុកម្ម ករណីមេការចិនរវៀសកញ្ចប់បាយ​កម្មករ​ពេលបងប្អូនកម្មករសម្រាក​ហូបបាយថ្ងៃត្រង់​ នៅរោងចក្រកាត់ដេរសំលៀកបំពាក់​ ចាស្ទីន អេលេន​ ( ខេមបូឌា) ស្ថិតនៅ ភូមិក្រាំងស្បូវ ឃុំព្រះពុទ្ធ ផ្លូវជាតិលេខ២ ស្រុកកណ្តាលស្ទឹង ខេត្តកណ្តាល
នាវេលាម៉ោង១២​ ថ្ងៃទី១៨​ ខែសីហា​ ឆ្នាំ២០២៦
#ប្រភពកម្មករ​ និងសម្ពន្ធ័សហជីពជាតិ

Address

Khan Sen Sok
Phnom Penh
120802

Website

Alerts

Be the first to know and let us send you an email when សារព័ត៍មាន ប្រជារាស្រ្ត - BCR News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category