បន្ទប់ថែទាំជម្ងឺ ថ្នល់កែង - Thnol Keng Health Care

31/07/2026

https://www.facebook.com/share/p/19HDWLE6wP/

11/07/2026

https://www.facebook.com/share/p/1Tpk2aE4jE/

🚨 កុំបន្ថែមថ្មាំបញ្ចុះកំដៅកូន ទោះកំដៅមិនទាន់ចុះក៏ដោយ

ឃើញកូនក្ដៅខ្លួនខ្លាំង ៣៩-៤០អង្សា ម៉ាក់ប៉ាណាទ្រាំបាន! ពេលខ្លះទើបលេបថ្នាំបាន ២-៣ម៉ោង កម្ដៅអត់ចុះ ក៏សម្រេចចិត្តថែមថ្នាំឱ្យកូនទៀត។ ប៉ុន្តែ ម៉ាក់ៗដឹងទេថា បើកូនកំពុងមាន «ជំងឺគ្រុនឈាម» ការធ្វើបែបនេះគឺគ្រោះថ្នាក់បំផុត! 😰

⚠️ ហេតុអ្វីមិនគួរថែមថ្នាំមុន ៤ម៉ោង ឬឱ្យលើសកម្រិត?
ថ្នាំបញ្ចុះកម្ដៅ Paracetamol ត្រូវបន្សាបដោយសរីរាង្គថ្លើម។ ជំងឺគ្រុនឈាមខ្លួនឯង វាយលុកធ្វើឱ្យថ្លើមកូនរលាកស្រាប់ទៅហើយ បើយើងបន្ថែមថ្នាំប៉ារ៉ាញឹកញាប់ពេក ឬលើសកម្រិតទៀត វានឹងបណ្ដាលឱ្យកូន ពុលថ្នាំ ឬខូចថ្លើមធ្ងន់ធ្ងរ ដែលអាចគំរាមកំហែងដល់អាយុជីវិតបានយ៉ាងរហ័ស! កូនមិនគ្រោះថ្នាក់ដោយសារគ្រុន តែអាចស្លាប់ដោយសារថ្នាំទៅវិញ ❌

💡 បើលេបថ្នាំហើយនៅតែក្ដៅ តើម៉ាក់ប៉ាគួរធ្វើម៉េច?
សូមអនុវត្តវិធីសាស្រ្តធម្មជាតិរួមផ្សំ កុំពឹងផ្អែកតែលើថ្នាំ៖

💧 ជូតខ្លួនកូនជាមួយទឹកក្ដៅឧណ្ហៗ៖ យកកន្សែងជូតត្រង់ ក្លៀក ក្រលៀន ក និងថ្ងាស ដើម្បីបើករន្ធញើសបញ្ចេញកម្ដៅ (ហាមប្រើទឹកត្រជាក់)។
👕 ស្លៀកពាក់ស្ដើងៗ៖ ឱ្យកូនស្លៀករលុងៗ ហាមដណ្ដប់ភួយក្រាស់ៗពេលកំពុងក្ដៅខ្លួនខ្លាំង។
🥥 បញ្ចុកទឹកឱ្យបានច្រើន៖ ឱ្យកូនញ៉ាំទឹក ទឹកអូរ៉ាលីត (ORS) ទឹកដូង ឬទឹកផ្លែឈើ ដើម្បីការពារការខ្សោះជាតិទឹក ព្រោះកាលណាខ្សោះជាតិទឹក កម្ដៅក៏មិនងាយចុះដែរ។

🚫 បម្រាមសុខភាពដ៏សំខាន់៖
សម្រាប់ជំងឺគ្រុនឈាម ហាមប្រើថ្នាំ Aspirin ឬ Ibuprofen ដាច់ខាត ព្រោះវាធ្វើឱ្យហូរឈាមក្នុងសរីរាង្គ។ ប្រើបានតែ Paracetamol តាមកម្រិតទម្ងន់កូន និងត្រូវគម្លាតគ្នាយ៉ាងហោចណាស់ ៤ ទៅ ៦ម៉ោង។

🏥 បើកូននៅតែក្ដៅខ្លាំង ក្អួតញឹកញាប់ ឈឺពោះ ឬត្រជាក់ដៃត្រជាក់ជើង សូមប្រញាប់នាំកូនទៅមន្ទីរពេទ្យជាបន្ទាន់ មិនត្រូវទុកយូរឡើយ!

ចែករំលែក (Share) ព័ត៌មាននេះទៅកាន់ម៉ាក់ប៉ាដទៃទៀត ដើម្បីសុវត្ថិភាពកូនៗទាំងអស់គ្នា! ❤️👨‍👩‍👧‍👦 ស្វែងយល់បន្ថែមជាមួយខ្ញុំ https://t.me/AngtaminhKidClinic ឬតាមដាន Page ដើម្បីដឹងពីសញ្ញាគ្រោះថ្នាក់

#សុខភាពកុមារ #ជំងឺគ្រុនឈាម #ការថែទាំកូន

12/06/2026

29/05/2026