01/08/2026
លិខិតជូនពរ 🙏🇰🇭🙏
សូមគោរពជូន
សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា
និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា
------------------
សម្តេចអគ្គមហាសេនាបតីតេជោ ជាទីគោរពដ៏ខ្ពង់ខ្ពស់បំផុត!
នាឱកាសដ៏មង្គលាភិរម្យប្រសើរថ្លៃថ្លានៃទិវាខួបចម្រើនជន្មាយុ របស់សម្តេចអគ្គមហាសេនាបតីតេជោ ដែលនឹងប្រព្រឹត្តទៅនៅថ្ងៃពុធ ទី៥ ខែសីហា ឆ្នាំ២០២៦ខាងមុខនេះ ក្នុងនាមគណៈដឹកនាំចលនាយុវជនស្ម័គ្រចិត្តសហភាពសហព័ន្ធយុវជនកម្ពុជា និងក្រុមការងារយុវជន ស.ស.យ.ក. ប្រចាំសាកលវិទ្យាល័យ
ពុទ្ធិសាស្រ្ត និងក្នុងនាមខ្លួនខ្ញុំផ្ទាល់ សូមសម្តែងនូវអំណរសាទរយ៉ាងក្រៃលែងនិងសូមគោរពជូនពរសព្ទសាធុការពរជ័យ បវរសួស្តី សិរីមង្គល វិបុលសុខមហាប្រសើរគ្រប់ប្រការជូនចំពោះ សម្តេចតេជោ សូមទទួលបាននូវសុខភាពល្អបរិបូរ កម្លាំងមាំមួន បញ្ញាញាណវាងវៃ ជន្មាយុយឺនយូរ ដើម្បីបន្តដឹកនាំព្រឹទ្ធសភា ដែលជាស្ថាប័ននីតិប្បញ្ញត្តិកំពូលរបស់ជាតិឱ្យសម្រេចបានជោគជ័យនូវសមិទ្ធផលថ្មីៗបន្ថែមទៀត ក្នុងគោលដៅលើកកម្ពស់នីតិរដ្ឋ និងបន្តចូលរួមថែរក្សាសុខសន្តិភាព ស្ថិរភាពនយោបាយ និងការពារយ៉ាងរឹងមាំនូវអធិបតេយ្យភាពជាតិ និងបូរណភាពទឹកដីនៃព្រះរាជាណាចក្រកម្ពុជា។
