HBC

15/05/2025

19/02/2025

តើ Bepirovirsen ជាអ្វី?

Bepirovirsen គឺជាថ្នាំដែលអះអាងថាមានប្រសិទ្ធភាព ក្នុងការប្រើសម្រាប់ព្យាបាលជំងឺរលាកថ្លើមប្រភេទបេរាំរៃ ដែលអ្នកវិទ្យាសាស្រ្តកំពុងតែស្រាវជ្រាវ។ ថ្នាំនេះគឺផលិតនិងចែកចាយដោយ GSK ដែលជាក្រុមហ៊ុន​ផលិត​ និងចែកចាយឱសថ​របស់អង់គ្លេស។ ថ្នាំប្រភេទចាក់ថ្មីនេះគឺប្រើសម្រាប់ព្យាបាលជំងឺរលាកថ្លើមប្រភេទបេ ដោយបន្ថយចំនួនមេរោគដល់ចំនុចទាបបំផុតកម្រិតពិនិត្យលែងឃើញ ដែលមេរោគមិនបង្កហានិភ័យដល់ខ្លួនប្រាណ និងមិនអាចឆ្លងបាន។ វាក៏មានប្រសិទ្ធភាពក្នុងការព្យាបាលបានលឿនជាងការព្យាបាលដោយប្រើថ្នាំនាពេលបច្ចុប្បន្ន (មេរោគធ្លាក់ចុះក្នុងរយៈពេលត្រឹម 12-24 សប្តាហ៍) ដោយអ្នកជំងឺមិនចាំបាច់ត្រូវទទួលទានថ្នាំជារៀងរាល់ថ្ងៃ ឬមួយជីវិតទៀតទេ។

Bepirovirsen ធ្លាប់បានឆ្លងកាត់ការតេស្តពិសោធន៍ឃ្លីនិកកម្រិតទី២ (Phase 2b) ដែលទទួលបានលទ្ធផលល្អ តាមការពិនិត្យបង្ហាញថា៩ ទៅ១០% នៃអ្នកជំងឺបានទទួលការព្យាបាលជោគជ័យ ដោយចំនួនមេរោគបានធ្លាក់ចុះដល់កម្រិតដែលមិនអាចចាប់បាន។ ដោយសារតែសក្តានុពលដ៏អស្ចារ្យរបស់ Bepirovirsen រដ្ឋបាលផ្នែកចំណីអាហារ និងឱសថអាមេរិក (​FDA) បានផ្តល់សិទ្ធពិសេស (Fast Track Designation) ដែលអនុញ្ញាតឱ្យ GSK ធ្វើការយ៉ាងជិតស្និតជាមួយ FDA ក្នុងការស្រាវជ្រាវ និង ត្រួតពិនិត្យគុណភាព ដើម្បីថ្នាំព្យាបាលនេះអាចចេញលក់ផ្លូវការឱ្យបានលឿនបំផុតតាមតែអាចធ្វើបាន។

សូមបញ្ជាក់ផងដែរថា Bepirovirsen មិនអាចព្យាបាលជំងឺរលាកថ្លើមបានជាសះស្បើយទាំងស្រុងនោះទេ តែថ្នាំនេះនេះមានសមត្ថភាពអាចបន្ថយចំនួនមេរោគបានលឿនក្នុងរយៈពេលខ្លី ហើយអ្នកជំងឺគួរតែបន្តតាមដានស្ថានភាពសុខភាព និង ថ្លើមឲ្យបានទៀងទាត់ដើម្បីជៀសវាងការឡើងចំនួនមេរោគវិញដោយមិនដឹងខ្លួន ដែលអាចជាហានិភ័យសម្រាប់សុខភាព។

ក្នុងខណៈពេលនេះ Bepirovirsen តម្រូវឱ្យឆ្លងកាត់ការពិសោធន៍ជាច្រើនទៀត ដើម្បីច្បាស់ថាថ្នាំនេះគឺមានប្រសិទ្ធភាព និងមិនផ្តល់ផលប៉ះពាល់ណាមួយពិតប្រាកដមែន ប៉ុន្តែការរកឃើញនេះគឺជាជំហ៊ានឈានទៅមុខដ៏អស្ចារ្យមួយក្នុងការស្វែងរកការព្យាបាលជំងឺរលាកថ្លើមប្រភេទបេ និងជាក្តីសង្ឃឹមមួយថ្មីទៅដល់អ្នកជំងឺរលាកថ្លើមប្រភេទបេទូទាំងពិភពលោក។

សូមតាមដាន HEA ដើម្បីទទួលបានព័ត៌មានថ្មីៗ និងចំនេះដឹងពីជំងឺរលាកថ្លើម!

សម្រាប់ព័ត៌មានបន្ថែម សូមទាក់ទងមកកាន់ HEA តាមរយៈលេខទូរស័ព្ទ 081 275 651 ឬ https://t.me/heaptsupport 📲

ដើម្បីទទួលបានព័ត៌មាននានាអំពីជំងឺរលាកថ្លើមប្រភេទបេ និងសេ សូមចូលទៅកាន់តំណរភ្ជាប់ https://t.me/HepatitisSharingCommunity

គ្រុបចែករំលែកបទពិសោធន៍ពាក់ព័ន្ធបញ្ហារលាកថ្លើមប្រភេទបេ និងសេ https://t.me/+ZW-nkuGvOMQ1OTI1

08/12/2024

យល់ដឹងពីវ៉ាក់សាំង រលាកថ្លើមប្រភេទ បេ

04/12/2024

តំលៃព្យាបាលជំងឺថ្លើមបេ និងសេ