មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ

03/06/2026

មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ (ម.គ.ច.) ពិភាក្សាការងារជាមួយប្រតិភូរបស់វិទ្យាស្ថានជាតិសុខភាពសហរដ្ឋអាមេរិក​ក្នុងដំណើរទស្សនកិច្ចនៅកម្ពុជា
————
រាជធានីភ្នំពេញ៖ នាព្រឹក​ថ្ងៃពុធ ៣​រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ លោកបណ្ឌិតប្រធាន ម.គ.ច. នៃក្រសួងសុខាភិបាល និងសហការី បានទទួលបដិសណ្ឋារកិច្ចស្វាគមន៍ និងពិភាក្សាការងារជាមួយលោកស្រីវេជ្ជបណ្ឌិត Lisa Mills, នាយករងទទួលបន្ទុកស្រាវជ្រាវអន្តរជាតិ ផ្នែកអាំងត្រាម៉ូរ៉ាល់ វិទ្យាស្ថានជាតិអាឡែហ្ស៊ី និងជម្ងឺឆ្លង (NIAID) វិទ្យាស្ថានជាតិសុខភាពសហរដ្ឋអាមេរិក (NIH) និងសហការី​។ ក្នុងជំនួបពិភាក្សាការងារនោះ លោកបណ្ឌិតប្រធាន ម.គ.ច. បានពាំនាំនូវប្រសាសន៍ដ៏ខ្ពង់ខ្ពស់របស់ឯកឧត្តមសាស្រ្តាចារ្យ ឈាង រ៉ា រដ្ឋមន្ត្រីក្រសួងសុខាភិបាល ផ្តាំផ្ញើសួរសុខទុក្ខ និងថ្លែងអំណរគុណដល់ប្រតិភូរបស់វិទ្យាស្ថានជាតិសុខភាពសហរដ្ឋអាមេរិក​ក្នុងដំណើរទស្សនកិច្ចនៅកម្ពុជា។

ចាប់តាំងពីឆ្នាំ២០០៥ មក NIH/NIAID បានរក្សានូវភាពជាដៃគូស្រាវជ្រាវវិទ្យាសាស្ត្រដ៏យូរអង្វែង និងផ្តល់ផលប្រយោជន៍រួមគ្នាជាមួយ ម.គ.ច.។ ដោយយល់ឃើញពីសារៈសំខាន់នៃកិច្ចសហប្រតិបត្តិការក្នុងការស្រាវជ្រាវ ជីវវេជ្ជសាស្ត្រ ការបណ្តុះបណ្តាល និងការពង្រឹងសមត្ថភាព NIH/NIAID បានគាំទ្រ ម.គ.ច. ក្នុងការពង្រឹងសមត្ថភាពវិទ្យាសាស្ត្រ និងមន្ទីរពិសោធន៍ លើកកម្ពស់សមត្ថភាពស្រាវជ្រាវ និងផ្តល់ឱកាសបណ្តុះបណ្តាលដល់អ្នកស្រាវជ្រាវ និងបុគ្គលិកសុខាភិបាលសាធារណៈ។ កិច្ចសហប្រតិបត្តិការនេះបានចូលរួមចំណែកយ៉ាងសំខាន់ក្នុងការយល់ដឹងអំពីយន្តការបង្កជំងឺ ការព្យាបាល និងការគ្រប់គ្រងជំងឺគ្រុនចាញ់ ជំងឺគ្រុនឈាម និងជំងឺផ្សេងៗទៀត ដែលជាអាទិភាព សម្រាប់សហរដ្ឋអាមេរិក និងព្រះរាជាណាចក្រកម្ពុជា។

ក្នុងជំនួបនោះផងដែរ រួមមានការពិភាក្សាទៅលើគោលដៅមួយចំនួនដូចជា៖ ១)- យុទ្ធសាស្ត្រអាទិភាពរបស់ ​ម.គ.ច. ២)- សកម្មភាពការងារក្រោមអនុស្សរណៈនៃការយោគយល់ ៣)-​ កិច្ចសហប្រតិបត្តិការនាពេលអនាគត។ លោកបណ្ឌិតប្រធានមជ្ឈមណ្ឌលជាតិ បានសម្តែងនូវការកោតសរសើរ និងថ្លែងអំណរគុណយ៉ាងជ្រាលជ្រៅដល់គណៈប្រតិភូសហរដ្ឋអាមេរិក ចំពោះកិច្ចសហប្រតិបត្តិការជាបន្តបន្ទាប់ ការគាំទ្រផ្នែកបច្ចេកទេស និងការប្តេជ្ញាចិត្តក្នុងការពង្រឹងភាពជាដៃគូដ៏យូរអង្វែងរវាង ម.គ.ច. និង​ NIH​។ លោកស្រីវេជ្ជបណ្ឌិត Lisa Mills សម្តែងនូវការកោតសរសើរ ម.គ.ច. ចំពោះសមិទ្ធផលដ៏គួរឱ្យកត់សម្គាល់ក្នុងការងារតាមដាន និងការគ្រប់គ្រងជំងឺដែលដែលបង្ករដោយភ្នាក់ងារចម្លងជំងឺ និងជំងឺបង្ករដោយពពួកដង្កូវប៉ារ៉ាស៊ីត នៅព្រះរាជាណាចក្រកម្ពុជា។ លោកស្រីវេជ្ជបណ្ឌិតក៍បានសម្តែងនូវការកោតសរសើរចំពោះកិច្ចសហប្រតិបត្តិការរវាង ម.គ.ច. និង NIH/NIAID ដែលបានអនុញ្ញាតឱ្យមានការសិក្សាស្រាវជ្រាវវិទ្យាសាស្ត្រទំនើបឈានមុខគេ ដែលរួមចំណែកដ៍សំខាន់ដល់វិស័យសុខាភិបាលសាធារណៈ។ បញ្ចប់កិច្ចពិភាក្សា លោកបណ្ឌិតប្រធានក៏បានជូនពរដល់គណៈប្រតិភូឱ្យទទួលបានជោគជ័យក្នុងដំណើរទស្សនកិច្ចនៅព្រះរាជាណាចក្រកម្ពុជា។

03/06/2026

03/06/2026

03/06/2026

02/06/2026

ញត្ដិគាំទ្រ ចំពោះចំណាត់ការរបស់រាជរដ្ឋាភិបាលកម្ពុជា ក្នុងការដោះស្រាយបញ្ហាទាមទារដែនសមុទ្រដោយសន្តិវិធី និងស្របតាមច្បាប់អន្តរជាតិ។

01/06/2026

ព្រឹកថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០១ ខែមិថុនា ឆ្នាំ២០២៦
មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្រ្ត(ម.គ.ច) បានរៀបចំកិច្ចប្រជុំថ្នាក់ ដឹកនាំ ប្រធាន/អនុប្រធានការិយាល័យ និងប្រធានផ្នែក។

មុនចាប់ផ្តើមកិច្ចប្រជុំក៏មានការគោរពទង់ជាតិ នៃព្រះរាជាណាចក្រកម្ពុជា ដោយច្រៀងផ្ទាល់នូវបទ "នគររាជ" និងការគោរពវិញ្ញាណក្ខន្ធដល់វីរកងទ័ពកម្ពុជា ដែលបានពលីជីវិត ក្នុងបុព្វហេតុការពារបូរណភាពទឹកដីពីសត្រូវឈ្លានពានយោធាថៃ។

គោលបំណងកិច្ចប្រជុំ៖

១. វឌ្ឍនភាពការងារនៃការិយាល័យរដ្ឋបាល
២. បច្ចុប្បន្នភាពការងារកម្មវិធីជាតិប្រយុទ្ធនឹងជំងឺគ្រុនចាញ់
៣. ការងារអប់រំសុខភាពក្នុងបរិបទបង្ការការកកើតជំងឺគ្រុនចាញ់ ឡើងវិញ និងបច្ចុប្បន្នភាពការផលិតសារអប់រំសុខភាពស្តីពីការទប់ស្កាត់ និងបង្ការការនាំចូលជំងឺគ្រុនចាញ់៕

01/06/2026

អបអរសាទរ​ ខួបទី៧៧ ទិវាកុមារអន្តរជាតិ (១មិថុនា) ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

ការប្រារព្ធទិវាកុមារអន្តរជាតិនេះឡើង គឺដើម្បីរម្លឹកដល់ការអនុវត្តសិទ្ធិជាមូលដ្ឋានរបស់កុមារ និងបង្ហាញពីការយកចិត្តទុកដាក់របស់រាជរដ្ឋាភិបាល ក្នុងការដោះស្រាយបញ្ហាប្រឈមនានារបស់កុមារ ជាពិសេសការបង្ការទប់ស្កាត់ និងឆ្លើយតបចំពោះអំពើហិង្សាលើកុមារ ពលកម្មកុមារ សុវត្ថិភាពកុមារតាមប្រព័ន្ធអនឡាញ ដោយជួយគាំទ្រដល់កុមាររងគ្រោះ និងងាយរងគ្រោះពីហានិភ័យ ការគំរាមកំហែង ការកេងប្រវ័ញ្ច និងការរំលោភបំពានគ្រប់ទម្រង់បានទាន់ពេលវេលាប្រកបដោយប្រសិទ្ធភាព ដើម្បីឱ្យកុមាររស់នៅ និងអភិវឌ្ឍដោយសុខដុមរមនាក្រោមម្លប់សន្តិភាព។

ជាការពិតណាស់ កុមារគឺជាធនធានដ៏មានតម្លៃនិងមិនអាចខ្វះបានសម្រាប់ការអភិវឌ្ឍប្រទេសជាតិ។ ជាក់ស្តែង​​ យុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលបានកំណត់យក «មនុស្ស» ជាវិស័យ អាទិភាពចម្បងបំផុតក្នុងចំណោមអាទិភាពទាំង៥។ ហេតុនេះ ការវិនិយោគលើសុខុមាលភាព សុវត្ថិភាព និងការអភិវឌ្ឍកុមារនៅថ្ងៃនេះ គឺជាការកសាងមូលដ្ឋានគ្រឹះដ៏រឹងមាំនៃមូលធនមនុស្សប្រកបដោយសក្តានុពល ដើម្បីជំរុញសន្ទុះការអភិវឌ្ឍកម្ពុជាឱ្យកាន់តែរីកចម្រើននិងរុងរឿងនាពេលអនាគត។

១ មិថុនា ១៩៤៩ ~ ១ មិថុនា ២០២៦

Celebrating the 77th Anniversary of International Children’s Day (June 1) under the theme: “Peace is the Foundation of Respecting and Protecting Children’s Rights”

The celebration of International Children’s Day commemorates the implementation of children's fundamental rights and highlights the government's commitment to addressing children's challenges, particularly in preventing and responding to violence against children, child labor, and online safety. This includes supporting children who are victims and those vulnerable to all forms of risk, threats, exploitation, and abuse in a timely and effective manner, ensuring that children can live and develop harmoniously under the protection of peace.

Indeed, children represent a vital resource for national development. The Royal Government of Cambodia's Pentagonal Strategy Phase-1 has designated “people” as the foremost priority sector. Therefore, investing in well-being, safety, and development of children today, is an investment in Cambodia’s future, building a strong foundation of human capital that holds the potential for Cambodia’s future growth and prosperity.

1 June 1949 ~ 1 June 2026

#ហ៊ុនម៉ាណែត #កម្ពុជា #សន្តិភាពនៅកម្ពុជា