01/04/2026
ភាគច្រើនយល់ថា មនុស្សទាល់តែឆ្លង ១០ឆ្នាំប្រមាណ ៧ ទៅ ៨ដង ទើបស្លាប់ មានន័យថានៅយូរ ហើយឆ្ងាយទៀតទើបទៅដល់។
បើគិតបែបនេះ បានន័យថាចិត្តគំនិតមិនដែលបានរៀន និងមិនយល់ពីជីវិតទេ ពីព្រោះមានច្រើនណាស់ដែលស្លាប់មុនបានទៅដល់ ៧ ឬ ៨ដងនៃ ១០ឆ្នាំ រៀងភ្ញាក់បន្តិចហើយមែនទេ? ក្រោយអានដល់ចំណុចនេះ។ ឥឡូវសាកទៅមើលរូបភាពនេះម្តងទៀត តាមពិតមើលនឹងភ្នែកក៏ឃើញកើត និងស្លាប់នៅជិត ឬជាប់គ្នាតែម្តង។
បើគ្រប់គ្នាមិនដឹងថាទៅវិញនៅពេលណាផង កំណត់មិនបានផង តើគួរប្រកាន់មាំនឹងសេចក្តីអាក្រក់ ព្យាបាទគ្នា ដើម្បីតែបំពេញលោភៈ កិលេស មិនចេះឆ្អែតដល់ពេលណា។ រៀនលៈបង់ រៀនចែករំលែកខ្លះទៅ ពិភពលោកសព្វថ្ងៃរងគ្រោះដោយសារតែក្រុមមនុស្សដែលមានលុយ មានអំណាចមួយក្រុមប៉ុណ្ណោះ ពួកគេចង់បានមិនចេះចប់ មិនចេះឆ្អែត ដូច្នេះត្រូវធ្វើរឿងអាក្រក់គ្រប់យ៉ាង។
ត្រូវដឹងថា អ្នកមិនអាចយកសូម្បីតែ ១កាក់គេដាក់ក្នុងមាត់នោះទៅជាមួយបានផង តែរាល់សេចក្តីអាក្រក់ដែលបានធ្វើនឹងតោងទៅជាមួយអ្នក។
គ្មានខុស គ្មានត្រូវ សរុបមកគ្រប់គ្នាសុទ្ធតែត្រូវ អ្វីដែលខុសគឺ កម្រិតនៃតួបញ្ញា។
ព្រះពុទ្ធ មិនហៅការរស់បាន ១០០ឆ្នាំ ឬយូរជាងនេះថាជា រស់ដោយល្អ ឬភាសារបុថុជ្ជនហៅជីវិតជោគជ័យជាងគេទេ ខ្លះរស់វែងដើម្បីតែធ្វើបាបគេឲ្យបានយូរ និងបានច្រើនទេ។ លោកហៅអ្នករស់បានតែមួយថ្ងៃ ឬមួយខណៈ ក៏ដោយ ឲ្យតែរស់ជាមួយការយល់ត្រូវ ឬរស់ជាមួយសមាទិដ្ឋិគឺជាការរស់ដ៏ប្រសើរ៕
Follow page ដើម្បីបានអានអត្ថបទផ្សេងៗទៀត អរគុណ
