27/10/2020
អបអរសាទរពិធីប្រកាសទទួលស្គាល់ក្រុមហ៊ុន NSZ WORLD ចូលជាសមាជិកសមាគមន៍ក្រុមហ៊ុនទីផ្សារបណ្តាញកម្ពុជា និងជាក្រុមហ៊ុនទីផ្សារបណ្តាញមួយដែលមានលក្ខណៈសម្បត្តិ ពិសេសប្លែក ៖..............................
1. ជាក្រុមហ៊ុនទីផ្សារបណ្តាញដែលបង្កើតឡើងដោយស្នាដៃយុវជនបញ្ញវ័ន្តខ្មែរសុទ្ធសាធ ហើយមានទីតាំងការិយាល័យកណ្តាលនៅកម្ពុជា។
2. ជាក្រុមហ៊ុនស្របច្បាប់ គោរពច្បាប់បានត្រឹមត្រូវ ។
3. មានប្រព័ន្ធគ្រប់គ្រងការងារស្តង់ដារ និងរឹងមាំ ធានាដល់ប្រតិបត្តិការពីថ្នាក់លើ ថ្នាក់កណ្តាល និងរហូតដល់ថ្នាក់ក្រោម។
4. ឈរលើគោលជំហរបណ្តុះបណ្តាល ចំណេះ ជំនាញ វិជ្ជាជីវៈពិតប្រាកដដល់សមាជិកដៃគូជំនួញរបស់ខ្លួន ធានាបាននូវយន្តការ "យុវជនមួយជំនាញមួយ" ។
5. មានផលិតផលខ្លួនឯងដែលមានស្តង់ដារខ្ពស់ គុណភាពខ្ពស់ ប្រសិទ្ធភាពល្អ និងសុវត្ថិភាពចំពោះអ្នកប្រើប្រាស់។
6. មានប្រព័ន្ធប្រតិបត្តិការទីផ្សារចែកផលប្រយោជន៍ខ្ពស់ និងសុវត្ថិភាពដល់សមាជិកដៃគូជំនួញរបស់ខ្លួន។
7. ប្រើយន្តការដឹកនាំ ធ្វើឱ្យសមាជិក ទទួលផលលាភខ្ពស់ ជាងក្រុមហ៊ុនដែលស្របជាមួយគោលការណ៍រាជរដ្ឋាភិបាល " រាស្ត្រមានមុនរដ្ឋ" ។
8. ចូលរូមជួយអភិវឌ្ឍន៍សង្គម តាមរយៈលើកកម្ពស់សុខភាពប្រជាជន បណ្តុះបណ្តាលផ្នត់គំនិតរកស៊ី ភាពជាសហគ្រិនដល់សមាជិកដៃគូជំនួញ ជាយុវជនឱ្យមានជំនាញរកស៊ី និងបង្កើតលទ្ធភាពឱ្យសមាជិកដៃគូមានជីវភាពល្អប្រសើរ។
9. ចូលរួមជួយសង្គមតាមរយៈសកម្មភាពសប្បុរសធម៌ផ្សេងៗ ដូចជាចូលរួមជួយដល់ជនរងគ្រោះទឹកជំនន់ និងជួយដល់អ្នកទីទាល់ក្រ។
អត្ថបទពត័មាន៖
ក្នុងឱកាសប្រកាសជាផ្លូវការ ទទួលស្គាល់ក្រុមហ៊ុនក្រុមហ៊ុន NSZ WORLD ចូលជាសមាជិកសមាគមទីផ្សារបណ្តាញកម្ពុជា នាថ្ងៃទី២៥ ខែតុលាឆ្នាំ២០២០ ឯកឧត្តម សមូហកបណ្ឌិត ឡី សុភាព បានថ្លែងថា " ក្នុងនាមខ្ញុំជាប្រធានសមាគម មុននឹងដាក់ក្រុមហ៊ុនណាចូលជាសមាជិក ខ្ញុំធ្វើការពិនិត្យ និងវាយតម្លៃដោយសុក្រឹតបំផុត ព្រោះខ្លាចក្រុមហ៊ុនទាំងនោះ ធ្វើអ្វីមិនល្អប៉ះពាល់ដល់ប្រជាជន ជាក់ស្តែង មុនខ្ញុំសម្រេចដាក់ ក្រុមហ៊ុន NSZ WORLD ចូលជាសមាជិក ខ្ញុំបាន អង្កេត តាមដាន សព្វជ្រុងជ្រោយ ល្អិតល្អន់ណាស់ រហូតមើលឃើញថា ក្រុមហ៊ុននេះ ជាក្រុមហ៊ុនល្អ អ្នកដឹកនាំក៏ជាមនុស្សល្អ មនុស្សត្រឹមត្រូវ អាចជឿទុកចិត្តបាន ទើបខ្ញុំសម្រេចឱ្យ មិនមែនចេះតែឱ្យចូល ធូរៗទេ " លោកបានបន្តថា " ក្រុមហ៊ុន NSZ WORLD ជាក្រុមហ៊ុនល្អ ត្រឹមត្រូវ អ្នកគ្រប់គ្នាអាចរកស៊ីជាមួយបាន មិនបាត់បង់ មិនខូចឈ្មោះ មានតែស្មើដើមឬចំណេញ ព្រោះអ្នកដឹកនាំ គឺអគ្គនាយក លី សីហនន្ទ ជាមនុស្សត្រឹមត្រូវ មនុស្សបុណ្យ បួសបាន១៨វស្សា ជាបញ្ញវ័ន្ត អ្នកប្រឹងរៀនសូត្រ ខំកសាងខ្លួនតាំងពីបាតដៃទទេ មិនដែលឃើញទៅធ្វើរឿងផ្តេសផ្តាស ហក់លោត ធ្វើឱ្យប៉ះពាល់ប្រយោជន៍ អ្នកដទៃនិងអ្នកជុំវិញខ្លួនម្តងណាឡើយ។ ខ្ញុំស្គាល់គាត់មិនតិចជាង២០ឆ្នាំមកហើយទេ មនុស្សនេះធ្វើតែល្អ គិតគូប្រយោជន៍ រួមជាងប្រយោជន៍ខ្លួន ហើយពិសេស ធ្លាប់ដឹកនាំការងារធំៗ ទទួលបានស្នាដៃល្អទៀតផង។ ឯលោក ហាន សីហា ជាអគ្គនាយករង មនុស្សនេះធ្លាប់រៀនសូត្រនៅសាលាជាមួយខ្ញុំ ហើយពេលចេញពីសាលា (ចុងក្រោយបានបញ្ចប់ថ្នាក់ អនុបណ្ឌិត) គេធ្វើជាគ្រូបណ្តុះបណ្តាលផ្នែកគណនេយ្យភាព និងមន្រ្តីសម្របសម្រួលក្រុមប្រឹក្សាក្រុង ស្រុក នៅកំពង់ចាម របស់ក្រសួងមហាផ្ទៃ ហើយ ដឹកនាំនៅក្នុងអង្គការ KYA , LIEN IAD អន្តរជាតិទៀត មានសមត្ថភាពពេញលេញក្នុងការដឹកនាំ ។ អញ្ចឹង ! ខ្ញុំពិនិត្យការងារជាក់ស្តែងរបស់ពួកគេ ឃើញថាការងារពួកគេធ្វើបានល្អ ល្អហើយល្អខ្លាំង ការរៀបចំ ការគ្រប់គ្រង ការដឹកនាំ របស់ពួកគេខ្លាំង ប្រកបដោយតម្លាភាព សុក្រឹត យុត្តិធម៌ ដូចបងប្អូនឃើញស្រាប់ ក្នុងសម័យវិបត្តិសកលលោក ក្រុមហ៊ុនជាច្រើន រង្គោះរង្គើរ រកអីស៊ីសឹងមិនគ្រប់ តែក្រុមហ៊ុន NSZ WORLD បែជាមានដំណើរការល្អ ល្អយកតែមែនទែន សមាជិករកចំណូលបានធូរធារសឹងគ្រប់គ្នា នេះសរបញ្ជាក់បានថា ស្នាដៃដឹកនាំរបស់លោក លី សីហនន្ទ និងលោក ហាន សីហា មានលោក ដួង រ៉ែមទៀតនេះពិតជាខ្លាំង សូមសរសើរនិង សូមអបអរសាទរ ។ ជាចុងក្រោយ សូមប្រកាសប្រាប់ បងប្អូនដែលចង់រកស៊ីខ្នាតតូចនិងមធ្យមបែបទីផ្សារបណ្តាញ អញ្ជើញចូលរួមជាមួយក្រុមហ៊ុន NSZ World ចុះមិនខុស មិនខាតទេ អាចជឿទុកចិត្តបាន។"
#ទេពសុខា
