ក្រុមប្រឹក្សាសកម្មភាពជនពិការ Disability Action Council

  • Home
  • Cambodia
  • Phnom Penh
  • ក្រុមប្រឹក្សាសកម្មភាពជនពិការ Disability Action Council

ក្រុមប្រឹក្សាសកម្មភាពជនពិការ Disability Action Council Government Officials

កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនថ្នាក់ដឹកនាំ មន្ត្រីរាជការ និងអ្នកពាក់ព័ន្ធរ...
02/09/2026

កិច្ចប្រជុំផ្សព្វផ្សាយផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨ ជូនថ្នាក់ដឹកនាំ មន្ត្រីរាជការ និងអ្នកពាក់ព័ន្ធរដ្ឋលេខាធិការដ្ឋានអាកាសចរស៊ីវិល

អាកាសចរស៊ីវិល៖ នាព្រឹកថ្ងៃពុធ ទី០២ ខែកញ្ញា ឆ្នាំ២០២៦ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ ឯកឧត្តម ស៊ុំ ចំរើន អគ្គលេខាធិការរង តំណាងដ៏ខ្ពង់ខ្ពស់ ឯកឧត្តម អ៊ុង សម្បត្តិ អគ្គលេខាធិការក្រុមប្រឹក្សាសកម្មភាពជនពិការ បានអញ្ជើញជាគណៈអធិបតីក្នុងកិច្ចប្រជុំផ្សព្វផ្សាយ «ផែនការយុទ្ធសាស្ត្រជាតិស្តីពីពិការភាពឆ្នាំ២០២៤-២០២៨» ជូនថ្នាក់ដឹកនាំ មន្ត្រីរាជការ និងអ្នកពាក់ព័ន្ធរដ្ឋលេខាធិការដ្ឋានអាកាសចរស៊ីវិល។

ពិធីនេះ មានការចូលរួមជាអធិបតីពីសំណាក់ ឯកឧត្តម មុំ សោភ័ណ អនុរដ្ឋលេខាធិការ នៃរដ្ឋលេខាធិការដ្ឋានអាកាសចរណ៍ស៊ីវិល ឯកឧត្តមអគ្គនាយក លោក លោកស្រី ប្រធាន អនុប្រធាននាយកដ្ឋាន ថ្នាក់ដឹកនាំនិងមន្ត្រីជំនាញនៃអគ្គលេខាធិការដ្ឋានក.ស.ជ. លោក លោកស្រី ជាមន្ត្រីរាជការនៃរដ្ឋលេខាធិការដ្ឋានអាកាសចរស៊ីវិល និងអ្នកពាក់ព័ន្ធ សរុបចំនួន ១០៣នាក់ (ស្រី ២១នាក់) នៅរដ្ឋលេខាធិការដ្ឋានអាកាសចរស៊ីវិល។
ឯកឧត្តមអគ្គលេខាធិការរង បានលើកជូនអង្គពិធីទាំងមូលជ្រាបផងដែរថា “ផែនការយុទ្ធសាស្រជាតិស្តីពីពិការភាពឆ្នាំ២០២៤-២០២៨” មានចក្ខុវិស័យ ធ្វើឱ្យជនមានពិការភាពគ្រប់វ័យ គ្រប់ប្រភេទ និងក្រុមគ្រួសារ រស់នៅប្រកបដោយគុណភាពក្នុងគ្រប់ទិដ្ឋភាព នៃជីវិត និងចូលរួមយ៉ាងសកម្មពេញលេញ ស្មើភាពក្នុងសង្គមមានការគោរពសិទ្ធិ សេចក្តីថ្លៃថ្នូរ និងភាពចម្រុះ ព្រមទាំងមានបរិយាបន្នពិការភាព និងនិរន្តរភាព ក្នុងគ្រប់វិស័យ និងបេសកកម្ម សម្រេចឱ្យបាននូវបរិយាបន្នពិការភាព ក្នុងសកម្មភាពការងារនិងថវិការបស់ក្រសួង ស្ថាប័ន ដៃគូអភិវឌ្ឍ វិស័យឯកជន អង្គការជាតិនិងអន្តរជាតិ អង្គការមិនមែនរដ្ឋាភិបាលព្រមទាំងអ្នកពាក់ព័ន្ធដទៃទៀតនៅថ្នាក់ជាតិនិងថ្នាក់ក្រោមជាតិ។

ឯកឧត្តមបន្ថែមថា ផែនការយុទ្ធសាស្ត្រនេះ រៀបចំឡើង គឺគោរពទៅតាមគោលការណ៍ណែនាំរបស់ សេចក្ដីជូនដំណឹងរបស់ទីស្តីការគណៈរដ្ឋមន្ត្រី លេខ៤៣៣ សជណ ស្ដីពីការរៀបចំតាក់តែងគោលនយោបាយ ផែនការយុទ្ធសាស្រ្ត និងផែនការសកម្មភាពនានា ចុះថ្ងៃទី០៧ ខែមេសា ឆ្នាំ២០១១ ដែលមានទម្រង់៖ ១)សេចក្តីផ្តើម ២)ចក្ខុវិស័យ ៣) បេសកកម្ម ៤)គោលបំណងនិងគោលដៅ ៥)ក្របខ័ណ្ឌយុទ្ធសាស្រ្ត ៦)សកម្មភាពការងារ ៧)ធនធានហិរញ្ញវត្ថុ ៨)ការតាមដានត្រួតពិនិត្យ និងវាយតម្លៃ ៩)សេចក្តីសន្និដ្ឋាន។ មានទិសដៅជាយុទ្ធសាស្ត្រសំខាន់ៗចំនួន៧ ព្រមទាំងមានគោលដៅចំនួន២៧ និងយុទ្ធសាស្ត្រចំនួន១៦១ និងមានសូចនាករចំនួន៩៦ ដែលបង្កើតឡើងដោយផ្អែកលើគោលដៅទាំង២៧ សម្រាប់ការអនុវត្តរបស់ក្រសួង ស្ថាប័ន និងការវាស់វែងតាមរយៈក្របខ័ណ្ឌតាមដានត្រួតពិនិត្យ និងវាយតម្លៃពាក់កណ្តាលអាណត្តិនិងចុងអាណត្តិ៕

ឯកឧត្តម ម៉េត មករា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអនុប្រធានទី១ក្រុមប្រឹក្សាសកម្មភាពជនពិ...
31/08/2026

ឯកឧត្តម ម៉េត មករា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអនុប្រធានទី១ក្រុមប្រឹក្សាសកម្មភាពជនពិការ ព្រមទាំងថ្នាក់ដឹកនាំ និងមន្ត្រីរាជការ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការ សូមចូលរួមរំលែកទុក្ខដ៏ក្រៀមក្រំជាមួយ លោកជំទាវសិរីធម្មសុខាភិរ័ក្ខរតន៍ អគ្គមហាឧបាសិកាពុទ្ធសាសនូបត្ថម្ភក៍ សុខ កែវ ព្រមទាំងក្រុមគ្រួសារ ចំពោះមរណភាពរបស់ ឯកឧត្តមបណ្ឌិតសភាចារ្យ ច័ន្ទ សារុន អ្នកតំណាងរាស្ត្រមណ្ឌលខេត្តតាកែវ និងជាអតីតរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ត្រូវជាឧត្តមស្វាមី ជាទីគោរពស្រលាញ់បំផុត!

ជនមានពិការភាពចំនួន៧៥ នាក់ទទួលបានការបណ្តុះបណ្តាលអំពីសហគ្រិនភាពនិងការគ្រប់គ្រងហិរញ្ញវត្ថុ សំដៅលើកកម្ពស់ជីវភាពរស់នៅឱ្យកាន់ត...
22/08/2026

ជនមានពិការភាពចំនួន៧៥ នាក់ទទួលបានការបណ្តុះបណ្តាលអំពីសហគ្រិនភាពនិងការគ្រប់គ្រងហិរញ្ញវត្ថុ សំដៅលើកកម្ពស់ជីវភាពរស់នៅឱ្យកាន់តែប្រសើរឡើង

ខ្សាច់កណ្តាល ខេត្តកណ្តាល៖ ថ្ងៃសៅរ៍ ៩កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែសីហា ឆ្នាំ២០២៦ ដោយមានការអនុញ្ញាតដ៏ខ្ពង់ខ្ពសពី ឯកឧត្ដម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ ឯកឧត្ដម អ៊ុង សម្បត្តិ អគ្គលេខាធិការក្រុមប្រឹក្សាសកម្មភាពជនពិការ បានអញ្ជើញជាអធិបតីក្នុងពិធីបើកវគ្គបណ្ដុះបណ្ដាលស្ដីពីសហគ្រិនភាព និងការគ្រប់គ្រងហិរញ្ញវត្ថុដល់ជនមានពិការភាព នៅខេត្តកណ្តាល។
វគ្គបណ្ដុះបណ្ដាលនេះមានរយៈពេល២ថ្ងៃ ដែលសហការរៀបចំដោយអគ្គលេខាធិការដ្ឋានក្រុមប្រឹក្សាសកម្មភាពជនពិការនិងក្រុមហ៊ុន PSC គាំទ្រដោយមូនិធិធនាគារ Maybank និងមានការអញ្ជើញចូលរួមពី លោក វង្ស ចំណាន ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកណ្តាល
លោកស្រី ហង្ស ចន្ថា អភិបាលរងស្រុកខ្សាច់កណ្តាល
លោកស្រី ឆាំ វណ្ណា ប្រធានការិយាល័យសង្គមកិច្ចនិងសុខុមាលភាពសង្គម លោក ធី ម៉ូធី តំណាងឱ្យក្រុមហ៊ុន PSC Cambodia មន្ត្រីបច្ចេកទេសនៃអគ្គលេខាធិការដ្ឋាន ក.ស.ជ និងសិក្ខាកាមសរុបចំនួន៧៥នាក់ មកពីឃុំចំនួន៥នៃស្រុកខ្សាច់កណ្ដាលគឺ ឃុំព្រះប្រសប់ ឃុំព្រែកតាមាក់ ឃុំពុកឬស្សី ឃុំជ័យធំ និងឃុំស៊ីធរ។
វគ្គបណ្តុះបណ្តាលនេះផ្តោតលើមេរៀនចំនួន៧គឺ÷ មេរៀនទី១: កត្តាជំរុញពីខាងក្នុង និងការកំណត់គោលដៅ , មេរៀនទី២: ការវិភាគស្វែងរកពីភាពខ្លាំង, មេរៀនទី៣: ភាពខុសគ្នានៃការលក់ និងបង្កើតគុណតម្លៃ, មេរៀនទី៤: ម៉ាកយីហោជាមួយ នឹងការផ្តោតអារម្មណ៏របស់អតិថិជន, មេរៀនទី៥:ភាពជាអ្នកដឹកនាំលើទីផ្សារ, មេរៀនទី៦: ហិរញ្ញវត្ថុ និងមេរៀនទី៧: Pitch។

ថ្លែងក្នុងពិធីបើកវគ្គបណ្ដុះបណ្ដាលនេះដែល ឯកឧត្ដមអគ្គលេខាធិការក្រុមប្រឹក្សាសកម្មភាពជនពិការ បានពាំនាំមតិផ្ដាំផ្ញើសួរសុខទុក្ខពីសំណាក់ឯកឧត្ដម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការដល់បងប្អូនជនមានពិការភាព និងជាងនេះទៅទៀតឯកឧត្ដមបានលើកទឹកចិត្តឱ្យសិក្ខាកាមទាំងអស់ខិតខំប្រឹងរៀនសូត្រនូវមេរៀនដែលគ្រូឧទ្ទេសបានបង្ហាញ ឯកឧត្ដម ក៏បានមានប្រសាសន៍បន្ថែមទៀតថា លក្ខខណ្ឌជីវិតរបស់បងប្អូនមានពិការភាពមានការប្រសើរឡើង ដរាបណាពួកគាត់មានមូលដ្ឋានគ្រឹះនៃការអប់រំ បណ្តុះបណ្តាល ជំនាញវិជ្ជាជីវៈ និងបំណិនជីវិត ប្រកបដោយគុណភាពគឺការមានចំណេះដឹង ចំណេះធ្វើពិតប្រាកដ និងច្បាស់លាស់ដែលគឺជាដើមទុនដំបូងបំផុតជួយឱ្យពួកគាត់អាចឈានចាប់យកជំនាញបានត្រឹមត្រូវប្រកបដោយគុណវុឌ្ឍ និងធានាបាននូវភាពជោគជ័យ ក្នុងការប្រកួតប្រជែងផលិតភាព ជាមួយអ្នកដទៃលើទីផ្សារសេរី ដូចពាក្យចាស់ពោលថា «បើចេះជំនាញអ្វីឱ្យប្រាកដ ប្រាក់ហូរចូល»៕

ព្រះរាជាណាចក្រកម្ពុជា ត្រៀមចូលរួមប្រកួតប្រជែងផ្នែកព័ត៌មានវិទ្យាសម្រាប់យុវជនមានពិការភាព ឆ្នាំ២០២៦ (Global IT Challenge fo...
21/08/2026

ព្រះរាជាណាចក្រកម្ពុជា ត្រៀមចូលរួមប្រកួតប្រជែងផ្នែកព័ត៌មានវិទ្យាសម្រាប់យុវជនមានពិការភាព ឆ្នាំ២០២៦ (Global IT Challenge for Youth with Disabilities 2026)

ទីស្តីការក្រសួងសង្គមកិច្ច៖ ថ្ងៃសុក្រ ទី២១ ខែសីហា ឆ្នាំ២០២៦ ឯកឧត្តម អ៊ុង សម្បត្តិ អគ្គលេខាធិការ ក្រុមប្រឹក្សាសកម្មភាពជនពិការ បានជួបសំណេះសំណាលនិងរៀបចំវគ្គបំប៉នរៀងរាល់ចុងសប្តាហ៍ ដល់យុវជនដែលទទួលបានជោគជ័យក្នុងការប្រកួតថ្នាក់ជាតិដើម្បីត្រៀមទៅប្រកួតប្រជែងជាសាកលផ្នែកព័ត៌មានវិទ្យាសម្រាប់យុវជនមានពិការភាព ឆ្នាំ២០២៦ នៅទីក្រុងដាណាង ប្រទេសវៀតណាម។

ការប្រកួតប្រជែងសម្រាប់ឆ្នាំ២០២៦នេះ មានវិញ្ញាសាចំនួន៤ ដូចជា៖ ១. eCreative_Smart Car, ២. eCreative_AI Game ៣. eCombination (Search analytics, eTool_Speadsheet, eTool_Presentation)
និង ៤. eContent៕

កិច្ចប្រជុំបូកសរុបការងារនិងលើកទិសដៅបន្តរបស់ក្រុមការងារព័ត៌មាននិងផ្សព្វផ្សាយនៃអគ្គលេខាធិដ្ឋានក្រុមប្រឹក្សាសកម្មភាពជនពិការ...
19/08/2026

កិច្ចប្រជុំបូកសរុបការងារនិងលើកទិសដៅបន្តរបស់ក្រុមការងារព័ត៌មាននិងផ្សព្វផ្សាយនៃអគ្គលេខាធិដ្ឋានក្រុមប្រឹក្សាសកម្មភាពជនពិការ

ទីស្តីការក្រសួងសង្គមកិច្ច៖ ថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦។

ឯកឧត្តម អ៊ុង សម្បត្តិ អគ្គលេខាធិការក្រុមប្រឹក្សាសកម្មភាពជនពិការ បានអញ្ជើញដឹកនាំកិច្ចប្រជុំ បូកសរុបការងារនិងលើកទិសដៅបន្តរបស់ក្រុមការងារព័ត៌មាននិងផ្សព្វផ្សាយនៃអគ្គលេខាធិដ្ឋានក្រុមប្រឹក្សាសកម្មភាពជនពិការ។

សមាជិកក្រុមការងារម្នាក់ៗបានលើកឡើងអំពីសមិទ្ធផលដែលខ្លួនបានធ្វើ រួមទាំងបញ្ហាប្រឈមនានាដែលបានជួបប្រទះកន្លងមក។ អង្គប្រជុំក៏បានពិភាក្សានិងលើកទិសដៅការងារបន្តរួមទាំងការងារកែសម្រួលសមាសភាពក្រុមការងារដោយផ្អែកលើតម្រូវការនិងគុណវុឌ្ឍន៍របស់សមាជិកម្នាក់ៗផងដែរ។

កិច្ចប្រជុំដ៏មានសារៈសំខាន់នេះ ក៏មានការអញ្ជើញចូលរួមផងដែលពីសំណាក់ លោកប្រធាន អនុប្រធាន និងសមាជិក-សមាជិកា នៃក្រុមការងារព័ត៌មាននិងផ្សព្វផ្សាយនៃអគ្គលេខាធិការដ្ឋានក្រុមប្រឹក្សាសកម្មភាពជនពិការផងដែរ។

#ក្រុមប្រឹក្សាសកម្មភាពជនពិការ #ក្រសួងសង្គមកិច្ច #ពិការភាព

ទីស្តីការក្រសួងសង្គមកិច្ច ថ្ងៃចន្ទ ៤ កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែសីហា ឆ្នាំ២០២៦ឯកឧ...
17/08/2026

ទីស្តីការក្រសួងសង្គមកិច្ច ថ្ងៃចន្ទ ៤ កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែសីហា ឆ្នាំ២០២៦

ឯកឧត្តម អ៊ុង សម្បត្តិ បានដឹកនាំក្រុមប្រឹក្សាវិន័យ នៃអគ្គលេខាធិការដ្ឋាន ក្រុមប្រឹក្សាសកម្មភាពជនពិការ ដើម្បីពិនិត្យលក្ខណៈសម្បត្តិ និងវាយតម្លៃថ្នាក់ដឹកនាំ និងមន្ត្រីរាជការចំនួន៩រូប ដែលត្រូវស្នើសុំដំឡើងឋានន្តរស័ក្តិ និងថ្នាក់ ដោយផ្ទាល់ និងតាមប្រព័ន្ធទំនាក់ទំនងសង្គម Zoom។ ក្នុងនោះមានមន្ត្រីដែលជាជនមានពិការភាពភ្នែកកំពុងបំពេញការងារជាក់ស្តែងនៅសមាគមតន្ត្រី និងសំនៀងជនពិការចំនួន៧រូប និងមន្ត្រីកំពុងបំពេញការងារជាក់ស្តែងនៅវិទ្យុសម្លេងជនពិការ ចំនួន២រូប។ ការវាយតម្លៃនេះ គឺផ្អែកតាមទម្រង់វាយតម្លៃ Key Performance Indicators របស់ក្រសួងមុខងារសាធារណៈ ដោយផ្តោតលើសូចនាករចំនួន ៥ រួមមាន៖ ទី១. មានគំនិតផ្តួចផ្តើម និងច្នៃប្រឌិត។ ទី២. មានស្មារតីទទួលខុសត្រូវ។ ទី៣. យកចិត្តទុកដាក់ដល់ផលប្រយោជន៍ជាតិ។ ទី៤. មានប្រសិទ្ធភាពក្នុងការដឹកនាំ។ និងទី៥. មានសីលធម៌ល្អ។
ក្រុមប្រឹក្សាសកម្មភាពជនពិការ Disability Action Council@topfans

ក្រុមការងារគណបក្សចុះមូលដ្ឋានឃុំអង្គរអង្គ ចុះពិនិត្យស្ថានភាពខូចខាត និងតម្រូវការស័ង្កសីជូនគ្រួសារខ្វះខាត នៅភូមិវាលរបងក្រោម...
16/08/2026

ក្រុមការងារគណបក្សចុះមូលដ្ឋានឃុំអង្គរអង្គ ចុះពិនិត្យស្ថានភាពខូចខាត និងតម្រូវការស័ង្កសីជូនគ្រួសារខ្វះខាត នៅភូមិវាលរបងក្រោម ឃុំអង្គរអង្គ ស្រុកពាមជរ

ខេត្តព្រៃវែង៖
ថ្ងៃអាទិត្យ ៣កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែសីហា ឆ្នាំ២០២៦។
ក្រោមការអនុញ្ញាតដ៏ខ្ពង់ខ្ពស់ពី៖
ឯកឧត្តម ជា សុមេធី សមាជិកគណៈកម្មាធិការកណ្ដាល ជាប្រធានក្រុមការងារគណបក្សចុះមូលដ្ឋានស្រុកពាមជរ និងមានការចង្អុលបង្ហាញពីឯកឧត្តម ជា ចំណាន ប្រធានក្រុមការងារចុះជួយឃុំអង្គរអង្គ ឯកឧត្តម អ៊ុង សម្បត្តិ អនុប្រធានក្រុមការងារចុះឃុំអង្គរអង្គ ជាប្រធានក្រុមការងារ គណបក្សចុះមូលដ្ឋានភូមិវាលរបងក្រោម បានដឹកនាំក្រុមការងារគណបក្សចុះមូលដ្ឋាន ដើម្បីចុះពិនិត្យជាក់ស្តែងអំពីការខូចខាតដំបូល និងជញ្ជាំងផ្ទះរបស់ប្រជាពលរដ្ឋក្នុងភូមិវាលរបងក្រោម ជាពិសេសគ្រួសារក្រីក្រ និងខ្វះខាតលទ្ធភាព ដែលបានដាក់សំណើរសុំជំនួយស័ង្កសីសម្រាប់យកទៅជួសជុលទីជម្រក។
សកម្មភាពនេះបញ្ជាក់ពីការយកចិត្តទុកដាក់ខ្ពស់របស់ថ្នាក់ដឹកនាំ និងក្រុមការងារគណបក្សគ្រប់លំដាប់ថ្នាក់ ក្នុងការគិតគូរពីសុខទុក្ខ និងជីវភាពរស់នៅរបស់បងប្អូនប្រជាពលរដ្ឋមូលដ្ឋានដោយស្មារតីស្រឡាញ់និងគិតគូរគ្រប់កាលៈទេសៈ។

#គណបក្សប្រជាជនកម្ពុជា #ស្រុកពាមជរ #ខេត្តព្រៃវែង #ឃុំអង្គរអង្គ

ទីស្តីការក្រសួងសង្គមកិច្ច៖ ថ្ងៃសុក្រ១កើតខែស្រាពណ៍ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ ឯកឧត...
14/08/2026

ទីស្តីការក្រសួងសង្គមកិច្ច៖ ថ្ងៃសុក្រ១កើតខែស្រាពណ៍ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ ឯកឧត្តម អ៊ុង សម្បត្តិបានដឹកនាំក្រុមប្រឹក្សាវិន័យរបស់អគ្គលេខាធិការដ្ឋានក្រុមប្រឹក្សាសកម្មភាពជនពិការដើម្បីពិនិត្យលក្ខណ:សម្បត្តិនិងវាយតម្លៃថ្នាក់ដឹកនាំនិងមន្រ្តីរាជការចំនួន៣០នាក់ ដែលត្រូវស្នើសុំដំឡើងឋានន្តរស័ក្តិនិងថ្នាក់ក្នុងនោះមានអគ្គលេខាធិការរង៣រូប អនុប្រធានផ្នែក៦រូប និងមន្រ្តី២១រូប ដែលស្ថិតក្នុងក្របខណ្ឌ "ក" ចំនួន១៨រូប ក្របខណ្ឌ "ខ" ចំនួន១រូប និងក្របខណ្ឌ "គ" ចំនួន១១រូប។

ការវាយតម្លៃនេះគឺផ្អែកតាមទម្រង់វាយតម្លៃ Key Performance Indicator (KPI) របស់ក្រសួងមុខងារសាធារណ:ដោយផ្តោតលើសូចនាករចំនួន៥រួមមាន÷ ១).មានគំនិតផ្តួចផ្តើមនិងច្នៃប្រឌិត ២).មានស្មារតីទទួលខុសត្រូវ ៣).យកចិត្តទុកដាក់ដល់ផលប្រយោជន៍ជាតិ ៤)មានប្រសិទ្ធភាពក្នុងការដឹកនាំ និង៥).មានសីលធម៌ល្អ។

ជាលទ្ធផលមានថ្នាក់ដឹកនាំនិងមន្រ្តីរាជការចំនួន២១នាក់បានវាយយម្លៃរួច និង៩នាក់ទៀតដែលជាជនមានពិការភាពភ្នែកកំពុងបំពេញការងារជាក់ស្តែងនៅសមាគមតន្រ្តីនិងសំនៀងជនពិការ និងវិទ្យុសម្លេងជនពិការដែលនឹងត្រូវបន្តវាយតម្លៃនៅសប្តាហ៍ក្រោយទៀត។

កិច្ចប្រជុំប្រចាំឆមាសលើកទី៥ ក្រុមការងារផ្នែកបរិយាបន្នពិការភាពនៃកម្មវិធី ACCESS2!រាជធានីភ្នំពេញ៖ ព្រឹកថ្ងៃអង្គារ ១៣រោច ខែ...
11/08/2026

កិច្ចប្រជុំប្រចាំឆមាសលើកទី៥ ក្រុមការងារផ្នែកបរិយាបន្នពិការភាពនៃកម្មវិធី ACCESS2!

រាជធានីភ្នំពេញ៖ ព្រឹកថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១១ ខែសីហា ឆ្នាំ២០២៦ ឯកឧត្ដម អ៊ុង សម្បត្តិ អគ្គលេខាធិការនិងជាសមាជិកអចិន្ត្រៃយ៍ក្រុមប្រឹក្សាសកម្មភាពជនពិការបានដឹក នាំកិច្ចប្រជុំប្រថាំឆមាសលើកទី៤ របស់ក្រុមការងារផ្នែកបរិយាបន្នពិការភាពនៃកម្មវិធីACCESS2 នៅសណ្ឋាគារកាំបូឌីយ៉ាណា រាជធានីភ្នំពេញ។

កិច្ចប្រជុំនេះមានការអញ្ជើញចូលរួមពីឯកឧត្តម សន សុផល អគ្គនាយកនៃអគ្គនាយកដ្ឋានស្តារ សម្បទា លោកស្រី ហ៊ែល សុធារតន៍ អ្នកគ្រប់គ្រងផ្នែកកិច្ចសហប្រតិបត្តិការអភិវឌ្ឍន៍និងជាតំណាងស្ថានទូតអូស្រ្តាលីប្រចាំកម្ពុជា លោកស្រី Sophia Cason ប្រធានកម្មវិធី ACCESS2 ឯកឧត្ដម លោកជំទាវ លោក លោកស្រីជាសមាជិក សមាជិកាក្រុមការងារផ្នែកបរិយបន្នពិការភាព មកពីក្រសួងមហាផ្ទៃ ក្រសួងសុខាភិបាល ក្រសួងផែនការ ក្រសួងកិច្ចការនារី អគ្គលរខាធិការដ្ឋានក្រុមប្រឹក្សាជាតិគាំពារសង្គម មួលនិធិជំនួយសង្គម មូលនិធិជនពិការ មន្ទីរសង្គមកិច្ចនិងតំណាងរដ្ឋបាលខេត្តកំពង់ចាម កំពង់ស្ពឺ សៀមរាប និងរតនៈគិរី រួមទាំងអង្គការយូនីសែហ្វ អង្គការ CDPO, PAfID, CARE, DDP, និង OPDs។

កិច្ចប្រជុំនេះមានគោលបំណង៖
១-ដើម្បីបង្ហាញពីវឌ្ឍនភាពនិងសមិទ្ធផលសំខាន់ៗរបស់ក្រុមការងារបរិយាបន្នពិការភាព ផ្អែកលើផែនការសកម្មភាពឆ្នាំទី៣(ខែកក្កដា២០២៥-ដល់ខែមិថុនា២០២៦)រួមទាំងបញ្ហាប្រឈម និងមេរៀនសំខាន់ៗដែល បានរៀនសូត្រ
២-ទិសដៅបន្តចាប់ពីខែកក្កដាឆ្នាំ២០២៦ដល់ខែមិថុនា ឆ្នាំ២០២៧ ដែលមានសកម្មភាពចម្បងៗចំនួន២០។

ឯកឧត្តម អ៊ុង សម្បត្តិ អគ្គលេខាធិការក្រុមប្រឹក្សាសកម្មភាពជនពិការ បានដឹកនាំកិច្ចប្រជុំស្តីពីការណែនាំពីរបៀបរបបធ្វើការងារតាម...
10/08/2026

ឯកឧត្តម អ៊ុង សម្បត្តិ អគ្គលេខាធិការក្រុមប្រឹក្សាសកម្មភាពជនពិការ បានដឹកនាំកិច្ចប្រជុំស្តីពីការណែនាំពីរបៀបរបបធ្វើការងារតាមរយៈការបំពេញតាមទម្រង់ឌីជីថល (Google Sheet)

ទីស្តីការក្រសួង៖ រសៀលថ្ងៃចន្ទ ១២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦

ឯកឧត្តម អ៊ុង សម្បត្តិ អគ្គលេខាធិការក្រុមប្រឹក្សាសកម្មភាពជនពិការ បានដឹកនាំកិច្ចប្រជុំណែនាំមន្ត្រីរាជការទាំង ១៦រូប ឱ្យចូលបំពេញផែនការសកម្មភាពការងារប្រចាំខែក្នុងឆ្នាំ២០២៦ តាមទម្រង់ឌីជីថល (Google Sheet) នៅអគ្គលេខាធិការដ្ឋានក្រុមប្រឹក្សាសកម្មភាពជនពិការ។

កិច្ចប្រជុំនេះក៏មានការអញ្ជើញចូលរួមពីសំណាក់ លោកស្រីប្រធានទទួលបន្ទុកផ្នែករដ្ឋបាលនិងហិរញ្ញវត្ថុ និងលោកស្រីអនុប្រធានផ្នែក ព្រមទាំងមន្ត្រីរាជការនៃអគ្គលេខាធិការដ្ឋានក្រុមប្រឹក្សាសកម្មភាពជនពិការផងដែរ

#ក្រុមប្រឹក្សាសកម្មភាពជនពិការ

Address

Phnom Penh

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

(855)23 727 428

Website

Alerts

Be the first to know and let us send you an email when ក្រុមប្រឹក្សាសកម្មភាពជនពិការ Disability Action Council posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ក្រុមប្រឹក្សាសកម្មភាពជនពិការ Disability Action Council:

Shortcuts

Share

Category