16/06/2026
វត្តមានប្រូតេអុីនក្នុងទឹកនោម (Proteinuria)
👉វត្តមានប្រូតេអុីនក្នុងទឹកនោមគឺជាកង្វល់ទូទៅរបស់បងប្អូន។ នៅក្នុងរបត់ថ្មីនេះ ដោយមានការរីកចម្រើនផ្នែកវិទ្យាសាស្ត្រ និងការយល់ដឹងរបស់បងប្អូន បងប្អូនតែងតែទៅពិនិត្យសុខភាពជាប្រចាំ។ នៅក្នុងការពិនិត្យសុខភាព ភាគរយណាមួយនោះ បានរកឃើញថាមានវត្តមានប្រូតេអុីននៅក្នុងទឹកនោម ដែលតោងឲ្យបងប្អូនត្រូវជួបជាមួយគ្រូពេទ្យ ដើម្បីធ្វើការរុករកមូលហេតុ និងឈានដល់ការព្យាបាលប្រកបដោយប្រសិទ្ធភាព។
👉 ជាការពិតណាស់តម្រង់នោមជាសរីរាង្គដ៏សំខាន់ ដោយមានមុខងារច្រោះជាតិពុល រក្សាលំនឹងជាតិទឹក សម្ពាធឈាម ជាតិរ៉ែផ្សេងៗ និងត្រង់ទុកនូវសារធាតុល្អៗសម្រាប់ប្រើប្រាស់នៅក្នុងខ្លួន ក្នុងនោះរួមមានប្រូតេអុីនផងដែរ។ នៅពេលដែលប្រដាប់ច្រោះ ឬកញ្រ្ចែងរបស់តម្រង់នោម (Glomerular)មានការធ្លុះធ្លាយ នោះវត្តមានប្រូតេអុីននឹងធ្លាក់មកតាមទឹកនោម។ ការធ្លាក់ប្រូតេអុីនតាមទឹកនោមច្រើនទៅៗ ធ្វើឲ្យមានការប៉ះទង្គិចខូចខាតទៅលើតម្រង់នោម និងអាចឈានដល់ការខ្សោយតម្រងនោមផងដែរ។
👉 វត្តមានប្រូតេអុីននៅក្នុងទឹកនោមទាំងអស់ មិនមែនមានន័យថាបងប្អូនមានជំងឺទឹកនោមប្រៃទាំងអស់នោះទេ ពោលគឺអាចបណ្តាលមកអំពីបញ្ហាផ្សេងៗដូចជា៖
- ជំងឺតម្រង់នោម៖ ទឹកនោមប្រៃ ការរលាកតម្រង់នោម -ល-
- ជំងឺទឹកនោមផ្អែមដែលប៉ះទង្គិចទៅលើតម្រងនោម
- ការលើសសម្ពាធឈាម៖ សម្ពាធឈាមខ្ពស់ពេក ដែលធ្វើឲ្យសម្ពាធនៅក្នុងតម្រង់នោមឡើងខ្ពស់
- ជំងឺដោយសារប្រព័ន្ធភាពស៊ាំមួយចំនួន (Autoimmune disease)
- ជំងឺខ្សោយបេះដូង (Heart failure)
- ចំពោះស្ត្រីមានផ្ទៃពោះ៖ ដូចជាត្រៀមក្រឡាភ្លើង ឬក្រឡាភ្លើង
- ជំងឺមហារីកមួយចំនួន -ល-។
👉 វត្តមានប្រូតេអុីននៅក្នុងទឹកនោមក៏អាចបណ្តាលមកអំពីបញ្ហាមួយចំនួន ដែលមិនមានភាពធ្ងន់ធ្ងរផងដែរដូចជា៖
- អ្នកជំងឺខ្វះជាតិទឹក ពិសាទឹកមិនគ្រប់គ្រាន់
- អ្នកជំងឺមានបញ្ហាក្តៅខ្លួន ឬជំងឺរួមផ្សំផ្សេងទៀត
- អ្នកជំងឺធ្វើលំហាត់ប្រាណខ្លាំងមុននឹងទៅពិនិត្យទឹកនោម
- អ្នកជំងឺមានបញ្ហាស្ត្រេសខ្លាំង
- វត្តមានប្រូតេអុីនចំពោះក្មេងវ័យជំទង់ (Orthostatic proteinuria)
- អ្នកជំងឺដែលគាត់ប្រើថ្នាំមួយចំនួន (e.g NSAIDs)។
👉 ទោះបីជាយ៉ាងណាក្តីដើម្បីដោះស្រាយកង្វល់ និងធ្វើការរុករកមូលហេតុឲ្យបានច្បាស់លាស់ ឈានដល់ការព្យាបាលប្រកបដោយប្រសិទ្ធភាព។
មានបញ្ហាតែងមានដំណោះស្រាយ។
វេជ្ជបណ្ឌិតឯកទេស វុធ វត្តី
ឯកទេសទឹកនោមផ្អែម ពក ក មេតាបូលីស និងក្រពេញអ័រម៉ូន
ចក្រាពង្ស ឯកទេសទឹកនោមផ្អែម និងជំងឺទូទៅ
📍ជ្រោយចង្វារ រាជធានីភ្នំពេញ។
☎️ព័ត៌មានលំអិត តេលេក្រាម 010786865
ជូនពរសុខភាពល្អ
