https://www.facebook.com/308528949541874/

Angkor Pharmacy, No. 6A, Street 2004, Sangkat Ou Baek K'am, Khan Sen Sok, Phnom Penh (2026)

28/03/2026

ណាំវ៉ា អាហារសុខភាព ជំនួយក្រពះ ពោះវៀន
មានលក់នៅ ឱសថស្ថាន អង្គរ

22/03/2026

តើអ្វីជាជំងឺច្រាលអាស៊ីតក្រពះ (Gastroesophageal Reflux Disease: GERD)?

ស្វែងយល់ពីរោគសញ្ញា មូលហេតុ ការធ្វើរោគវិនិច្ឆ័យ និងការព្យាបាល ដូចខាងក្រោម

Q. តើរោគសញ្ញានៃជំងឺច្រាលអាស៊ីតក្រពះមានដូចម្តេចខ្លះ?
- មានអារម្មណ៍ក្ដៅក្នុងទ្រូង (ក្រហាយទ្រូង) បន្ទាប់ពីបរិភោគអាហារច្រើន ឬពត់បត់ខ្លួន លើកវត្ថុធ្ងន់ៗ ឬទំលាក់ខ្លួនដេក។
- មានរសជាតិល្វីង ហឹរ ឬជួរក្នុងមាត់ ដែលបណ្ដាលឱ្យមានផលវិបាកក្នុងបំពង់អាហារដូចជា ការរលាក ការហូរឈាម និងពិបាកលេប។
- ហើមពោះ មានអារម្មណ៍ថាឆាប់ឆ្អែត ចង្អោរ និងក្អួតបន្ទាប់ពីការបរិភោគ។

Q. តើមូលហេតុណាខ្លះបង្កអោយមានជំងឺច្រាលអាស៊ីតក្រពះ?
- ភាពមិនប្រក្រតី រឺ ភាពខ្សោយនៃប្រឹសបំពង់អាហារផ្នែកខាងក្រោម (Sphincter) ដោយការប្រើប្រាស់គ្រឿងស្រវឹង ថ្នាំជក់ និងថ្នាំព្យាបាលជំងឺហឺតមួយចំនួន ។
- ភាពមិនប្រក្រតីនៃបំពង់អាហារ ធ្វើឲ្យអាហារដែលធ្លាក់ចូលទៅក្នុងក្រពះមានការយឺតយ៉ាវ បណ្ដាលឱ្យសារធាតុដែលនៅក្នុងក្រពះហូរត្រឡប់មកវិញ និងស្ថិតនៅក្នុងបំពង់អាហារយូរជាងធម្មតា។
- ភាពមិនប្រក្រតីនៃក្រពះ ដែលបណ្ដាលឲ្យមានភាពយឺតយ៉ាវក្នុងការរុញច្រានចំណីអាហារទៅក្នុងពោះវៀន និងបង្កើននូវរោគសញ្ញានៃការច្រាលទឹកអាស៊ីតក្រពះ។
អាហារមានជាតិខ្លាញ់ និងស្ករសូកូឡាគឺកាត់បន្ថយការកន្ត្រាក់របស់ចលនាក្រពះ។
- ជំងឺទឹកនោមផ្អែម ជាពិសេសផលលំបាករបស់វាទៅលើសរសៃប្រសាទ។

Q. តើគេអាចធ្វើរោគវិនិច្ឆ័យ ជំងឺច្រាលអាស៊ីតក្រពះ បានដោយរបៀបណា?
ដោយពិនិត្យទៅលើរោគសញ្ញាគ្លីនិក គ្រូពេទ្យអាចធ្វើការសន្និដ្ឋាន បានយ៉ាងងាយស្រួល។ ប្រសិនបើរោគសញ្ញាមិនមានភាពប្រសើរឡើងបន្ទាប់ពីអនុវត្តតាមដំបូន្មានរបស់វេជ្ជបណ្ឌិត ឬ បន្ទាប់ពីទទួលការព្យាបាលជាមូលដ្ឋានទេ ការធ្វើតេស្តមួយចំនួននឹងត្រូវបានអនុវត្ត។

Q. តើការព្យាបាល ជំងឺច្រាលអាស៊ីតក្រពះ មានរបៀបដូចម្តេចខ្លះ?
ទីមួយ តាមរយៈការប្រើប្រាស់ថ្នាំ សម្រាប់ព្យាបាលបំពង់អាហារជាសះស្បើយ និងកាត់បន្ថយការផលិតអាស៊ីតក្រពះ។ ម្យ៉ាងទៀត ក៏មានជម្រើសក្នុងការវះកាត់ ប្រសិនបើការប្រើថ្នាំ មិនមានប្រយោជន៏ និងរោគសញ្ញានៅតែមាន រឺការស្ថានភាព ដែលអ្នកជំងឺមិនអាចទទួលការព្យាបាលដោយថ្នាំរយៈពេលយូរ ឬជួបនូវផលរំខានបន្ទាប់បន្សំ។

ទីពីរ តាមរយៈ ការផ្លាស់ប្ដូររបៀបរស់នៅសាមញ្ញ ដូចជាៈ
- រក្សាទម្ងន់សមស្រប
- ជៀសវាងតែ កាហ្វេ ភេសជ្ជៈជាតិកាបូណាត ទឹកផ្លែឈើ អាហារជូរ និងហឹរ អាហារដែលមានជាតិខ្លាញ់ និងស្ករសូកូឡា
- ជៀសវាងគ្រឿងស្រវឹង និងថ្នាំជក់
- ជៀសវាងបរិភោគច្រើនសម្រាប់អាហារពេលល្ងាច ជៀសវាងទទួលទានដំណេកភ្លាមៗបន្ទាប់ពីបរិភោគអាហារ ត្រូវរង់ចាំយ៉ាងហោចណាស់ ៤ ម៉ោងបន្ទាប់ពីការទទួលទានរួច
- ជៀសវាងសម្លៀកបំពាក់ ឬខ្សែក្រវ៉ាត់ដែលរឹបខ្លាំង
- បរិភោគអាហារតិចតួច តែញឹកញាប់
- គេងក្នុងស្ថានភាពក្បាលខ្ពស់យ៉ាងហោចណាស់ ៦អ៊ិញ ពីលើគ្រែនៅលើខ្នើយដែលរឹង
- ហាត់ប្រាណអោយទៀងទាត់
- ជៀសវាងមានអារម្មណ៍តានតឹង ។

ជាចុងក្រោយ ជំងឺច្រាលអាស៊ីតក្រពះអាចក្លាយជាជំងឺរ៉ាំរ៉ៃ ប្រសិនបើអ្នកជំងឺមិនទទួលបានការព្យាបាលឲ្យបានត្រឹមត្រូវទេនោះ វាអាចប៉ះពាល់ដល់ការរស់នៅប្រចាំថៃ្ងព្រមទាំងមានការចំណាយច្រើន។

ដូច្នេះបើលោកអ្នកកើតមាននូវរាល់រោគសញ្ញាដែលបានរៀបរាប់ខាងលើនេះ សូមអញ្ជើញមកពិគ្រោះជាមួយវេជ្ជបណ្ឌិតឯកទេសនៅមន្ទីរពេទ្យកាល់ម៉ែត ដើម្បីស្វែងរកការព្យាបាលឲ្យបានត្រឹមត្រូវ និងមានប្រសិទ្ឋភាពខ្ពស់។

ប្រភព មន្ទីរពេទ្យ កាល់ម៉ែត

07/03/2026

សាប៊ូកក់សក់ ឯកទេស បំបាត់អង្គែរ យ៉ាងមានប្រសិទ្ធភាព
ផលិតផលរបស់អាមេរិក កូរ៉េ និងវៀតណាម

08/02/2026

ជំងឺមហារីកហាក់កើនឡើងច្រើនគួរអោយបារម្ភ គ្រប់ផ្នែកនៃរាងការសុទ្ធតែអាចវិវឌ្ឍទៅជាមហារីក។ ក្នុងនោះ មហារីកច្រមុះ(Nasopharyngeal Cancer) ក៏ជាមហារីមួយប្រភេទដែលលោកអ្នកមិនគួរមើលរំលង។

ចង់ដឹងថាវាមានរោគសញ្ញា និងមូលហេតុបែបណា សូមតាមដានខាងក្រោម

Nasopharyngeal Cancer ជាជំងឺមហារីកដែលកើតឡើងនៅផ្នែកខាងក្រោយច្រមុះ និងខាងលើបំពងក ដែលពាក្យបច្ចេកទេសឲ្យតំបន់នេះថា “Nasopharynx”។

ក) រោគសញ្ញា៖
នៅដំណាក់កាលដំបូង ជំងឺមហារីកច្រមុះ ពុំស្ដែងនូវសញ្ញាអ្វីដែលគួរឲ្យកត់សំគាល់ទេ។ រោគសញ្ញាមួយចំនួនដែលតម្រូវឲ្យអ្នកជំងឺមកពិគ្រោះជាមួយគ្រូពេទ្យជំនាញ មានដូចខាងក្រោម៖
- មានឡើងកូនកណ្តុលនៅក
- ឈាមច្រមុះ
- តឹងច្រមុះភាគច្រើនមួយចំហៀង
- សណ្តាប់មានការធ្លាក់ចុះនៅត្រចៀកម្ខាង
- ហឹងត្រចៀក
- ឈឺក្បាល

ខ) មូលហេតុបង្ក៖
មូលហេតុបង្កឲ្យកើតជំងឺមហារីកច្រមុះ នៅមិនទាន់ដឹងពិតប្រាកដ ប៉ុន្តែមានកត្តាមួយចំនួនដែលជំរុញឲ្យកើតមានជំងឺនេះ ៖
- ទីតាំងភូមិសាស្រ្ត ដូចជាប្រទេសចិនភាគខាងត្បូង ឬអាស៊ីខាងកើត
- ការបរិភោគអាហារដែលសម្បូរជាតិ Nitrosamine : អាហារដែលមានកម្រិតអំបិលខ្ពស់ ប្រលាក់ហាលឲ្យស្ងួតរួចអាំង (សាច់ ឬត្រី)
- អ្នកប្រកបរបរដែលទាក់ទងជាមួយឈើ-ជាងឈើ
- Epstein-Barr Virus
- ប្រវត្តិក្រុមគ្រួសារដែលកើតជំងឺនេះ(Nasopharyngeal Cancer)

ប្រភព មន្ទីរពេទ្យ កាល់ម៉ែត

29/12/2025

កត្តាប្រឈមនៃការឈឺចង្កេះ

អាការៈឈឺចង្កេះ គឺជារោគសញ្ញាមួយដែលកើតមានឡើងជាញឹកញាប់ និងទូទៅមិនមានសភាពធ្ងន់ធ្ងរទេ តែជាមូលហេតុចម្បងដែលធ្វើអោយអ្នកជំងឺភាគច្រើនធ្វើការងារមិនបាន ឫរំខានញឹកញាប់កិច្ចការប្រចាំថ្ងៃ។ ការឈឺចង្កេះអាចកើតលើមនុស្សគ្រប់វ័យ ហើយភាគច្រើននៅក្នុងអាយុចន្លោះពី ៤៥ ទៅ ៥០ ឆ្នាំ។ ប្រសិនបើយើងមិនបានធ្វើការព្យាបាលអោយបានត្រឹមត្រូវនោះទេ បញ្ហាឈឺចង្កេះនេះ នឹងអាចវិវត្តន៍ទៅជាជំងឺរ៉ាំរ៉ៃ ឬធ្ងន់ធ្ងរ។

ក) កត្តាប្រឈមមុខនឹងបញ្ហាឈឺចង្កេះមានដូចជា៖
- អ្នកធ្វើការងារដោយប្រើកំលាំងកាយខ្លាំងដូចជា លីសែងរបស់ធ្ងន់ៗ
- អ្នកធ្វើការងារដែលអង្គុយ ឬឈរដោយប្រើរយៈពេលយូរ
- ស្ត្រីមានផ្ទៃពោះ មនុស្សធាត់ មនុស្សចាស់ជរា
- អ្នកដែលពុំសូវបានហាត់ប្រាណជាប្រចាំ
- ស្ត្រីដែលចូលចិត្តពាក់ស្បែកជើងកែងខ្ពស់ៗ

ខ) មានមូលហេតុជាច្រើនដែលបណ្តាលអោយឈឺចង្កេះរួមមាន៖
- វិបត្តិសាច់ដុំ សរសៃពួរតឆ្អឹងត្រង់សន្លាក់
- ការសឹកសន្លាក់ឆ្អឹង ឬដោយសារការពុកឆ្អឹងចង្កេះ
- ការរលាកសន្លាក់ឆ្អឹង និងឆ្អឹងចង្កេះ
- ភាពចុះខ្សោយ និងការលូនមកក្រៅនៃទ្រនាប់ឆ្អឹង
- ការបាក់បែកឆ្អឹងចង្កេះដែលបណ្តាលមកពីគ្រោះថ្នាក់ ប៉ះទង្គិច ធ្លាក់ពីទីខ្ពស់ និងរអិលជាដើម
- ការគាប ឬសង្កត់ទៅលើសរសៃប្រព័ន្ធប្រសាទ
- ជំងឺមហារីក ។ល។

*បញ្ជាក់៖ មូលហេតុភាគច្រើនបណ្ដាលមកពីការលូនមកក្រៅនៃទ្រនាប់ឆ្អឹង ហើយប្រសិនបើមិនបានធ្វើរោគវិនិច្ឆ័យឲ្យបានឆាប់រហ័ស និងព្យាបាលឲ្យបានត្រឹមត្រូវ វាអាចផ្ដល់ផលវិបាកដូចជា ពិការជើង វិបត្តិបន្ទោរបង់ និងការឈឺចាប់ខ្លាំងរហូតមិនអាចធ្វើការបាន។

«សូមកុំទុកអោយបញ្ហាឈឺចង្កេះនេះរំខានដល់ការរស់នៅរបស់លោកអ្នកតទៅទៀត ដោយសូមឆាប់មកពិនិត្យជាមួយក្រុមគ្រូពេទ្យឯកទេសនៃមន្ទីរពេទ្យកាល់ម៉ែត ដើម្បីជៀសវាងផលវិបាកធ្ងន់ធ្ងរទៅថ្ងៃក្រោយ។»

ប្រភពមន្ទីរពេទ្យកាល់ម៉ែត

24/11/2025

📚ស្តុកបង្ហើយ ចុងឆ្នាំ ទិញថែម ទិញថែម🔊🔉

រាល់ការទិញសៀវភៅមគ្គុទេសក៌ជំងឺ1ក្បាល លោកអ្នកនឹងទទួលបានទស្សនាវដ្តីហេលស៌ថាម1ក្បាលបន្ថែម📣📣

1/ សៀវភៅមគ្គុទ្ទេសក៍ជំងឺ
👍ដៃគូសុខភាពដែលនៅជិតអ្នកបំផុត 😊
☝ផ្តល់នូវចំណេះដឹងសុខភាពជាភាសាខ្មែរ
☝ជាង100ជំងឺ មានការបកស្រាយយ៉ាងលម្អិតដោយវេជ្ជបណ្ឌិតឯកទេសជាតិ និងអន្តរជាតិ

2/ វចនានុក្រមពាក្យបច្ចេកទេសពេទ្យ
👉ជាភាសាអង់គ្លេស-ខ្មែរ ពី A_Z
👉មានជាង16000ពាក្យ
👉អត្ថន័យនៃពាក្យបកស្រាយបែបវេជ្ជសាស្ត្រ

3/ សៀវភៅមគ្គុទ្ទេសក៍ប្រើប្រាស់ឱសថ
👉ណែនាំអំពីរបៀប និងកម្រិតប្រើឱសថ
👉ការហាមប្រើប្រាស់របស់ឱសថ
👉ប្រាប់អំពីជំងឺដែលត្រូវប្រើឱសថនីមួយ

4/ សៀវភៅ មិត្តគ្រូពេទ្យ
👉បកស្រាយអំពីប្រភេទជំងឺនីមួយៗ
👉លម្អិតការព្យាបាលបន្ថែម និងថ្នាំ

📖សៀវភៅវេជ្ជសាស្ត្រ
សម្រាប់បង្កើនចំណេះដឹងសុខភាពបន្ថែមដោយខ្លួនឯង📔និងផលិតផលសុខភាពផ្សេងទៀត

ចូលមើលបន្ថែម តម្លៃ ឬទំនាក់ទំនងតាមតេឡេក្រាមខាងក្រោម
https://t.me/+2qqvJ3aKPUhhZGY1

#ឱសថស្ថានអង្គរ

22/11/2025

អ្វីដែលអ្នកជំងឺគួរដឹង មុនធ្វើរោគវិនិច្ឆ័យ និងព្យាបាលដោយ “ការឆ្លុះក្រពះ”!

ការឆ្លុះ ឬសុងក្រពះ គឺជាមធ្យោបាយមួយសម្រាប់ការធ្វើរោគវិនិច្ឆ័យ ក៏ដូចជាព្យាបាលទៅលើភាពមិនប្រក្រតីនៃប្រដាប់រំលាយអាហារផ្នែកខាងលើដូចជា បំពង់អាហារ ក្រពះ និងដើមពោះវៀនតូច។
ដើម្បីអោយអ្នកទទួលបានព័ត៌មានគ្រប់ជ្រុងជ្រោយ អំពីដំណើរការនៃការឆ្លុះក្រពះនេះ ពួកយើងស្នើសុំអោយអ្នក អានឯកសារនេះដោយយកចិត្តទុកដាក់។ ក្រុមគ្រូពេទ្យនឹងរង់ចាំផ្តល់ព័ត៌មានបន្ថែមទៀតសម្រាប់អ្នក បើសិនជាអ្នកមិនសូវយល់ត្រង់ចំណុចណាមួយ និងមានចម្ងល់ផ្សេងៗក្រៅពីនេះ។

ក) ហេតុអ្វីបានជាអ្នកត្រូវធ្វើការឆ្លុះក្រពះ?
បច្ចុប្បន្ននេះ “ការឆ្លុះក្រពះ” នៅតែជាមធ្យោបាយល្អ និងច្បាស់ជាងគេបំផុត ដើម្បីធ្វើរោគវិនិច្ឆ័យ និងព្យាបាលទៅលើជំងឺផ្សេងៗនៃបំពង់អាហារ ក្រពះ និងដើមពោះវៀនតូច។

ខ) តើយើងគួរតែត្រៀមខ្លួនដូចម្តេច មុនការឆ្លុះក្រពះ?
អ្នកត្រូវអត់អាហារយ៉ាងតិច ៦ម៉ោងមុនការឆ្លុះក្រពះ។

គ) តើការឆ្លុះក្រពះដំណើរការទៅយ៉ាងដូចម្តេច?
អ្នកនឹងត្រូវបានដាក់អោយសម្រាកនៅលើគ្រែ ហើយយើងនឹងដាក់ឧបករណ៍ទន់មួយ ហៅថា “អង់ដូស្កុប” រាងដូចទុយោ ដែលភ្ជាប់នឹងកាមេរ៉ា ចូលទៅក្នុងមាត់របស់អ្នក ដើម្បីពិនិត្យមើល បំពង់អាហារ ក្រពះ និងដើមពោះវៀនតូច។

ឃ) តើការឆ្លុះក្រពះមានការលំបាកដែរឬទេ ?
ការឆ្លុះក្រពះ ដោយថ្នាំសណ្តំ មិនមានការលំបាកទេ ។ អ្នកជំងឺគេងលក់ក្នុងពេលដំណើការនៃការឆ្លុះ ។ គាត់មិនមានអារម្មណ៍ដឹងថាគាត់បានឆ្លុះរួចផង។

ង) តើមានផលវិបាកអ្វីខ្លះកើតឡើង កំឡុងពេល ឬក្រោយការឆ្លុះក្រពះ?
គ្រប់សកម្មភាព ឬអន្តរាគមន៍វេជ្ជសាស្រ្ត ទៅលើរាងកាយរបស់មនុស្ស បើទោះជាស្ថិតក្រោមលក្ខខ័ណ្ឌល្អបំផុតនៃ
សមត្ថភាពគ្រូពេទ្យ និងបើទោះជាអនុវត្តក្រោមលក្ខខ័ណ្ឌសុវត្ថិភាព ដែលស្របនឹងទិន្នន័យវិទ្យាសាស្រ្តបច្ចុប្បន្ន យ៉ាងណាក៏ដោយ ភាគរយនៃការកើតជាផលវិបាកនៅតែមាន ប៉ុន្តែក្នុងអត្រាទាបបំផុត។

សម្រាប់ការឆ្លុះក្រពះ ផលវិបាកដែលអាចកើតឡើងគឺកម្រខ្លាំង ផលវិបាកទាំងនោះរួមមាន៖
- ការរងរបួស ឬការរហែកភ្នាសជញ្ជាំងប្រដាប់រំលាយអាហារ ដែលតម្រូវអោយធ្វើការវះកាត់ (លទ្ធផលអាស្រ័យតាមករណីនីមួយៗ)។
- នៅក្នុងករណីកម្របំផុត ការហូរឈាមមិនបាត់ ក៏អាចតម្រូវអោយមានការវះកាត់ដូចគ្នា។ ក្នុងករណីខ្លះ អ្នកជំងឺអាចនឹងត្រូវការការបញ្ចូលឈាម។
- ផលវិបាកផ្សេងៗទៀតអាចកើតមានដែរ តែកម្រខ្លាំង ដូចជា វិបត្តិបេះដូង និងសរសៃឈាម វិបត្តិដង្ហើម និងការឆ្លងរោគជាដើម។
- ផលវិបាកទាំងនេះអាចកើតឡើង អាស្រ័យទៅតាមកត្តាផ្សេងៗ ដូចជាជំងឺប្រចាំកាយ ប្រវត្តិជំងឺពីមុន រឺក៏ការផឹកថ្នាំដែលមានផលប៉ះពាល់មួយចំនួន។

ប្រភព មន្ទីរពេទ្យកាល់ម៉ែត

05/01/2025

ប្រើប្រាស់គ្រឿងស្រវឹងបង្ករជំងឺច្រើនប្រភេទ រួមមាន ញៀន ជំងឺក្រិនថ្លើម មហារីកថ្លើម ជំងឺបេះដូងសរសៃឈាម ជំងឺផ្សេងៗជាង ២០០ មុខ និងបញ្ហាផ្សេងៗទៀត ដូចជា អំពើហឹង្សា គ្រោះថ្នាក់ចរាចរណ៍ និងសុខភាពផ្លូវចិត្ត

«សូមចៀសវាងការប្រើប្រាស់គ្រឿងស្រវឹង»
ប្រភព ក្រសួងសុខាភិបាល

03/01/2025

កត្តាអ្វីខ្លះដែលធ្វើអោយទារកឈ្លក់ទឹកដោះ?

ទារកដែលប្រឈមនឹងការឈ្លក់អាចជា៖
- ទារកដែលកើតមិនគ្រប់ខែ ឬទំងន់មិនគ្រប់
- ទារកដែលមានបញ្ហាបេះដូង
- ទារកដែលមានភាពមិនប្រក្រតីពីកំណើតដូចជាឆែបមាត់ ឬក្រអូមមាត់
- ទារកដែលក្អែរញឹកញាប់
- ក្រៅពីនេះក៏មានការរៀបចំស្ថានភាពទារកអោយបៅ ឬការបំបៅមិនបានត្រឹមត្រូវ

សូមអញ្ជើញមកពិគ្រោះជាមួយគ្រូពេទ្យជំនាញនៃមន្ទីរពេទ្យកាល់ម៉ែត ប្រសិនបើកូនលោកអ្នកនៅតែមានអាការៈឈ្លក់ញឹកញាប់។ សូមចងចាំថា“ទឹកដោះម្តាយគឺជាជំរើសអាហារដ៏មានសុវត្ថិភាពតែមួយគត់ចំពោះទារកដែលទើបនឹងកើត”។
ប្រភព មន្ទីរពេទ្យកាល់ម៉ែត

31/12/2024

គ្រោះថ្នាក់លាក់មុខ ដែលបង្ករពីជំងឺរលាកថ្លើមដោយមេរោគប្រភេទ”សេ”!

ក-ជំងឺរលាកថ្លើមដោយមេរោគប្រភេទ សេ (Hépatite C) គឺជាជំងឺមួយដែលយើងទាំងអស់គ្នាតែងតែបានដឹង និងបានជួបប្រទះជាញឹកញាប់ ហើយនៅពេលខ្លះជំងឺមួយនេះក៏អាចបណ្តាលឲ្យមានផលបះពាល់ជាច្រើនដល់សុខភាព និងអាយុជីវិតផងដែរ។

ខ-រោគសញ្ញ្ញាដែលកើតអាចមាននៅលើអ្នកជម្ងឺគឺអាស្រ័យទៅលើកម្រិតនៃការរលាក និងសភាពរបស់សាច់ថ្លើមរបស់អ្នកជំងឺផងដែរ (សាច់ថ្លើមនៅទន់ធម្មតាគ្រាន់តែមានការរលាក, សាច់ថ្លើមរឹង និងថ្លើមក្រិន)។ នៅខាងក្រោមនេះគឺជាសញ្ញាមួយចំនួនដើម្បីអាចអោយយើងបានគិតទៅដល់ជំងឺរលាកថ្លើម : មានការហេវហត់ ចុះខ្សោយកំលាំង និងសុខភាពដោយមិនមានមូលហេតុច្បាស់លាស់, ឡើងលឿងភ្នែក និងស្បែក, មានរោគសញ្ញាស្រដៀងនឹងជម្ងឺផ្ដាសសាយធំ, មានការហើមជើងជាដើម...។ គួរកត់សំគាល់ផងដែរថាជាង ៨០% នៃអ្នកជំងឺរលាកថ្លើមគឺមិនមានរោគសញ្ញាអ្វីច្បាស់លាស់នោះឡើយ ដូច្នេះមានតែការពិនិត្យឈាមដើម្បីរកវត្តមានរបស់អង្គបដិប្រាណវីរុសសេ Anticorp HCV និងរាប់មេរោគ (PCR HCV) ទេ ដែលអាចកំណត់រោគវិនិច្ឆ័យនៃជម្ងឺប្រភេទនេះបាន ។

គ-ការចម្លងរបស់មេរោគថ្លើមប្រភេទ សេ នេះគឺវាអាចឆ្លងបានតាមរយះ ការប៉ះពាល់ជាមួយនឹងឈាម, ទឹករងៃ, ការមុតដាច់ស្បែក, ការរួមភេទដោយមិនមានប្រើប្រាស់ស្រោមអនាម័យ, ការប្រើប្រាស់វត្ថុមុតស្រួចចាក់ឆ្លងកាត់ស្បែក...។

ឃ-វិធានការក្នុងការបង្ការជំងឺនេះគឺ ជៀសវាងរាល់ការបះពាល់ឈាម និងទឹករងៃរបស់អ្នកជំងឺ, រួមភេទដោយប្រើប្រាស់ស្រោមអនាម័យអោយបានត្រឹមត្រូវ, ជៀសវាងការប្រើវត្ថុមុតស្រួចរួមគ្នា។ គួរសំគាល់ផងដែរថាយើងមិនមានវ៉ាក់ស៊ាំងសម្រាប់ចាក់ការពារមេរោគប្រភេទនេះនៅឡើយទេ។

ការពិនិត្យសុខភាព និង ការធ្វើរោគវិនិច្ឆ័យទាន់ពេលវេលានៅដំណាក់កាលដំបូងជាមួយគ្រូពេទ្យជំនាញនៃមន្ទីរពេទ្យកាល់ម៉ែត (ថ្លើមមិនទាន់ក្រិន ឫ មិនមានដុំមហារីក) របស់ជម្ងឺរលាកថ្លើមប្រភេទ សេ នេះគឺអាចអនុញ្ញតឲ្យគ្រូពេទ្យធ្វើការព្យាបាលបានជាសះស្បើយទាន់ពេលវេលា និងដើម្បីជៀសវាងរាល់ផលវិបាករបស់ជំងឺនេះផងដែរ (ការរលាករាំរៃ, ក្រិនថ្លើម, ដុំមហារីកថ្លើម, ទាចទឹកជាដើម...)។
ប្រភព មន្ទីរពេទ្យកាល់ម៉ែត

15/07/2024

📖📖សៀវភៅវេជ្ជសាស្ត្រ
សម្រាប់បង្កើនចំណេះដឹងសុខភាពបន្ថែមដោយខ្លួនឯង📔និងផលិតផលសុខភាពផ្សេងទៀត ពីហ្គ្រីនហ្វាម៉ា...

1/ សៀវភៅមគ្គុទ្ទេសក៍ជំងឺ តម្លៃ15$
👍ដៃគូសុខភាពដែលនៅជិតអ្នកបំផុត 😊
☝ផ្តល់នូវចំណេះដឹងសុខភាពជាភាសាខ្មែរ
☝ជាង100ជំងឺ មានការបកស្រាយយ៉ាងលម្អិតដោយវេជ្ជបណ្ឌិតឯកទេសជាតិ និងអន្តរជាតិ

2/ វចនានុក្រមពាក្យបច្ចេកទេសពេទ្យ តម្លៃ 8$
👉ជាភាសាអង់គ្លេស-ខ្មែរ ពី A_Z
👉មានជាង16000ពាក្យ
👉អត្ថន័យនៃពាក្យបកស្រាយបែបវេជ្ជសាស្ត្រ

3/ សៀវភៅមគ្គុទ្ទេសក៍ប្រើប្រាស់ឱសថ តម្លៃ 7$
👉ណែនាំអំពីរបៀប និងកម្រិតប្រើឱសថ
👉ការហាមប្រើប្រាស់របស់ឱសថ
👉ប្រាប់អំពីជំងឺដែលត្រូវប្រើឱសថនីមួយ

4/ សៀវភៅ មិត្តគ្រូពេទ្យ តម្លៃ 6.5$
👉បកស្រាយអំពីប្រភេទជំងឺនីមួយៗ
👉លម្អិតការព្យាបាលបន្ថែម និងថ្នាំ

5/រ៉ូយ៉ាល់ឌី វីតាមីនស៊ី 9$
👉ជំនួយស្បែក ការបន្ថយការរបកស្បែក
👉បង្គ្រប់ជាតិទឹកក្នុងរាងកាយ
👉បង្កើតប្រព័ន្ធការពាររាងកាយ

6/ឈុតសេរ៉ូមប្រៃ(1លីត្រ)&សំឡីជូតមុខ 6.5$
👉ជូតសម្អាតផ្ទៃមុខ កម្ចាត់មេរោគ
👉កាត់បន្ថយការរោលស្បែក
👉អាចប្រើសម្រាប់លាងច្រមុះបាន

🚴‍♀សេវ៉ាដឹកជញ្ជូន2$-2.5$

Angkor Pharmacy

28/03/2026

22/03/2026

07/03/2026

08/02/2026

29/12/2025

24/11/2025

22/11/2025

05/01/2025

03/01/2025

31/12/2024

15/07/2024

Address

Telephone

Website

Alerts

Contact The Business

Shortcuts

Share

Category