29/07/2025
ជូនចំពោះជនរួមជាតិជាទីគោរពស្រឡាញ់!❤️️🇰🇭
ជាបណ្តោះអាសន្ន ឃើញថា សង្គ្រាមហាក់បានស្ងប់ស្ងាត់ ប៉ុន្តែផលវិបាកដែលកើតពីសង្គ្រាមនេះនៅតែបន្ត ពិសេសក្រុមគ្រួសារនៃយុទ្ធជនដែលបានពលី យុទ្ធជនពិការ ប្រជាជនដែលបាត់បង់ជីវិត និងក្រុមគ្រួសារ អ្នកដែលបានបាត់បង់ទ្រព្យសម្បត្តិ ផ្ទះសម្បែង និងអ្នកដែលបាត់បង់មុខរបរ បាត់បង់ការងារជាដើម ផ្លូវចិត្តរបស់ពួកគាត់នឹងនៅតែរងរបួសអស់កាលយូរអង្វែងតទៅទៀត។ ដូច្នេះ ក្នុងភាពយើងជាជនរួមជាតិ មកពីគ្រប់បក្ស ឬគ្មានបក្ស មានសាសនា ឬគ្មានសាសនា ការងាររបស់ពួកយើងនៅមិនទាន់ចប់នៅឡើយទេ គឺត្រូវមានកាតព្វកិច្ចជួយសម្រាលគ្នា ទាំងផ្នែកសម្ភារៈ ទាំងផ្នែកស្មារតី ដូចជា៖
- ភិក្ខុសាមណេរ គប្បីដឹកនាំពុទ្ធបរិស័ទ ចុះទៅសួរសុខទុក្ខដល់អ្នករងគ្រោះ សម្តែងធម៌ពង្រឹងផ្នែកស្មារតី រីឯឧបាសក ឧបាសិកា ចូលរួមធ្វើសង្គហធម៌ ដោយរៃអង្គាសជួយផ្នែកសម្ភារៈជាដើម។ សាសនិកដទៃ ក៏គួរតែមានសកម្មភាពដែរ។
- លោកគ្រូពេទ្យ អ្នកគ្រូពេទ្យទាំងឡាយ ក្រៅពីការងារពេញម៉ោងរបស់ខ្លួនហើយ គួរមានការងារស្ម័គ្រចិត្ត ចុះទៅជួយពិនិត្យពិគ្រោះជំងឺដោយឥតគិតថ្លៃជាដើម។
- មានច្រើនរឿងទៀតដែលយើងត្រូវធ្វើ ខ្ញុំនិយាយមិនអស់ទេ ប៉ុន្តែដែលខ្ញុំប្រញាប់ចេញសារនេះ ព្រោះចង់ដាស់តឿនចិត្តគំនិតរបស់យើងទាំងអស់គ្នា ឱ្យគិតកាលវែង ព្រោះថា យើងដែលមិនមែនជាជនរងគ្រោះ យើងអាចឆាប់ភ្លេច ប៉ុន្តែគ្រួសារយុទ្ធជនដែលពលីជាដើម នឹងមានរបួសស្នាមជាប់ក្នុងចិត្តជានិច្ច។ សូមកុំត្រូវការពួកគាត់តែពេលមានសង្គ្រាម។
ដោយសេចក្តីគោរពស្រឡាញ់អំពីខ្ញុំ។ ❤️️🇰🇭
