កសាងពង្រីកសមាជិកគណបក្សនៅមូលដ្ឋានខេត្ត, 373 W 41st Place, Phnom Penh (2026)

04/09/2026

រសៀលថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦
==============================

ឯកឧត្តម ឆុម ចាន់ថន ជាប្រធានក្រុមការងារសាខាគណបក្ស ភ.ព២៦ ចំណុះឱ្យគណៈកម្មាធិការគណបក្សរាជធានីភ្នំពេញ បានចូលរួមក្នុងកិច្ចប្រជុំគណៈឃោសនាអប់រំ នៃគណៈកម្មាធិការគណបក្សប្រជាជនកម្ពុជារាជធានីភ្នំពេញ ស្ដីពី ពិនិត្យវឌ្ឍនភាពការងារនៅខែសីហា និងលើកទិសដៅការងារនៅខែកញ្ញា ឆ្នាំ២០២៦ បន្តទៀត។

ក្រោមអធិបតីភាពដ៏ខ្ពង់ខ្ពស់ ឯកឧត្តម ហួត ហៃ សមាជិកគណៈកម្មាធិការកណ្ដាល និងជាអនុប្រធានគណៈកម្មាធិការគណបក្សប្រជាជនកម្ពុជារាជធានីភ្នំពេញ ។

#គណៈកម្មាធិការគណបក្សប្រជាជនកម្ពុជារាជធានីភ្នំពេញ ៕

04/09/2026

អបអរសាទរ ពិធីបំពាក់គ្រឿងឥស្សរិយយស មេដាយការងារ ជូនបុគ្គលិកអប់រំ យុវជន និងកីឡាខេត្តកំពង់ចាម
====================
(កំពង់ចាម)៖ ដើម្បីជាការលើកទឹកចិត្ត ការតបស្នង និងការដឹងគុណរបស់រាជរដ្ឋាភិបាល ជូនចំពោះបុគ្គលិកអប់រំ យុវជន និងកីឡា ខេត្តកំពង់ចាម ដែលមានគុណបំណាច់ចំពោះជាតិមាតុភូមិ ជាពិសេសការអភិវឌ្ឍធនធានមនុស្ស តាមរយៈ វិស័យអប់រំ សិក្សាធិការ ដែលនាំឱ្យប្រទេសកម្ពុជា នាពេល បច្ចុប្បន្នសម្បូរទៅដោយធនធានមនុស្ស និងមូលធនមនុស្ស។

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នាព្រឹកថ្ងៃទី៤ ខែកញ្ញា ឆ្នាំ២០២៦ បានអញ្ជើញចូលរួមក្នុងពិធី សំណេះសំណាល និងបំពាក់គ្រឿងឥស្សរិយយស មេដាយការងារ ជូនបុគ្គលិកអប់រំ យុវជន និងកីឡាខេត្តកំពង់ចាម ក្រោមអធិបតីភាព ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ស្ថិតនៅសាលាខេត្តកំពង់ចាម ដែលមានសមាជិកចូលរួម ប្រមាណជិត៧០០នាក់។

ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងការកោតសរសើរចំពោះបុគ្គលិកអប់រំទាំងអស់ក្នុងខេត្ត ដែលបានខិតខំប្រឹងប្រែងប្រកបដោយស្មារតីទទួលខុសត្រូវខ្ពស់ក្នុងការបណ្តុះបណ្តាលធនធានមនុស្ស រហូតទទួលបានជោគជ័យយ៉ាងត្រចះត្រចង់។ ឯកឧត្តមអភិបាលខេត្តបានគូសបញ្ជាក់ថា ការទទួលបានគ្រឿងឥស្សរិយយសនាពេលនេះ គឺជាសក្ខីភាពឆ្លុះបញ្ចាំងពីការទទួលស្គាល់នូវគុណបំណាច់ ស្នាដៃ និងការលះបង់យ៉ាងធំធេងរបស់លោកគ្រូ អ្នកគ្រូ និងមន្ត្រីអប់រំទាំងអស់ ដែលបានរួមចំណែកយ៉ាងសំខាន់ក្នុងការលើកកម្ពស់វិស័យអប់រំនៅក្នុងខេត្តកំពង់ចាមឱ្យមានការរីកចម្រើនជាលំដាប់។

នាឱកាសនោះដែរ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ថា រាជរដ្ឋាភិបាលជានិច្ចកាលតែងតែចាត់ទុកវិស័យអប់រំជាអាទិភាពចម្បងក្នុងការអភិវឌ្ឍប្រទេសជាតិ។ គ្រឿងឥស្សរិយយសដែលបានបំពាក់ជូននៅថ្ងៃនេះ មិនត្រឹមតែជាកិត្តិយសផ្ទាល់ខ្លួន និងគ្រួសារប៉ុណ្ណោះទេ ប៉ុន្តែគឺជាការផ្ដល់កម្លាំងចិត្ត និងជាការរំលឹកឱ្យយើងទាំងអស់គ្នាបន្តបេសកកម្មអប់រំកូនចៅជំនាន់ក្រោយ ប្រកបដោយគុណភាព សមត្ថភាព និងគុណធម៌ ដើម្បីក្លាយជាទំពាំងស្នងឫស្សីដ៏រឹងមាំរបស់ជាតិ។
ឯកឧត្តមឧបនាយករដ្ឋមន្ត្រី ក៏បានផ្តាំផ្ញើឱ្យបុគ្គលិកអប់រំទាំងអស់បន្តពង្រឹងសមត្ថភាព និងក្រមសីលធម៌វិជ្ជាជីវៈបន្ថែមទៀត ដើម្បីឱ្យស្របទៅតាមការវិវត្តនៃសម័យកាល និងកំណែទម្រង់វិស័យអប់រំ ផងដែរ៕

04/09/2026

កិច្ចប្រជុំអន្ដរក្រសួងក្រោមយន្តការ “ត្រី-វិស័យ” ថ្នាក់រដ្ឋមន្ត្រី លើកទី៧ ស្តីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
===========================
រាជធានីភ្នំពេញ៖ នាព្រឹកថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦ ក្រុមការងារត្រី-វិស័យ កសិកម្ម-ទឹក-ជនបទ បានរៀបចំកិច្ចប្រជុំអន្ដរក្រសួងក្រោមយន្តការ “ត្រី-វិស័យ” ថ្នាក់រដ្ឋមន្ត្រី លើកទី៧ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ ។ អង្គប្រជុំប្តូរវេនលើកទី៧នេះ ប្រព្រឹត្តទៅនៅក្រសួងកសិកម្ម រក្ខាប្រមាញ់ និងនេសាទដែលជាក្រសួងម្ចាស់ផ្ទះ ក្រោមអធិបតីភាពដ៏ខ្ពង់ខ្ពស់ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និង ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម។

ក្នុងកិច្ចប្រជុំត្រី-វិស័យថ្នាក់រដ្ឋមន្ដ្រីលើកទី៧នេះ មានវត្តមានអញ្ជើញចូលរួមពីសំណាក់ ឯកឧត្តម លោកជំទាវ ជាថ្នាក់ដឹកនាំនៃក្រសួងទាំង៣ ថ្នាក់ដឹកនាំតំណាងក្រសួង ស្ថាប័ន មន្ទីរជំនាញខេត្តគោលដៅ និងតំណាងដៃគូអភិវឌ្ឍន៍ពាក់ព័ន្ធផងដែរ និងមានគោលបំណងចម្បងចំនួន ២ គឺ៖ ទី១. ពិនិត្យលើវឌ្ឍនភាព និងលទ្ធផលការងារសម្រេចបានចុងក្រោយនៅតាមបណ្ដាសហគមន៍ ជាពិសេសនៅតាមបណ្តាសហគមន៍ទាំង ១០ ដែលបានជ្រើសរើសសម្រាប់កិច្ចអន្តរាគមន៍រួមគ្នា និងទី២. ពិនិត្យ ពិភាក្សា និងសម្រេចជាគោលការណ៍ លើសមាសភាពសហគមន៍ដែលត្រូវជ្រើសរើសបន្ថែមសម្រាប់កិច្ចអន្តរាគមន៍ត្រី-វិស័យនៅក្នុងឆ្នាំ២០២៦-២០២៧ និង២០២៨ ។

គួរជម្រាបជូនផងដែរថា ដើម្បីចូលរួមឱ្យសម្រេចជោគជ័យនូវយុទ្ធសាស្ដ្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា និងចក្ខុវិស័យរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា ក្រសួងកសិកម្ម រុក្ខាប្រមាញ់ និងនេសាទ ក្រសួងធនធានទឹកនិងឧតុនិយម និងក្រសួងអភិវឌ្ឍន៍ជនបទ បានសហការគ្នាជាសហថាមពល ក្រោមអភិក្រម “ជវភាពនៃប្រព័ន្ធតួអង្គតែមួយ” ដោយបង្កើតជាក្រុមការងារយន្តការត្រី-វិស័យ កសិកម្ម ទឹក ជនបទ ដើម្បីសម្របសម្រួលការអនុវត្តកម្មវិធីនយោបាយ និងសកម្មភាពអភិវឌ្ឍន៍ជនបទនានាពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ ក្នុងគោលដៅធ្វើការឆ្លើយតបទៅនឹងតម្រូវការនៃការអភិវឌ្ឍដោយផ្ទាល់នៅតំបន់ជនបទ សម្រាប់ការលើកកម្ពស់និងកែលម្អជីវភាពរស់នៅរបស់ប្រជាជននៅតាមសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ ឱ្យមានប្រសិទ្ធភាព ប្រសិទ្ធផលខ្ពស់ និងមានចីរភាព៕

04/09/2026

រដ្ឋមន្ត្រីនៃក្រុមប្រទេសអភិវឌ្ឍន៍តិចតួច (LDC) ស្តីពីការប្រែប្រួលអាកាសធាតុ កំពុងជំរុញការបង្កើមហិរញ្ញប្បទានអាកាសធាតុសម្រាប់ការឆ្លើយតបផលប៉ះពាល់ការប្រែប្រួលអាកាសធាតុ
=============
រដ្ឋធានីឌីលី ប្រទេសទីម័រឡេស្តេ នៅថ្ងៃទី៤ ខែសីហា ឆ្នាំ២០២៦ ឯកឧត្តមបណ្ឌិត អ៊ាង សុផល្លែត ដឹកនាំគណៈប្រតិភូកម្ពុជា ទៅចូលរួមកិច្ចប្រជុំថ្នាក់រដ្ឋមន្ត្រីនៃក្រុមប្រទេសអភិវឌ្ឍន៍តិចតួច (LDC) ស្តីពីការប្រែប្រួលអាកាសធាតុ ដោយបានចូលរួមថ្លែងសន្ទរកថាគន្លឹះដោយបានបង្ហាញពីផលប៉ះពាល់នៃការប្រែប្រួលអាកាសធាតុដែលបានប៉ះពាល់ដល់សេដ្ឋកិច្ច និងសង្គមរបស់យើង ជាវិស័យវិស័យកសិកម្ម សុខាភិបាល បរិស្ថាន និងធនធានធម្មជាតិ ។

ឯកឧត្តមរដ្ឋមន្រ្តី បានសង្កត់ធ្ញន់ថា កម្ពុជាបានប្តេជ្ញាចិត្តជាមួយសហគមន៍អន្តរជាតិ តាមរយៈការដាក់ផែនការជាតិរួមចំណែកការឆ្លើយតបការប្រែប្រួលអាកាសធាតុដំណាក់កាលទី៣ (NDC 3.0) ដោយកំណត់គោលដៅកាត់បន្ថយការបញ្ចេញឧស្ម័នផ្ទះកញ្ចក់ រហូតដល់ ៥៥ % ត្រឹមឆ្នាំ២០៣៥ និងការឆ្ពោះទៅគោលដៅកម្ពុជាជាប្រទេសអព្យាក្រឹតកាបូនត្រឹមឆ្នាំ២០៥០ និងសហគមន៍អន្តរជាតិត្រូវរក្សាសីតុណ្ហភាពត្រឹម ១.៥ អង្សាសេ តាមឆន្ទៈនៃសេចក្តីសម្រេចកិច្ចព្រមព្រៀងទីក្រុងប៉ារីស ស្តីពីការប្រែប្រួលអាកាសធាតុ។ ឯកឧត្តមបានអំពាវនាវឱ្យសហគមន៍អន្តរជាតិ ជាពិសេសប្រទេសអភិវឌ្ឍន៍ត្រូវបង្កើននូវកញ្ចប់ថវិកាសម្រាប់ការដោះស្រាយនិងឆ្លើយតបការប្រែប្រួលអាកាសធាតុតាមការស្នើសុំរបស់ប្រទេសដែលមានការអភិវឌ្ឍន៍តិចតួច (LDC)។

កម្ពុជាក៏បានចូលរួមរៀបចំសេចក្តីប្រកាសរួមទីក្រុងឌីលីឆ្នាំ ២០២៦ ស្តីពីការប្រែប្រួលអាកាសធាតុ ក្នុងគោលបំណងបង្ហាញពីជំហររួមរបស់ប្រទេសអភិវឌ្ឍន៍តិចតួចបំផុត (LDCs) ឆ្ពោះទៅកាន់ COP31 ដោយអំពាវនាវឱ្យបង្កើនសកម្មភាពអាកាសធាតុឱ្យកាន់តែរឹងមាំ និងលឿនជាងមុន រក្សានិងសម្រេចឱ្យបានគោលដៅ 1.5°C និងមានបំណងពង្រឹងកិច្ចសហប្រតិបត្តិការអន្តរជាតិ និងតស៊ូមតិសម្រាប់ការបង្កើនហិរញ្ញប្បទានអាកាសធាតុ ជាពិសេសសម្រាប់ការសម្របខ្លួន និងការផ្ទេរបច្ចេកវិទ្យា ការកសាងសមត្ថភាព និងការអនុវត្តប្រកបដោយប្រសិទ្ធភាពនៃ NDCs និង NAPs ខណៈពេលដែលធានាថាភាពងាយរងគ្រោះជាក់លាក់ និងតម្រូវការអភិវឌ្ឍន៍របស់ប្រទេសអភិវឌ្ឍន៍តិចតួចបំផុតត្រូវបានឆ្លុះបញ្ចាំងយ៉ាងពេញលេញនៅក្នុងលទ្ធផល COP31៕

02/09/2026

សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) ចំនួន ៤.៦៥០ កន្លែង សម្រាប់ថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ ឆ្នាំសិក្សា២០២៦-២០២៧ ដោយឆ្លងកាត់ការប្រឡង និងមិនឆ្លងកាត់ការប្រឡង។
កាលបរិច្ឆេទទទួលពាក្យ៖ ចាប់ពីថ្ងៃជូនដំណឹងនេះតទៅ

01/09/2026

សម្ដេចមហាបវធិបតី នាយករដ្ឋមន្ត្រី និងលោកជំទាវបណ្ឌិត ផ្ដល់អំណោយជាសម្ភារៈសំណង់មួយចំនួន ដល់សាលានាយទាហានសកម្ម

ខេត្តកំពង់ស្ពឺ ៖ ព្រឹកថ្ងៃទី០១ ខែកញ្ញា ឆ្នាំ២០២៦ ឯកឧត្តម នាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បានជួបសំណេះសំណាល និងពាំនាំនូវការផ្តាំផ្ញើសួរសុខទុក្ខ ព្រមទាំងប្រគល់នូវសម្ភារៈសំណង់ ដែលជាអំណោយដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនសាលានាយទាហានសកម្ម តាមរយៈ ឧត្តមសេនីយ៍ត្រី ហួរ ម៉េងហួង នាយកសាលានាយទាហានសកម្ម សម្រាប់កសាងសមិទ្ធផលក្នុងសាលាដើម្បីបម្រើឱ្យការងារបណ្ដុះបណ្ដាលធនធានមនុស្សក្នុងវិស័យយោធា ។

សម្តេចបវរធិបតី នាយករដ្ឋមន្ត្រី និង លោកជំទាវបណ្ឌិត តែងតែយកចិត្តទុកដាក់ដ៏ខ្ពង់ខ្ពស់ និងជាប់ជាប្រចាំ ដល់ការកសាងធនធានមនុស្ស និងការអភិវឌ្ឍស្ថាប័នក្នុងវិស័យយោធា៕

01/09/2026

ឯកឧត្តម ឃួង ស្រេង៖ នារសៀលនេះ ខ្ញុំបាទបានដឹកនាំប្រតិភូចូលរួម “សន្និសិទ្ធពិភពលោកលើកទី១១ របស់សម្ព័ន្ធភាពសម្រាប់សុខុមាលភាពទីក្រុង និងទទួលពានរង្វាន់ប្រចាំឆ្នាំ២០២៦ របស់អង្គការសុខភាពពិភពលោក លើកិច្ចខិតខំប្រឹងប្រែងក្នុងការលើកកម្ពស់សុវត្ថិភាពចរាចរណ៍តាមរយៈការអនុវត្តគម្រោង“ ការដឹកជញ្ជូនមានសុវត្ថិភាព សកម្ម និងលើកកម្ពស់សុខភាព៖ ការជំរុញសុខភាព និងការកាត់បន្ថយវិសមភាពក្នុងការធើ្វដំណើរក្នុងទីក្រុង (The 11th Global Conference of the Alliance for Healthy Cities and the 2026 WHO Healthy Cities Recognition Awards) ដែលពានរង្វាន់នេះមានទីក្រុងជាង ១៥០ទីក្រុង មកពីតំបន់អាស៊ីបាស៊ីហ្វិក បានដាក់ពាក្យដេីម្បីទទួលបានការវាយតម្លៃ និងជ្រើសរើសប្រគល់ពានរង្វាន់នេះ ហើយទីក្រុងដែលជាប់មានចំនួន៨ រាប់ទាំងរាជធានីភ្នំពេញផងដែរ។

ទីក្រុងសុីដនី ប្រទេសអូស្ត្រាលី, ថ្ងៃទី០១ ខែកញ្ញា ឆ្នាំ២០២៦។

01/09/2026

សម្ដេចធិបតី ហ៊ុន ម៉ាណែត៖ សូមចូលរួមអបអរសាទរ ក្មួយៗទាំងអស់ ដែលទទួលបានលទ្ធផលល្អប្រសើរ ក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៥~២០២៦ នេះ ជាមួយគ្នានេះ សម្រាប់ក្មួយៗ ដែលទទួលបានលទ្ធផលមិនគាប់ប្រសើរ សូមកុំបាក់ទឹកចិត្ត ហើយត្រូវខិតខំប្រឹងប្រែងរៀនសូត្របន្ថែមទៀត ដើម្បីប្រែក្លាយលទ្ធផលឱ្យបានគាប់ប្រសើរ ក្នុងការប្រឡងឆ្នាំក្រោយ ឬអាចចាប់យកឱកាសក្នុងការសិក្សាជំនាញវិជ្ជាជីវៈ ឬកម្រិតនៃការសិក្សាបន្ទាប់ ដើម្បីបន្តអភិវឌ្ឍចំណេះដឹង និងជំនាញ សម្រាប់ចាប់យកអាជីពច្បាស់លាស់ ដើម្បីកសាងអនាគតដ៏ភ្លឺស្វាង ។
សម័យប្រឡង ៖ ១០ ~ ១១ សីហា ២០២៦

01/09/2026

អភិបាលខេត្តកំពង់ចាម ដឹកនាំមន្ត្រីជំនាញ អញ្ជើញចុះពិនិត្យ វឌ្ឍនភាពសំណង់ និងការស្ដារឡើងវិញនូវប្រព័ន្ធធារាសាស្ត្រទឹកឆា
====================
ខេត្តកំពង់ចាម៖ នៅព្រឹកថ្ងៃទី០១ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំមន្ត្រីជំនាញ អាជ្ញាធរមូលដ្ឋាននិងអ្នក ពាក់ព័ន្ធ អញ្ជើញចុះពិនិត្យ វឌ្ឍនភាពសំណង់ទ្វារទឹក ប្រឡាយ និងការស្ដារឡើងវិញនូវប្រព័ន្ធធារាសាស្ត្រទឹកឆាខាងលិច និងទឹកឆាខាងកើត ស្ថិតនៅក្នុងឃុំបឹងណាយ និងឃុំក្រូច ស្រុកព្រៃឈរ។
ដំណើរអញ្ជើញចុះពិនិត្យផ្ទាល់នេះ គឺដើម្បីជំរុញ និងធានាគុណភាពនៃការស្ថាបនាប្រព័ន្ធធារាសាស្ត្រដ៏មានសារៈសំខាន់មួយនេះ ឱ្យឆ្លើយតបទៅនឹងតម្រូវការទឹកស្រោចស្រពដំណាំកសិកម្មជូនប្រជាពលរដ្ឋ។
បើតាមបញ្ជាក់របស់មន្ត្រីជំនាញ បានឱ្យដឹងថា ការសាងសង់ និងជួសជុលប្រព័ន្ធធារាសាស្ត្រទឹកឆា គឺជាគម្រោងស្ដារឡើងវិញ ដែលបានចែកចេញជា ២ ប្រភេទរួមមាន៖ ១. ប្រព័ន្ធធារាសាស្ត្រទឹកឆាខាងកើត
ប្រឡាយបេតុង (C)៖ ចំនួន ២ ខ្សែ ប្រវែងស្មើនឹង ២ គីឡូម៉ែត្រ។ ប្រឡាយរងដី៖ ចំនួន ២ ខ្សែ ប្រវែងស្មើនឹង ១៧.៥០៥ គីឡូម៉ែត្រ។ សំណង់សិល្បការ (តូច-ធំ)៖ ចំនួន ១១៦ កន្លែង ដោយអាចផ្គត់ផ្គង់ និងស្រោចស្រពលើផ្ទៃដីកសិកម្មទំហំ ៩៧០ហិកតា ស្មើនិង១.២៦១គ្រួសារ។
២. ប្រព័ន្ធធារាសាស្ត្រទឹកឆាខាងលិច
ប្រឡាយបេតុង (A-B)៖ ចំនួន ៩ ខ្សែ ប្រវែងស្មើនឹង ៤.១២ គីឡូម៉ែត្រ។ សំណង់សិល្បការ (តូច-ធំ)៖ ចំនួន ៦១ កន្លែង។ ផលប្រយោជន៍៖ អាចស្រោចស្រពលើផ្ទៃដីកសិកម្មទំហំ ៩៥០ហិកតា ជូនប្រជាពលរដ្ឋចំនួន ១,២៧៦គ្រួសារ។
វឌ្ឍនភាពនៃការអនុវត្តគម្រោងគម្រោងសាងសង់នេះបានចាប់ផ្តើមបើកដ្ឋានការដ្ឋានកាលពីថ្ងៃទី០១ ខែធ្នូ ឆ្នាំ២០២៥ និងគ្រោងបញ្ចប់ទាំងស្រុងនៅថ្ងៃទី២៦ ខែតុលា ឆ្នាំ២០២៦ ខាងមុខនេះ ដោយសម្រេចបានលទ្ធផលបច្ចុប្បន្នដូចខាងក្រោម៖
ការងារប្រឡាយរងដី និងប្រឡាយបេតុង៖ សម្រេចបាន ១០០% ការងារសំណង់សិល្បការ៖ សម្រេចបាន ៩០%។
តាមរយៈប្រព័ន្ធធារាសាស្ត្រទឹកឆា (លិច-កើត) នេះ វានឹងក្លាយជាកម្លាំងចលករដ៏មានសក្តានុពលក្នុងការជួយសម្រួលដល់ការធ្វើកសិកម្មរបស់ប្រជាពលរដ្ឋក្នុងស្រុកព្រៃឈរ ឱ្យទទួលបានទិន្នផលខ្ពស់ និងបង្កើនជីវភាពគ្រួសារកាន់តែប្រសើរឡើង។
ឯកឧត្តម អភិបាលខេត្ត បានចាត់ឱ្យមន្ត្រីជំនាញ សហការជាមួយអាជ្ញាធរមូលដ្ឋាន និងអ្នកពាក់ព័ន្ធ បន្តការតាមដាន ការអនុវត្តគម្រោងសាងសង់ហេដ្ឋារចនាសម្ព័ន្ធខាងលើនេះ ឱ្យបានជាប់ជាប្រចាំ ដើម្បីសំណង់ធានាបាននូវគុណភាព និងការប្រើប្រាស់បានគង់វង្សយូរអង្វែង៕

01/09/2026

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ផ្ញើសារលិខិតអបអរសាទរជូន ឯកឧត្តម To Lam អគ្គលេខាធិការបក្សកុម្មុយនីស្តវៀតណាម និងជាប្រធានរដ្ឋនៃសាធារណរដ្ឋប្រជាមានិតវៀតណាម ក្នុងឱកាសនៃទិវាបុណ្យជាតិវៀតណាម ថ្ងៃទី២ ខែកញ្ញា ឆ្នាំ២០២៦។

កសាងពង្រីកសមាជិកគណបក្សនៅមូលដ្ឋានខេត្ត

04/09/2026

04/09/2026

04/09/2026

04/09/2026

02/09/2026

01/09/2026

01/09/2026

01/09/2026

01/09/2026

01/09/2026

Address

Telephone

Website

Alerts

Shortcuts

Share

Listing takedown request