https://www.facebook.com/536614409710801/

Health Science Institute of RCAF, National Road No 3, Kraing Daun Tey Village, Sangkat Chomchao, Khan Por sen chey, Phnom Penh (2026)

19/08/2026

ជំនាញសតវត្សទី២១ សម្រាប់និស្សិតពេទ្យ សម្រាប់ខែ សីហា
សម្រាប់និស្សិតវិទ្យាស្ថានវិទ្យាសាស្រ្តសុខាភិបាល ខ.ភ.ម អាចចុះឈ្មោះចូលរួមដោយសេរី តាមរយៈ Qr code ខាងក្រោម។

ជាមួយប្រធានបទ ជំនាញក្នុងការនិយាយជាសាធារណៈ និងរបៀបធ្វើបទបង្ហាញ

កម្មវិធីនេះគាំទ្រដោយអង្គការ GIZ Cambodia

17/08/2026

✨វគ្គបណ្តុះបណ្តាលអំពី «កម្មវិធីសិក្សាគរុកោសល្យមូលដ្ឋានតាមបែបការអប់រំផ្អែកលើសមត្ថភាព» (Competency-Based Education - CBE)
📍ទីតាំង៖ ភ្នំពេញ សណ្ឋាគារ តារាអ៊ែផត ចាប់ពីថ្ងៃទី១៧ ដល់ថ្ងៃទី២១ ខែសីហា ឆ្នាំ២០២៦ ក្រោមគម្រោងលើកកម្ពស់ការគាំពារសង្គម និងសុខភាពដំណាក់កាលទី២ របស់កិច្ចសហប្រតិបត្តិការ អាល្លឺម៉ង់ GIZ វិទ្យាស្ថានវិទ្យាសាស្ត្រសុខាភិបាល ខ.ភ.ម បានរៀបចំវគ្គបណ្តុះបណ្តាលអំពី «កម្មវិធីសិក្សាគរុកោសល្យមូលដ្ឋានតាមបែបការអប់រំផ្អែកលើសមត្ថភាព CBE»

វគ្គបណ្ដុះបណ្ដាលនេះមានការអញ្ជើញចូលរួមក្រោមអធិបតីភាព ឯកឧត្ដម ឧត្ដមសេនីយ៍ទោ សាស្ត្រាចារ្យជំនួយ ង៉ែត សួន នាយករងវិទ្យាស្ថាន ជាតំណាងដ៏ខ្ពង់ខ្ពស់ ឯកឧត្ដម ឧត្ដមសេនីយ៍ឯក សាស្ត្រាចារ្យ នឹម មាលា នាយកវិទ្យាស្ថានវិទ្យាសាស្ត្រសុខាភិបាល កងយោធពលខេមរភូមិន្ទ លោក សាស្ត្រាចារ្យជំនួយ លី ច័ន្ទវឌ្ឍនៈ តំណាងអង្គការ GIZ និងសមាសភាពគ្រូបង្គោលវិទ្យាស្ថាន ចំនួន ១២រូប ព្រមទាំងលោកគ្រូ-អ្នកគ្រូជាសិក្ខាកាមសរុបចំនួន ២៥រូប។

វគ្គបណ្ដុះបណ្ដាលនេះមានគោលបំណងធំៗដូចជា៖
១. បង្កើនការយល់ដឹងកាន់តែស៊ីជម្រៅអំពីគោលការណ៍នៃការអប់រំផ្អែកលើសមត្ថភាព (CBE) និងគរុកោសល្យតាមបែប CBE
២. ពង្រឹងជំនាញការវាយតម្លៃ និងការផ្តល់មតិកែលម្អ
៣. ជំរុញការគាំទ្រ និងសម្របសម្រួលផ្នត់គំនិតនៃការបង្រៀន

នៅក្នុងមតិស្វាគមន៍បើកវគ្គ ឯកឧត្ដម នាយករងវិទ្យាស្ថាន បានសម្តែងនូវការកោតសរសើរ និងបានលើកទឹកចិត្តយ៉ាងជ្រាលជ្រៅដល់លោកគ្រូ-អ្នកគ្រូជាសិក្ខាកាមទាំងអស់ ឱ្យខិតខំប្រឹងប្រែងយកចិត្តទុកដាក់ក្រេបយកចំណេះដឹង និងបទពិសោធន៍ថ្មីៗនេះឱ្យបានទូលំទូលាយ ដើម្បីអភិវឌ្ឍខ្លួនក្លាយជាសាស្ត្រាចារ្យ-យោធាចារ្យដែលមានសមត្ថភាពខ្ពស់ និងប្រកបដោយគុណភាពក្នុងការបណ្តុះបណ្តាលធនធានមនុស្សផ្នែកសុខាភិបាល។

#វិទ្យាស្ថានវិទ្យាសាស្ត្រសុខាភិបាល #គរុកោសល្យ #ការអប់រំផ្អែកលើសមត្ថភាព

17/08/2026

ព្រឹកថ្ងៃចន្ទ ៤កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៧ ខែសីហា ឆ្នាំ២០២៦ នៅវិទ្យាស្ថានវិទ្យាសាស្រ្តសុខាភិបាល ខ.ភ.ម រៀបចំពិធីគោរពទង់ជាតិ និងសំណេះសំណាល ជាមួយនាយទាហាន នាយទាហានរង និងពលទាហានទាំងអស់ ក្រោមអធិបតីដ៏ខ្ពង់ខ្ពស់របស់ ឯកឧត្តម ឧត្តមសេនីយ៍ឯកសាស្រ្តាចារ្យ នឹម មាលា នាយកវិទ្យាស្ថានវិទ្យាសាស្រ្តសុខាភិបាល ខ.ភ.ម។

13/08/2026

លោក ប៉ែន បូណា៖ «ទាល់តែមានមនុស្សពូកែច្រើនទើបប្រទេសរីកចម្រើនខ្លាំង» (ភ្នំពេញ)៖ «ដើម្បីកសាងប្រទេសមួយឱ្យ.....

13/08/2026

✨ បាឋកថាស្ដីពី «ការចូលរួមរបស់យុវជន ដើម្បីឆ្ពោះទៅសម្រេចចក្ខុវិស័យរបស់កម្ពុជា ឆ្នាំ២០៥០»
= = = = = = = = =
📍 ភ្នំពេញ (វ.វ.ស)
📅 នារសៀលថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦ វិទ្យាស្ថានវិទ្យាសាស្ត្រសុខាភិបាលកងយោធពលខេមរភូមិន្ទ បានរៀបចំ «បាឋកថា ស្ដីពី ការចូលរួមរបស់យុវជន ដើម្បីឆ្ពោះទៅសម្រេចចក្ខុវិស័យរបស់កម្ពុជា ឆ្នាំ២០៥០» ដែលជាកិច្ចសហប្រតិបត្តិការរវាង វិទ្យាស្ថានវិទ្យាសាស្ត្រសុខាភិបាល កងយោធពលខេមរភូមិន្ទ និងអង្គភាពអ្នកនាំពាក្យរាជរដ្ឋាភិបាល។

ពិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្ដម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល និង ឯកឧត្ដម ឧត្ដមសេនីយ៍ឯក សាស្ត្រាចារ្យ នឹម មាលា នាយកវិទ្យាស្ថានវិទ្យាសាស្ត្រសុខាភិបាល កងយោធពលខេមរភូមិន្ទ ព្រមទាំងមានការអញ្ជើញចូលរួមពីថ្នាក់ដឹកនាំ បុគ្គលិក យោធាចារ្យ លោកគ្រូ-អ្នកគ្រូ និងប្អូនៗសិស្ស-និស្សិត សរុបប្រមាណ ៦០០នាក់។

🎯 កម្មវិធីនេះរៀបចំឡើងដើម្បី៖
📌 ផ្សព្វផ្សាយ និងបញ្ជ្រាបការយល់ដឹងអំពី «យុទ្ធសាស្ត្របញ្ចកោណ-ដំណាក់កាលទី១» របស់រាជរដ្ឋាភិបាល លើការអភិវឌ្ឍមូលធនមនុស្ស។
📌 ដាស់តឿន និងពញ្ញាក់ស្មារតីដល់ប្អូនៗនិស្សិតឱ្យខិតខំប្រឹងប្រែងរៀនសូត្រ ក្រេបយកចំណេះដឹង និងអភិវឌ្ឍសមត្ថភាពខ្លួនឱ្យកាន់តែខ្លាំងក្លា ដើម្បីត្រៀមខ្លួនចូលរួមចំណែកយ៉ាងសកម្មជាមួយរាជរដ្ឋាភិបាល ក្នុងការអភិវឌ្ឍប្រទេសជាតិឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០។
#វិទ្យាស្ថានវិទ្យាសាស្ត្រសុខាភិបាល #អង្គភាពអ្នកនាំពាក្យរាជរដ្ឋាភិបាល #យុទ្ធសាស្ត្របញ្ចកោណ #ការអភិវឌ្ឍមូលធនមនុស្ស #ចក្ខុវិស័យកម្ពុជា២០៥០

11/08/2026

សិប្បសាលាចែករំលែកបទពិសោធន៍ក្រោមប្រធានបទ«ការលើកកម្ពស់អំណាចស្ត្រីតាមរយៈអក្ខរកម្មឌីជីថល»
——————————————-

រាជធានីភ្នំពេញ៖ អគាសាយ័ណ្ណ ថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១១ ខែ សីហា ឆ្នាំ២០២៦ ក្រោមកិច្ចសហប្រតិបត្តិការរវាងអង្គការ GIZ ជាមួយវិទ្យាស្ថានវិទ្យាសាស្ត្រសុខាភិបាល ខ.ភ.ម បានរៀបចំសិប្បសាលាចែករំលែកបទពិសោធន៍ក្រោមប្រធានបទ«ការលើកកម្ពស់អំណាចស្ត្រីតាមរយៈអក្ខរកម្មឌីជីថល» ក្រោមអធិបតីភាព លោកស្រី វរសេនីយ៍ឯក សាន ស្រីណុច នាយករងវិទ្យាស្ថានទទួលបន្ទុកការងារយេនឌ័រ តំណាងដ៏ខ្ពង់ខ្ពស់ ឯកឧត្ដម ឧត្ដមសេនីយ៍ឯក សាស្ត្រាចារ្យ នឹម មាលា នាយកវិទ្យាស្ថានវិទ្យាសាស្ត្រសុខាភិបាល ខ.ភ.ម និងតំណាងអង្គការGIZផងដែរ។ ក្នុងនោះក៏មានការចូលរួមពី យេនឌ័រនារីវិទ្យាស្ថាន ដែលមកពីមហាវិទ្យាល័យ ការិយាល័យ មន្ទីរពេទ្យ និងនិស្សិតឆ្មបនៃវិទ្យាស្ថានវិទ្យាសាស្រ្តសុខាភិបាល ខ.ភ.ម។

✅ គោលបំណងនៃវគ្គសិប្បសាលានេះ៖
ពង្រឹងសមត្ថភាពលើ «សុវត្ថិភាពឌីជីថល»ដែលជាពត៌មានក្តៅគគុក និងចាំបាច់បំផុតសម្រាប់អ្នកដឹកនាំ:
ទី១. ការពារខ្លួន និងការិយាល័យពីហានិភ័យអនឡាញ (Online Safety)
ទី២. ចេះបែងចែកព័ត៌មានពិត ឬក្លែងក្លាយ (Fact-Checking)

នៅក្នុងឱកាសដ៏មានអត្ថន័យនេះ លោកស្រី វរសេនីយ៍ឯក សាន ស្រីណុច តំណាងយេនឌ័រវិទ្យាស្ថានវិទ្យាសាស្ត្រសុខាភិបាលបានពាំនាំនូវប្រសាសន៍ផ្តាំផ្ញើរបស់ឯកឧត្តមនាយក វិទ្យាស្ថានដែលមានខ្លឹមសារដូចខាងក្រោម:

ទី១. ធ្វើជាអ្នកបន្តវេនផ្សព្វផ្សាយ៖ បន្ទាប់ពីបញ្ចប់សិប្បសាលានេះ សូមអោយនារី ដែលបានចូលរួម ត្រូវយកចំណេះដឹងនេះទៅផ្សព្វផ្សាយបន្តដល់បុគ្គលិក ផ្សេងទៀត នៅក្នុងការិយាល័យ របស់ខ្លួនដែលមិនបានមកចូលរួមនាថ្ងៃនេះ។

ទី២. ចេះសហការនិងការពារគ្នា៖ ចែករំលែកមេរៀន ជួយសម្រួលការងារ គ្នាទៅវិញទៅមក ។ សហការគ្នា ដើម្បីអោយបងប្អូនក្នុងវិទ្យាស្ថានទាំងមូល មានសមត្ថភាពឌីជីថលរឹងមាំដូចៗគ្នា។»

នៅចុងបញ្ចប់នៃសិប្បសាលា លោកស្រី វរសេនីយ៍ឯក សាន ស្រីណុច នាយករងវិទ្យាស្ថានទទួលបន្ទុកការងារយេនឌ័រ បានថ្លែងអំណរគុណយ៉ាងជ្រៀលជ្រៅចំពោះអង្គការGIZ ដែលបានផ្តល់ការគាំទ្រយ៉ាងពេញទំហឹង និង សហការរៀបចំឱ្យមានអង្គសិប្បសាលាដ៏មានសារសំខាន់នាថ្ងៃនេះឡើង និងអ្នកចូលរួមទាំងអស់ដែលបានចំណាយពេលវេលាដ៏មានតម្លៃ និងប្តេជ្ញាចិត្តអភិវឌ្ឍន៍សមត្ថភាពនិងចែកចាយបន្ត ដើម្បីកាត់បន្ថយហានិភ័យអនឡាញ «safety online»។

10/08/2026

ព្រឹកថ្ងៃចន្ទ ១២រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦ នៅវិទ្យាស្ថានវិទ្យាសាស្រ្តសុខាភិបាល ខ.ភ.ម រៀបចំពិធីគោរពទង់ជាតិ និងសំណេះសំណាល ជាមួយនាយទាហាន នាយទាហានរង និងពលទាហានទាំងអស់ ក្រោមអធិបតីដ៏ខ្ពង់ខ្ពស់របស់ ឯកឧត្តម ឧត្តមសេនីយ៍ឯកសាស្រ្តាចារ្យ នឹម មាលា នាយកវិទ្យាស្ថានវិទ្យាសាស្រ្តសុខាភិបាល ខ.ភ.ម។

08/08/2026

កំរងវីដេអូូ"សិប្បសាលាស្តីពី៖ ការលើកកម្ពស់ការអប់រំផ្នែកវេជ្ជសាស្ត្រ ប្រចាំត្រីមាស"
"ADVANCING MEDICAL EDUCATION THROUGH TRIMESTER WORKSHOP"

08/08/2026

✨ កម្មវិធីបិទវគ្គកម្មសិក្សាសហគមន៍ ក្រោមប្រធានបទ «ការថែទាំសុខភាពសហគមន៍» (BSN & BSM ជំនាន់ទី៣)
= = = = =
📍 ខេត្តតាកែវ, ព្រឹកថ្ងៃទី០៧ ខែសីហា ឆ្នាំ២០២៦
មហាវិទ្យាល័យថែទាំវេជ្ជសាស្ត្រ-អមវេជ្ជសាស្ត្រ នៃវិទ្យាស្ថានវិទ្យាសាស្ត្រសុខាភិបាល កងយោធពលខេមរភូមិន្ទ (ខ.ភ.ម) បានដឹកនាំនិស្សិតថ្នាក់បរិញ្ញាបត្រគិលានុបដ្ឋាក (BSN) និងថ្នាក់បរិញ្ញាបត្រឆ្មប (BSM) ជំនាន់ទី៣ សរុបចំនួន ៩០នាក់ ព្រមទាំងគ្រូដឹកនាំចំនួន ០៨នាក់ ចុះកម្មសិក្សាថែទាំសុខភាពសហគមន៍ នៅភូមិថ្កូវ និងភូមិត្រពាំងប្រីយ៍ ឃុំជើងគួន ស្រុកសំរោង ខេត្តតាកែវ។
🏛️ កម្មវិធីនេះបានប្រព្រឹត្តទៅក្រោមអធិបតីភាព ឧត្ដមសេនីយ៍ត្រី វេជ្ជបណ្ឌិតឯកទេស ឃឹម អូណែត នាយករងវិទ្យាស្ថាន និងជាតំណាងដ៏ខ្ពង់ខ្ពស់ ឯកឧត្ដម ឧត្ដមសេនីយ៍ឯក សាស្ត្រាចារ្យ នឹម មាលា នាយកវិទ្យាស្ថានវិទ្យាសាស្ត្រសុខាភិបាល ខ.ភ.ម។ កម្មវិធីនេះក៏មានការនិមន្ត/អញ្ជើញចូលរួមពី ព្រះចៅអធិការវត្តអង្គក្តី, មេប៉ុស្តិ៍រដ្ឋបាលឃុំ, ប្រធានមណ្ឌលសុខភាពឃុំ, ក្រុមប្រឹក្សាឃុំ និងលោកយាយ លោកតា ប្រជាពលរដ្ឋក្នុងមូលដ្ឋានយ៉ាងច្រើនកុះករ។
📋 សកម្មភាពស្នូលក្នុងវគ្គកម្មសិក្សា៖
• ការចុះស្រង់ និងប្រមូលទិន្នន័យជាក់ស្តែងតាមខ្នងផ្ទះប្រជាពលរដ្ឋ
• ការរៀបចំ វិភាគទិន្នន័យ និងធ្វើសេចក្តីសន្និដ្ឋានអំពីស្ថានភាពសុខភាពសហគមន៍
• ការអប់រំផ្សព្វផ្សាយ និងចែករំលែកចំណេះដឹងសុខភាព ជូនដល់ប្រជាពលរដ្ឋដោយផ្ទាល់ ដើម្បីលើកកម្ពស់ការយល់ដឹងអំពីវិធីបង្ការ ការថែទាំ និងការស្វែងរកសេវាព្យាបាលបានទាន់ពេលវេលា។
📊 លទ្ធផលទទួលបាន៖
តាមរយៈការចុះស្រង់ទិន្នន័យបានបង្ហាញថា ប្រជាពលរដ្ឋភាគច្រើនក្នុងមូលដ្ឋាន មានការយល់ដឹងខ្ពស់លើ៖
✅ ការថែទាំសុខភាពផ្ទាល់ខ្លួន និងអនាម័យទូទៅ
✅ ការបរិភោគទឹកឆ្អិន ឬទឹកបរិសុទ្ធ និងការប្រើប្រាស់បង្គន់អនាម័យត្រឹមត្រូវ
✅ អត្ថប្រយោជន៍នៃទឹកដោះថ្លាដំបូងរបស់ម្តាយ
✅ ការថែទាំសុខភាពមាតា និងទារក (មុនសម្រាល និងក្រោយសម្រាល)។
👏 កម្មសិក្សានេះទទួលបានការកោតសរសើរយ៉ាងខ្លាំងពី ព្រះចៅអធិការវត្ត និងអាជ្ញាធរដែនដី ចំពោះស្មារតីសហការ ការខិតខំប្រឹងប្រែង និងធ្វើការងារជាក្រុមរបស់ប្អូនៗនិស្សិតទាំងអស់។
💬 ក្នុងពិធីបិទកម្មវិធី ឯកឧត្ដម នាយករងវិទ្យាស្ថាន បានថ្លែងអំណរគុណយ៉ាងជ្រាលជ្រៅចំពោះអាជ្ញាធរដែនដី និងព្រះចៅអធិការវត្ត ដែលបានសម្រួលទីតាំងស្នាក់នៅ និងជួយជ្រោមជ្រែងដល់និស្សិតក្នុងអំឡុងពេលរៀនសូត្រនេះ។ ជាមួយគ្នានេះ ឯកឧត្តម ក៏បានផ្តាំផ្ញើ និងជំរុញឱ្យប្អូនៗនិស្សិតទាំងអស់ បន្តប្រឹងប្រែងអភិវឌ្ឍសមត្ថភាពរបស់ខ្លួនឱ្យកាន់តែខ្លាំងក្លែមថែមទៀត ដើម្បីរួមចំណែកក្នុងការអភិវឌ្ឍវិស័យសុខាភិបាល និងសង្គមជាតិនាថ្ងៃអនាគត។
#វិទ្យាស្ថានវិទ្យាសាស្ត្រសុខាភិបាល #ការថែទាំសុខភាពសហគមន៍ #ខេត្តតាកែវ #កងយោធពលខេមរភូមិន្ទ

06/08/2026

អាវុធដ៏ស្ងៀមស្ងាត់ដែលបំផ្លាញសុខភាពរបស់អ្នក……

ការប្រកួតផលិតវីឌីអប់រំខ្លីរបស់ក្រសួងអប់រំយុវជន និងកីឡា ស្ដីអំពី « ផលប៉ះពាល់នៃការសេពគ្រឿងស្រវឹង »

👉ចូលរួម share ទាំងអស់គ្នាដើម្បីចែករំលែកដល់មនុស្សជាទីស្រឡាញ់របស់អ្នក😊♥️🙏🏼

ផលិតវីឌីអូដោយ: និស្សិតឱសថសាស្ត្រជំនាន់ទី១០ ឆ្នាំទី៥
ឆេ ឆៃនី & ថី ស្រីម៉ី

Health Science Institute of RCAF

19/08/2026

17/08/2026

17/08/2026

13/08/2026

13/08/2026

11/08/2026

10/08/2026

08/08/2026

08/08/2026

06/08/2026

Address

Telephone

Website

Alerts

Shortcuts

Share

Listing takedown request