បណ្តុំរឿងអប់រំ

30/11/2019

https://www.facebook.com/444815439361920/posts/718651165311678/

#ស្គាល់ប្រវត្តិសាស្រ្ត

គ្រប់ប្រទេសតែងតែមានប្រវត្តិសាស្រ្តរបស់ខ្លួន ហើយក្នុងនាមជាប្រជាជនមួយរូបដែលកុំឱ្យជាប់ឈ្មោះ “រស់ធ្ងន់ប្រទេស” ត្រូវតែដឹងពីប្រវត្តិសាស្រ្តរបស់ខ្លួន។ អ្នកនយោបាយចាម៉ៃកាមួយរូបបាននិយាយ ថា “ប្រជាជនដែលគ្មានចំណេះដឹងអំពីប្រវត្តិសាស្រ្ត ប្រភពកកើត និងវប្បធម៌របស់ខ្លួនទេ ប្រៀបដូចជាដើមឈើគ្មានឫសអ៊ីចឹង”។ កាន់តែប្រសើរថែមទៀត យើងគួរតែដឹងអំពីប្រវត្តិសាស្រ្តពិភព លោក ពិសេសប្រវត្តិសាស្រ្តនៃប្រទេសដែលពាក់ព័ន្ធនឹងជាតិយើង។

ការស្វែងយល់អំពីប្រវត្តិសាស្រ្តទៀតសោត ត្រូវតែមានលក្ខណៈជាការសិក្សាស្រាវជ្រាវបែបវិទ្យាសាស្រ្ត និងស៊ីជម្រៅ ជាជាងយល់តាមបែបអារម្មណ៍ និងនិន្នាការអ្វីមួយ។ ប្រវត្តិសាស្រ្ត គឺជារឿងពិត មិនអាចប្រឌិតនិងកែក្រឡៃបានឡើយ។ ប៉ុន្តែប្រជាជនតែងតែរងគ្រោះ ពីព្រោះប្រវត្តិសាស្រ្តភាគច្រើនសរសេរដោយអ្នកឈ្នះ សូម្បីអធិរាជបារាំង ណាប៉ូឡេអ៊ុង ក៏ធ្លាប់បានលើកឡើងអំពីរឿងសរសេរប្រវត្តិសាស្រ្តដោយអ្នកឈ្នះនេះដែរ។ យើងត្រូវតែចេះស្វែងរកប្រភពឯកសារទាំងឡាយ ដែលភាគច្រើនសរសេរមានលក្ខណៈវិទ្យាសាស្រ្ត ដោយ​បុគ្គលដែលគ្មាននិន្នាការឬអារម្មណ៍ និងមានលក្ខណៈគ្រប់ជ្រុងល្អ។

ផលលំបាកជាច្រើនដែលអាចកើតឡើង ប្រសិនបើប្រជាជនក្នុងប្រទេសមួយ ពិសេសយុវជនដែលមិនបានខ្វល់ខ្វាយអំពីប្រវត្តិសាស្រ្តខ្លួនឱ្យបានច្បាស់ និងស៊ីជម្រៅ។ មិនយល់គឺជាគ្រោះថ្នាក់មួយ ហើយយល់ខុសរិតតែគ្រោះថ្នាក់ ពីព្រោះពួកគេនឹងគ្មានមូលដ្ឋានដើម្បីចូលរួមក្នុងការសម្រេចចិត្ត ក្នុងកិច្ចការជាតិតាមរយៈមេដឹកនាំប្រទេស​ឬអ្នកនយោបាយរបស់ខ្លួនឡើយ។ ទស្សនវិទូអង់គ្លេសមួយរូប និយាយ​ថា “បើអ្នកមិនដឹងពីប្រវត្តិសាស្រ្ត (រឿងអតីតកាល) ទេ នោះប្រវត្តិសាស្រ្តនឹងដាក់ទណ្ឌកម្មអ្នកម្តងទៀតមិនខាន”។ ប៉ុន្តែបើយើងយល់ពីប្រវត្តិសាស្រ្ត ច្បាស់ណាស់ថា ប្រទេសនឹងធ្វើដំណើរទៅមុខដោយភាពស្វាហាប់ ប្រកបដោយទំនុកចិត្ត និងមិនដើរតាមដានអាក្រក់នៃប្រវត្តិសាស្រ្តនោះ។

រឿងគួរឱ្យយកចិត្តទុកដាក់មួយទៀត សតវត្សរ៍ទី២១នេះ បរិបទពិភពលោកហាក់ប្រែប្រួលខ្លាំង ចំហាយប្រវត្តិសាស្រ្តចាស់សតវត្សរ៍​ទី២០ នៅសល់តិចតួចប៉ុណ្ណោះ ដ្បិតសង្គ្រាមត្រជាក់រវាងអាម៉េរិក និង​សូវៀត បានរលត់បាត់ទៅហើយ។ សម័យកាលបច្ចុប្បន្ន គ្មានឥទ្ធិពលខ្លាំងទៀតឡើយនៃមនោគមវិជ្ជានយោបាយ នៅសល់តែប្រយោជន៍ប៉ុណ្ណោះ។ ដើម្បីដើរឱ្យទាន់សម័យកាល និងបរិបទថ្មី ប្រវត្តិសាស្រ្តនៅតែចូលរួមចំណែកធំធេង ហើយប្រជាជនរឹតតែត្រូវ​តែ​ស្វែងយល់ឱ្យបានស៊ីជម្រៅបំផុតដែរ។ ការស្វែងយល់អំពីព្រឹត្តិ​ការណ៍​ថ្មីៗ កាន់តែសំខាន់ ពីព្រោះហេតុការណ៍ពីម្សិលមិញ បានក្លាយជា​ប្រវត្តិសាស្រ្តនៅថ្ងៃនេះ៕

#ប្រវត្តិសាស្រ្ត #តំណក់ទស្សនៈ #ឈុំសីហា #ជាតិនិយម #ហាតប៊ុក

25/11/2019

https://www.facebook.com/501516393676428/posts/703812803446785/

ក្នុងមួយឆ្នាំ ប្រទេសកម្ពុជាយើងទទួលទានកាហ្វេដល់ទៅជាង 600 តោន ឯណោះ ក៏ប៉ុន្តែមានប្រមាណចំនួន 10% ប៉ុណ្ណោះ ដែលយើងដាំខ្លួនឯង និងនៅសល់ 90% ទៀត យើងធ្វើការនាំចូលពី វៀតណាម ឡាវ និង ថៃ។

ទីផ្សារហាងកាហ្វេមួយផ្នែកធំរបស់កម្ពុជា គឺគ្រប់គ្រងដោយក្រុមហ៊ុនមកពីព្រះរាជាណាចក្រថៃ ដែលមានដូចជា Cafe Amazon, Inthanin cafe, Doilor, Chapayom, Doi Chaang ជាដើម។ ចំណែកទីផ្សារនៅសល់គឺគ្រប់គ្រងដោយស្លាកសញ្ញានៅក្នុងស្រុក ក៏ដូចជាអន្តរជាតិមួយចំនួន ដូចជា Brown, Tube Cafe, Mobile Cafe, Starbuck, Gloria Jeans, Park Cafe ជាដើម។

ការបើកជំនួញហាងកាហ្វេ នៅកម្ពុជាអាចនឹងមានភាពងាយស្រួល ប្រសិនបើអ្នកមានស្លាកសញ្ញាល្បី រឹងមាំស្រាប់ ព្រោះអ្នកពិសារមួយភាគធំ បានមើលរំលងទៅលើគុណភាពកាហ្វេ ពោលគេអោយតម្លៃទៅលើ ស្លាកសញ្ញា បរិយាកាសកន្លែងទទួលទាន និងភាពងាយស្រួលក្នុងការទិញជាដើម។

បច្ចុប្បន្ន ឱកាសបើកជំនួញហាងកាហ្វេនៅសល់ជាច្រើនមិនទាន់ចប់ឡើយ ហេតុដូច្នេះហើយ បានជាក្រុមហ៊ុនហាងកាហ្វេ មកពីក្រៅស្រុកជាច្រើន ដូចជា Amazon និង Inthanin ជាដើមនោះសន្យាថាខ្លួននឹងបើកសាខា អោយបានខ្ទង់ រយទៀត នៅក្នុងរយៈពេលប៉ុន្មានឆ្នាំខាងមុខ។

បើយោងតាមបទពិសោធន៍អ្នកផ្ទាល់ តើហាងកាហ្វេដែលមានដើមកំណើតក្នុងប្រទេសយើង និង មកពីក្រៅស្រុក តើមួយណាមានគុណភាព ល្អជាង?

13/11/2019

ចូលអានដើម្បីទទួលបានគតិល្អៗ▪︎▪︎▪︎

ការចែករំលែកគំនិត គឺជាតួនាទីមួយផ្នែករបស់អ្នកនិពន្ធ។ ជួនកាល ក្រោយពេលយើងចែករំលែកហើយ ទើបដឹងថា អ្វីដែលយើងគិត....

12/11/2019

EBA

(*អត្ថបទវិភាគសាកល្បង)

វាមិនមែនជារឿងធម្មតាទេ អំពីការបិទការអនុគ្រោះពន្ធនាំចេញទៅកាន់ទីផ្សារអឺរ៉ុប ពីព្រោះ គ្រប់យ៉ាងបានក្លាយជាប្រព័ន្ធ ទៅហើយ។ សរសៃរឈាមដែលធ្លាប់ដំណើរការបានល្អ អាចនឹងជួបបញ្ហា ប្រសិនបើមានដុំណាមួយធ្វើឱ្យរាំងស្ទះនោះ។ តើការបិទ​ការអនុគ្រោះពន្ធនាំចូលអឺរ៉ុប EBA (គ្រប់យ៉ាងលើកលែងអាវុធ) ជាដុំតូច ឬដុំធំ?

១. សេដ្ឋកិច្ចកម្ពុជា ពឹងលើសរសេរស្តម្តទាំងបួន គឺ វាយនភណ្ឌ (កាត់ដេរ) សំណង់ ទេសចរណ៍ និងកសិកម្ម។ ផលិតផលភាគច្រើន ពិសេសវាយនភណ្ឌ និងកសិកម្ម (អង្ករ) នាំចេញទៅកាន់ទីផ្សារអឺរ៉ុប។ តាមរបាយការណ៍មួយចុះផ្សាយដោយសហភាពអឺរ៉ុប ទំហំទឹកប្រាក់នៃការនាំទំនិញទៅទីផ្សារអឺរ៉ុប មានរហូតដល់ជិត ៦ពាន់លានដុល្លារអាម៉េរិក កាលពីឆ្នាំ២០១៨ ហើយ៩៥% ជាផលិតផលស្ថិតក្នុងគម្រោងអនុគ្រោះពន្ធ ។ ក្នុងនោះទៀតសោត ៣ភាគ៤ គឺជាផលិតផលសំលៀកបំពាក់ និងវាយនភណ្ឌ ដែលមានទំហំទឹកប្រាក់ប្រមាណ ៤.៤១ពាន់លានដុល្លារអាម៉េរិក។

២. អឺរ៉ុបនិងអាម៉េរិក គឺជាសម្ព័ន្ធមិត្តនឹងគ្នា បើអឺរ៉ុបចាប់ផ្តើមផ្តាច់ការអនុគ្រោះពន្ធនេះ អាម៉េរិកប្រហែលជាពិចារណាដូចគ្នាចំពោះប្រព័ន្ធអនុគ្រោះរបស់ខ្លួន ( ) ដ្បិតអឺរ៉ុប និងអាម៉េរិក ធ្លាប់បានប្រកាសជំហនេះដូចគ្នា។ ការវិវត្តន៍ថ្មីៗនេះ អឺរ៉ុប នៅតែរក្សាជំហដដែល ដោយចង់ឃើញពីការកែលំអលក្ខខណ្ឌជាច្រើន ជុំវិញបញ្ហាសិទ្ធិមនុស្ស ប្រជាធិបតេយ្យ និងលក្ខខណ្ឌការងារ។

៣. បិទការអនុគ្រោះពន្ធ មានន័យថា គេតម្រូវឱ្យបង់ពន្ធនាំចូលទៅកាន់ប្រទេសរបស់គេ (២៨ប្រទេស)។ រោងចក្រដែលធ្លាប់ចំណេញច្រើន អាចចំណេញតិច រោងចក្រដែលធ្លាប់ចំណេញតិច អាចលែងចំណេញ ហើយរោងចក្រដែលមិនចំណេញ អាចខាតបង់។ លើសពីនេះ អ្នកចង់មករកស៊ី ឬបញ្ជាទិញ ក៏អាចពិចារណា។ អ្នករកស៊ី គេមិនចេះងាប់ក្រឡាឡើយ ដូចនេះគេអាចនឹងបង្វែរការវិនិយោគទៅកាន់ប្រទេសផ្សេងទៀត។

៤. ការបិទរោងចក្រ បាននាំនូវវិបត្តិដ៏ធំ និងជះផលអាក្រក់ជាប្រព័ន្ធ។ កម្មករជាច្រើន អាចនឹងបាត់បង់ចំណូលជាប្រចាំរបស់ខ្លួន ស្របពេលចំណូលទាំងនេះត្រូវបែងចែកដល់គ្រួសារនៅស្រុកផង ផ្តត់ផ្គង់ខ្លួនឯងផង និងសងបំណុលធនាគារផង។ អាជីវកម្មខ្នាតតូចៗមួយចំនួន នឹងត្រូវប៉ះពាល់ដូចគ្នា ពិសេសគ្រឹះស្ថានហិរញ្ញវត្ថុផ្សេងៗទៀត។ វិបត្តិសង្គមអាចកើនឡើង ហើយកំលាំងពលកម្ម (កំលាំងសកម្ម) កម្ពុជាអាចនឹងបន្តហូរចេញក្រៅប្រទេសកាន់តែច្រើន។

៥. ការបង្វែរទៅកាន់ទីផ្សារផ្សេងទៀត (ថ្មី) និងប្រទេសចិន អាចត្រូវការពេលវេលាច្រើនបំផុត។ អឺរ៉ុប និងអាម៉េរិក ភាគច្រើនមានលក្ខខណ្ឌច្រើន ប៉ុន្តែល្អសម្រាប់និយោជិក (បុគ្គលិក) ពិសេសលក្ខខណ្ឌការងារ។ ចិន មិនសូវខ្វល់ខ្វាយរឿងអ្វីឡើយ សំខាន់គឺចំណេញ ដែលមិនសូវប្រសើរសម្រាប់ការអភិវឌ្ឍន៍ប្រកបដោយស្ថិរភាពយូរអង្វែង។

>> សរសៃរឈាមសេដ្ឋកិច្ចកម្ពុជា ដែលកំពុងមានដំណើរការល្អប្រសើរ មិនគួរឱ្យមានការរាំងស្ទះអ្វីឡើយនៅពេលនេះ។

១. ជជែកពិភាក្សាក្នុងនាមខ្មែរនឹងខ្មែរត្រូវតែកើតមាន និងបន្តរក្សាឱ្យមានជារៀងរហូត។

២. ការគោរពសិទ្ធិមនុស្ស និងប្រជាធិបតេយ្យ គឺជាមូលដ្ឋានគ្រឹះសំខាន់បំផុតរបស់មនុស្សជាតិ ដែលត្រូវធ្វើឱ្យមានភាពប្រសើរឡើងជានិច្ច មិនមែនសម្រាប់តែលក្ខខណ្ឌអ្វីមួយឡើយ។

៣. ស្វែងរកទីផ្សារថ្មី និងមិនត្រូវបន្តពឹងតែលើការអនុគ្រោះពន្ធពីគេរហូតនោះឡើយ។ មិនគួរពឹងផ្អែកលើទីផ្សារទៅកាន់ប្រទេសណាមួយធំជាងគេឯងនោះដែរ។ ប្រើប្រាស់នយោបាយ #សេដ្ឋកិច្ចស្រីក្រមុំ។

៤. បន្តអភិវឌ្ឍន៍ឱ្យបានគ្រប់វិស័យ ដោយមិនត្រូវពឹងផ្អែកផ្នែកសេដ្ឋកិច្ចទៅកាន់វិស័យតែប៉ុន្មាននោះទេ។

៥. បន្ថូរបន្ថយពន្ធឬលក្ខខណ្ឌផ្សេងៗ ទាំងលើតុឬក្រោមតុ ដើម្បីបន្ថយការចំណាយរបស់អ្នកវិនិយោគ៕

#សេដ្ឋកិច្ច #បទវិភាគ #សហភាពអឺរ៉ុប #នយោបាយ

05/11/2019

https://m.facebook.com/story.php?story_fbid=148263763226981&id=108178030568888

#តើអ្នកដឹងទេ ?
1. រាល់អាហារដែលអ្នកទទួលទានបន្ទាប់ពីម៉ោង 8យប់ទៅជារៀងរាល់ថ្ងៃ គឺមានជាតិពុលដល់រាងកាយ។
2. ប្រសិនបើអ្នកអាចអនុវត្តដោយការពិសារទឹករយៈពេល ៣ខែនោះ ស្បែក, រាងកាយ នឹងសេរីរាង្គ ចាប់ផ្តើមមានដំណើរការល្អប្រសើរ។
3. តើអ្នកដឹងទេថា អាហារពេលព្រឹកជាអាហារសំខាន់បំផុត សំរាប់អ្នក? ប្រសិនបើអ្នករំលងអាហារពេលណាមួយ ក៏មិនគួររំលងអាហារពេលព្រឹកនោះទេ ។
4. តើអ្នកដឹងទេថា សាច់ក្រហម គឺមានគ្រោះថ្នាក់សំរាប់សុខភាព ។
5. តើអ្នកដឹងទេថា មនុស្សតែងតែញញឹមគឺរស់បានយូរជាង, ក្មេងជាង, មានសុខភាពល្អជាង អ្នកដែលមិនសូវញញឹម ឬ មិនញញឹម ។
6. អ្នកអាចប្រើផលិតផលសំរាប់រាងកាយរបស់អ្នកដែលមានតម្លៃថ្លៃ ហើយថែរក្សារាងកាយ អ្នកបានយ៉ាងល្អ ប៉ុន្តែអ្នកមិនដែលដឹងទេថា ទឹកឃ្មុំ + ផ្លែចេក ដែលអាចធ្វើអោយស្បែករបស់អ្នកភ្លឺរលោងមើលទៅស្អាត នឹងធ្វើអោយមនុស្ស ។ អ្នកដទៃហ្នឹងសួរ តើឯងប្រើផលិតផលអ្វី បានភ្លឺរលោង បែបនេះ ។
7. រាល់ដបភេសជ្ជៈ, ស្រាបៀរ ដែលអ្នកទទួលទាន, អ្នកបានពិសារស្ករ ៩គីប ទៅ ៤៤គីប ទៅតាមប្រភេទនីមួយៗ (1cube sugar = 4.2gram of sugar). បើពិសារបាន ៧ថ្ងៃ ឬលើស ចំពោះបុរស វាបង្កើតអាត្រា ជំងឺគាំងបេះដូង ២០ភាគរយ ។
8. អ្នកមិនដែលទទួលទានអាហារពេលព្រឹក នឹងធ្វើអោយមានកំរិតជាតិស្ករក្នុងឈាមទាប ។
9. បើពិសារទឹក ពេលដែលអ្នកស្រេកទឹក វានឹងបំផ្លិចបំផ្លាញថ្លើមរបស់អ្នក មានន័យថា អ្នកមិនដែលសូវផឹកទឹក ។
10. ការទប់នោមរបស់អ្នក នៅពេលដែលអ្នកចង់នោម វាធ្វើអោយ ខូចតំរង់នោម នឹងថ្លើម ។
11. ការបន្ថែមអំបិលក្នុងម្ហូបរបស់អ្នក ត្រូវបានគេកត់សំគាល់ឃើញថា វាជាផ្លូវនៃការបង្កើនជាតិពុលយឺតៗ ក្នុងខ្លួន ជាពិសេស ប៉ះពាល់ដល់សេរីរាង្គសំខាន់ ៗ មានដូចជា ខួរក្បាល បេះដូង សួត .....។
12. ការសង្កេតមើលទម្លាប់នៃការបរិភោគ អោយបានត្រឹមត្រូវត្រូវ នោះគឺ ទទួលទានអាហារ ព្រឹកដូចស្តេច ល្ងាចដូចព្រះនាង យប់ដូចអ្នកសុំទាន នោះជួយអោយអ្នកមានអាយុយឺនយូរ ។

** ទម្លាប់អាក្រក់ទាំង ៥ ដែលបំផ្លាញខួរក្បាលរបស់អ្នក÷
1. មិនទទួលទានអាហារពេលព្រឹក
2. ចូលគេងយប់ជ្រៅ
3. បរិភោគជាតិស្ករច្រើន
4. ពាក់មួក, កន្សែង ឬស្រោមជើង ពេលគេង ។
5. ទប់នោម ពេលឈឺនោម ។

សូមថែរក្សាសុខភាពរបស់អ្នក សុខភាពជាទ្រព្យសម្បត្តិស្តុកស្តម្ភ ។

ប្រភព: Facebook

04/11/2019

https://www.facebook.com/501516393676428/posts/687098378451561/

ហេតុអ្វីយើងត្រូវបង់ពន្ធ?

ពន្ធមានប្រវត្តិតាំងពី ៣០០០ ឆ្នាំ មុនគ្រឹស្តសករាជទៅទៀត ដែលដំបូងនោះ វាត្រូវបានគេរកឃើញនៅក្នុងប្រទេសអាស្ស៊ីបដែលមានឈ្មោះជាឡាតាំងថា Taxo។ វាសមហេតុផល ដែលប្រជាពលរដ្ឋត្រូវបង់ពន្ធ ហេតុដូច្នេះហើយបានជាចំណេរកាលក្រោយមក ប្រទេសជាច្រើននៅទូទាំងសកលលោកបានប្រើប្រាស់ប្រព័ន្ធប្រមូលប្រាក់ពីប្រជារាស្ត្រនេះ ទៅអោយអ្នកគ្រប់គ្រងប្រទេស។

មូលហេតុចម្បងតែមួយគត់ដែលអ្នកត្រូវបង់ពន្ធនោះគឺ ដើម្បីចឹញ្ចឹមរដ្ឋរបស់អ្នកអោយដំណើរការទៅមុខ។

ពន្ធដែលកំពុងប្រើប្រាស់នៅកម្ពុជាបច្ចុប្បន្ន មានច្រើនប្រភេទ ដែលមានដូចជាពន្ធលើប្រាក់ចំណូលទៅលើសហគ្រាស ពន្ធទៅលើថ្លៃទំនិញ ឬ សេវាកម្ម (VAT) ពន្ធទៅលើប្រាក់ខែ ពន្ធកាត់ទុក និងពន្ធបន្ទាប់បន្សំជាច្រើនទៀត។

អ្នកត្រូវបង់ពន្ធ ព្រោះប្រាក់អ្នកនឹងជួយអោយរាជរដ្ឋាភិបាលអាចចំណាយទៅលើប្រាក់ខែមន្ត្រី រាជការ អាចប្រើប្រាស់នៅក្នុងវិស័យសាធារណៈនានា ក៏ដូចជាវិស័យសន្តិសុខផងដែរ។ ក្នុងលក្ខ័ណ្ឌដែលអ្នកគេចវេស ឬ មិនបានបំពេញកាតព្វកិច្ចនោះទេ អ្នកអាចប្រឈមមុខត្រូវពិន័យប្រាក់ ក៏ដូចជាប្រឈមមុខនឹងច្បាប់ផងដែរ។

នៅក្នុងនិយមន័យរបស់សេដ្ឋកិច្ចវិទូវិញ ពន្ធ គឺជាការផ្ទេរប្រាក់ពីគ្រួសារ ឬ ក្រុមហ៊ុន អោយទៅកាន់រាជរដ្ឋាភិបាល។ វាមានឥទ្ធិពលដែលអាចប៉ះពាល់ទាំងទៅដល់កំណើនសេដ្ឋកិច្ច ក៏ដូចជាភាពសុខស្រួលក្នុងការរស់នៅរបស់ប្រជាជន។

មានចម្ងល់អ្វីផ្សេងទៀតទាក់ទងនឹងពន្ធ ឬ ទេ?

03/11/2019

https://www.facebook.com/501516393676428/posts/686241751870557/

ថ្វីត្បិតប្រទេសជប៉ុនផ្តល់ជំនួយអោយយើងរាល់ឆ្នាំ តែមានដឹងទេថាវាគឺជាប្រទេស ដែលមានបំណុលជាតិច្រើនជាងគេលើពិភពលោក?

ប្រភពទិន្នន័យក្នុងឆ្នាំ ២០១៩

ឯកសារយោង៖http://worldpopulationreview.com/countries/countries-by-national-debt/

02/11/2019

https://www.facebook.com/501516393676428/posts/685428545285211/

ចង់បានការងារល្អធ្វើ គួរស្វែងរកនៅទីណា?

នេះឆ្នាំ ២០១៩ ហើយ ហេតុដូច្នេះការស្វែងរកការងារ និង ដាក់ពាក្យ គឺលែងពិបាក និងសាំញ៊ាំ ដូចកាលពីមុន ដែលយើងត្រូវដើររកតាមក្រុមហ៊ុន ហើយទម្លាក់ CV និងចាំគេទាក់ទងមកនោះទេ។ ជាផ្នែកមួយ នៃអត្ថបទស៊េរីរបស់យើង នៅថ្ងៃនេះ យើងសុំធ្វើការចែករំលែកវេបសាយពិសេសចំនួន ៤ ដែលអ្នកត្រូវសាកល្បងកុំអោយខានឡើយ ព្រោះការងារដែលដាក់នៅទីនោះ សុទ្ធតែជាការងារល្អៗ មិនថាសម្រាប់អ្នកគ្មានបទពិសោធន៍ និងអ្នកមានបទពិសោធន៍ច្រើនឆ្នាំនោះទេ។

១. LinkedIn

LinkedIn.com គឺជាបណ្តាញសង្គមទំនាក់ទំនងមួយ ដែលអ្នកគប្បីត្រូវមានដាច់ខាត ព្រោះវាអាចជួយអោយអ្នកភ្ជាប់ទំនាក់ទំនងជាមួយ បុគ្គលិក ម្ចាស់ក្រុមហ៊ុន អ្នកដឹកនាំ និងមនុស្សមានសមត្ថភាពជាច្រើន។ អ្វីដែលពិសេសនោះគឺ LinkedIn មានឱកាសការងារជាច្រើនដែលអ្នកអាចស្វែងរកនៅទីនោះ ដោយអ្នកអាចធ្វើការទាក់ទងទៅ Agency ដែលមានស្រាប់ ឬ ក៏អាចរកដោយខ្លួនឯងបាន នៅក្នុងក្រឡោន Jobs។
ការងារនៅទីនោះមិនត្រឹមតែត្រូវបានផ្តល់អោយដោយក្រុមហ៊ុនធំៗក្នុងស្រុកទេ តែក៏មានឱកាសការងារ ពីក្រុមហ៊ុនធំៗមកពីក្រៅស្រុក ក៏ដូចជាមានឱកាសការងារ ទៅក្រៅស្រុកផងដែរ។
ប្រសិនបើអ្នកមានគណនី LinkedIn រួចហើយ សូមធ្វើការភ្ជាប់ទំនាក់ទំនងជាមួយមនុស្ស អោយបានកាន់តែច្រើន គឺកាន់តែល្អ ជាពិសេសគឺមនុស្សដែលធ្វើការទាក់ទងជាមួយជំនាញរបស់អ្នក ព្រោះវាអាចជួយបង្កើនឱកាសការងារខ្ពស់ និងរក្សាទំនាក់ទំនងល្អនៅថ្ងៃមុខ។

2. Glassdoor

Glassdoor.com វិញ ផ្តោតសំខាន់ទៅលើការងារខ្ពស់ជាង LinkedIn ដោយនៅទីនោះ អ្នកអាចអាន មតិរបស់បុគ្គលិក ការព្យាករណ៍ប្រាក់ខែ និង គន្លឹះពេលធ្វើបទសម្ភាសន៍ជាដើម។ នៅទីនោះទៀតសោត ក៏សំបូរទៅដោយឱកាសការងារពិសេសៗផងដែរ ពីបណ្តាក្រុមហ៊ុនធំៗដែលមកវិនិយោគ ឬ ពង្រីកសាខានៅទីនេះ ហើយយើងក៏ឃើញមានក្រុមហ៊ុនធំៗក្នុងស្រុកដូចគ្នាដែរ។

3.Bongthom

bongthom.com គឺជាវេបសាយស្វែងរកការងារក្នុងស្រុកមួយ ដែលបានប្រតិបត្តិអស់រយៈពេលជាយូរមកហើយ។ នៅទីនេះ គឺសំបូរទៅដោយការងារក្នុងស្រុក ជាច្រើន ហើយអ្នកក៏មានភាពងាយស្រួល ក្នុងការស្វែងរកការងារ ទៅតាមប្រភេទ កាតុឡុកដែលគេបានរៀបចំស្រាប់។ អ្នកក៏អាចធ្វើការជ្រើសយកប្រភេទការងារ ដែលមានដូចជា ក្រៅម៉ោង ការងារធ្វើនៅផ្ទះ និងកម្រិតនៃសមត្ថភាពរបស់អ្នក មានដូចជាចាប់ពីទាប ដល់ខ្ពស់។

4. CamHR

camhr.com មានឱការការងារច្រើន ដូចទៅនឹង Bongthom ដែរ តែពិសេសត្រង់ថា CamHR ក៏មានសេវាកម្មផ្នែករើស និង គ្រប់គ្រងបុគ្គលិកដែរ។ ហេតុដូច្នេះ ដើម្បីទទួលបានឱកាសការងារមួយចំនួន អ្នកអាចទាក់ទងផ្ទាល់ទៅកាន់បុគ្គលិកនៅទីនេះ ដើម្បីទទួលបានការព្រឹក្សា ផ្តល់យោបល់ ដើម្បីស្វែងរកការងារដ៏សមរម្យមួយអ្នកចង់បាន។

ក្នុងចំណោមមធ្យោបាយទាំងបួនខាងលើនេះ វាមានអត្ថប្រយោជន៍ផ្សេងៗគ្នា។ តែសម្រាប់ខ្ញុំផ្ទាល់ ខ្ញុំសូមណែនាំអោយជ្រើសរើស LinkedIn មុនគេ ព្រោះវាអាចជួយអោយអ្នកកសាង Profile ខ្លួនឯងចាប់ពីឥលូវនេះទៅ ហើយទៅថ្ងៃមុខ អ្នកអាចនឹងទទួលបានឱកាសច្រើន ជាង Platform បីខាងក្រោម។ យ៉ាងណាមិញ ប្រសិនបើអ្នកទើបតែបញ្ចប់ការសិក្សា ឬ គិតថាខ្លួនឯងត្រូវការចំណាយពេលបន្តិចក្នុងការអភិវឌ្ឍន៍ខ្លួននោះ ខ្ញុំសូមណែនាំអោយសាកល្បង មធ្យោបាយស្វែងរកការងារទាំង បី ខាងក្រោមបាន។

01/11/2019

https://www.facebook.com/242361172524857/posts/2532643420163276/

បារាំង៖ ហាមសិស្សអាយុក្រោម១៥ឆ្នាំ ប្រើប្រាស់ទូរស័ព្ទ

ប្រទេសបារាំង បានចេញច្បាប់ថ្មី ដោយហាមឃាត់សិស្សសាលាដែលមានអាយុក្រោម១៥ឆ្នាំ មិនឱ្យប្រើប្រាស់ទូរស័ព្ទ និងឧបករណ៍អេឡិចត្រូនិកផ្សេងទៀតដូចជា នាឡិកាវៃឆ្លាត (Smart Watch) និង Tablets ក្នុងពេលសិក្សា។ ការហាមឃាត់នេះ ត្រូវធ្វើឡើងសូម្បីតែក្នុងម៉ោងសំរាកញ៉ាំអាហារពេលថ្ងៃក៏ដោយ។

ការសម្រេចបែបនេះ គឺដោយសាររដ្ឋាភិបាលបារាំង ព្រួយបារម្ភថា សិស្សអាចនឹងឈ្លក់វង្វេងជាមួយទូរស័ព្ទខ្លាំងពេក ដែលអាចប៉ះពាល់និងរំខានដល់ការសិក្សារបស់ពួកគេ។

ប្រភព៖ www.businessinsider.com

01/11/2019

ស៊ូតុងប៉៖ ឱ្យតែយើងតស៊ូរស់ពឹងលើកម្លាំងខ្លួនឯង រឿងអីត្រូវខ្លាចគេមើលងាយ