មណ្ឌលសុខភាពអូរតាសេក/Otasek Health Center

30/05/2026

វីដេអូសារអប់រំសុខភាពស្តីពីជំងឺគ្រុនឈាម

#មន្ទីរសុខាភិបាលខេត្តព្រះសីហនុ

14/05/2026

ថ្ងៃព្រហស្បតិ៍ ១៣ រោច ខែពិសាខ
ឆ្នាំមមី អដ្ឋស័ក ពស ២៥៧០
ត្រូវនឹងថ្ងៃទី14 ខែឧសភា ឆ្នាំ2026

ឯកឧត្តម ម៉ាង ស៉ីណេត អភិបាលខេត្តព្រះសីហនុ ឆ្លៀតចុះអញ្ចើញទៅសួរសុខទុក្ខអ្នកជម្ងឺ និងពិនិត្យមើលស្ថានភាពមណ្ឌលសុខភាព អូរតាសេក ស្រុកស្ទឹងហាវ ខេត្តព្រះសីហនុ ។

24/04/2026

📣សេចក្តីជូនដំណឹង៖ កម្មវិធីពិនិត្យ ព្យាបាល និងវះកាត់ជំងឺភ្នែកដោយឥតគិតថ្លៃ
————————————————
មន្ទីរសុខាភិបាលនៃរដ្ឋបាលខេត្តព្រះសីហនុ មានកិត្តិយសជម្រាបជូនដល់សាធារណជន អាជីវករ កម្មករ និយោជិត និងបងប្អូនប្រជាពលរដ្ឋទាំងអស់ឱ្យបានជ្រាបថា៖ ដើម្បីចូលរួមចំណែកកាត់បន្ថយពិការភាពភ្នែក កម្មវិធីសុខភាពភ្នែកនៃមន្ទីរសុខាភិបាល សហការជាមួយកម្មវិធីជាតិសុខភាពភ្នែកនៃក្រសួងសុខាភិបាល និងដោយមានការឧបត្ថម្ភគាំទ្រពី មូលនិធិហ្វ្រេដហូឡូ (Fred Hollows Foundation) នឹងរៀបចំយុទ្ធនាការផ្តល់សេវាសុខភាពភ្នែក ដោយឥតគិតថ្លៃ រួមមាន សេវាកម្មផ្តល់ជូន៖ ពិនិត្យ ព្យាបាល និងវះកាត់ជំងឺភ្នែកឡើងបាយ ជំងឺទឹកដក់ក្នុងភ្នែក ជំងឺភ្នែកដុះកន្ទុយថ្លែន និងជំងឺភ្នែកផ្សេងៗទៀត។

📅 កាលបរិច្ឆេទ និងទីកន្លែង៖
១. ថ្ងៃទី១១-១២ ខែឧសភា ឆ្នាំ២០២៦៖ នៅប៉ុស្តិ៍សុខភាពអាយុយឺនយូរអូរតាក់សេ ក្នុងស្រុកកំពង់សីលា។
២. ថ្ងៃទី១៣-១៥ ខែឧសភា ឆ្នាំ២០២៦៖ នៅមណ្ឌលសុខភាពវាលរេញ ក្នុងស្រុកព្រៃនប់។

អាស្រ័យហេតុនេះ សូមបងប្អូនប្រជាពលរដ្ឋដែលមានបញ្ហាភ្នែកទាំងអស់ អញ្ជើញមកទទួលសេវាពិនិត្យ និងព្យាបាលតាមកាលបរិច្ឆេទ និងទីកន្លែងដែលបានជម្រាបជូនខាងលើឱ្យបានទាន់ពេលវេលា។
សូមអរគុណ! 🙏

#មន្ទីរសុខាភិបាលខេត្តព្រះសីហនុ #ពិនិត្យភ្នែកឥតគិតថ្លៃ #សុខភាពភ្នែក #ខេត្តព្រះសីហនុ #យុទ្ធនាការសុខភាព២០២៦

30/12/2025

ក្នុងឱកាសចូលឆ្នាំថ្មី ឆ្នាំសកល២០២៦ខាងមុខនេះ
ខ្ញុំបាទប្រធាន និងមន្រ្តីរបស់មណ្ឌលសុខភាពអូរតាសេក សូមគោរពជូនលោកជំទាវ លឹម សាមាន ប្រធានមន្ទីរសុខាភិបាលនៃរដ្ឋបាលខេត្តព្រះសីនុ ព្រមទាំងថ្នាក់ដឹកនាំ នឹងមន្រ្តីទាំងអស់នៃមន្ទីរសុខាភិបាល សូមទទួលបាននូវសុខភាពល្អបរិបូរណ៍ ប្រជ្ញាឈ្លាសវៃ អាយុយឺនយូរ ជោគជ័យរាល់ភារៈកិច្ច ព្រមទាំងទទួលបាននូវពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើង!!
សូមអរគុណ🙏🙏🙏

15/12/2025

សេចក្តីជូនដំណឹង
មណ្ឌលសុខភាពអូរតាសេក មានកិត្តិយស សូមជំរាបជូនដំណឹងអោយបានជ្រាបថា: ប្រសិនបើបងប្អូនជនភៀសសឹក មានបញ្ហាសុខភាព រឺមានតម្រូវការសេវាបង្ការ ផ្សេងៗ សូមអញ្ជើញ មកមណ្ឌលសុខភាពអូរតាសេក មណ្ឌលសុខភាព នឹងផ្តល់ជូនការពិនិត្យសុខភាព បឋម និងសេវាបង្ការផ្សេងៗជូន បងប្អូនដោយឥតគិតថ្លៃ។
អាស្រ័យហេតុនេះសូមបងប្អូនជនភាសសិកទាំងអស់ជ្រាបជាដំណឹង។
អាស័យដ្ឋានក្រុម21 ភូមិ1 ឃុំទំនប់រលក ស្រុកស្ទឹងហាវ ខេត្តព្រះសីហនុ

11/10/2025

សេចក្ដីជូនដំណឹង
ដេីម្បីចូលរួមអបអរសាទរទិវាសុខភាពភ្នែកពិភពលោក​ឆ្នាំ២០២៥​ ក្រោមប្រធានបទ "ស្រលាញ់ភ្នែករបស់អ្នក" មន្ទីរសុខាភិបាលខេត្តព្រះសីហនុ​ សូមអញ្ជេីញប្រជាពលដ្ឋទាំងអស់ដែលមានបញ្ហាភ្នែក​ មកពិនិត្យ​ ព្យាបាល​ និងវះកាត់ជំងឺបាយភ្នែក​ ភ្នែកកន្ទុយថ្លែន​ និងជំងឺភ្នែកផ្សេងៗទៀតដោយ​ ឥតគិតថ្លៃ​ ចាប់ពីថ្ងៃទី​ ១៣​ ដល់​ ១៤​ ខែតុលា​ ឆ្នាំ២០២៥​ នៅមន្ទីរពេទ្យបង្អែកខេត្តព្រះសីហនុ​ (ហៅពេទ្យចំការចេក)​។
សូមអរគុណ

04/10/2025

🏨មណ្ឌលសុខភាពអូរតាសេក
📣 សូមគោរពជម្រាបជូនដំណឹងដល់ ឯកឧត្តម-លោកជំទាវ លោក-លោកស្រី បងប្អូនប្រជាពលរដ្ឋ មន្រ្តីរាជការ ទាំងអស់អោយបានជ្រាបថា ៖
👉ពេលមកប្រើប្រាស់សេវាសុខាភិបាលនៅមណ្ឌលសុខភាព សូមភ្ជាប់មកជាមួយនូវ៖
១.អត្តសញ្ញាណប័ណ្ណ ឬ សំបុត្រកំណើត
២.ប័ណ្ណសុខភាពកុមារ (ប័ណ្ណលឿង)
៣.ប័ណ្ណសមធម៌ ឬ ប័ណ្ណគ្រួសាងាយរងហានិភ័យ
៤.ប័ណ្ណ ប.ស.ស
៥.លេខទូរស័ព្ទសំរាប់ទំនាក់ទំនង
❤️️កុំបីខាន
👉ចាប់ពីថ្ងៃទី០១ ខែតុលា ឆ្នាំ២០២៥ នេះតទៅ ។
សូមអរគុណ!

10/08/2025

16/07/2025

សេចក្តីជូនដំណឹងស្តីពីការពិនិត្យ និងព្យាបាលជំងឺភ្នែក
—————
សូមអញ្ជើញប្រជាពលរដ្ឋទាំងអស់ដែលមានបញ្ហាភ្នែក មកពិនិត្យ ព្យាបាល និងវះកាត់ជំងឺបាយភ្នែក ភ្នែកកន្ទុយថ្លែននិងជំងឺភ្នែកផ្សេងៗទៀតដោយ ឥតគិតថ្លៃ ចាប់ពីថ្ងៃទី២១ ដល់ ២៣ ខែ កក្កដា ឆ្នាំ២០២៥ ពេលព្រឹកចាប់ពីម៉ោង ៨ព្រឹក ដល់ម៉ោង ១១ព្រឹក និងពេលរសៀលចាប់ពីម៉ោង ២ ដល់ម៉ោង ៥ ល្ងាច នៅអគារចក្ខុរោគនៃមន្ទីរពេទ្យបង្អែកខេត្តព្រះសីហនុ (ហៅពេទ្យចំការចេក)

13/07/2025

មណ្ឌលសុខភាពអូរតាសេក សូមជំរាបជូនដំណឹង ដល់ពុកម៉ែបងប្អូនប្រជាពលរដ្ឋទាំងអស់ជាពិសេសបងប្អូនដែលមានបញ្ហាសុខភាពភ្នែកថាក្រុមគ្រូពេទ្យភ្នែកនៃមន្ទីរសុខាភិបាលខេត្តព្រះសីហនុ នឹងចុះមកពិនិត្យ និងព្យាបាលជំងឺភ្នែកដោយឥតគិតថ្លៃ: ទីតាំង មណ្ឌលសុខភាពអូរតាសេក/Otasek Health Center
ពេលវេលា: ថ្ងៃទី15 ខែកក្កដា ឆ្នាំ2025 ចាប់ពីម៉ោង8ព្រឹក ដល់ម៉ោង11ព្រឹក
សូមអរគុណ!!
#រដ្ឋាបាលខេត្តព្រះសីហនុ #មន្ទីរសុខាភិបាលខេត្តព្រះសីហនុ #រដ្ឋាបាលស្រុកស្ទឹងហាវ #រដ្ឋបាលឃុំទំនប់រលក