មន្ទីរពេទ្យបង្អែក ខេត្តព្រះសីហនុ

23/04/2026

ថ្ងៃទី២២ ខែមេសា ឆ្នាំ២០២៦ – លោក នៃ គង់ អភិបាលរង នៃគណៈអភិបាលខេត្តព្រះសីហនុ បានអញ្ជើញចុះពិនិត្យវឌ្ឍនភាព និងការងារជាក់ស្តែងនៅមន្ទីរពេទ្យបង្អែកខេត្តព្រះសីហនុ។

ការចុះត្រួតពិនិត្យនេះ មានគោលបំណងដើម្បីតាមដានដំណើរការផ្តល់សេវាថែទាំសុខភាពជូនប្រជាពលរដ្ឋ ក៏ដូចជាវាយតម្លៃលើកិច្ចការងារអភិវឌ្ឍន៍នានាក្នុងមន្ទីរពេទ្យ ដើម្បីធានាបាននូវប្រសិទ្ធភាព និងគុណភាពខ្ពស់ក្នុងការបម្រើសេវាជូនអ្នកជំងឺ។

23/04/2026

នាថ្ងៃទី២១ ខែមេសា ឆ្នាំ២០២៦ ឯកឧត្តមសាស្រ្តាចារ្យ ថុង សុខហ៊ាន បានចុះពិនិត្យវឌ្ឍនភាពនៅមន្ទីរពេទ្យបង្អែកខេត្តព្រះសីហនុ។

ការចុះត្រួតពិនិត្យនេះ មានគោលបំណងដើម្បី ពិនិត្យវឌ្ឍនភាពការផ្តល់សេវាថែទាំសុខភាពជូនប្រជាពលរដ្ឋក្នុងមូលដ្ឋាន ព្រមទាំងផ្តល់អនុសាសន៍ណែនាំ ដើម្បីពង្រឹងប្រសិទ្ធភាពការងារឱ្យកាន់តែប្រសើរឡើងថែមទៀត។ ឯកឧត្តមសាស្រ្តាចារ្យ បានសម្តែងនូវការកោតសរសើរចំពោះក្រុមគ្រូពេទ្យ និងបុគ្គលិកទាំងអស់ដែលបានបំពេញបេសកកម្មដ៏ថ្លៃថ្លាក្នុងការថែទាំសុខភាពប្រជាពលរដ្ឋ តែក៏ត្រូវ ពង្រឹងប្រសិទ្ធភាពការងារឱ្យកាន់តែប្រសើរឡើងថែមទៀតផងដែរ។

ការអភិវឌ្ឍន៍ជាបន្តបន្ទាប់នៅមន្ទីរពេទ្យបង្អែកខេត្តព្រះសីហនុ គឺជាសក្ខីភាពបញ្ជាក់ពីការប្តេជ្ញាចិត្តរបស់ថ្នាក់ដឹកនាំ និងបុគ្គលិកទាំងអស់ ដែលធ្វើឱ្យមន្ទីរពេទ្យក្លាយជាទីតាំងផ្តល់សេវាសុខាភិបាលដ៏មានទំនុកចិត្តសម្រាប់ប្រជាពលរដ្ឋ។

15/04/2026

សួស្តីឆ្នាំថ្មី ប្រពៃណីជាតិខ្មែរ!
មន្ត្រីរាជការ និងបុគ្គលិកនៃមន្ទីរពេទ្យបង្អែកខេត្តព្រះសីហនុ សូមគោរពជូនពរ លោកវេជ្ជបណ្ឌិត សេង ណុង និងក្រុមគ្រួសារ ក្នុងឱកាសឆ្នាំថ្មី។ សូមទទួលបាននូវសុខភាពល្អបរិបូរណ៍ កម្លាំងមាំមួន និងជោគជ័យគ្រប់ភារកិច្ច។

11/04/2026

📢 កម្មវិធីវះកាត់បបូរមាត់ឆែប និងក្រអូមមាត់ឆែប ដោយឥតគិតថ្លៃ! 👄✨
============================
អង្គការ Smile Cambodia សហការជាមួយមន្ទីរពេទ្យបង្អែកខេត្តព្រះសីហនុ នឹងរៀបចំកម្មវិធីវះកាត់ជូនដល់អ្នកជំងឺដែលមានបញ្ហា បបូរមាត់ឆែប ក្រអូមមាត់ឆែប និងពិការភាពមុខមាត់ ផ្សេងៗ។

🗓 កាលបរិច្ឆេទពិនិត្យ និងចុះឈ្មោះ៖ ថ្ងៃទី ១០ ខែឧសភា ឆ្នាំ ២០២៦
🏥 ទីតាំង៖ នៅមន្ទីរពេទ្យបង្អែកខេត្តព្រះសីហនុ
⏳ កាលបរិច្ឆេទវះកាត់៖ ចាប់ពីថ្ងៃទី ១០ ដល់ ១២ ខែឧសភា ឆ្នាំ ២០២៦
👉 កម្មវិធីនេះធ្វើឡើងដោយឥតគិតថ្លៃទាំងស្រុង!

សូមបងប្អូនជួយចែករំលែកព័ត៌មាននេះបន្ត ដើម្បីឱ្យអ្នកដែលមានតម្រូវការបានដឹង និងមកទទួលសេវាវះកាត់ឱ្យបានទាន់ពេលវេលា ដើម្បីស្នាមញញឹមដ៏ស្រស់ស្អាតរបស់ពួកគេ។
រួមគ្នាផ្តល់ស្នាមញញឹមថ្មីដល់កុមារ និងបងប្អូនរបស់យើង! 🙏💙

09/04/2026

នាព្រឹកថ្ងៃទី៩ ខែមេសា ឆ្នាំ២០២៦៖ ថ្នាក់ដឹកនាំ មន្ត្រីរាជការ និងបុគ្គលិក នៃមន្ទីរពេទ្យបង្អែកខេត្តព្រះសីហនុ បានរៀបចំពិធីសូត្រមន្តចម្រើនព្រះបរិត្ត ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី ដែលនឹងចូលមកដល់ក្នុងពេលដ៏ខ្លីខាងមុខនេះ។

គោលបំណងនៃពិធីនេះ គឺដើម្បីបួងសួងសុំសេចក្ដីសុខ សេចក្ដីចម្រើន និងពរជ័យសិរីមង្គលពីទេវតាឆ្នាំថ្មី ឆ្នាំមមី ព្រះនាម រាក្យសាទេវី ជូនដល់ថ្នាក់ដឹកនាំ បុគ្គលិកពេទ្យ និងជាពិសេសសូមឱ្យបងប្អូនប្រជាពលរដ្ឋដែលជាអ្នកជំងឺទាំងអស់ ទទួលបាននូវសុខភាពល្អបរិបូរណ៍ ឆាប់ជាសះស្បើយពីជំងឺដង្កាត់ទាំងពួង។

31/03/2026

នាថ្ងៃទី៣១ ខែមីនា ឆ្នាំ២០២៦៖ មន្ទីរពេទ្យបង្អែកខេត្តព្រះសីហនុ បានទទួល «បណ្ណសរសើរមេត្រីភាពបរិស្ថាន» ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន។
បណ្ណសរសើរនេះគឺជាសក្ខីភាពបញ្ជាក់ពីការខិតខំប្រឹងប្រែងរបស់ថ្នាក់ដឹកនាំ និងមន្រ្តីមន្ទីរពេទ្យបង្អែកខេត្តព្រះសីហនុ ទាំងអស់ ក្នុងការលើកកម្ពស់អនាម័យ បរិស្ថានស្អាត និងការគ្រប់គ្រងសំណល់ប្រកបដោយសុវត្ថិភាព។

31/03/2026

សូមថ្លែងអំណរគុណយ៉ាងជ្រាលជ្រៅចំពោះទឹកចិត្តសប្បុរសធម៌របស់៖
- លោក សូវ ហ៊ុយសេង និងភរិយា
- ម្ចាស់ឱសថស្ថានកំពង់សោមថ្មី
ដែលបានជួយឧបត្ថម្ភកៅអីរង់ចាំសម្រាប់អ្នកជំងឺ ដល់មន្ទីរពេទ្យបង្អែកខេត្តព្រះសីហនុ។

សូមជូនពរ លោកទាំងទ្វេ និងក្រុមគ្រួសារ ឱ្យទទួលបាននូវពុទ្ធិពរទាំង ៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងសូមឱ្យអាជីវកម្មកាន់តែរីកចម្រើនជោគជ័យជានិច្ចនិរន្តរ៍។

20/03/2026

នៅថ្ងៃទី១៩ ខែមីនា ឆ្នាំ២០២៦ មន្ទីរពេទ្យបានរៀបចំកិច្ចប្រជុំ រួមមាន:
- ផ្សព្វផ្សាយ ដាក់អោយអនុវត្តនីតិវិធីស្តង់ដារ (SOP) ចំនួន ៥ ។
- ផ្សព្វផ្សាយផែនការកែលម្អលើកកម្ពស់គុណភាព ក្រោយការវាយតម្លៃប្រចាំឆមាស ។
- ផ្សាព្វផ្សាយផែនការថែទាំឆ្នាំ២០២៦ ។
- របាយការណ៍ហិរញ្ញប្បទានឆ្នាំ២០២៥ ។
- ផ្តល់ថវិកាលើកទឹកចិត្តឆមាសទី២ និង ទី២ ឆ្នាំ២០២៥ ដល់ផ្នែក និង មន្ត្រីមានស្នាដៃ ។
- ចែកលិខិតសរសើរផ្តល់ដោយក្រសួងមុខងារសាធារណ: ដល់មន្ត្រីមានស្នាដៃ ដែលបានចូលរូមប្រឡងប្រណាំងអង្គភាពផ្តល់សេវាសាធារណ:គំរួក្នុងវិស័យសុខាភិបាល ឆ្នាំ២០២៤ ។

Shared album · Tap to view!

05/03/2026

សេចក្តីជូនដំណឹង
—————————————-
ភ្ជាប់ទំនាក់ទំនងជាមួយមន្ទីរពេទ្យតាមរយៈ
🌐 Telegram https://t.me/+u1DX_vepJVs3N2Y1
🌐 Website http://sihanoukreferralhospital.com
🌐 Facebook https://www.facebook.com/profile.php?id=100063831677010

04/03/2026

ថ្ងៃទី ៣ ខែមីនា ឆ្នាំ២០២៦
មន្ទីរពេទ្យបង្អែកខេត្តព្រះសីហនុ
សូមថ្លែងអំណរគុណយ៉ាងជ្រាលជ្រៅចំពោះសប្បុរសជន ក្នុងនិងក្រៅប្រទេស ដែលបាន នាំយកនូវអំណោយ ចែកជូនផ្ទាល់ដល់
ក្រុមគ្រូពេទ្យយាមប្រចាំការ និងអ្នកជំងឺទាំងអស់ដែលកំពុងសម្រាកព្យាបាល ក្នុងមន្ទីរពេទ្យ។
អំណោយដែលសប្បុរសដែលបានផ្តល់ជូនរួមមាន៖
-💧 ទឹកសុទ្ធ
-🍾 ទឹកត្រី និង ទឹកស៊ីអ៊ីវ
-🧂 អំបិល និង ស្ករស ប៊ីចេង
-🧴 ប្រេងឆា
-🌿 ប្រេងខ្យង
- ប្រេងកូឡា
- ព្រមទាំងមាន អង្ករ អាហារប្រអប់ ថវិកា និងឱសថមួយចំនួនទៀត។
កាយវិការ និងទឹកចិត្តមនុស្សធម៌ដ៏ប្រពៃនេះ មិនត្រឹមតែជាការចែករំលែក និងជួយសម្រាលបន្ទុកជីវភាពរបស់បងប្អូនអ្នកជំងឺ និងក្រុមគ្រួសារប៉ុណ្ណោះទេ តែថែមទាំងជាការផ្តល់នូវស្នាមញញឹម កម្លាំងចិត្ត និងភាពកក់ក្តៅយ៉ាងធំធេងដល់ពួកគាត់។
យើងខ្ញុំសូមបួងសួងដល់វត្ថុស័ក្តិសិទ្ធិក្នុងលោក សូមតាមជួយបីបាច់ថែរក្សា និងប្រទានពរជ័យជូនដល់ សប្បុរសជន និងក្រុមគ្រួសារទាំងអស់ សូមជួបប្រទះតែសេចក្តីសុខ សេចក្តីចម្រើន ជោគជ័យគ្រប់ភារកិច្ច និងប្រកបដោយពុទ្ធិពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

17/12/2025

សាមគ្គីភាពគឺជាកម្លាំង! លោកវេជ្ជបណ្ឌិត សេង ណុង ប្រធានមន្ទីរពេទ្យបង្អែកខេត្តព្រះសីហនុ ថ្នាក់ដឹកនាំ និងមន្រ្តីរាជការទាំងអស់របស់មន្ទីរពេទ្យ បានមូលមតិគ្នានាំយកនូវថវិកាចូលរួមបរិច្ចាគ ដើម្បីជួយគាំទ្រដល់វីរកងទ័ពជួរមុខ។

ថវិកានេះបានមកពី ថ្នាក់ដឹកនាំ មន្រ្តីរាជការ និងកម្មករទាំងអស់របស់មន្ទីរពេទ្យ ដើម្បីចូលរួមចំណែកក្នុងកិច្ចការពារបូរណភាពទឹកដី និងជួយសង្រ្គោះបងប្អូនប្រជាពលរដ្ឋដែលកំពុងជម្លៀសខ្លួនទៅកាន់ទីតាំងសុវត្ថិភាព។ នេះជាសក្ខីភាពបង្ហាញពីទឹកចិត្ត «ខ្មែរជួយខ្មែរ» និងការគាំទ្រយ៉ាងពេញទំហឹងចំពោះកងកម្លាំងការពារជាតិរបស់យើង។

🇰🇭 «ខ្មែរជួយខ្មែរ ជួយគ្នាក្នុងគ្រាអាសន្ន 💙 ខឿនការពារជាតិប្រជាជននៅតែបន្ដ ដរាបណាការគំរាមកំហែងនៅតែមាន»
Telegram: https://t.me/+u1DX_vepJVs3N2Y1
Website: https://sihanoukreferralhospital.com