Ордабасы ауданы әкімдігі

Ордабасы ауданы әкімдігі государственное учереждение

30/08/2026

🏠 ТЕМІРЛАНДА КЕЗЕКТЕ ТҰРҒАН АЗАМАТТАР ЖАҢА ПӘТЕРЛЕРГЕ ИЕ БОЛУДА
#ордабасы

🏠 ТЕМІРЛАНДА КЕЗЕКТЕ ТҰРҒАН АЗАМАТТАР ЖАҢА ПӘТЕРЛЕРГЕ ИЕ БОЛУДАОрдабасы ауданында тұрғын үй кезегінде тұрған азаматтарды...
30/08/2026

🏠 ТЕМІРЛАНДА КЕЗЕКТЕ ТҰРҒАН АЗАМАТТАР ЖАҢА ПӘТЕРЛЕРГЕ ИЕ БОЛУДА

Ордабасы ауданында тұрғын үй кезегінде тұрған азаматтарды баспанамен қамту бағытындағы жұмыстар жалғасуда. Темірлан ауылында құрылысы аяқталған көпқабатты тұрғын үйлер «Отбасы банк» арқылы кезекте тұрған азаматтарға ұсынылып, бүгінде жаңа пәтер иелері анықталуда.

Солардың бірі — Алмасхан Жүніс. Ол 107-орамнан «Отбасы банк» арқылы 5 пайыздық мөлшерлемемен 3 бөлмелі пәтерге ие болды. Қажетті құжаттарын рәсімдеп, табысын растаған азамат банк тарапынан оң шешім алып, бүгінде өз баспанасына қол жеткізіп, қоныс тойын тойлап отыр.

📌 Баспана рәсімдеудің негізгі талаптары:
Тұрғын үй кезегінде тұру, белгіленген талаптарға сәйкес келу және табыс көзінің болуы маңызды. Егер азаматтың жеке табысы жеткіліксіз болса, банк талаптарына сай бір немесе екі қоса қарыз алушыны (созаемщик) тартуына болады.

Азаматтың санатына қарай ипотекалық тұрғын үй 2 немесе 5 пайыздық мөлшерлемемен рәсімделеді.

Қосымша ақпарат алу үшін Ордабасы аудандық бөліміндегі Отбасы банк қызметкеріне хабарласуға болады:
+7 708 777 2358.

Ордабасы ауданы әкімінің баспасөз қызметі

♻️ ОРДАБАСЫНЫҢ 51 ТОННА ӨНІМІ АЛМАТЫ ЖӘРМЕҢКЕСІНДЕ ҰСЫНЫЛУДА♻️Ағымдағы жылдың 29–30 тамыз күндері Алматы қаласында Түркі...
29/08/2026

♻️ ОРДАБАСЫНЫҢ 51 ТОННА ӨНІМІ АЛМАТЫ ЖӘРМЕҢКЕСІНДЕ ҰСЫНЫЛУДА

♻️Ағымдағы жылдың 29–30 тамыз күндері Алматы қаласында Түркістан облысының ауыл шаруашылығы тауарын өндірушілерінің қатысуымен жәрмеңке өтуде.

♻️Жәрмеңкеге облыстың аудан-қалаларынан жалпы көлемі 500 тоннадан астам ауыл шаруашылығы өнімі жеткізілді. Алматы тұрғындарына ет және сүт өнімдері, көкөніс, жеміс-жидек, бақша дақылдары және басқа да жергілікті өнімдер ұсынылуда.

♻️Аталған жәрмеңкеге Ордабасы ауданынан 51 тонна ауыл шаруашылығы өнімі жеткізіліп, аудан шаруалары өз өнімдерін Алматы қаласының тұтынушыларына тікелей ұсынуда. Оның ішінде ет, жеміс-жидек пен көкөніс және сүт өнімдері бар.

♻️Жәрмеңкенің басты ерекшелігі – өнімдердің нарықтағы орташа бағадан 15–20 пайызға төмен бағамен сатылуы. Бұл ауыл шаруашылығы тауарын өндірушілеріне өнімдерін тікелей тұтынушыға өткізуге мүмкіндік берсе, тұрғындарға сапалы әрі қолжетімді отандық өнімдерді сатып алуға жол ашады.

♻️Жәрмеңке – жергілікті шаруалардың өткізу нарығын кеңейтіп, өңіраралық сауда байланыстарын нығайтуға бағытталған тиімді алаң. Сонымен қатар, «Егістіктен – сөреге дейін» қағидатын жүзеге асыру арқылы делдалдық тізбекті қысқартып, Түркістан өңірінде өндірілген сапалы өнімді тұтынушыға тікелей жеткізуге мүмкіндік береді.

♻️Айта кетейік, мұндай жәрмеңкелер Түркістан облысының ауыл шаруашылығы тауар өндірушілерін қолдауға, олардың өнімдерін жаңа нарықтарға шығаруға және отандық өнімнің бәсекеге қабілеттілігін арттыруға бағытталған.

Ордабасы ауданы әкімінің баспасөз қызметі

29/08/2026

📍Түркістан облысының әкімі Нұралхан Көшеров Ордабасы ауданындағы «Huating Biotechnology Co., LTD» компаниясының май және желатин компоненттерін өндіретін зауытының құрылыс барысымен танысты.
#ордабасы #түркістан

ТҮРКІСТАН: ОРДАБАСЫДА МАЛ СҮЙЕКТЕРІН ӨҢДЕЙТІН ЗАУЫТ БИЫЛ ІСКЕ ҚОСЫЛАДЫТүркістан облысының әкімі Нұралхан Көшеров Ордабас...
29/08/2026

ТҮРКІСТАН: ОРДАБАСЫДА МАЛ СҮЙЕКТЕРІН ӨҢДЕЙТІН ЗАУЫТ БИЫЛ ІСКЕ ҚОСЫЛАДЫ

Түркістан облысының әкімі Нұралхан Көшеров Ордабасы ауданындағы «Huating Biotechnology Co., LTD» компаниясының май және желатин компоненттерін өндіретін зауытының құрылыс барысымен танысты.

Темірлан елді мекенінде орналасқан кәсіпорын мал шаруашылығынан шығатын қалдықтарды тиімді кәдеге жаратып, сүйекті терең өңдеуге бағытталған. Зауытта мал сүйектерінен май және желатин компоненттері өндіріледі. Сонымен қатар сүйекті үгітіп, одан әртүрлі ыдыстар мен басқа да өнімдер, жем шығару мүмкіндігі де зерделеніп жатыр.

Жобаның жалпы инвестициялық құны – 9 млрд теңге. Оның бірінші кезеңіне 2,5 млрд теңге инвестиция салынған. Бірінші кезеңін биыл қыркүйек айында іске қосылады деп жоспарланған. Бұл кезеңде 30 адам жұмыспен қамтылады. Кәсіпорында жылына 5 мың тонна май және желатин компоненттерін өндірілмек. Жоба толық жүзеге асқан жағдайда 100 жаңа жұмыс орны ашылады.

Қазіргі таңда зауыттың құрылыс-монтаждау жұмыстары аяқталып, негізгі технологиялық жабдықтар орнатылған. Бүгінде іске қосу-баптау жұмыстары жүргізілуде.
Инвестор өндіріс ауқымын алдағы уақытта кеңейтуді жоспарлап отыр. Атап айтқанда, малдың қанын да кәдеге жаратып, одан қосымша өнім өндіру мүмкіндігі қарастырылуда.

Кездесу барысында облыс әкімі өңірдегі бордақылау алаңдарында жиналатын мал сүйектерін осы кәсіпорынға жеткізу мүмкіндігін қарастыруды ұсынды. Бұл жергілікті шикізатты тиімді пайдаланып, ауыл шаруашылығы өнімдерін қайта өңдеу тізбегін кеңейтуге мүмкіндік береді.

Нұралхан Көшеров зауытты белгіленген мерзімде іске қосудың маңыздылығын атап өтіп, жауапты басқарма басшылары мен аудан әкіміне кәсіпорынды қажетті инженерлік инфрақұрылыммен толық қамтамасыз ету мәселесін жедел шешуді тапсырды.

Жобаның іске қосылуы Ордабасы ауданында терең өңдеу өндірісін дамытуға, мал шаруашылығы қалдықтарын кәдеге жаратуға және жаңа өндірістік тізбек қалыптастыруға жол ашады.

Түркістан облысы әкімінің баспасөз қызметі
____________

✔️ОРДАБАСЫДА «ТАЗА ҚАЗАҚСТАН» АКЦИЯСЫ АЯСЫНДА АУҚЫМДЫ СЕНБІЛІК ӨТТІ✔️ Аудан әкімінің тапсырмасына сәйкес, Ордабасы аудан...
29/08/2026

✔️ОРДАБАСЫДА «ТАЗА ҚАЗАҚСТАН» АКЦИЯСЫ АЯСЫНДА АУҚЫМДЫ СЕНБІЛІК ӨТТІ

✔️ Аудан әкімінің тапсырмасына сәйкес, Ордабасы ауданында «Таза Қазақстан» республикалық экологиялық акциясы аясында кезекті сенбілік ұйымдастырылды.

Іс-шараға ауданның 400-ге жуық мекеме, ауыл әкімшілік қызметкерлері қатысып, белгіленген аумақтарда санитарлық тазалық және абаттандыру жұмыстарын жүргізді.

Сенбілік барысында елді мекендердегі жол жиектері мен көшелердегі шөптер шабылып, арамшөптер орылды, қоғамдық орындар мен әлеуметтік нысандардың айналасы тазартылды. Мектеп аулалары мен оған іргелес аумақтар, жол бойлары, сондай-ақ Қажымұқан атындағы музей мен даңқты балуан Қажымұқан Мұңайтпасовтың зияраты маңындағы аумақтар толықтай ретке келтірілді.

Тазалық жұмыстарына қажетті арнайы техникалар жұмылдырылып, жиналған қоқыс пен тұрмыстық қалдықтар белгіленген орындарға шығарылды.

Елді мекендердің санитарлық жағдайын жақсарту, қоғамдық орындарды күтіп ұстау және қоршаған ортаның тазалығын қамтамасыз ету бағытындағы жұмыстар алдағы уақытта да жүйелі түрде жалғасады.

Ордабасы ауданы әкімінің баспасөз қызметі

📍ОРДАБАСЫ: АУДАНЫНДА КҮЗГІ ӘСКЕРГЕ ШАҚЫРУ ЖҰМЫСТАРЫ ЖҮЙЕЛІ ЖҮРГІЗІЛУДЕ📍Ордабасы ауданында азаматтарды мерзімді әскери қы...
28/08/2026

📍ОРДАБАСЫ: АУДАНЫНДА КҮЗГІ ӘСКЕРГЕ ШАҚЫРУ ЖҰМЫСТАРЫ ЖҮЙЕЛІ ЖҮРГІЗІЛУДЕ

📍Ордабасы ауданында азаматтарды мерзімді әскери қызметке шақыру жұмыстары белгіленген талаптарға сәйкес жүйелі түрде жүргізілуде. Осы бағыттағы жұмыстардың барысы мен алдағы міндеттерді пысықтау мақсатында 2026 жылғы күзгі әскерге шақыру науқанына арналған шақыру комиссиясының мәжілісі өтті.

📍Жиынды аудан әкімі аппаратының басшысы, шақыру комиссиясының төрағасы Жуманалы Кадиев жүргізді.

📍Мәжілісте әскерге шақырылушыларды іріктеу, медициналық тексеруден өткізу, әскери қызметке жарамдылығын анықтау және әскери бөлімдерге уақтылы жөнелту мәселелері қаралды.

📍Жиында аудандық қорғаныс істері жөніндегі бөлім, полиция және денсаулық сақтау саласының басшысы атқарылып жатқан жұмыстар туралы баяндап, күзгі науқанның ұйымдастырылу барысына тоқталды.

📍Сонымен қатар әскери есепте тұрған азаматтардың деректерін нақтылау, тұрғылықты мекенжайы бойынша табылмаған азаматтарды анықтау және шақырылушыларды қажетті бейінді мамандардың медициналық тексеруінен өткізу мәселелері талқыланды.

📍Жастар арасында әскери-патриоттық тәрбие жұмыстарын күшейту, әскери қызметтің маңыздылығын түсіндіру және Отан алдындағы азаматтық борышын өтеуге жауапкершілікпен қарауға бағытталған шараларды жалғастыру қажеттігі айтылды.

📍Жиын қорытындысымен жауапты мекемелерге күзгі әскерге шақыру науқанын белгіленген жоспарға сәйкес сапалы ұйымдастыру, шақырылушылардың комиссияға уақытылы келуін қамтамасыз ету және тиісті жұмыстарды жүйелі түрде жүргізу жөнінде нақты тапсырмалар берілді.

Ордабасы ауданы әкімінің баспасөз қызметі

✔️ОРДАБАСЫ: БІЛІМ БЕРУ ҰЙЫМДАРЫНЫҢ БЕЙНЕБАҚЫЛАУ КАМЕРАЛАРЫ ЖЕДЕЛ БАСҚАРУ ОРТАЛЫҒЫНА ҚОСЫЛАДЫ✔️Бүгін аудан әкімінің орынб...
27/08/2026

✔️ОРДАБАСЫ: БІЛІМ БЕРУ ҰЙЫМДАРЫНЫҢ БЕЙНЕБАҚЫЛАУ КАМЕРАЛАРЫ ЖЕДЕЛ БАСҚАРУ ОРТАЛЫҒЫНА ҚОСЫЛАДЫ

✔️Бүгін аудан әкімінің орынбасары Ильяс Тұрнияздың төрағалығымен білім беру ұйымдарындағы қауіпсіздікті қамтамасыз ету мәселесіне арналған жиын өтті.

✔️Жиынға Түркістан облысы Полиция департаментінің өкілдері, аудандық полиция бөлімінің қызметкерлері, аудандық білім бөлімі және мектеп директорлары қатысты.

✔️Кездесуде аудан аумағындағы мектептер мен мектепке дейінгі ұйымдарда орнатылған бейнебақылау камераларын облыстық Жедел басқару орталығына қосу мәселесі талқыланды.

✔️Қазіргі таңда аудан көлемінде 141 білім беру ұйымы жұмыс істейді. Оның ішінде 77 мектеп, 61 мектепке дейінгі ұйым және 3 қосымша білім беру ұйымы бар.

✔️Жиын барысында бейнебақылау жүйелерін Жедел басқару орталығына қосу арқылы білім беру нысандарындағы қауіпсіздікті күшейту, құқық бұзушылықтардың алдын алу және оқиғаларға жедел ден қою мүмкіндіктерін арттыру мәселелері қаралды.

✔️Полиция департаментінің өкілдері камераларды орталықтандырылған жүйеге қосуға қойылатын талаптар мен техникалық мәселелер бойынша түсіндірме берді.

✔️Жиынды қорытындылаған аудан әкімінің орынбасары Ильяс Тұрнияз білім беру ұйымдарындағы қауіпсіздік мәселесіне жауапкершілікпен қарау қажеттігін атап өтті. Мектептердегі бейнебақылау жүйелерінің белгіленген талаптарға сәйкестігін қамтамасыз етіп, оларды Жедел басқару орталығына қосу бойынша жұмыстарды жүйелі түрде жүргізуді тапсырды.

Ордабасы ауданы әкімінің баспасөз қызметі

Address

Kazakhstan, Turkistan Oblysy
Shymkent
160600

Telephone

87253021090

Website

Alerts

Be the first to know and let us send you an email when Ордабасы ауданы әкімдігі posts news and promotions. Your email address will not be used for any other purpose, and you can unsubscribe at any time.

Shortcuts

Share