01/06/2026
☘️🌿ໃນລະຫວ່າງວັນທີ 28-29 ພຶດສະພາ 2026 #ໂຄງການກະສິກໍາເພື່ອໂພຊະນາການໄລຍະ2ເມືອງຊານໄຊ ໄດ້ສໍາເລັດການຈັດກອງປະຊຸມເວທີຜູ້ມີສ່ວນຮ່ວມຫຼາຍຝ່າຍທຸລກິດກະສິກໍາຕ່ອງໂສ້ມູນຄ່າກາເຟ ທີ່ຫ້ອງປະຊຸມຫ້ອງວ່າການປົກຄອງເມືອງພາຍໃຕ້ການເປັນປະທານຮ່ວມຂອງ ທ່ານ ຄໍາສຸກ ບຸນປະເສີດ ຮອງປະທານຄະນະກໍາມະການປົກຄອງເມືອງ(ປະທານຊີ້ນຳໂຄງການຂັ້ນເມືອງ) ແລະ ທ່ານ ສີໂສວັດ ພັນດານຸວົງ ຫົວໜ້າປະສານງານໂຄງການ AFNII ຂັ້ນສູນກາງ ເຊິ່ງມີບັນດາຫົວໜ່ວຍຜູ້ປະກອບການທຸລະກິດເກັບຊື້ກາເຟ(ລັດວິສະກິດການຄ້າ ຂາອອກ-ຂາເຂົ້າ ແຂວງ ອັດຕະປື), ສະຫະກອນເດາະກາເຟ ຊານໄຊ, ຕົວແທນກຸ່ມຜະລິດກາເຟ ລວມທັງວິຊາການໂຄງການ ແລະ ຂະແໜງການທີ່ກ່ຽວຂ້ອງຂັ້ນແຂວງ, ຂັ້ນເມືອງ ເຂົ້າຮ່ວມ; ກອງປະຊຸມໄດ້ລາຍງານເຖິງສະພາບລວມຈຸດປະສົງຂອງໂຄງການ ແລະ ສະພາບການຜະລິດກາເຟໃນໄລຍະຜ່ານມາ, ລວມທັງບັນຫາ ແລະ ຂໍ້ຄົງຄ້າງຕ່າງໆຂອງກຸ່ມປູກກາເຟ ກັບ ຝ່າຍຜູ້ປະກອບການ(ລັດວິສາຫະກິດການຄ້າ), ໃນຂະນະດຽວກັນ ທາງລັດວິສາຫະກິດໄດ້ສະເໜີລາຄາມາຍັງກຸ່ມປູກກາເຟໂດຍຈະເກັບຊື້ ກາເຟປະເພດໝາກແດງ ຢູ່ທີ່ 18,000-20,000 ກີບ/ກິໂລ, ກາເຟດໍາ 30,000-35,000 ກີບ/ກິໂລ, ກາເຟໝາກຂາວ 60,000-100,000 ກີບ/ກິໂລ(ຄວາມຊຸ່ມ 11-14%), ກາເຟໝາກຂຽວ 300,000-350,000 ກີບ/ກິໂລ(9-11%), ກາເຟໝາກຂົ້ວ 400,000-500,000 ກີບ/ກິໂລ; ນອກນັ້ນສະຫະກອນເດາະກາເຟຊານໄຊ ເຫັນດີຮັບຊື້ກາເຟໝາກຂາວ (ຄວາມຊຸ່ມ 10-12%). ກອງປະຊຸມໄດ້ເຫັນດີໃຫ້ຫອ້ງການອຸດສະກໍາ ແລະ ການຄ້າ ເມືອງ ຄໍ້າປະກັນລາຄາກາເຟໂດຍອີງໃສ່ລາຄາສະມາຄົມກາເຟລາວ ແລະ ຕິດຕາມກວດກາຜູ້ປະກອບການຮັບຊື້ທີ່ບໍ່ມີໃບອະນຸຍາດ, ສ່ວນກຸ່ມປູກກາເຟແມ່ນໃຫ້ຕົວແທນກຸ່ມ ຫຼື ຫົວໜ້າກຸ່ມກັບໄປປຶກສາຫາລືສະມາຊິກ ຫຼື ປະຊາຊົນພາຍໃນບ້ານກ່ຽວກັບການເຮັດສັນຍາຊື້-ຂາຍກາເຟໃຫ້ແກ່ລັດວິສາຫະກິດການຄ້າ ພ້ອມນັ້ນຍັງໄດ້ເນັ້ນໃຫ້ຫ້ອງການກະສິກໍາ ແລະ ສິ່ງແວດລ້ອມ ລວມທັງຫ້ອງການການອຸດສາຫະກໍາ ແລະ ການຄ້າ ລົງຈັດກອງປະຊຸມເຊັນສັນຍາຊື້້-ຂາຍຢູ່ຂັ້ນບ້ານ.
#ໂຄງການກະສິກໍາເພື່ອໂພຊະນາການໄລຍະ2ເມືອງຊານໄຊ
🌿🐓🐖🦆🐟🦙
