08/06/2026
ວັນທີ 4 ມິຖຸນາ 2026 ທີ່ຜ່ານມາ ໂຮງຮຽນສຸລິຍາ ໄດ້ນຳພານ້ອງໆນັກຮຽນພ້ອມດ້ວຍຄູອາຈານເຂົ້າຮ່ວມກິດຈະກຳທັດສະນະສຶກສາ ທີ່ ໂຮງໝໍກະເສມຣາດ ອິນເຕີຣ໌ ເນຊັ່ນແນລ ວຽງຈັນ ໂດຍໄດ້ຮັບກຽດຢ່າງຍິ່ງຈາກ ດຣ. ວັດທະນາ ພາຣີສີ ຜູ້ອຳນວຍການໂຮງໝໍ ເປັນປະທານກ່າວເປີດກິດຈະກຳ ແລະ ໃຫ້ການຕ້ອນຮັບຄະນະຄູ ແລະ ນັກຮຽນຢ່າງອົບອຸ່ນ
ກິດຈະກຳທັດສະນະສຶກສາໃນຄັ້ງນີ້ ຈັດຂຶ້ນເພື່ອສົ່ງເສີມການຮຽນຮູ້ນອກຫ້ອງຮຽນເປີດໂອກາດໃຫ້ເດັກນ້ອຍໄດ້ຮຽນຮູ້ກ່ຽວກັບໂຮງໝໍ ບົດບາດໜ້າທີ່ຂອງບຸກຄະລາກອນທາງການແພດ ລວມໄປເຖິງການເບິ່ງແຍງສຸຂະພາບຮ່າງກາຍເບື້ອງຕົ້ນຢ່າງຖືກວິທີ ຜ່ານກິດຈະກຳທີ່ເໝາະສົມກັບໄວ ຊ່ວຍເສີມສ້າງຄວາມເຂົ້າໃຈ ຫຼຸດຄວາມກັງວົນ ແລະ ສ້າງທັດສະນະຄະຕິທີ່ດີຕໍ່ສະຖານພະຍາບານ
ໂຮງໝໍກະເສມຣາດ ອິນເຕີຣ໌ ເນຊັ່ນແນລ ວຽງຈັນ ຕະໜັກເຖິງຄວາມສຳຄັນຂອງການປູກຝັງຄວາມຮູ້ດ້ານສຸຂະພາບຕັ້ງແຕ່ຍັງເປັນເດັກ ເພື່ອເປັນຮາກຖານທີ່ດີໃນການເບິ່ງແຍງສຸຂະພາບຂອງຕົນເອງໃນອານະຄົດ ພ້ອມທັງສົ່ງເສີມໃຫ້ເດັກ ເຕີບໃຫຍ່ຢ່າງມີຄຸນນະພາບທັງດ້ານຮ່າງກາຍ ຈິດໃຈ ແລະ ສັງຄົມ
ກິດຈະກຳຄັ້ງນີ້ເປັນອີກໜຶ່ງຄວາມຮ່ວມມືທີ່ດີລະຫວ່າງສະຖາບັນການສຶກສາ ແລະ ສະຖາບັນການແພດ ໃນການເສີມສ້າງປະສົບການ ການຮຽນຮູ້ທີ່ມີຄຸນຄ່າ ແລະ ເປັນປະໂຫຍດຕໍ່ເດັກໃນອານາຄົດ
---------------------------------------------------
📩ສອບຖາມຂໍ້ມູນເພີ່ມເຕີມທາງຂໍ້ຄວາມ (Inbox)
☎ເບີໂທ: 1661
🌎Website: Www.Kasemradvientiane.com
♻️WhatsApp: wa.me/8562058059963
✨Line: https://shorturl.at/bhxyS
✨TikTok: https://shorturl.at/ehtUX
✨YouTube: https://shorturl.at/knuR9
✨Google Maps: https://shorturl.at/GIKcn
#ສຸກກາຍໂດຍໂຮງໝໍກະເສມຣາດ
#ໂຮງໝໍເອກະຊົນໄທທີ່ໃຫຍ່ທີ່ສຸດໃນສປປລາວ
#ເບິ່ງແຍງໃກ້ຊິດສະໜິດຄືພີ່ນ້ອງ
