ໂຄງການກະສິກຳເພື່ອໂພຊະນາການໄລຍະ 2 ເມືອງພູວົງ - AFN II Phouvong

03/06/2026

ໃນລະຫວ່າງວັນທີ 26-27 ພຶດສະພາ 2026 ໂຄງການ ກະສິກຳເພື່ອໂພຊະນາການ ໄລຍະ 2 (AFN II) ໄດ້ຈັດກອງປະຊຸມເວທີຜູ້ມີສ່ວນຮ່ວມຫຼາຍຝ່າຍດ້ານທຸລະກິດກະສິກຳ (MSP) ຢ່າງເປັນທາງການ ທີ່ຫ້ອງການກະສິກຳ ແລະ ສິ່ງແວດລ້ອມເມືອງ ເພື່ອຊອກຫາຜະລິດຕະພັນທີ່ມີທ່າແຮງທາງດ້ານຕະຫຼາດ ແລະ ຊຸກຍູ້ການຈັບຄູ່ການຄ້າຕ່ອງໂສ້ມູນຄ່າ ກັບກຸ່ມຜະລິດຂອງໂຄງການ,​ ໂດຍໃຫ້ກຽດເປັນປະທານ ທ່ານ ທິດສະຫວັນ ໄຊຍະແສງ ຮອງປະ​ທານຄະນະກຳມະການປົກຄອງເມືອງພູວົງ ແລະ ທ່ານ ສີໂສວັດ ພັນດານຸວົງ ຫົວໜ້າຜູ້ປະສານງານໂຄງການຂັ້ນສູນກາງ,​ ໂດຍມີຜູ້ປະ​ສານງານໂຄງການແຕ່ລະຂັ້ນ, ພະນັກ​ງານວິຊາການ, ຕາງໜ້າຄູ່ຮ່ວມຈັດຕັ້ງປະຕິບັດ, ຕົວແທນພາກທຸ​ລະກິດ/ຜູ້ຊື້ ແລະ ຕົວແທນຊາວກະ​ສິກອນ/ຜູ້ຜະລິດ ເຂົ້າຮ່ວມທັງໝົດ 24 ທ່ານ, ຍິງ 3 ທ່ານ. ໃນກອງປະ​ຊຸມໄດ້ເຈລະຈາກັນວ່າ:
- ຄາດຄະເນການຜະລິດ ເພື່ອສະໜອງໃຫ້ຜູ້ປະກອບການ 124 ໂຕ/ປີ ກໍານົດ ລາຄາຂາຍນໍ້າໜັກ 15 ລົງມາ ລາຄາ 80,000-90,000 ກີບ/ກິໂລ, ແບ້ເຖົ້ານໍ້າໜັກ 20 ກິໂລຂື້ນໄປ ລາຄາຂາຍ 75,000-85,000 ກີບ/ກິໂລ.
- ສຳລັບຜູ້ປະກອບການ ໃນການເກັບຊື້ ຜົນຜະລິດ ( ແບ້ ) ຄື : ແບ້ເຖິກ ນໍ້າໜັກ 15 ຫາ 20 ກິໂລ ລາຄາຮັບຊື້ 80,000 ກີບ/ກິໂລ, ແບ້ແມ່ ນໍ້າໜັກ 12 ຫາ 16 ກິໂລ ລາຄາຮັບຊື້ 70,000 ກີບ/ກິໂລ, ແບ້ເຖິກແກ່ ນໍ້າໜັກ 21 ຫາ 30 ກິໂລ ລາຄາ 65,000 ກີບ/ກິໂລ ແລະ ແບ້ແມ່ແກ່ ນໍ້າໜັກ 17 ຫາ 25 ກິໂລ ລາຄາຮັບຊື້ 60,000 ກີບ/ກິໂລ ມາດຖານຄຸນນະພາບຂອງສັດ ຕ້ອງມີສຸຂະພາບແຂງແຮງ, ຕຸ້ຍ ( ບໍ່ຈ່ອຍ ແລະ ບໍ່ເປັນພະຍາດ ).

18/05/2026

..

12/05/2026

ໃນລະຫວ່າງວັນທີ 11 ຫາ 12 ພຶດສະພາ 2026 ຢູ່ທີ່ຫ້ອງປະຊຸມ ຫ້ອງການກະສິກຳ ແລະ ສິ່ງແວດລ້ອມ. ໂຄງການກະສິກຳເພື່ອໂພຊະນາການໄລຍະ2 ປະຈຳເມືອງພູວົງ ໄດ້ຈັດກອງປະຊຸມຝຶກອົບຮົມ ສ້າງຄວາມເຂັ້ມແຂງ ວຽກງານເຕັກນິກສັດຕະວະແພດ ໃຫ້ແກ່ວິຊາການສັດຕະວະແພດປະຈຳບ້ານ ໃນ 15 ບ້ານເປົ້າໝາຍຂອງໂຄງການ ໂດຍການເປັນປະທານ ຂອງທ່ານ ຈຳປາສັກ ບຸນນະວົງ ຮອງຫົວໜ້າຫົວການ ກະສິກຳ ແລະ ສິ່ງແວດລ້ອມ ເມືອງພູວົງ ເຊິ່ງມີພະນັກງານໜ່ວຍງານລ້ຽງສັດ ແລະ ພະນັກງານຈາກຂະແໜງລ້ຽງສັດ ໃຫ້ກຽດເປັນຄູຝຶກ ເຊິ່ງການຝຶກອົບຮົມແບ່ງອອກເປັນ 2 ພາກຄື: ຝຶກອົບຮົມ ພາກທິດສະດີ 1 ວັນ ແລະ ລົງພາກປະຕິບັດຕົວຈິງ 1 ວັນ ຫຼັງຈາກ ນັ້ນ. ນັກສຳມະກອນທຸກທ່ານ ໄດ້ແລກແປກບົດຮຽນທີ່ໄດ້ຈາກການຝຶກອົບຮົມ ຢາກສ້າງສັນ ແລະ ສືບຕໍ່ລົງຈັດຕັ້ງປະຕິບັດ ບົດຮຽນທີ່ໄດ້ຮັບການຝຶກ ນຳໄປໃຊ້ໃຫ້ເກີດປະໂຫຍດສູງສຸດ. ໃນບ້ານຂອງຕົນ.

20/04/2026

📢 ແຈ້ງການເຖິງບັນດາ ຜູ້ປະກອບການ ຫຼື ຜູ້ທີ່ມີຄວາມສົນໃຈໃນການເຂົ້າຮ່ວມສົມທຽບລາຄາ ສໍາລັບການປະມູນ ຈັດຊື້ ແນວພັນກ້ວຍ ແລະ ວັດສະດຸ ໃຫ້ແກ່ກຸ່ມ ປູກກ້ວຍ ບ້ານນ້ຳກົງ ເມືອງພູວົງ ແຂວງອັດຕະປື.
ສາມາດຕິດຕໍ່ພົວພັນໄດ້ທີ່ເບີໂທ
020 4407743 ຫຼື ສາມາດເຂົ້າມາພົວພັນຢູ່ທີ່ ຫ້ອງການກະສິກໍາ ແລະ ສິ່ງແວດລ້ອມເມືອງ ພູວົງ ແຂວງ ອັດຕະປື (ຫ້ອງການປະສານງານໂຄງການກະສິກໍາເພື່ອໂພຊະນາການ ໄລຍະ 2 ).
ລາຍລະອຽດມີເອກະສານຕິດຄັດມາດັ່ງລຸ່ມນີ້:

20/04/2026

-ສຳເລັດການຝຶກອົບຮົມບົດບາດຍິງ-ຊາຍໃນ 05 ບ້ານເປົ້າໝາຍຂອງໂຄງການກະສິກໍາເພື່ອໂພຊະນາການ ໄລຍະ2 ມີຄື: ບ້ານພູໂຮມ, ບ້ານລະມອງ, ບ້ານຄໍາວົງສາ, ບ້ານນ້ໍາກົງ ແລະ ບ້ານສົມບູນ. ໃນຄັ້ງວັນທີ18-24 ມີນາ 2026 ເຊິ່ງມີຜູ້ເຂົ້າຮ່ວມທັງໝົດ 108 ຄົນ, ຍິງ 70 ຄົນ.

25/02/2026

ໃນລະຫວ່າງວັນທີ 12 ຫາ 19 ກຸມພາ 2026 ໂຄງການກະສິກຳເພື່ອໂພຊະນາການໄລຍະ2 ເມືອງພູວົງ ໄດ້ລົງເຄື່ອນໄຫວແນະນຳ, ນຳພາ ກຸ່ມການຜະລິດກະສິກຳ ຈຳນວນ 20 ກຸ່ມ ຂຽນບົດສະເໜີກິດຈະກຳການລົງທຶນ ແຜນທຸລະກິດ ເພື່ອຂໍທຶນສະໜັບສະໝູນຈາກໂຄງການກະສິກຳເພື່ອໂພຊະນາການໄລຍະ2 ຢູ່ບ້ານວົງສຳພັນ, ບ້ານວັງແຄນ, ບ້ານວັງຍາງ, ບ້ານວົງສົມພູ, ບ້ານພູໂຮມ, ບ້ານພູໄຊ ແລະ ບ້ານວຽງໄຊ ເມືອງພູວົງ ແຂວງອັດຕະປື

25/02/2026

ລົງຝຶກອົບຮົມການສ້າງໂຮງເຮືອນ ແລະ ເຕັກນິກການປູກພືດຜັກໃນເຮືອນຮົມໃຫ້ແກ້ສະມາຊິກກຸ່ມການຜະລິດ ກຸ່ມປູກພືດຜັກເປັນສິນຄ້າບ້ານວົງລະຄອນ. ການຝຶກອົບຮົມໃນຄັ້ງນີ້ ແມ່ນມີການຝຶກອົບຮົມທາງທິດສະດີການບົວລະບັດຮັກສາ, ໃສ່ຝຸ່ນ ແລະ ໄດ້ພຳພາສາມະຊິກກຸ່ມລົງພາກສະໜາມປະຕິບັດຕົວຈິ່ງ ວິທີການວັດແທກຂະໜາດຂອງໜານພັກໃນເວລາປູກຍາມຝົນ - ຍາມແລງ, ການຜະລິດຝຸ່ນ, ໝັກຝຸ່ນ, ປະລິມານການໃສ່ຝຸ່ນ ໃຫ້ເໝາະກັບພືດຜັກແຕ່ລະຊະນິດ ແລະ ໄດ້ນຳພາສາມະຊິກກຸ່ມສ້າງໂຮງເຮືອນສຳເລັດ.

02/02/2026

ສຳເລັດການຝຶກອົບຮົມ ແລະ ມອບຢາ, ອຸປະກອບໃຫ້ແກ່ສັດຕະວະແພດປະຈຳບ້ານ ໃນ 5 ບ້ານເປົ້າໝາຍເກົ່າຄື: ບ້ານລະມອງ, ບ້ານສົມບູນ, ບ້ານຄຳວົງສາ, ບ້ານນ້ຳກົງ ແລະ ບ້ານວົງລະຄອນ

29/01/2026

ໃນລະຫວ່າງວັນທີ 10 - 23/11/2025 ແລະ 16 - 22/1/2026 ໂຄງການກະສິກຳ ເພື່ອໂພຊະນາການໄລຍະ2 ປະຈຳເມືອງພູວົງ ໄດ້ສຳເລັດການລົງສ້າງຕັ້ງ ກຸ່ມການຜະລິດ ( ກຸ່ມປູກ - ກຸ່ມລ້ຽງ ) ໃນ 10 ບ້ານເປົ້າໝາຍ ສາມາດ ສ້າງຕັ້ງກຸ່ມການຜະລິດ ໂດຍອີງໃສ່ເງື່ອນໄຂ ແຜນພັດທະນາຂອງບ້ານ ໂດຍຕິດພັນກັບການພັດທະນາເສດຖະກິດຂອງເມືອງ ລາຍລະອຽດ ຄື :
1 /ບ້ານວົງສຳພັນ : ມີ 3 ກຸ່ມ ( ກຸ່ມລ້ຽງແບ້, ກຸ່ມລ້ຽງໄກ່ລາດ, ກຸ່ມລ້ຽງໝູລາດ )
2 /ບ້ານວັງແຄນ : ມີ 3 ກຸ່ມ ( ກຸ່ມລ້ຽງແບ້, ກຸ່ມລ້ຽງໄກ່ລາດ, ກຸ່ມລ້ຽງໝູລາດ )
3 /ບ້ານວັງຍາງ : ມີ 3 ກຸ່ມ ( ກຸ່ມລ້ຽງແບ້, ກຸ່ມລ້ຽງໝູລາດ, ກຸ່ມປູກພືດຜັກເປັນສິນຄ້າ
4 / ບ້ານວົງສົມພູ : ມີ 3 ກຸ່ມ ( ກຸ່ມລ້ຽງແບ້, ກຸ່ມປູກພືດຜັກເປັນສິນຄ້າ, ກຸ່ມປູກເຂົ້າເປັນສິນຄ້າ )
5 / ບ້ານພູໂຮມ : ມີ 3 ກຸ່ມ ( ກຸ່ມລ້ຽງແບ້, ກຸ່ມລ້ຽງເປັດລາດ, ກຸ່ມລ້ຽງໝູລາດ )
6 / ບ້ານພູໄຊ : ມີ 2 ກຸ່ມ ( ກຸ່ມລ້ຽງແບ້, ກຸ່ມລ້ຽງໄກ່ລາດ )
7 / ບ້ານວຽງໄຊ ມີ 3 ກຸ່ມ ( ກຸ່ມລ້ຽງແບ້, ກຸ່ມປູກເຂົ້າເປັນສິນຄ້າ, ກຸ່ມລ້ຽງໝູລາດ )
8 / ບ້ານນ້ຳຊວນ : ມີ 2 ກຸ່ມ ( ກຸ່ມລ້ຽງແບ້, ກຸ່ມລ້ຽງເປັດລາດ )
9 / ບ້ານພູຍາງ : ມີ 1 ກຸ່ມ ( ກຸ່ມປູກກາເຟເປັນສິນຄ້າ )
10/ ບ້ານພູເກືອ : ມີ 2 ກຸ່ມ ( ກຸ່ມລ້ຽງແບ້, ກຸ່ມປູກກາເຟເປັນສິນຄ້າ )

20/11/2025