Dietitian Manal Saade

Dietitian Manal Saade أخصائية تغذية علاجية متمرسة بمجال عمليات السمنة
🏩 ضمن فريق د. محمد علاء الدين لجراحة السمنة
📍العيادات: بيروت - صرفند
📲 76102080
(1)

30/06/2026

😋 هالوصفة راحت viral حبيت جربها لانها ممتازة للأشخاص اللي:
✔️ على low carb / keto diet
✔️ بدهن high protein snacks
✔️ عاملين عمليات سمنة
✔️ عندهن أطفال picky eaters وما بيحبوا الدجاج كتير

🎯 وطعمها؟ 😋
بتتفاجؤوا قديش بتشبّه السمبوسك ونقرشتها

💬 معقول تجربوها؟
ولا بالنسبة لإلكن السمبوسك لازم تبقى بالعجين؟ 👀

Ingredients:
🧀 2 cheese sticks
🍗 6 oz blended chicken breast
🧄 Garlic powder
🧂 salt & pepper
🧀 1/2 cup parmesan cheese

بالـ Airfryer:
200 درجة لمدة 10–12 دقيقة

⚠️ بعدها منقلبها ومنتركها 6–10 دقايق لتتحمّر وتنشف من الجهة التانية. 🚨 هالخطوة كتير مهمة والا ما بتطلع طيبة.

⚠️ انتبهوا ما تسمّكوا طبقة الدجاج كتير…
كل ما كانت أرقّ = قرمشة أطيب 😍

Low carb high-protein samosas made in the Airfryer 👀🔥
Crunchy, easy, keto-friendly, and picky eaters approved.
Inspired by: iRick Wiggins

26/05/2026

ومعقول فعلًا فينا نحدد جنس الجنين؟ 👀
كل النظريات المنتشرة مبنية على فكرة إنو:
الوسط المهبلي الحامضي (acidic pH) بيساعد كروموزوم X لتجي البنت 👧🏻 والوسط القلوي (alkaline pH) بيساعد Y ليجي الصبي 👦🏻

ومن هون طلعت:
🍋 حميات غذائية
💉 حقن وغسولات لتغيير pH المهبل
⏰ وحتى توقيت الجماع

بس علميًا؟
❌ ما في دراسات قوية ومثبتة أثبتت إنو الأكل أو تغيير الـ vaginal pH بيحدد جنس الجنين بشكل موثوق.

وحتى الدراسات اللي حكت عن “نسب نجاح عالية” كانت ضعيفة أو غير قابلة للتأكيد.

🚨 والأهم:
التلاعب المتكرر بـ pH المهبل ممكن يضرّ الـ vaginal microbiome ويسبب التهابات وتهيّج.

⬅️ الحقيقة العلمية الثابتة:
الحيوان المنوي (عند الرجل ) يحمل كروموزوم X أو Y، وهو العامل البيولوجي اللي يحدد جنس الجنين بعد مشيئة الله.

📌 أما الطريقة الطبية الوحيدة الدقيقة فعلًا لتحديد الجنس فهي:
IVF + Genetic Testing (PGT)
بدقة بتوصل لأكتر من 99٪؜.

💬 خبروني:
شو أغرب وصفة أو نصيحة سمعتوها لتحديد جنس المولود؟
وهل جرّبتوا شي منها فعلًا؟ 👀




Can food or vaginal pH really determine your baby’s gender? 👀
Science says no.
Diets, pH injections, vaginal washes, and timing methods are not scientifically proven to reliably choose a baby’s s*x.

➡️ The s***m carries the X or Y chromosome and determines the baby’s gender.
📌 The only highly accurate method is:
IVF + Genetic Testing (PGT) (>99% accuracy

21/05/2026

⬅️ هيدا الفيديو يمكن يستفز كتار. بس بصحتنا وصحة ولادنا وسلامة الغذاء ما في مجال للمساومة.

⚠️ هيدا الريل لخبركن انو ما بيكفي نشيل من الخضار والفاكهة والاطعمة المُصنعه ، الحزء المتضرر فقط. لان التسمم الغذائي أحيانًا بيبدأ من لقمة شكلها “عادي”. ولان:

🚨 بالأطعمة الغنيّة بالمي، العفن ما بيضل بس عالسطح. بينتشر جوا النسيج وبيفرز سموم فطرية (Mycotoxins)
❌ ما بتروح بالطبخ
❌ ولا بالغلي
❌ ولا بقصّ الجزء الظاهر

حماية النعمة بتكون بالتخزين الصح والانتقاء الصح للمكونات من الاساس. والكب بحالة العفن، ما بكون تبذير وانما وعي ومسؤولية.

💬 جاوبوني بصراحة:
مين كان يشيل العفن ويكمّل ياكل؟ 👀 وشو الاطعمة اللي بدكن تعرفوا عنها بعد ؟

‏Not all moldy food can be saved.
In high-moisture foods, mold spreads deep inside and may produce mycotoxins that are not removed by cooking or cutting the visible part. Remember : 👉 When in doubt, throw it out.

#صحتي

19/05/2026

المليّن 💊 🍃اللي عم يريحك اليوم… ممكن يكون سبب الإمساك المزمن ووجع البواسير بكرا 👀

خلّينا نبسّطها 👇🏻
في 3 أنواع أساسية من المليّنات:

1️⃣ Stimulant laxatives
مثل السينا وبعض حبوب الإمساك
⬅️ بتحفّز القولون “غصب” ومع الوقت ممكن يصير القولون أبطأ (بصيبه الكسل) وبصير دايما معتمد عليها.

2️⃣ Osmotic laxatives
مثل اللاكتولوز
⬅️ بتسحب مي للأمعاء لتسهّل الإخراج بس كمان بتسبب نفخة وغازات إذا استُخدمت غلط.

3️⃣ Fiber laxatives
مثل بذور القطونة (Psyllium)
✔️ ضروري نشرب معها وبعدها ميّ كتير (لان بدون سوائل بزيد الإمساك ).

⚠️ الخلاصة: المليّنات حل مؤقت… مش علاج دائم.

إذا عندِك chronic constipation / إمساك مزمن
الأفضل تعرفي السبب الحقيقي وتعالجيه بدل ما جسمك يتعوّد. ومن بعدها، حتى الحلول السريعه ما بقى تنفع.

💬 جاوبوني بصراحة:
مين بيعرف حدا ما بيقدر يروح عالحمام بدون مليّن؟ 👀 وشو الطرق اللي جربتوها ونفعت ؟

#الامساك

⸻
‏The laxative helping you today might worsen constipation tomorrow.
Not all laxatives work the same:

* Stimulant laxatives may lead to dependency
* Osmotic laxatives pull water into the bowel
* Fiber laxatives need enough fluids to work properly

👉 Temporary relief doesn’t always mean long-term treatment.

Follow me for more .manalsaade

15/05/2026

اطيب كراكرز عالية بالبروتين وممتازة للكبار والصغار وللاشخاص اللي عاملين تكميم معدة وتحويل مسار .
الوصفة مقرمشة وسهلة الهضم وبتساعدكن توصلوا لحاجة جسمكن من البروتين.

🥣فيكن تغطسوها مع اي خليط بتحبوه.
-حمص بطحينة
-غواكامولي ( الافوكادو)
-الخلطة المكسيكية الحرّة

👨‍🍳👩🏻‍🍳المكونات:
-٢ صدر دجاج
-١ ملعقة كبيرة بودرة ثوم وبابريكا وثوم
-١ ملعقة صغيرة ملح وبهار اسود
-١ ملعقة كبيرة زيت زيتون
-٣ ملاعق صغيرة بايكنغ صودا
-حر (حسب الرغبة) 🌶️

بالفرن على درجة حرارة ١٨٠ درجة ولمدة ساعه ونص.
🔥وانتبهوا ما تحرقوهن 🤭 مثل ما صار معي 😅

👈🏻 يلا save للفيديو وجربوهااااا 😋 وخبروني مع اي خليط رح تاكلوها؟


High protein chicken crispy recipe Inspired by

12/05/2026

❌مكملات واعشاب لازم توقفها قبل العملية:

🚨اوميغا ٣- ثوم وزنجبيل وكركم كمكملات، vitamin E- Ginseng-Ginko
👈🏻لازم تتوقف قبل ٧ ل ١٠ ايام لانها بتزيد من خطر النزيف

🚨 St. John’s wort, Valerian, Ginseng
👈🏻لازم تتوقف قبل ٥ ل ٧ ايام لانها اعشاب بتتداخل مع التخدير والضغط.

🚨Biotin ( Vitamin B7)
👈🏻لازم يتوقف قبل ٣ ل ٥ ايام لانها بتأثر على فحوصات مهمة مثل TSH- Troponin .

❌ ووقفوا كليا مكملات التنحيف وخلطات الاعشاب وشاي الديتوكس وال fat burners.

فمن الاخر اي مكملات واعشاب عم تاخدوها، خبروا طبيبكن عنا قبل اي عملية.

✋🏼ويلا خبروني ، شو المكملات 💊 والاعشاب 🌱 اللي عم تاخدوها باستمرار هالايام ؟

07/05/2026

بديل الـ Cheetos 👀🔥
سناك صحي عالي بالبروتين، ممتاز لمحبي لقمشات ونقرشات آخر الليل والصغار قبل الكبار.

فإذا عندِك ولاد ما بيحبّوا ياكلوا دجاج 🍗… جربي هالوصفة واشكريني من بعدها 😉

المكونات:
- 2 صدر دجاج
- 2 بيض
- 1 ملعقة صغيرة بودرة ثوم + بصل + بابريكا
- ½ ملعقة صغيرة ملح + فلفل أسود
- حر حسب الرغبة او بودرة نكهة الجبنة

🎯 الخلاصة: مش لازم نمنع… منبدّل بذكاء

💬 مين رح يجرّب هالوصفة ؟ 🙋🏻‍♀️ معقول ولادكن يحبوها أو رح يكتشفوها فورًا؟👀

Healthy Cheetos alternative (baked chicken chips)
High-protein, crunchy, easy to prepare, and kid-friendly snack.

#وصفاتي

05/05/2026

اعترفوا: مين بحضّرن صح 🙋🏻‍♀️وبيعرف الفرق؟ ☕️

غلي الاعشاب مثل النعناع، الزعتر، البابونج والميرمية، بيكسّر وبيطيّر الـ volatile oils والمركّبات الحسّاسة للحرارة واللي هني أساس التأثير المهدّئ والهضمي والمضاد للنفخة، الغازات والامساك.

✔️ الطريقة الصح: Infusion مش Boiling
▪️بمي سخنة (مش مغلية)، منضيف العشبة
▪️نغطّي الكوب 5–10 دقايق (حد أقصى 15)
❌ أكتر من هيك = الطعم مر + مركبات (tanin) + فايدة أقل

🚨اما الجذور القاسية (قرفة، كركم، زنجبيل يابس، عرق سوس)، الغلي مقبول على نار خفيفة 10–15 دقيقة لنحرر المادة الفعّالة.

⚠️ الخلاصة: بدك فائدة الاعشاب؟ حضريها صح

Still boiling your herbal tea?
Boiling delicate herbs (mint, chamomile, thyme) destroys volatile oils & chemicals responsible for digestion and calming effects (bloating/ constipation)
▪️Instead, Use infusion (steeping) not boiling. ❌ Over-steeping → bitter taste + tannins

✔️ Boiling is only suitable for hard roots (cinnamon, dried ginger, turmeric, licorice)

Right method = better benefits

28/04/2026

بغسله أو بكبّه؟ 🤔
إذا عم تسألوا:
كيف أعرف الكبيس خربان؟
هل الطبقة البيضا عالزيتون عفن؟
طريقة حفظ الزيتون والمكدوس بدون عفن

هيدا الريل إلكن 😊

🚨 إذا شفتي طبقة: خضرا / سودا / رمادية + لذجة + ريحة غريبة

❌ ما تتنشّقيها ❌ما تدوقيها ❌ ما تشيلي الطبقة وتكمّلي

✔️ كبي كل المرطبان فورًا (هيدا عفن – Mold)
والعفن بالأطعمة الغنيّة بالمي (مثل الزيتون والكبيس) بيفوت لجوا، وبيفرز سموم فطرية (Mycotoxins) ما بتروح بالغسل ولا بتغيير الزيت أو المي.

🚨 إذا الطبقة بيضا رفيعة بلا ريحة (مثل رغوة خفيفة) غالبًا خمائر (Yeast) مش عفن.

✔️ الحل :
▫️منكِب المحلول
▫️منغسل الزيتون او الكبيس منيح (المكدوس ما بينغسل)
▫️منعمل محلول جديد: مي + ملح + حامض أو زيت نظيف
▫️منغمر كل الحبات (الهواء = نمو أسرع)
▫️منحفظوا بالبراد لنبطّئ نمو الميكروبات

⚠️ إذا مش متأكدة 100%… كبيها

💬 خبروني بصراحة: كنتي تشيلي الطبقة وتكملي اكل؟ 🤭

27/04/2026

هالوصفة الصحية السريعة السهلة اللي اكتسحت إنستغرام… جرّبتها 👀 ويا ويلي شو طلعت طيبة 😋 سناك صحي وسريع، طعم السعادة مع كل نتشة 🍫

👩🏻‍🍳المكونات:
🫐1 كوب توت (مجمّد)
🥥½ كوب جوز هند مبشور
🍯1–2 ملعقة Maple syrup أو عسل
🍫شوكولا داكنة 80% (أو حسب الرغبة)
🌴1 ملعقة صغيرة زيت جوز الهند (اختياري)

✔️صحتين سلف 🤗 واذا بعدكن مش مجربينها، يلا شو ناطرين. Save للوصفة

This viral healthy recipe is everywhere… and I had to try it!
Frozen berry coconut bites dipped in dark chocolate 🍫 Perfect if you’re looking for: easy healthy recipe, quick easy snacks, healthy desserts, high in fiber.

👩🏻‍🍳 Instructions:
Mix > freeze 2 hours > melt chocolate (coconut oil) > dip > set.

Bon appetit 😋
Credits: 🤍

Address

Sarafand/verdun
As Sarafand

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00
Saturday 08:00 - 13:00

Telephone

+96176102080

Website

Alerts

Be the first to know and let us send you an email when Dietitian Manal Saade posts news and promotions. Your email address will not be used for any other purpose, and you can unsubscribe at any time.

Shortcuts

Share

Category