14/05/2026
අද (14) දින හම්බන්තොට දිස්ත්රික් රෝහලේ නව colposcopy unit (ගැබ්ගෙල පිළිකා හදුනාගැනීමේ ඒකකය) ආරම්බ කරන ලදි.එයට රෝහලේ අධ්යක්ෂතුමිය විශේෂඥ වෛද්ය අයන්ති ජයවර්ධන ,ප්රසව හා නාරිවේද විශේෂඥ වෛද්ය හිරාන් හේවගේ සහ සුදර්ශන ද සිල්වා යන මහත්වරුන් ඇතුළු වෛද්ය ,හෙද කාර්ය මණ්ඩලය ඊට සම්බන්ධ විය.
කාන්තාවන් අතර වැඩි වශයෙන් දක්නට ලැබෙන ගැබ්ගෙල පිළිකාව (Cervical Cancer) කල්තියා හඳුනාගෙන වළක්වා ගැනීම සඳහා “Colposcopy” නව සේවාවක් විවෘත කිරීම හම්බන්තොට රෝහලට මෙන්ම ප්රදේශවාසි ජනතාවටද වැදගත් ඉදිරි පියවරක් වේ.
මෙම සේවාව මගින් ගැබ්ගෙල පිළිකා පූර්ව අවස්ථාවේදීම හඳුනා ගැනීමට හැකිවන අතර, කාන්තාවන්ගේ ජීවිත ආරක්ෂා කිරීමට විශාල දායකත්වයක් ලබා දීමට අපේක්ෂා කෙරේ. Colposcopy පරීක්ෂාව යනු විශේෂ උපකරණයක් භාවිතා කර ගැබ්ගෙල ඉතා පැහැදිලිව පරීක්ෂා කරන ක්රමයකි. Pap smear පරීක්ෂාවේ අසාමාන්ය ප්රතිඵල ඇති කාන්තාවන් සඳහා මෙම පරීක්ෂාව විශේෂයෙන් වැදගත් වේ.
නව සේවාව විවෘත කිරීමේ අවස්ථාවට සහභාගී වූ සෞඛ්ය අංශ නිලධාරීන් පෙන්වා දුන්නේ, කාන්තාවන් නිතර සෞඛ්ය පරීක්ෂාවන් සඳහා යොමු වීමෙන් ගැබ්ගෙල පිළිකාවෙන් සිදුවන මරණ අවම කළ හැකි බවයි.
මෙම Colposcopy ඒකකය නවීන උපකරණවලින් සමන්විත වන අතර, පුහුණු වෛද්යවරුන් සහ හෙද කාර්ය මණ්ඩලය යටතේ සේවාවන් ලබා දීමට කටයුතු සූදානම් කර ඇත.
කාන්තාවන්ගේ සෞඛ්ය ආරක්ෂාව සඳහා මෙවැනි නව සේවාවන් ආරම්භ කිරීම, රෝග වළක්වා ගැනීමේ සෞඛ්ය ප්රවර්ධන වැඩසටහන් තවදුරටත් ශක්තිමත් කිරීමට ද උපකාරී වේ.
