28/10/2020
අවිදුර දෘෂ්ටිකත්වය යනු අනන්තයේ සිට පතිත වන සමාන්තර ආලෝක කිරණ ඇසේ කාචය ලිහිල්වී ඇති විට දෘෂ්ටි විතානයට ඉදිරියෙන් නාභිගත වීම නිසා ඇති වන වර්තන දෝෂයකි.
මේ සඳහා බලපාන ප්රදාන හේතුව වන්නේ අකෂි ගෝලයේ අකෂි දිග අසාමාන්ය ලෙස වර්ධනය වීම සහ දෘෂ්ටි විතානය මත පතිත වන ආලෝකය එක ලකෂයකට නාබිගත නොවීමයි. මෙම හේතුව නිසා සමීප වස්තූන් පැහැදිිලිව පෙනෙන නමුදු ඈතින් ඇති වස්තූන් බොඳ වී පෙනෙයි. ඇස් කණ්ණාඩි හෝ කාච පැළඳීමෙන් අවිදුර දෘෂ්ටිකත්වය පහසුවෙන් නිවැරදි කරගත හැකි අතර එයට නිසි පිළියම් යෙදීම ප්රමාද කිරීම නිසා ඇම්බ්ලියෝෆියා තත්ත්වය දක්වා වර්ධනය වීමට ඉඩ තිබේ. අවිදුර දෘෂ්ටිකත්වය හේතුවෙන් ඇම්බ්ලියෝෆියා වර්ධනය වීම සිදු වුවහොත් දෘෂ්ටි චිකිත්සා ප්රතිකර්ම සිදු කළ යුතු වේ.
ඇම්බ්ලියෝෆියා යනුවෙන් හැදින්වෙන්නේ කළ හැකි හොඳම ප්රතිකර්ම කර ඇති විට පවා එක් ඇසක පෙනීම අනිත් ඇසේ පෙනීමට වඩා අඩු වීමේ තත්ත්වයකි. දෘෂ්ටි විතානය මත නිවැරදි ලෙස ආලෝකය පතිත නොවීම වැනි හේතු කිහිපයක්ම නිසා මෙම තත්ත්වය ඇති විය හැකියි. දුර දෘෂ්ටිකත්වය, අවිදුර දෘෂ්ටිකත්වය, මෙකී දෝෂ දෙකම හෝ විෂම දෘෂ්ටිකතාව වැනි අකෂි දෝෂ ඇති පුද්ගලයන් මෙම තත්ත්වයට පත් වීමට ඉඩ ඇත. මෙහි ප්රතිඵලයක් වශයෙන්, එක් ඇසක හෝ ඇස් දෙකම මත පතිත වන රූප බොඳ වී පෙනීම සිදු වේ. නිසි පරිදි ඇස් කණ්ණාඩි හෝ කාච පැළඳීමෙන් ඇම්බ්ලියෝෆියා නිසා ඇති වන දෘෂ්ටි දෝෂය නිවැරදි කරගත හැකි වේ. කෙසේ වෙතත්, නිසි පියවර ගැනීම ප්රමාද කළහොත් කාලය ගත වීමත් සමග ඇම්බ්ලියෝෆියාව වර්ධනය වීමටද ඉඩ ඇත. වසර ගණනාවක් තිස්සේ මෙම තත්ත්වය වර්ධනය වීම සිදු වුවහොත් දෘෂ්ටි චිකිත්සා ප්රතිකර්ම සිදු කළ යුතු වේ.
