09/07/2026
🌸ගර්භණී සමයේ සුව නින්දක්🌸
අම්මෙක් වෙන්න ඉන්න ඔබටයි මේ... 🥰
ගර්භණී කාලය කියන්නේ හැම අම්මෙක්ටම බලාපොරොත්තු පිරුණු, ඒ වගේම ඇඟටත් හිතටත් ලොකු වෙනස්කම් දැනෙන කාලයක්නේ. මේ දවස්වලට අපේ ශාරීරික සෞඛ්යය වගේම "මානසික සෞඛ්යයත්" උපරිමයෙන්ම රැකගන්න ඕනේ. ඒ වෙනුවෙන් කරන්න පුළුවන් ලොකුම දේ තමයි හැමදාම හොඳ සුව නින්දක් ලබාගන්න එක.
නින්ද අඩු වුණාම අපේ හිතට මොකද වෙන්නේ සහ සුව නින්දකට කරන්න පුළුවන් දේවල් මොනවාද කියලා සරලවම කතා කරමු.
නින්ද මදි වුණාම හිතට දැනෙන්නේ කොහොමද? 🤔
💐 කේන්ති යාම සහ දුක හිතීම.
හෝමෝන වෙනස්කම් නිසා මේ දවස්වල නිකන්ම හිත සංවේදී වෙනවා. නින්දත් මදි වුණාම නිතරම කේන්ති යන්න, අනවශ්ය විදිහට දුක හිතෙන්න පටන් ගන්නවා.
💐 බය සහ අනාරක්ෂිත බව.
රෑට නිදි මරනකොට අනවශ්ය සිතුවිලි හිතට වද දෙනවා. ප්රසූතිය ගැන බයක්, කාංසාවක් (Anxiety) ඇති වෙන්න මේක ප්රධාන හේතුවක්.
💐 මහන්සිය වගේම නොසන්සුන්කම.
ඇඟට විවේකයක් නැති වුණාම දවසම මූඩ් එක අවුල් යනවා. කිසිම වැඩකට හිත එකඟ කරගන්න බැරි වෙනවා.
🌺 රෑට සුවපහසුවට නිදාගන්න පුංචි රහස් කිහිපයක්.
1. නිවැරදි පැත්ත තෝරාගන්න .🤰
වැඩිපුරම හොඳ වම් ඇලයට හැරිලා නිදාගන්න එකයි. එතකොට බබාට වගේම ඔබටත් රුධිර ගමනාගමනය හොඳින් වෙනවා. කොන්දට සහ බඩට සුවපහසුවක් දැනෙන්න කොට්ට කීපයක් ආධාරකයක් විදිහට තියාගන්න.
2. ෆෝන් එක පැත්තකින් තියන්න 📱❌
නිදාගන්න යන්න පැයකට කලින්වත් ෆෝන් එක, ටීවී එක බලන එක නතර කරන්න. නිදන කාමරය නිශ්ශබ්ද, සිසිල් තැනක් කරගන්න.
3. හිත සැහැල්ලු කරගන්න 🌸
නින්දට පෙර ඇල්මැරුණු වතුරෙන් ඇඟ පත සෝදලා, පපුවේ දැවිල්ල ඇති නොවන සැහැල්ලු කෑමක් ගන්න. ආදරණීය සංගීතයකට සවන් දීම හෝ හොඳ පොතක් කියවීම වගේ දෙයකින් හිත නිදහස් කරගන්න.
පුංචි මතක් කිරීමක්:
අම්මා සතුටින් සහ නිදහසින් ඉන්න එක කුස ඇතුළේ ඉන්න පුංචි පැටියටත් දැනෙනවා. ඒ නිසා ඔයාගේ නින්ද ගැන, විවේකය ගැන වෙනදාටත් වඩා හිතන්න. දිගින් දිගටම නින්ද යන්නේ නැත්නම් ඒ ගැන ඔයාගේ වෛද්යවරයා එක්ක කතා කරන්න අමතක කරන්න එපා. ❤️
මෙය ඔබගේ සාමාන්ය දැනුවත්භාවය සඳහා පමණි.
Blooming Heart
R.C.Gunathilake
#මාතෘ #ගර්භණීමව
