12/03/2026
උරහිසේ හිරවීම සහ වේදනාව (Frozen Shoulder) නිසා පීඩා විඳිනවාද?
ඔබේ අත ඉහළට එසවීමට, පීරීමට හෝ ඇඳුමක් ඇඳීමට පවා අපහසු වන සේ උරහිස තද වී ඇත්නම්, එය ආයුර්වේදයේ 'අවබාහුක' (Avabahuka) ලෙස හඳුන්වන රෝගී තත්ත්වය විය හැකියි.
බොහෝ විට ශරීරයේ 'වාත' දෝෂය කිපීම නිසා හටගන්නා මෙම තත්ත්වය, නිවැරදි ව්යායාම සහ ආයුර්වේද ප්රතිකාර මගින් සම්පූර්ණයෙන්ම සුව කරගන්න පුළුවන්.
🌿 ආයුර්වේද මතය සහ කළ හැකි දේ
ආයුර්වේදයට අනුව මෙහිදී සිදුවන්නේ උරහිස ආශ්රිත ස්නායු සහ පටක වියළීමකට ලක්වීමයි. ඒ සඳහා:
ස්නේහන (තෙල් ගැල්වීම):
සර්වවිෂාදිය, මහා නාරායන හෝ පිණ්ඩ තෛලය වැනි වාත නාශක තෙල් වර්ගයක් මදක් රත් කර උරහිස වටා මෘදුව ආලේප කරන්න.
ස්වේදන (තැවීම):
තෙල් ගා විනාඩි 15කට පමණ පසු උණු වතුර පොට්ටනියකින් හෝ දසමුල පුවත්වාදිය වැනි ඖෂධීය වාෂ්පයෙන් තැවීම ඉතා ගුණදායකයි.
ප්රතිකාර:
රෝගය උත්සන්න නම් 'නස්ය කර්ම' (නාසයට බෙහෙත් තෙල් බිංදු දැමීම) වැනි පංචකර්ම ප්රතිකාර සඳහා ආයුර්වේද වෛද්ය උපදෙස් ලබාගන්න.
🏃 නිවසේදී කළ හැකි සරල ව්යායාම 3ක්
ආයුර්වේද සත්කාර කරන අතරතුර මේ ව්යායාම කිරීමෙන් ඉක්මන් සහනයක් ලැබේ:
පෙන්ඩුලම් ව්යායාමය:
මේසයකට බර දී ඉදිරියට නැමී, වේදනාව ඇති අත ඔරලෝසුවක බට්ටා මෙන් රවුමට සෙමින් කරකවන්න.
බිත්ති ආධාරයෙන් අත එසවීම:
බිත්තියක් අසල සිටගෙන ඇඟිලි තුඩු මගින් මකුළුවෙකු යනවාක් මෙන් අත සෙමින් ඉහළට ගෙන යන්න.
තුවායක් ආධාරයෙන් ඇදීම:
තුවායක් දෙකොනින් අල්ලා පිටුපසට කර, නිරෝගී අතින් තුවාය ඉහළට අදිමින් අනෙක් අතට ව්යායාම ලබා දෙන්න.
⚠️ විශේෂයෙන් මතක තබා ගන්න:
අධික සීතල ආහාර (අයිස්ක්රීම්, යෝගට්) සහ සීතල වතුර භාවිතය අවම කරන්න.
රාත්රී කාලයේ උරහිස නිරාවරණය වන සේ Fan එක දමාගෙන නිදාගැනීමෙන් වළකින්න.
උදෑසනට මද උණුසුම් වතුර වීදුරුවක් පානය කිරීම වාත දෝෂය සමනයට උදවු වේ.
සටහන: ඕනෑම ඖෂධීය තෙල් වර්ගයක් භාවිත කිරීමට පෙර වෛද්ය උපදෙස් ලබාගැනීම වඩාත් සුදුසුයි.
මේ වටිනා තොරතුරු ඔබේ හිතවතුන් අතරත් Share කරන්න! 💙
වෛද්ය සාරංග වීරසිංහ
BAMS කැලණිය විශ්ව විද්යාලය
,PG dip panchakarma කැලණිය විශ්ව විද්යාලය
Diploma in Yoga කැලණිය විශ්ව විද්යාලය
YIC ස්වාමි විවේකානන්ද යෝග ආශ්රම් ඉන්දියා
#අවබාහුක #ආයුර්වේදය
