Dr. Fathima Sijafa SF Haque

03/09/2026

28/08/2026

40+ ஆண்களின் வயிற்றுப் பருமன் “தொப்பை” வெறும் தோற்றப் பிரச்சினையா?

40 வயதுக்குப் பின்னர் பல ஆண்களிடம் பொதுவாகக் காணப்படும் மாற்றங்களில் ஒன்று வயிற்றுப் பகுதியில் கொழுப்பு அதிகரிப்பது. வேலைப்பளு, நீண்ட நேரம் அமர்ந்திருக்கும் வாழ்க்கை முறை, குறைந்த உடல் இயக்கம், உணவுப் பழக்க மாற்றங்கள் மற்றும் போதிய தூக்கமின்மை போன்ற பல காரணிகள் இதற்குப் பங்களிக்கலாம்.

பலர் இதை வெறும் உடல் தோற்றத்தில் ஏற்பட்ட மாற்றமாக எடுத்துக்கொள்கிறார்கள். ஆனால் இடுப்பைச் சுற்றி அதிகரிக்கும் கொழுப்பு, சிலருக்கு உடலின் metabolic health பாதிக்கப்படத் தொடங்கியிருப்பதற்கான முக்கியமான எச்சரிக்கையாக இருக்கலாம்.

வயிற்றுக்குள் இருக்கும் கொழுப்புதான் ஏன் முக்கியம்?
தோலுக்குக் கீழே சேரும் கொழுப்பைப் போலல்லாமல், வயிற்றுக்குள் உள்ள உறுப்புகளைச் சுற்றி சேரக்கூடிய Visceral Fat metabolic ரீதியாகச் செயல்படும் கொழுப்பாகும்.

அதிகமான abdominal/visceral fat, Insulin Resistance, Type 2 Diabetes, உயர் இரத்த அழுத்தம், Triglycerides அதிகரிப்பு, Fatty Liver மற்றும் Cardiovascular Diseases அபாயம் ஆகியவற்றுடன் தொடர்புடையது.

“எனது எடை அதிகமில்லை; கொஞ்சம் வயிறுதான்” என்றாலும் கவனம் தேவை!

BMI மட்டும் ஒருவரின் metabolic risk ஐ முழுமையாகக் காட்டாது. குறிப்பாக வயிற்றுப் பகுதியில் அதிக கொழுப்பு உள்ளவர்களுக்கு, உடல் எடை அதிகமாகத் தெரியாவிட்டாலும் metabolic risk இருக்கலாம். அதனால் Weight மற்றும் BMI உடன் Waist Circumference யும் கவனிப்பது பயனுள்ளதாகும்.

தெற்காசிய ஆண்களுக்கு இடுப்புச் சுற்றளவு முக்கியம்

South Asian ஆண்களில் பொதுவாக 90 cm அல்லது அதற்கு மேற்பட்ட இடுப்புச் சுற்றளவு abdominal obesity க்கான முக்கிய risk marker ஆகப் பயன்படுத்தப்படுகிறது.

இது தனியாக ஒரு நோய் diagnosis அல்ல. ஆனால் Diabetes மற்றும் cardiovascular risk குறித்து கூடுதல் கவனம் செலுத்த வேண்டிய ஒரு எச்சரிக்கையாகக் கருதலாம்.

வயிற்றுப் பருமனுடன் இவையும் உள்ளதா?
Blood Pressure அதிகரித்தல்
Fasting Blood Sugar / HbA1c அதிகரித்தல்
Triglycerides அதிகரித்தல்
HDL குறைவாக இருத்தல்
Fatty Liver
அதிக குறட்டை / Sleep Apnea அறிகுறிகள்
உடல் இயக்கம் மிகவும் குறைவாக இருத்தல்

இவற்றில் பல ஒன்றாகக் காணப்பட்டால், உடல் எடையைக் குறைப்பது மட்டும் நோக்கமாக இல்லாமல் முழுமையான metabolic health ஐ மதிப்பிடுவது முக்கியம்.

தொப்பையைக் குறைக்க “சாப்பிடாமல் இருப்பது” தீர்வல்ல! கடுமையான fasting, மிகக் குறைந்த கலோரி உணவுகள் அல்லது விரைவாக எடையைக் குறைக்கும் முயற்சிகள் அனைவருக்கும் பொருத்தமானவை அல்ல.

அதற்கு பதிலாக,
- உணவின் அளவு மற்றும் தரத்தில் நீடித்த மாற்றம்
- காய்கறிகள், முழுத்தானியங்கள் மற்றும் பொருத்தமான protein கொண்ட சமநிலையான உணவு
- சீனி சேர்க்கப்பட்ட பானங்கள் மற்றும் அதிகமாக processed செய்யப்பட்ட உணவுகளைக் குறைத்தல்
- வாரந்தோறும் தொடர்ச்சியான aerobic physical activity
- வாரத்தில் குறைந்தது இரண்டு நாட்கள் muscle strengthening activity
- நீண்ட நேரம் தொடர்ந்து உட்கார்ந்திருப்பதைக் குறைத்தல்
- போதுமான தூக்கம்
போன்ற நீடித்து கடைப்பிடிக்கக்கூடிய மாற்றங்களே முக்கியம்.

ஒரு சிறிய மாற்றம்கூட பயனுள்ளது
உடல் எடையில் மிகப்பெரிய மாற்றத்தை ஒரே நேரத்தில் எதிர்பார்க்க வேண்டியதில்லை. அதிக உடல் எடை உள்ளவர்களுக்கு மிதமான அளவு எடை குறைப்பே கூட Blood Sugar, Blood Pressure மற்றும் metabolic health இல் பயனளிக்கக்கூடும்.

வயிற்றுப் பருமன் என்பது வெறும் தோற்றம் சார்ந்த விடயம் அல்ல.
சிலருக்கு அது Diabetes, Fatty Liver மற்றும் Cardiovascular Diseases அபாயத்திற்கான ஆரம்ப எச்சரிக்கையாக இருக்கலாம்.

உடல் எடையைக் குறைப்பது மட்டுமே இலக்கு அல்ல , ஆரோக்கியமாக வாழக்கூடிய உடலை உருவாக்குவதே இலக்கு.

25/08/2026

25/08/2026

கர்ப்பகாலத்தின் மூன்று முக்கிய கட்டங்கள்;
ஒவ்வொரு கட்டமும் தனித்துவமான பயணம்!
Dr. Fazl-Ul Haque M. Fouze

ஒரு புதிய உயிரின் உருவாக்கம் முதல் குழந்தையை கைகளில் ஏந்தும் அந்த அழகான தருணம் வரை, கர்ப்பகாலத்தின் ஒவ்வொரு Trimester உம் தாய் மற்றும் சேயின் உடலில் பல முக்கிய மாற்றங்களை ஏற்படுத்துகிறது.

முதல் Trimester (0 - 13 வாரங்கள்):
குழந்தையின் முக்கிய உறுப்புகள் உருவாகத் தொடங்கும் ஆரம்ப கட்டம்.
இந்த காலத்தில் குமட்டல், சோர்வு, மனநிலை மாற்றங்கள் போன்றவை ஏற்படலாம்.
இதுவே பாதுகாப்பாக இருக்கவேண்டிய முக்கிய பருவமாகும்.
போதுமான ஓய்வு, நீர் அருந்துதல் மற்றும் ஆரம்பகால மருத்துவ பரிசோதனைகள் மிகவும் அவசியம்.

இரண்டாம் Trimester (14 - 27 வாரங்கள்):
குழந்தையின் வளர்ச்சி வேகமாக நடைபெறும் காலம்.
குழந்தையின் அசைவுகளை தாய் உணரத் தொடங்கலாம்.
குழந்தையுடன் கதைப்பதற்காக பெற்றோர் அதிக நேரம் ஒதுக்க வேண்டிய பருவம்.
போஷனையில் அதிக கவனம் தேவையான பருவம்.
Anomaly Scan உள்ளிட்ட முக்கிய பரிசோதனைகள் மற்றும் சீரான உணவுமுறை இந்த கட்டத்தில் முக்கியமானவை.

மூன்றாம் Trimester (28 - 40 வாரங்கள்):
பிரசவத்திற்கான இறுதி தயாரிப்புக் காலம்.
குழந்தையின் எடை மற்றும் வளர்ச்சி அதிகரிக்கும் பருவம்.
முதுகுவலி, மூச்சுத்திணறல், கால்களில் வீக்கம் போன்றவை தாய்க்கு ஏற்படக்கூடும்.
Regular check-ups, fetal monitoring, போதுமான ஓய்வு மற்றும் போஷனை ஆகியவற்றில் கவனம் செலுத்த வேண்டும்.

ஆகவே, சுருக்கமாக, ஆரோக்கியமான உணவு, போதுமான தண்ணீர், மிதமான உடற்பயிற்சி, மன அமைதி மற்றும் மருத்துவரின் ஆலோசனையை முறையாக பின்பற்றுவது ஆரோக்கியமான கர்ப்பகாலத்திற்கு மிகவும் முக்கியம்.

Sinaam Unani Nursing Home
Trusted care for mother & baby – With you at every step of this beautiful journey.

19/08/2026

வீட்டின் ஒரு சிறிய அறையில் தொடங்கிய சேவை…
இன்று இலங்கையின் Premium Unani Healthcare சேவைகளில் ஒன்றாக!

2011 ஆம் ஆண்டு, இன்றைப் போன்ற ஒரு நாளில், (19/08/2011) எமது இல்லத்தில் மிகவும் எளிமையான முறையில் ஆரம்பித்த மருத்துவ சேவை இன்று 15 ஆண்டுகளை நிறைவு செய்கிறது.

அந்த நாள் எம்மிடம் பெரிய கட்டிடம் இல்லை.
பெரிய வசதிகள் இல்லை.
ஆனால் ஒரு தெளிவான நோக்கம் இருந்தது. யுனானி மருத்துவத்தின் மூலம் எம்மால் இயன்ற சிறந்த சுகாதார சேவையை சமூகத்திற்கு வழங்க வேண்டும் என்பதே அது.

அந்தச் சிறிய ஆரம்பத்தின் அடுத்த முக்கியமான கட்டமாக, 03 ஜனவரி 2014 அன்று பரகஹதெனிய, கண்டி வீதியில் அமைந்திருந்த Assalafiyya Shopping Complex வளாகத்திற்கு எமது கிளினிக் இடமாற்றப்பட்டது.

பல வருடங்களாக அங்கிருந்து எமது சேவையை தொடர்ந்து முன்னெடுத்து வந்த பின்னர், 25 செப்டம்பர் 2023 முதல் எமது புதிய நிலையத்தில் Sinaam Unani Nursing Home தனது மருத்துவ சேவைகளை இன்னும் ஒழுங்குபடுத்தப்பட்டதும் விரிவானதுமான முறையில் வழங்கி வருகிறது.

2011 → 2014 → 2023 → 2026

இன்று பின்னோக்கிப் பார்க்கும்போது, இது வெறும் ஒரு கிளினிக்கின் வளர்ச்சி மட்டும் அல்ல.

இது நம்பிக்கையின் வளர்ச்சி, நோயாளிகளின் அன்பின் வளர்ச்சி, பொறுப்பின் வளர்ச்சி, சேவையின் வளர்ச்சி.

இன்று Sinaam Unani Nursing Home குடும்பமாக, இலங்கையில் Premium Unani Healthcare சேவைகளை வழங்கும் மருத்துவ நிலையங்களில் ஒன்றாக வளர்ந்து, தரமான Unani OPD மருத்துவ சேவைகள் மூலம் சமூக சுகாதாரத் துறைக்கு எம்மால் இயன்ற அளவில் பங்களித்து வருவதில் பெருமையும் மனநிறைவும் அடைகின்றோம்.

இந்த 15 வருடங்களில் எம்மை நாடி வந்த ஒவ்வொரு நோயாளியும், எம்மை நம்பிய ஒவ்வொரு குடும்பமும், எம்மை அறிமுகப்படுத்திய ஒவ்வொரு நலன்விரும்பியும், எம்முடன் இணைந்து பணியாற்றிய ஒவ்வொருவரும், Sinaam இன் இப்பயணத்தின் ஒரு பகுதியாக இருக்கிறீர்கள்.

எமது இலக்கு ஒருபோதும் ஒரு பெரிய மருத்துவ நிலையமாக இருப்பது மட்டும் அல்ல. நம்பிக்கைக்குரியதாக இருக்க வேண்டும்.
நோயாளியை மையப்படுத்தியதாக இருக்க வேண்டும்.
யுனானி மருத்துவத்தின் மதிப்பையும் தனித்துவத்தையும் உயர்த்த வேண்டும்.

15 வருடங்களுக்கு முன்பு வீட்டில் ஆரம்பிக்கப்ப்ட்ட இச்சிறிய முயற்சி, இன்று பல்லாயிரக்கணக்கான குடும்பங்களின் நம்பிக்கையை சுமந்து பயணிக்கிறது. எமது பயணத்தில் துணையாக இருந்த அனைவருக்கும் இதயப்பூர்வமான நன்றிகள்.

17/08/2026

அம்பாறை மாவட்டத்திலிருந்து Sinaam Unani Nursing Home இற்கு வருவது இனி மேலும் எளிது!

Kalmunai, Sainthamaruthu, Sammanthurai, Nintavur, Addalachchenai, Akkaraipattu, Ampara பகுதிகளில் வசிக்கும் உங்களுக்கு, தினமும் இயங்கும் Dilanka Express Super Luxury Service மூலம் Kandy – Kurunegala (A10 Road) வழியாக எங்கள் Sinaam Unani Nursing Home, Paragahadeniya கிளினிக்கிற்கு வசதியாக வரலாம்.
Kandy இலிருந்து Kurunegala நோக்கிப் பயணம் செய்யும் போது, Sinaam Unani Nursing Home பாதையின் இடப்புறத்தில் அமைந்துள்ளது. அதற்கு நேரெதிரில் Jamiul Anwar பெரிய பள்ளிவாசல் அமைந்துள்ளது. நம்பிக்கையுடன், சௌகரியமாக, எளிதாக சினாமை அணுகுங்கள்.

Now it is even easier for patients from Ampara District to visit Sinaam Unani Nursing Home!

Travel comfortably by the daily Dilanka Express Super Luxury Service from Nintavur / Ampara via Kandy – Kurunegala A10 Road and reach our clinic in Paragahadeniya with ease.
When travelling from Kandy towards Kurunegala, Sinaam Unani Nursing Home is located on the left side of the road, and Jamiul Anwar Grand Masjid is situated right opposite the clinic.

Bus Booking & Inquiries:
Dilanka Express / Magiya.lk
0777 599 555 | 0112 587 587

Sinaam Unani Nursing Home
205, Kandy Road, Paragahadeniya, Kurunegala
0712 225 336 | 0741 225 336 | 0761 664 338
🌐 www.sinaamunh.lk

Visit Sinaam with greater comfort, convenience, and confidence.

12/08/2026

40+ ஆண்களின் ஆரோக்கியம் | விழிப்புணர்வுத் தொடர் – 03

40+ ஆண்களே… வருடத்திற்கு ஒருமுறையாவது உங்கள் ஆரோக்கியக் கணக்கையும் பாருங்கள்!

வீட்டுச் செலவு, வங்கிக் கணக்கு, வாகனப் பராமரிப்பு, தொழில் மற்றும் குடும்பத் தேவைகள் என அனைத்தையும் சரியான நேரத்தில் கவனிக்கும் நாம், நமது உடலின் நிலையை மட்டும் பல வருடங்களாகப் பரிசோதிக்காமல் விட்டுவிடுகிறோமா?

40 வயதுக்குப் பின்னர் சில நோய்கள் தெளிவான அறிகுறிகள் இல்லாமலேயே ஆரம்பித்து வளரக்கூடும். எனவே நோய் ஏற்பட்ட பிறகு பரிசோதிப்பதைவிட, தனிப்பட்ட அபாயக் காரணிகளுக்கு ஏற்ப Preventive Health Screening மேற்கொள்வது முக்கியமானது.

40+ ஆண்கள் கவனிக்க வேண்டிய முக்கிய Health Checks

01 | Blood Pressure
High Blood Pressure பெரும்பாலும் ஆரம்பத்தில் அறிகுறிகளை ஏற்படுத்தாது. அதனால் இரத்த அழுத்தத்தை முறையாகக் கண்காணிப்பது அவசியம்.

02 | Blood Sugar / HbA1c
Type 2 Diabetes மற்றும் Pre-diabetes நிலைகளை ஆரம்பத்திலேயே கண்டறிய உதவும். உடல் பருமன், Family History அல்லது பிற risk factors உள்ளவர்கள் கூடுதல் கவனம் செலுத்த வேண்டும்.

03 | Lipid Profile
Total Cholesterol, LDL, HDL மற்றும் Triglycerides போன்றவற்றின் மதிப்பீடு இதய இரத்த நாள நோய் அபாயத்தை கணிப்பதில் உதவுகிறது.

04 | Weight, BMI & Waist Circumference
எடை மட்டும் போதாது. குறிப்பாக வயிற்றைச் சுற்றி அதிகரிக்கும் கொழுப்பு, metabolic health குறித்து முக்கியமான தகவலை வழங்குகிறது.

05 | Liver & Kidney Health
Diabetes, hypertension, obesity, நீண்டகால மருந்துப் பயன்பாடு அல்லது பிற risk factors உள்ளவர்களுக்கு மருத்துவரின் ஆலோசனைப்படி Liver மற்றும் Kidney function பரிசோதனைகள் தேவைப்படலாம்.

06 | Prostate Health
சிறுநீர் கழிப்பதில் மாற்றங்கள் இருந்தால் அவற்றை அலட்சியம் செய்யக்கூடாது. PSA உள்ளிட்ட prostate screening அனைவருக்கும் ஒரே வயதில் கட்டாயம் செய்ய வேண்டிய பரிசோதனை அல்ல. தனிப்பட்ட risk factors, Family History மற்றும் நன்மை தீமைகளை மருத்துவருடன் கலந்தாலோசித்து முடிவு செய்வது பொருத்தமானது.

07 | Full Blood Count மற்றும் பிற பரிசோதனைகள்
தொடர்ச்சியான சோர்வு, உடல் பலவீனம் அல்லது வேறு அறிகுறிகள் இருந்தால் CBC உள்ளிட்ட பரிசோதனைகள் தேவையா என்பதை மருத்துவர் தீர்மானிக்கலாம்.

08 | கண் & பல் பரிசோதனை
பார்வை மாற்றங்கள் மற்றும் பல் ஈறு பிரச்சினைகளையும் வயதின் இயல்பான மாற்றம் என்று புறக்கணிக்க வேண்டாம். குறிப்பாக Diabetes உள்ளவர்கள் கண் பரிசோதனைகளில் கூடுதல் கவனம் செலுத்த வேண்டும்.

09 | Mental Health & Sleep
மனஅழுத்தம், தூக்கமின்மை, அதிக குறட்டை, பகல் நேர அதிக தூக்கம், தொடர்ச்சியான எரிச்சல் அல்லது மனநிலை மாற்றங்களையும் உங்கள் routine health discussion-இல் சேர்த்துக்கொள்ளுங்கள்.

10 | வயதுக்கேற்ற Cancer Screening
Colorectal cancer உள்ளிட்ட சில புற்றுநோய்களுக்கான screening பொதுவாக நடுத்தர வயதிலிருந்து முக்கியத்துவம் பெறுகிறது. எப்போது ஆரம்பிக்க வேண்டும் என்பது வயது, Family History மற்றும் தனிப்பட்ட risk factors ஐப் பொறுத்து மாறலாம்.

ஒரு முக்கியமான விடயம்… “Annual Health Check-up” என்றால் ஒவ்வொரு வருடமும் எல்லா laboratory tests ஐயும் செய்வது என்று பொருளல்ல.

உங்கள் வயது, Family History, உடல் எடை, Blood Pressure, உணவுப் பழக்கம், உடற்பயிற்சி, புகையிலைப் பயன்பாடு மற்றும் ஏற்கனவே உள்ள நோய்கள் ஆகியவற்றின் அடிப்படையில் உங்களுக்கு உண்மையில் தேவையான screening tests ஐ மருத்துவருடன் தீர்மானிப்பதே சரியான அணுகுமுறை.

40 வயதுக்குப் பின்னர் ஆரோக்கியத்தைப் பரிசோதிப்பது நோயைத் தேடுவதற்காக மட்டுமல்ல;
நோய் உருவாகும் அபாயத்தை முன்கூட்டியே கண்டறிந்து குறைப்பதற்காகவும் ஆகும்.

குடும்பத்தின் எதிர்காலத்திற்காக பல திட்டங்களை உருவாக்கும் நீங்கள், அந்த எதிர்காலத்தில் ஆரோக்கியமாக இருப்பதற்கும் இன்று முதல் திட்டமிடுங்கள்.

- Dr. Fazl-Ul Haque M. Fouze