05/05/2026
ධම්මා රහත් තෙරණිය.
පැමිණි සසර ගමන තුළ අප ගෞතම බුදුරජාණන් වහන්සේගේ බුද්ධ ශාසනය පිහිටි කාලයෙහි උතුම් රහත් භාවය අරමුණු කර ගනිමින් සසර මහත් වූ පින් රැස් කරමින් බොහෝ කාලයක් දෙව් මිනිස් සැප ලබමින් සසර ගමන් කොට අප ගෞතම සම්මා සම්බුදු පියාණන් වහන්සේ ලොව පහළ වූ කල කුල ගෙයක ඉපදී ධම්මා නමින් ප්රසිද්ධියට පත්වුණා.
කාලය ගතවීමත් සමඟ ඇය වැඩිවියට පත්වෙලා විවාහ බන්ධනයකට ඇතුල් වුණා තමන්ගේ සිතෙහි තිබුණු බලවත් ශ්රද්ධාව සහ තුනුරුවන් කෙරෙහි තිබුණු පැහැදීම නිසාම ඇයට ඒ කාලයේ සිටම පැවිදි භාවයට ලබන්න ආසාවක් ඇති වුණා.
කෙසේ නමුත් පැවිදි වීම සඳහා තම ස්වාමියාගේ අකමැත්ත නිසා ඇයට පැවිදි වීමට නොහැකි වුණා. කාලය ගත වුණා. තම ස්වාමියාගේ ඇවෑමෙන් පසුව ඇය නැවත උතුම් පැවිදි භාවයට පත්වුණා.
එවිට ඇය මහලුයි තමන්ගේ මහලු බව ධර්ම මාර්ගයට බාධාවක් නොකරගත් ඇය දිනක් පිඬුසිඟා වඩිනු පිණිස ගමන් කරද්දී පය පැටලවිලා මහ මඟ ලිස්සා වැටුණා.
තමන්ගේ වයෝවෘද්ධ භාවය නිසා තමා ලිස්සා වැටුණු බව අරමුණු කරගනිමින් එය පිළිබඳව විදර්ශනා වඩා ඇය උතුම් රහත් භාවයට පත්වුණා.
ඇය උතුම් ධම්මා මහ රහත් තෙරණිය හැටියට උතුම් රහත් භාවය ලැබුවායින් පසුව උදානයක් ප්රකාශ කළා. මම දුබල වූවෙමි. මම සැරයටියෙන් එල්ලී පිඬුසිඟා ගොස් මාගේ පා පැටලී ලිස්සා වැටුනා. ශරීරයේ ආදීනව දැකලා විදර්ශනා කරමින් මම උතුම් රහත් භාවයට පත් වුණා කියලා ඇය උදානයක් ප්රකාශ කරා.
ඉතින් පින්වතුනි ධර්ම මාර්ගයේ ගමන් කරන්න අපි කවුරුත් තවම ප්රමාද නෑ. වයෝවෘද්ධ වෙලත් රහත් භාවයට පත් වුන මහ රහතන් වහන්සේලා , මහ රහත් මෙහෙණින් වහන්සේලා වැඩ සිටිය මේ උතුම් සම්බුද්ධ ශාසනය තුළ අපිත් ඉතාම ඉක්මනින්ම උතුම් චතුරාර්ය සත්ය ධර්මය අවබෝධය පිණිස වීරියවන්තව කටයුතු කරන්න ඕන.
එයයි මේ ධම්මා මහ රහත් තෙරණියගේ කතාවෙන් අපිට ගන්න තියෙන ආදර්ශය ඔබ හැමත් අප්රමාදීව කටයුතු කරත්වා..!
තෙරුවන් සරණයි
Writing by,
Dhana Paramitha,
Page Admin
🙏
