Find Yourself - psychologesch Berodung

02/10/2026

✨ Gesetz vun der Unzéiung – wat stécht dohannert? ✨

"Du zitt's dat un, wourop's Du Deng Opmierksamkeet richs."

Mee ass dat nëmme Spiritualitéit - oder gëtt et dofir och eng psychologesch Erklärung?

Eist Gehier filtert stänneg Informatiounen. Et sicht no Muster a riicht seng Opmierksamkeet ob dat, wat eis wichteg ass.

Kenns Du dat? Du well's Dir e bestëmmten Auto kafen - an ob eemol gesäis Du dësen Auto iwwerall.

Dësen Auto gëtt et net ob eemol méi oft. Däin Gehier hellt e just méi bewosst wouer.

Änlech kann dat mat eise Gedanke funktionéieren.

Wann mir stänneg denken: "Bei mir leeft alles schif." riichte mir eise Fokus ob dat Negatiivt.

Denke mir awer dogéint: "Wat fir eng Méiglechkeete ginn et?" huele mir vläicht Chance wouer, déi mir virdrun iwwersinn hunn.

Eis Gedanke veränneren also net automatesch déi baussecht Realitéit. Sie kennen awer beaflossen, wéi mir Situatioune wouer huelen, wéi mir eis fillen a wéi mir handelen.

A genau hei gëtt et spannend:

⚛️ Wat huet Quantephysik mat deem Ganzen ze dinn?

An der Quantephysik spille Warscheinlechkeet a Miessprozesser eng wichteg Roll. Dofir gëtt si als Begrënnung genotzt, dass eist Bewosstsinn eis Realitéit schaaft.

Mee opgepasst: D'Quantephysik beweist net, dass mir duerch eis Gedanke Saachen einfach manifestéiere kenne,

Trotzdeem bleift eng spannend Fro:

Vläicht musse mir eis Realitéit guer net "magesch" veränneren. Vläicht fänkt Verännerung domat un, dass mir de Bléckwénkel änneren.

Net: "Ech muss positiv denken, domat alles gutt gëtt." Mee: "Wourop well ech meng Opmierksamkeet riichten." "Wat fir eng Méiglechkeete gesinn ech vläicht net."

Well heiansdo verännert en neie Gedanken net direkt eis Welt - awer hier ka veränneren, wéi mir hier begéinen.

👇 Wat denks Du?

As Gesetz vun der Unzéiung fir Dech éischter Spiritualitéit, Psychologie oder eng Mëschung aus Béidem?

Schreif Deng Meenung gären a Kommentare. ❤️

29/09/2026

🌿 Zréck zu Dir. Zréck a Däin Kierper

Heiansdo wësse mir mat dem Kapp, dass sech eppes veränneren däerf - mee trotzdeem reagéiert eise Kierper weiderhi mat Uspanung, Réckzuch, Onrou an Iwwerfuerderung.

Stress, bannescht Nervositéit, emotional Iwwerfuerderung oder dat Gefill, stänneg funktionéieren ze mussen, kennen Zeechen dofir sinn, dass Däin Nervesystem méi Opmierksamkeet an Ënnerstëtzung brauch.

A menger Praxis verbannen ech:

✨ Psychologesch Berodung

✨ Nervesystemregulation

✨ Somatesch-Emotional Integratioun

Dobäi geet et net nëmmen drëm, iwwer dat ze schwätzen, wat Dech belaascht. Mir bezéien och aktiv Däin Kierper mat an - well Gedanken, Gefill a kierperlech Reaktioune stinn an engem enken Zesummenhang

Zesumme schafe mir Raum fir méi wouer huelen, bannescht Sécherheet, Selbstverständnis a Balance.

💛 Wann's Du spiers, dass sech eppes veränneren däerf, da bass Du häerzlech Wëllkomm

01/09/2026

💚 Een erneite Borreliose-Schub – an den ënnerschätze Faktor Stress

Heiansdo denkt een, et hätt een eng schwiereg Phas endlech hannert sech. An grad da mellt sech Däin Kierper rëm zréck.

Leider ass et bei mir momentan esou: ee weideren heftege Borreliose-Schub, obwuel sech Situatioun am gaange war lues a lues ze verbesseren. Déi komplett Pallett u Symptomer ass erëm massiv do a weise mir nach eemol méi, wéi der Kierper a Psych matenee verbonne sinn.

Ee Faktor, deen zu enger Rechute resp. Verschlechterung vun de Symptomer bäidroe kann, an iwwer dee menger Meenung no vill ze mann geschwat gëtt, ass de Stress.

Grad bei Borrelios-Betraffener gëtt dësen Zesummenhang, menger Erfarung no, nach heefeg net berücksichtegt. Stress gëtt schnell verharmloost - oder souguer an d'Lächerlecht gezunn. Dobäi ass längst bekannt, dass unhalende Stress de Kierper a besonnesch Regulatioun vum Immunsystem immens belaascht. Net ze vergiessen, dass de Kierper duerch Borreliose-Symptomer wéi z.B. unhalenden Wéi eh permanent ënner Stress steet.

A genau dowéinst soll ee menger Meenung no nach méi genau hikucken.

Wann een iwwer länger Zeit vill Stress ausgesat ass, stänneg funktionéiere muss, kaum zur Rou kennt an zousätzlech mat enger Erkrankung wéi Borreliose lieft, kann een net einfach maachen, als hätt dat ee mat deem aneren näischt ze dinn.

-> Stress ass net nëmmen "am Kapp".

Fir Mënsche mat chroneschen a ëmmer rëm kommenden Symptomer kann eng dauerhaft Belaaschtung en erhieflechen Ënnerscheed maachen. Trotz allem gëtt de Betraffenen net siele vermëttelt, dass si sech dach einfach manner stresse sollen, sech dach net sou ustellen oder géifen hir Symptomer duerch hier Astellung souguer verstäerken.

Dat sinn Aussoen, déi immens verletzend kenne sinn. Well wie mat Borrelios lieft, weess dass déi Belaaschtung net einfach mat engem "Denk positiv" verschwent.

Ech géif mir wënsche méi Bewosstsinn dofir ze schafen, dass Stress een eescht ze huelenden Faktor ass a bei der Betruechtung vu Borrelios net einfach ausgeklammert sollt ginn.

Fir mech heescht et grad: ee Gang zréck schalten, ob mäi Kierper lauschteren a versichen him sou vill wéi méiglech Rou ze ginn

Vläicht solle mir ophalen, Stress bei chronesch kranke Läit kleng ze schwätzen - a ufänken, hien als dat ze betruecht wat en ass: eng zousätzlech BBelaaschtung fir ee scho belaaschtene Kierper

Wéi erliefs Du dat? Gëtt de Faktor Stress bei Dir eescht geholl - oder hues Du och schon missen erliewen, dass e belächelt a verharmloost gouf?

24/08/2026

Wahrer Luxus beginnt im Inneren.

28/07/2026

Däi Wee zu Dir selwer

💜 Et ass ok, Hëllef unzehuelen.

Wann's Du Dir méi Rou, Kloerheet a Stabilitéit an Dengem Liewe wënschs, begleeden ech Dech op Dengem perséinleche Wee – individuell, wäertschätzend an op Aenhéicht.

✨ Kloerheet gewannen
✨ Déi bannescht Balance stäerken
✨ Nei Perspektiven entdecken

Mat engem uechtsamen a kierperorientéierten Usaz ënnerstëtzen ech Dech dobäi, méi Rou, Sécherheet a Verbindung mat Dir selwer ze fannen – Schratt fir Schratt, an Dengem eegenen Tempo.

Heelung bedeit net, datt alles verschwënnt.
Heelung ka bedeiten, datt s Du Dech nees méi sécher an Dir selwer fills an erëm bei Dir ukënns.

🌿 Find Yourself – Däi Wee zu Dir selwer.

Psychologische Beratung mit Spezialisierung auf somatische Traumaintegration, ADHS und Stressbewältigung. Individuelle Begleitung für mehr Stabilität, Selbstregulation und Lebensqualität.

11/06/2026

Wéini genau soll een eigentlech mierken, dass een ausgebrannt ass, wann een als Elengerzéienden just nach funktionéiert?

Tëscht Wecker, Schoulsak packen, Aarbecht, Haushalt, RDV'e, Hausaufgaben, Bierger vu Wäsch an dausende kleng a grouss Suerge bleift kaum Zäit fir duerchzeootmen. Et ass ee stänneg gefrot, stänneg verantwortlech a stänneg erreechbar.

Mee iergendwann schéckt de Kierper Signaler:
👉 Permanent Middegkeet
👉 Iwwerreizt
👉 Konzentratiounsproblemer
👉 Dat Gefill nëmmen nach ze funktionéiere
👉 Kraaftreserve méi ze hunn
👉 keng Freed méi u Saachen, déi engem fréier Spaass gemaach hunn

Als Eltere wëlle mir fir eis Kanner do sinn. Mee mir dierfen dobäi eppes net vergiessen: Och mir hu Bedierfnisser, Grenzen a Rescht ob Rou.

Kanner brauchen net nëmme Léift, Opmierksamkeet a Kontakt. Si brauchen och kloer Grenzen. Si musse léieren, dass Mamma a Pappa net zu all Sekonn verfügbar sinn. Dass Erwuessener och mol eng Paus brauchen. Dass een "Elo net" keen Entzuch vu Léift ass, mee Selbstfürsorg.


Es ass vollkommen an der Rei ze soen:

❤️ „Ech brauch elo 15 Minutte fir mech."
❤️ „W.e.g. beschäfteg dech kuerz eleng.“
❤️ „Dariwwer kenne mir gläich schwätzen.“
❤️ „Ech si grad midd a brauch einfach e bëssche meng Rou."

Domat brénge mir eise Kanner eppes Wäertvolles bei: Respekt fir déi eege Grenzen an d'Grenze vu vun anere Mënsche.

Hëllef unzehuelen, Aufgaben ofzeginn an awer och de Kanner altersgerecht Aufgaben ze iwwerdroen ass keen Zeeche vu Schwächt. Et ass noutwendeg, domat mir laangfristeg gesond bleiwen.

An heiansdo ass déi wichtegst Erkenntnis: Gutt Eltere mussen net permanent funktionéieren. Si dierfen no sech selwer kucken.

❤️ Un all Elengerzéiend: Dir musst net alles eleng droen. Dir dierft Grenze setzen.

08/06/2026

🌸Wann alles ze fill ass, däerf et e Wee ginn, deen Dir Däin Liewe rëm méi liicht mécht🌸

🌸Find Yourself - Däin Wee (zréck) zu Dir selwer

🌷Vläit kenns Du dat Gefill:
- Däin Kapp hält net ob mat iwwerlee'e
- Däin Kierper steet stänneg ënner Uspanung
- Du fills Dech just nach midd
- Däin Häerz schléit ze schnell, ouni dass iergendeen reale Grond dofir do ass

🌷Stress, Ängscht a belaaschtend Erliefnisser kennen eis dat Gefill ginn, d'Kontroll ze verléieren - iwwer eis Gedanken, eise Kierper, eist Liewen.

🌸 Find Yourslef begleet Dech afillsam bei:
- Unhalendem Stress a Erschëpfung
- Ängschten a banneschter Onrou
- verschaffe vu belaaschtenden Erliefnisser vun der Kandheet bis elo

🌸Verschidden Erliefnisser setzen déif. Méi déif, wéi se mat Wieder ze erfaasse sinn. Si weisen sech am Kierper - a Uspanung, Réckzuch, Iwwerfuerderung

🌷Duech den uechtsame, kierperorientéierte Usaz ënnerstëtze Find Youself Däin Nervesystem dobäi, erëm Sécherheet ze erliewen. Schratt fir Schratt an Dengem eegenem Tempo
🌸Heelung bedeit net dass alles verschwënnt

Heelung bedeit, dass du dech rëm sécher an dir selwer fillen a bei dir ukommen däerfs.

Däin Wee an e glécklecht Liewen
------------------
psychologesch Berodung
somatesch Traumaintegratioun
transgenerationell Trauma-Aarbescht
Entspaanung