حميدة يوسف للبخور والعطور

حميدة يوسف للبخور والعطور حميدة يوسف للبخور والعطور
(1)

فتحت فرع في قاع الهامور💃🏻و مشاء الله اقبال من الزبائن علي بخوراتي وعالعروض بس مستر سلطع مداير دوشه عشان كليت عليه الجو 🤣...
22/08/2026

فتحت فرع في قاع الهامور💃🏻

و مشاء الله اقبال من الزبائن علي بخوراتي وعالعروض بس مستر سلطع مداير دوشه عشان كليت عليه الجو 🤣🤣

@أبرز المعجبين حميدة يوسف للبخور والعطور

08/08/2026

لوكانك تحذقت من قبل ماشمت الله بحالك 😂

لعلمك حتى اظهار ايدين مرتك نوع من الذياته مش غير التشبه بالنساء يأسفني حالك الي واصله اقعد بينك وبين نفسك وراجع عقيدتك .

طبعا هذي طلبية خاصة #بكرستال بوهيما لزبونتي من طبرق

لايكات يابنات في جائزه من المتابعين حنسحب عليها

@أبرز المعجبين حميدة يوسف للبخور والعطور

طلبية لزبونتي الراقيه من #مدينة طرابلس ❤️تحتوي على #خمرة #المملكه ومبسوس #المملكه الفخم👑@أبرز المعجبين حميدة يوسف لل...
08/08/2026

طلبية لزبونتي الراقيه من #مدينة طرابلس ❤️

تحتوي على #خمرة #المملكه ومبسوس #المملكه الفخم👑

@أبرز المعجبين حميدة يوسف للبخور والعطور

♦️توضيح بالنسبة للمنشور السابق ♦️في أخ من مدينة سبها يحساب نقصده في منشوري وبعثلي أشخاص وقال أنتي تقصديني في منشورك وغال...
06/08/2026

♦️توضيح بالنسبة للمنشور السابق ♦️

في أخ من مدينة سبها يحساب نقصده في منشوري وبعثلي أشخاص وقال أنتي تقصديني في منشورك وغالطة فيا !!!

حبيت أنوضح من منشوري هذا أني حميدة يوسف لا نقصدك ولا نعرفك ويشهد عليا الله مانقصدك ومتأكدة أنه في شخص ثالت خاش بينا بالفتنه وموضحلك اني ني نقصدك لذلك طلع الفكرة من راسك

اني نقصد شخص تاني داير إيميل وهمي ع أساس انه بنت وهو راجل ويبيع في البخور ومداير 10 إيميلات يعلق بيهن لنفسه وكل مرة يتعارك مع وحدة ويحب يمجد في روحه

حبيت أنوضح وبريت دمتي وربي يشهد على ما أقول 🤍

@أبرز المعجبين حميدة يوسف للبخور والعطور

تنويه🔴( وَمِنْ شَرِّ حَاسِدٍ إِذَا حَسَدَ )السلام عليكم ورحمة الله وبركاتهبنحكيلكم شوي على بعض النماذج المريضه بمرض الحس...
03/08/2026

تنويه🔴

( وَمِنْ شَرِّ حَاسِدٍ إِذَا حَسَدَ )

السلام عليكم ورحمة الله وبركاته

بنحكيلكم شوي على بعض النماذج المريضه بمرض الحسد ولحقد ومابيتش نرد عليهم في وقتها خليتهم يطلعو كل من غل وحقد في نفسهم وني نتفرج عليهم بكل اشمئزاز لانهم مستحيل يوصلو للمكانه و الرقي الي اني فيه ولمشكله قعدو يتمادو وهنا الواجب مني نوقفهم عند حدهم

اول شي نبدا بالشخص الوهمي المريض الي هو خانب اسم شركة خليجية ويسوق في منتجات ماهوش من صنع يده ويخنب في مناشير ومجهودات اشخاص تانيه وينسب فيهم ليه وقريبا حيتقاضا وتشوفوا يغير اسم صفحته لعلمكم الشخص هذا (مخنث) ولواجب الحذر منه يابنات ماتعطوش فيه الثقه ويحب يتحكحك على نسوان كل مره ناقز مع وحده ويبدا يقذف فيها بألفاظ من مستواه المنحط ونعرف كل معلوماته وحتى عنوانه وبياناته مايحساب انه امره مكشوف راهو اني اكبر منك رد بالك تلعب وساتره عليه لذالك رد بالك

وتاني شي في اخت تفاجأت بيها تقولي امسحي راهو صور هذي مش ليك كيف مش ليا ؟ قصدك كرستال بوهيما واخذه وكالته انتي ولا اسمه كرستال فلانه هوا؟ لذالك ضمي فمك وانتي امسحي منشور الي ظالمتيني فيه ومفتريا عليا اني بعد نشري في كرستال بوهيما كنت نطلب ونرجا فيه يجي من تشيكيا ايام حتى كيف تبخري ماتعرفي وفي قانون نقدر نقاضيك انتي ولي داير روحه (بنيه) وفعلا هذين خصايله من سمحلكم او عطاكم الحق تنزلو صفحتي الشريفه النظيفه الي تحمل اسمي

ونختم كلامي
حسبي الله ونعم الوكيل فيكم انتم ولي علقولكم وقالوا عليا كلام ماهو فيا وربي قاعد فالوجود ماني مسامحه حد حتبان فيكم

ونشكر زبوناتي ❤️ الي تعاملو معاي وعارفين مصداقيتي اني حميده يوسف شن مكانتي واسلوبي ورقي فالمعامله وجوده خدمتي ومش ناسيه تعليقاتكم فالقلب حنديرلكم تخفيض خاص للأشخاص هدوما فقط

@أبرز المعجبين حميدة يوسف للبخور والعطور

زبونتي ليها فترة اتواصل معاي من مدينة #بنغازي 😊واتقولي بخورك ديما في مخليتي وشميته عند وحدة نعرفها من الجنوب وودتني منه...
02/08/2026

زبونتي ليها فترة اتواصل معاي من مدينة #بنغازي 😊

واتقولي بخورك ديما في مخليتي وشميته عند وحدة نعرفها من الجنوب وودتني منه شوي😘 بس كل مابنوصي مايصيرلي 💔

وتو وصت علي طلبيتها حاجة من العيار #الثقيل وقات نبي ناخد منك مجموعة أنحس روحي بيها عروسة جديدة من صنتها وخدمتها 😍وهذي كانت النتيجة 🫶

فرحت بيها واجد وقات تو قريباتي وصاحباتي يسألو فيا عالصنة الطيبة 🥺❤️

تبخري بالهني ان شاء الله ❤️

@أبرز المعجبين حميدة يوسف للبخور والعطور

اللهم في يوم الجمعة❤️اللهم قدرا جميلا وخيرا كثيرا ودعوة مستجابة🤲بكرا في توصيل مجاني داخل سبها @أبرز المعجبين حميدة يوسف...
31/07/2026

اللهم في يوم الجمعة❤️

اللهم قدرا جميلا وخيرا كثيرا ودعوة مستجابة🤲

بكرا في توصيل مجاني داخل سبها
@أبرز المعجبين حميدة يوسف للبخور والعطور

الحمدلله علي كل حال وربي يجبر خاطر كل إنسان محتاج في هاللحظة لجبر خاطر وراحة بال وربي يخفف عليكم🤍عندي زبونات مايخدوش مني...
27/07/2026

الحمدلله علي كل حال وربي يجبر خاطر كل إنسان محتاج في هاللحظة لجبر خاطر وراحة بال وربي يخفف عليكم🤍

عندي زبونات مايخدوش مني في الخدمة يلي نعرض فيها يقولو لا نبو الزيادة من طلبيات العرائس مهما كان نوعها 🤭

وفي الحقيقة والله كلها خدمة نفسية وخدمة اللهم بارك مركزة وتليق بكل مرأة صقرة وتحب البخور والصنه الطيبة 🫶

بس اني بنريح زبوناتي من الشك وبنقوللكم في تسليم فوري بخور زيادة من طلبيات عروساتي الأن في محل

#خدمة عرائسية ومقطرة تقطير بالعطور الأصلية 😍 يلي من حظها تلحق عليهم 👍

@أبرز المعجبين حميدة يوسف للبخور والعطور

من مزال ماجرب يامحلاه في تبخير الملابس والشعر ريحته ثابته ومميزة وعليه سحب كبير ويلي تجربه تطلب تاني ريحته فايحة ومخدو...
20/07/2026

من مزال ماجرب

يامحلاه في تبخير الملابس والشعر ريحته ثابته ومميزة وعليه سحب كبير ويلي تجربه تطلب تاني ريحته فايحة ومخدوم بكل حب

هذي طلبيه عروسه ومزال بنستفه في الفازو امتاعه وياسلام عليه 😍

@أبرز المعجبين حميدة يوسف للبخور والعطور

11/07/2026

مساء الخير 💜

نديرلكم مسابقه اي او لا🫣

حميدة يوسف للبخور والعطور

Address

ليبيا/سبها
Sebha

Website

Alerts

Be the first to know and let us send you an email when حميدة يوسف للبخور والعطور posts news and promotions. Your email address will not be used for any other purpose, and you can unsubscribe at any time.

Contact The Business

Send a message to حميدة يوسف للبخور والعطور:

Shortcuts

Share