01/12/2022
السلام عليكم 😃✋🏻
مساء الخير عليكم وكيف حالكم
اليوم بندويلكم على مضاد حيوي مشهور وشعب
اغلبة يعرفه وماتجيش تكون انت/ي كطالب طبي
ماتعرفش عليه المعلومات الكافية🤨
هي تعالوا معاي ندويلكم عليه هالجوهرة الي ندوي عليها وهو والي هو من عائلة ( ) وهذا واحد من المضادات الحيوية واسعة المجال الي تستخدم لعلاج العديد من انواع العدوى البكتيرية سواء الجهاز التنفسيه او الجلد او المسالك البولية وهذا ازيترومايسين شن يدير للبكتيريا🤔هذا يوقف نمو البكتيريا وتكاثرها❌يقوللها وقفي خلاص اني جيت🤨✋🏻
والازيترومايسيين عند هلبا استخدامات💊:-
1️⃣التهاب الاذن 👂🏻الوسطى والتهاب البلعوم😣
2️⃣التهاب اللوزتين 🤦🏼♂️
3️⃣التهاب الجهاز التنفسي العلوي
4️⃣عدوى الجلد 🤷🏼♂️
5️⃣التهابات الحوض
6️⃣التهاب الرئوي المزمن😣
7️⃣التهاب الجيوuب البكتيري الحاد 🤕🤧
8️⃣التهاب الاحليل urethritis
وطبعا كان المضاد هذا الراعي الرسمي في فترة الكورونا🤧😷😷😷😷
وهاذم اشهر استخداماتة
باهي نجو الاسماء التجارية ليه:-
زوماكس هذا من اشهر الاسماء ليه
وفي طبعا Azi once و zimaxو zithrokan
وفي tenim وطبعا في هلبا شركات وهاذم الاشهر
وطبعا الشعب الليبي العظيم حافظينه يخش يقولك مضاد الحيوي متع ثلاث حبات او متع ثلاث ايام كان لان الكورس متعه ثلاث ايام واغلب باكوات لحبوب فيهم ثلاث حبات وطبعا يستمر حتى خمسه او ست ايام عادي وخصوصي في فترة الكوورونا قعدوا يعطوا فيه ككورس ست ايام وطبعا اغلب الناس ابسط مايحس رقبته او زكمه🤧 طول يمشي ياخدة وهذا الشيء غلط ❌🤦🏼♂️
وتوا نجوا شن الاشكال الدوائية ليه 🤔
فيه منه حبوب 💊وشراب وحقن 💉طبعا لحبوب للكبار 👨والشراب للاطفال👶والحقن قليلة الاستعمال الا في الحالات الحرجة تستدعي ايواء في المستشفى يستخدموهم 🤦🏼♂️
والتركيزات ليه 250mg,500mg,1500mg كحبوب💊
وفيه 200mg/5ml و 300mg/7.5ml لشروبو
والجرعة لدواء azithromycin للبالغين 👨
حبة كل 24ساعة لمدة 3ايام فقط ولو كان التهاب حاد تصل ل5ايام او 6ايام عادي جدا 😃
وبالنسبة للاطفال في معادلة بسيطة تستخدم
تاخد وزن الطفل وتقسمه على 4 والرقم الي يطلع ياخدة مرة كل 24ساعة لمدة ثلاث ايام 😬🤷🏼♂️
#صيدليات
#المضادات
د.حياة
