27/09/2023
كيفاش نكون إنسانة راقية فتصرفاتي
صفة كتتمنى أي بنت تميز بها ..
إوا أختي حبيبتي باش تكوني راقية خاصك تميزي بهاد الصفات
🌸أولا : الأخلاق العالية ،الأخلاق هي أساس الإنسان والدين ديالنا دين أخلاق ،والنبي صلى الله عليه وسلم بعث لإتمام مكارم الأخلاق ، والإنسانة لمكتوفرش على الأخلاق العالية أنا شخصيا لا أحترمها ولا أقدرها ، ولا أتشرف بمعرفتها..
🌸ثانيا: المظهر ، وخليك من هذيك الهضرة المظاهر ماشي مهمة ، لا مهمة وبزاف وخصوصا فهاد الوقت ،وحنا كبشر كتجدبنا أي حاجة راقية وزوينة ومرتبة ....
وفاش كنقوليك أختي المظهر كيدخل فيه بزاف ،النظافة ديالك ايديك ظفرك خاليك من هذوك الظفار الطوال( وكاينة لكتخلي ظفرها مسخين الله يسمح ليها) والصباغة المعيقة و لا لمقشرا .. ، والنظافة ديال الملابس ديالك ، وفاش كنهضروا على الملابس من الأفضل بعدي من داكشي المقطع والمقزب والمعيق ، يكون لباس محترم ، ومتناسق، مناسب لسنك ووزنك وعمرك ولون بشرتك ....
المشية ديالك حتى هي يا أختي داخلة في المظهر متمشيش مهبطة راسك مشي باعتدال ، 🤦🏻♀️ المكياج البنات بعدوا من هذاك المكياج ديال المهرجين عكر حمممر والحناك حمرييين وفوق العينين منعرف أش ديك الألوان وماسكرا باينة للعمى والحجبان معيقين
بالنسبة لمكياج يومي لتمشي بيه الخدمة و لا لقراية اعتمدي من الافضل makeup No makeup و اهم حاجة الترطيب و الواقي الشمسي
🌸ثالثا : الطريقة كيفاش كتصرفي وتهدري ، الآداب ثم الآداب مع الجميع ، بعدي على السب والشتم واخا تلقاي مع هاد النوع لا داعي تردي عليهم وبنفس الأسلوب ديالهم ، بعدي على الاستهزاء والهمز واللمز و النميمة احترامي الناس الأخرين ، وهضري بصوت معتدل ، ومتبقايش تعلقي على كل حاجة ...
والإتيكت البنات مهم ،تعلمي تقولي شكرا ،أعتذر وو....
متهضر كثر من القياس، متلوحيش الزبل فالأرض
متمضعيش المسكة و بصوت عالي ، متكليش بصوت عالي
رابعا : الشخصية القوية
نتمنى تكون الرسالة وصلات و خليولي تعليقات الى بغيتو بحال هاد المواضيع 🥰🌸
