maison_de_naissance_ait_salem

19/07/2026

الأمومة ما كتبدأش ملي كينطق الطفل أول كلمة… الأمومة كتبدأ من أول نبضة، من أول خوف، من أول دعوة، ومن أول دمعة حب.

وشحال من يد شدت يد، وشحال من قلب كان خايف و ولى مطمئن، وشحال من دمعة وجع تحولت لدمعة فرحة فثواني قليلة… هادي هي معجزة الأمومة.

كل أم فهاد الفيديو عاشت لحظة غادي تبقى راسخة فقلبها طول العمر، وأنا كان ليا الشرف نكون شاهدة على هاد البدايات الجميلة، ونشارككم أقوى المشاعر لي كتجمع بين الأم وطفلها فأول لقاء.

الأمومة ماشي غير ولادة طفل… الأمومة هي ولادة قلب جديد، حب جديد، وحياة جديدة.

الله يحفظ كل أم، ويرزق كل امرأة كتحلم بهاد النعمة، ويديم الحب اللي كيجمع كل أم بطفلها. 🤍

11/06/2026

التحضير للولادة ووعي الأم كيعطيو نتائج جميلة 🤍

الحمد لله، أم واعية ومحضرة مزيان للولادة، وثقت فجسمها و واكبت مراحل المخاض بهدوء، والنتيجة كانت ولادة طبيعية بدون قص العجان وبلا غراز

طبعاً كل ولادة مختلفة، و لكن التحضير الجيد، المعلومة الصحيحة، و الدعم المستمر كيزيدو من فرص تجربة ولادة إيجابية ومريحة للأم والرضيع.

مبروك لهاد الأم القوية، ونتمنى لكل حامل ولادة مليئة بالطمأنينة والثقة و بزاااف ديال الحب ♥️

03/06/2026

15/03/2026

من كل قلبي، شكراً لكل النساء الرائعات لي شرفوني بالحضور و شاركوني لحظة الحنة الجميلة لدارت باش نفرحو كل حامل أو نفيسة كان عندها ذكرى مع دار الولادة أيت سالم ، حضوركم فرّح قلبي وزاد للمناسبة دفئ و محبة كبيرة و خصوصا شفت وليداتي لتبارك الله كبرو ❤️

و لي ماقدروش يكونو معنا واعتذروا، كنقول ليكم محبتكم و نيّتكم وصلاتني وحسّيت بها من القلب ، و شكر خاص و كبير للطاقم الطبي العزيز لي كان حاضر و فاجأني بتواجدو أكيد وجودكم كان بالنسبة لي أجمل مفاجأة، وكيأكد مرة أخرى أن بيناتنا ماشي غير خدمة، و لكن محبة صادقة و إنسانية كبيرة 🤍 و منساش نشكر كل واحد كانت عندو يد فهاد النهار الزوين و خصوصا

الله يديم علينا المحبة، و يجمعنا دائماً في الفرح والخير 🫰🏻 #دارالولادةأيتسالم #حنة #دعوةحناء

10/03/2026

هناك أماكن لا تكون مجرد مكان للعمل… بل تصبح جزءاً من القلب.
وهذه المصحة ستبقى دائماً واحدة من أجمل بداياتي❤️

24/01/2026

خلّي لحظات العناية بالطفل تجربة حب ودفء يومية 💕
طفلي_أولويتي الأمهات العناية_بالرضع نعومة_البشرة منتجات_آمنة

02/01/2026

وصلتني رسالة صوتية من صفاء الغزالة لجات من مدينة ميدلت ، فكان أول لقاء هو الترحيب و أنني أنا هنا سند و بجنبها كانت ولادة أولى ليها و جاتني و هي كلها خوف و الحمد لله توفقنا و ما توفيقنا إلا بالله العلي العظيم 🤲🏻
هاد الرسالة الصوتية ما كانتش غير كلمات، كانت دعوة، وكانت دفء، وكانت حب خالص من حامل ولدات معايا و كان لي شرف نكون جزء من هذه التجربة الجميلة ، صوت صادق جا من بعيد، لمس قلبي وذكرني علاش اخترت هاد الطريق ، أنا مجرد يد سند، وقلب حاضر، وخدمة كنديرها بحب وإيمان ، ممتنّة بزاف لهاد الرسالة لي عامرة أمل وامتنان ، حيت بعض الكلمات كتشفي التعب، وكترد الروح باش تبتسم من جديد ، فالحمد لله على نعمة الأثر الطيب، وعلى كل قلب نحطو فالقلب قبل اليد 🤍
و أنا بدوري كنبغي جميع الحوامل بلا استثناء، كل وحدة عندها مكانة فقلبي 🤍
و كنطلب من الله يعطي كل وحدة وقفة ساهلة، وولادة يسيرة، ويبدّل الخوف طمأنينة، والتعب فرح، والدمعة بسمة 🤲🏻فاللهم هوّن على كل حامل، وقرّ عيونها بسلامتها وسلامة جنينها، واجعلني دائمًا سبب خير وراحة، ولو بكلمة، ولو بوقفة، ولو بدعاء 🤲 #دارالولادةأيتسالم #ولادة #ايجابية

26/12/2025

#دارالولادةأيتسالم #ولادة