Здружение за поддршка, интеграција и ресоцијализација ЛИНК

Визијата на Здружението за поддршка, интеграција и ресоцијализација на лица во социјален ризик - ЛИНК е создавање можности и јакнење на индивидуалните капацитети. Овозможување на услови за адекватна интеграција, ресоцијализација и поддршка на лица во постинституционален процес како клуч за подобрување на квалитетот на животот на маргинилизираните групи во општеството.

Мисијата : Примарната мисија на Здружението за поддршка, интеграција и ресоцијализација на лица во социјален ризик - ЛИНК е поттикнување на индивидуалната и граѓанска одговорност, увид и развој на личните капацитети преку доквалификација/преквалификација со цел поголема конкурентност на пазарот на трудот, како и превенирање на дополнителни социјални ризици.

Стратешки цели на Здружението за поддршка, интеграција и ресоцијализација на лица во социјален ризик - ЛИНК:

- Помош и поддршка на лица во социјален ризик;

- Подигнување на свеста за важноста на системското дејствување во постинституционалниот период на лица во социјален ризик;

- Воспоставување на систем за интегрирање на лица во постинституционален третман;

- Подобрување на соработката на релевантните институции и НВО сектор во областа на социјалната заштита;

- Интервентно домување на лица во социјален ризик во постинстируционален период ,со цел стабилизирање, адаптибилност и оспособување за самостојно живеење;

- Доквалификација/преквалификација на лица во социјален ризик со цел поголема конкурентност на пазарот на трудот и финансиска независнот;

- Превенција од рецидиви;

-Поттикнување на млади лица за вклучување во општествено корисна работа/волонтирање;

-Психосоцијална помош и поддршка на лица во социјален ризик.