22/07/2020
Денес се сеќаваме на жртвите на криминалот од омраза, ден кој во Европа се означува откако на 22 јули 2011 беше извршен терористички напад врз група млади луѓе во Утоја, Норвешка.
Денес ја потсетуваме јавноста дека С-Фронт активно пријавува говор на омраза на интернет до Основното јавно обвинителство (ОЈО). Од декември 2016, па до денес, имаме поднесено 83 пријави за говор на омраза на интернет, од кои 5 се поднесени денес.
Во изминатиот период од 4 години, одбиени се само 6 од тие пријави. За останатите немаме добиено никакво решение, иако рокот за известување на ОЈО е до 6 месеци по поднесувањето на пријавата.
Апелираме до новата Влада на РСМ да направи увид и контрола во работата на ОЈО. Искуствата до сега кажуваат дека нивниот интерес за казнување и работење на пријави поврзани со говор на омраза кон ЛГБТИ+ лица не се од интерес. Во медиумите сме сведоци дека кога се работи за говор на омраза врз база на етничка припадност, пријавите се разгледуваат во рок од неколку дена. Срамно е да во 2020 сѐ уште немаме еднаков пристап до правда дури и во оваа институција.
Влада на Република Северна Македонија
#БезОмраза
