05/06/2026
На 1 јуни, претставнички на Психолариум учествуваа на конференцијата „Мајчиното ментално здравје како приоритет: Од препознавање кон достапна поддршка за секоја мајка“, организирана од Здружението ЕСЕ во соработка со Реактор – Истражување во акција.
Во рамки на панел-дискусијата ги споделивме искуствата од групите за поддршка на мајки, кои се реализираа во периодот јануари–април 2026 година, а на тркалезната маса дискутиравме за препораки и идни решенија за унапредување на патеките на грижа и зголемување на достапноста на психолошката поддршка за жените во перинаталниот период.
Тимот на Психолариум останува посветен на унапредување на достапноста и квалитетот на услугите поврзани со перинаталното ментално здравје.
Активностите за поддршка на мајки беа реализирани со поддршка на Француската амбасада во Северна Македонија.
