JJ Cooks

JJ Cooks JJ Cooks - Приказни од кујната
🧑‍🍳Модерни рецепти со големи вкусови
🇲🇰Скопје

29/05/2026

🍪🌿 Минт колачиња

Меки во средина, крцкави однадвор и полни со свеж mint вкус ✨

Состојки:

220g ладен путер
150g кафеав шеќер
100g бел шеќер
2 јајца
400–450g брашно
Свеж матичњак или свежо нане
зелена прехранбена боја
150g темно чоколадо

Подготовка:

Путерот и шеќерот кратко се матат, па се додаваат јајцата, свежиот матичњак и зелената боја. Постепено се додава брашното додека не се добие густо тесто, а потоа се додава и чоколадото. Од тестото се формираат топчиња и се оставаат 30 минути во фрижидер.

Се печат на 180°C околу 10–12 минути, за да останат меки во средина 🍫🌿

22/05/2026

Кајгана со коприва

Кремаста кајгана инспирирана од техниката на Gordon Ramsay, со свеж и зелен вкус од копривата.

Состојки

* 4 јајца
* 20–25 g путер
* 30 g бланширана коприва
* 1 лажица павлака
* Сол
* Свежо мелен бибер

Подготовка

1. Копривата кратко бланширај ја, излади ја и ситно исечкај ја.
2. Во ладна тава стави ги јајцата и путерот.
3. Готви на средна температура со постојано мешање.
4. Кога ќе почне да се згуснува, тргни ја тавата кратко од рингла, па врати ја повторно. Повторувај додека кајганата не стане кремаста.
5. Пред крај додади ја копривата, павлаката, солта и биберот.
6. Сервирај веднаш.

Кремаста кајгана со богат вкус на путер и свежина од копривата, подготвена во стилот на Gordon Ramsay.

15/05/2026

Песто од див лук

Состојки:

* 50 g свеж див лук (само листови)
* 40 g пармезан, рендан
* 30 g индиски ореви
* 80 ml маслиново масло
* 10 g свежа мајчина душица
* Сол по вкус

Подготовка:
Сите состојки изблендирајте ги до мазна и кремаста текстура.

Паста со песто

Сварете ја пастата al dente. Префрлете ја во тава со малку од водата во која се варела. Додајте го пестото и мешајте додека убаво не се спои со пастата.

Завршете со свежо мелен бибер, малку сол по вкус и рендан пармезан.

Уживајте во секој залак.

08/05/2026

Другар ми донесе богатство од планина 🌿
Вкусови што едвај чекам да ги претворам во рецепти.
Јас веќе имам некои креативни идеи, следете ме за рецептите!

03/05/2026

Крцкаво однадвор, сочно одвнатре.
Пилешко филе полнето со шунка и кашкавал, класика со која не можеш да погрешиш.

Состојки:
Пилешко филе 180–200 g
Шунка 40–50 g (сувомеснато)
Кашкавал 50–60 g
Брашно
Јајце
Презла

Подготовка:
Филето се отвора и се толчи тенко. Се ставаат шунка и кашкавал и се затвора добро. Се панирa во брашно, јајце и презла. Се пржи на средна температура од двете страни додека стане златно и крцкаво.

20/04/2026

Salad bar part 3🧑‍🍳🥗

Состојки за салата:

• Ајсберг
• Рукола
• Ракчиња
• Крутони
• Пармезан
• Путер
• Сол и бибер

Состојки за дресинг:

• 1 жолчка
• 5 g сенф
• 1 чешне лук
• 5 g инчуни
• 5 g капари
• 10 ml сок од лимон
• ~100 ml маслиново масло
• 3–5 ml ворчестер сос
• Пармезан
• Сол и бибер

Подготовка:

Ракчињата се пржат до златна боја, се зачинуваат со сол и бибер и се додава путер. Во истата тава се тостираат крутоните.
Се прави дресинг од жолчка, сенф, лук, инчуни и капари, се додава лимон и постепено маслиново масло до кремаста емулзија. Се додава пармезан и ворчестер, се балансира со сол и бибер.
Салатата се меша со дресингот, се додаваат ракчињата и крутоните и се завршува со пармезан. 🔥

10/04/2026

Зошто да купиш кога можеш да направиш?
Premium Mac & Cheese дома 🧀🔥
Кремаст, богат и совршено запечен, со златна крцкава коричка и full cheesy вкус. Comfort класика што секогаш победува.

Состојки
Макарони – 500 g
Млеко – 1 l
Путер – 100 g
Брашно – 3–4 лажици
Чедар – 150 g
Чадена гауда – 120 g
Пармезан – 80 g
Ајдамер – 120 g
Сол
Бибер
Морско оревче
Мајчина душица

Подготовка
Макароните се варат во солена вода до al dente и се процедуваат. Се прави бешамел од путер, брашно и млеко и се зачинува со сол, бибер, морско оревче и мајчина душица. Во сосот се додава поголемиот дел од кашкавалите и се меша додека стане кремаст. Макароните се соединуваат со сосот, се ставаат во тава, се додава остатокот од кашкавалот и се пече на 200°C 30–40 минути додека добие златна коричка. 🧀✨

04/04/2026

Brownie

Класичен чоколаден brownie со интензивен вкус на темно чоколадо, богата текстура и нежна, сочна внатрешност. Едноставен рецепт со балансирана сладост и длабока какао арома.

Состојки

• Брашно – 95 g
• Темно чоколадо – 170 g
• Јајца – 3
• Путер – 113 g
• Какао – 25 g
• Кафеав шеќер – 300 g
• Сол – прстофат

Процедура

Чоколадото и путерот се ставаат во сад на пареа и се растопуваат. Откако ќе се растопат, садот се трга од пареата и се додава кафеавиот шеќер, па се меша со маталка додека смесата стане мазна. Со постојано мешање се додаваат јајцата едно по едно додека целосно не се инкорпорираат. Потоа се додаваат какаото и солта. На крај се додава брашното и нежно се меша додека смесата стане хомогена. Се истура во сад за печење и се пече во претходно загреана рерна на 180°C околу 35–40 минути.

🧑‍🍳
01/04/2026

🧑‍🍳

27/03/2026

Пилешка чорба

Класична домашна пилешка чорба подготвена од богат, бавно варен бујон од пилешки коски и зеленчук. Чорбата има балансиран вкус, нежна текстура и природна арома од магдонос, ловор и бибер во зрно. Традиционално јадење со топол и длабок вкус.

Состојки

За бујон
• Пилешки коски и надкопан – 600 g
• Кромид – 120 g
• Морков – 120 g
• Целер – 80 g
• Пашканат – 80 g
• Магдонос (стебло) – 20 g
• Бибер во зрно – 5 g
• Ловоров лист – 1–2 листа
• Вода – 2.5 l

За чорба
• Морков – 80 g
• Целер – 50 g
• Пашканат – 50 g
• Брашно – 40 g
• Масло или путер – 40 ml
• Сол – по вкус
• Бибер – по вкус
• Магдонос свеж – 10 g
• Бујон – 1.2 l

Процедура

Во сад се ставаат пилешките коски и надкопан заедно со кромид, морков, целер, пашканат, магдонос, бибер во зрно и ловоров лист, се прелева со ладна вода и се вари на тивок оган околу 4 часа, потоа бујонот се процедува.

Во тенџере на масло или путер се пржат ситно сечкан морков, целер и пашканат додека омекнат, се додава брашно и кратко се запржува, постепено се додава топол бујон со постојано мешање и се вари 15–20 минути. На крај се зачинува со сол, бибер и свеж магдонос.

Address

Skopje
1000

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Website

Alerts

Be the first to know and let us send you an email when JJ Cooks posts news and promotions. Your email address will not be used for any other purpose, and you can unsubscribe at any time.

Shortcuts

Share

Category