04/09/2026
РЕференца за одговорност | Ристо Алајџајков, сменоводител во производство во Реплек.
„По 25 години работа во фармацевтското производство, научив дека професионалноста не е само да ја завршиш работата, туку да ја завршиш правилно, без компромиси со квалитетот и процедурите“ – вели нашиот колега Ристо, кој меѓу нас е пример за одговорност.
За Ристо, 25 години во Реплек се многу повеќе од работен стаж. Тоа се години на професионален развој, постојано учење, приспособување на нови технологии и преземање сè поголема одговорност. Но, и покрај сите промени низ годините, едно останува непроменето – дисциплината, посветеноста и почитувањето на квалитетот.
Како сменоводител, тој верува дека успешниот тим се гради врз доверба, почит и добра комуникација, а одговорноста почнува од личниот пример.
Неговиот РЕцепт е едноставен: работата да се извршува со одговорност, чесност и љубов кон она што го правиме.
