ЈЗУ Универзитетска Клиника за Гинекологија и Акушерство - Скопје

09/06/2026

КЛИНИКАТА ЗА ГИНЕКОЛОГИЈА И АКУШЕРСТВО ЈА ИНФОРМИРА ЈАВНОСТА ДЕКА НЕ ПОСТОИ ДЕФЕКТ ВО РАБОТАТА НА СИСТЕМОТ ЗА ЛАДЕЊЕ. КЛИНИКАТА ВО МОМЕНТОВ РЕАЛИЗИРА ГРАДЕЖЕН ЗАФАТ ОД КАПИТАЛНА ВАЖНОСТ ЗА ПАЦИЕНТКИТЕ, А ТОА Е ИЗГРАДБА НА КОМПЛЕТНО НОВА ОПЕРАЦИОНА САЛА. ПОРАДИ ТЕХНИЧКИ ПОВРЗУВАЊА ОДРЕДЕНИ ЛИНИИ ОД СИСТЕМОТ ЗА ЛАДЕЊЕ БЕА ПЛАНИРАНО ИСКЛУЧЕНИ. СИСТЕМОТ ЗА ЛАДЕЊЕ ОД ПОПЛАДНЕВО Е ПОВТОРНО ВКЛУЧЕН И РАБОТИ СО ПОСАКУВАНАТА ДИНАМИКА. ГАК Е СМЕСТЕНА ВО НОВ ОБЈЕКТ КОЈ Е НАПРАВЕН ПО СИТЕ СТАНДАРДИ НА СОВРЕМЕНО ГРАДЕЊЕ НА ЕНЕРГЕТСКИ ЕФИКАСЕН ОБЈЕКТ. НА ОДДЕЛОТ КАДЕ СЕ СМЕСТЕНИ БЕБИЊАТА ПОРАДИ САМАТА ТЕРМОЛАБИНОСТ НА ТАА ВОЗРАСТ, ЛАДЕЊЕТО СЕ КОРИСТИ МИНИМАЛНО ВО ИНТЕРЕС НА ЗДРАВСТВЕНАТА СОСТОЈБА НА БЕБИЊАТА. ОПЕРАЦИОНИТЕ САЛИ КАКО И РОДИЛНАТА САЛА ФУНКЦИОНИРАА СО ВООБИЧАЕНА ДИНАМИКА. СИТЕ ИДНИ ПАЦИЕНТКИ СЕ ДОБРЕДОЈДЕНИ

⚡️9 јуни 2026, #Скопје #🇲🇰 • Пациентки на Универзитетската клиника за гинекологија и акушерство (ГАК) се жалат на неподнослива жештина откако климатизерите со денови не работат, додека, пак, од болницата велат дека се исклучени поради изградба на нова операциона сала.

🔴 Линк во коментар 👇

28/05/2026

📢БИДЕТЕ ПОДГОТВЕНИ ЗА НАЈУБАВИОТ ЧИН❗️❗️❗️🎬
ПОДГОТОВКАТА НЕ ЗНАЧИ САМО КУПЕНО КРЕВЕТЧЕ, БЕБЕШКА ОБЛЕКА, НАЈУБАВИ ИГРАЧКИ И ПОТРЕБНАТА ПУМПИЦА. ПОДГОТОВКА ЗНАЧИ ДА СЕ ПОДГОТВИТЕ И ВИЕ🫵, ФИЗИЧКИ 🙆‍♀️И ПСИХОЛОШКИ 🧖‍♀️ЗА ПОЧЕТОКОТ НА ВАШЕТО НАЈУБАВО И НАЈВОЗБУДЛИВО ПОГЛАВЈЕ.
👩‍⚕️👨‍⚕️САМО СО ДОБРА И ПРОФЕСИОНАЛНА ПОДГОТОВКА ЧИНОТ НА РАЃАЊЕ ЌЕ БИДЕ ПОЛЕСЕН, ПА МОЖЕБИ И ПОЗАБАВЕН

☎️ЈАВЕТЕ СЕ И ЗАКАЖЕТЕ!
078 485 335 СЕКОЈ РАБОТЕН ДЕН ОД ⏰ 08 ДО 14.00 ЧАСОТ

ВЕ ОЧЕКУВАМЕ НА ДРУЖЕЊЕ, НА ПРАВИЛНО ДИШЕЊЕ И НА ВО ЖИВО ДОЖИВУВАЊЕ НА АТМОСФЕРАТА НА НАШАТА КЛИНИКА ПОСЕТУВАЈЌИ ЈА РОДИЛНАТА САЛА, АПАРТМАНИТЕ КАДЕ ЌЕ БИДЕТЕ СМЕСТЕНИ И СЕКАКО УБАВ ПОЧЕТОК ВО ПРОСТОРОТ КОЈ ЌЕ БИДЕ ПРВАТА АДРЕСА НА ВАШЕТО БЕБЕ 👶

27/05/2026

🩷 Раѓањето е најубавиот момент во животот, а сега може да биде и побезболно.

На Клиниката за гинекологија и акушерство, пациентките имаат можност да добијат безболно породување со епидурална аналгезија.

✨ Помалку болка
✨ Поголема смиреност
✨ Поубаво и посигурно искуство при породувањето

За да ја користите оваа услуга, потребно е само при прием во родилна сала да ја известите сестрата или докторот.

Нашиот тим е тука за секоја мајка, со грижа, поддршка и современа медицинска нега, за најважниот ден да го дочекате со повеќе спокој и насмевка. 👶💙

23/05/2026

За некого продолжен викенд, за нас продолжена работа. Заврши дводневната обука за нашите доктори од страна на нашите колеги од Словенија. Она што ние ветуваме е поедноставни процедури за подобра дијагностика и лекување. Без анестезија, за неколку минути до точна дијагностика.
Тимот кој ве очекува под раководство на менџерката на клиниката која несомнено не престанува да ги засилува вештините на персоналот во името на институцијата која како акредитирана установа исполнувајќи ги стандардите, не престанува и напредува.

23/05/2026

Офис хистероскопијата претставува современа, минимално инвазивна гинеколошка процедура со која директно се прегледува внатрешноста на матката со помош на тенок оптички инструмент – хистероскоп. Се нарекува „офис“ затоа што најчесто се изведува амбулантски, без потреба од хоспитализација и без општа анестезија.

Во текот на процедурата, хистероскопот внимателно се внесува низ грлото на матката, а маточната празнина се исполнува со стерилен раствор за подобра видливост. Лекарот на монитор ја следи состојбата на ендометриумот и може да открие промени како полипи, миоми, септуми, адхезии или други неправилности. Во одредени случаи, истовремено може да се направи и мал оперативен зафат, како отстранување на полип или земање биопсија.

Главната предност на офис хистероскопијата е тоа што е значително помалку инвазивна од класичните хируршки методи. Пациентките избегнуваат општа анестезија, престој во болница и подолг период на опоравување. Процедурата трае кратко, најчесто 10–20 минути, а пациентката може веднаш да се врати на секојдневните активности. Дополнително, методата овозможува многу попрецизна дијагностика во споредба со ултразвучниот преглед, бидејќи лекарот директно ја визуелизира маточната празнина.

Во споредба со киретажа („слепа“ процедура), офис хистероскопијата е побезбедна и поефикасна, бидејќи овозможува таргетирано откривање и третман на промените. Со тоа се намалува ризикот од пропуштање на патолошки промени и се избегнуваат непотребни интервенции.

Офис хистероскопијата денес е широко застапена во светот и претставува златен стандард во современата гинеколошка дијагностика и третман на многу интраутерини состојби. Особено е развиена во европските земји, САД и голем број универзитетски клиники, каде што се користи како рутинска процедура поради нејзината безбедност, точност и удобност за пациентките.

21/05/2026

Успешно завршен прв ден од обуката за офис хистероскопија. Офис хистероскопијата е современа минимално инвазивна метода во гинекологијата. Обуката беше насочена кон унапредување на практичните вештини и примена на најновите медицински протоколи во дијагностиката и третманот на пациентките. Преку теоретски и практичен дел, учесниците имаа можност да се запознаат со современи техники кои овозможуваат побрза, побезбедна и поефикасна процедура. Воведувањето и унапредувањето на офис хистероскопијата претставува значаен чекор кон подобрување на квалитетот на здравствените услуги и грижата за пациентките.
Клиниката продолжува континуирано да инвестира во едукација и професионален развој на медицинскиот кадар, со цел примена на современи методи во секојдневната клиничка пракса.

21/05/2026

Тимот од доктори од Словенија и тимот од ГАК, исправени пред уште еден предизвик во науката и експертизата, обединети во името на подобрувањето на услугите на нашите пациентки

21/05/2026

Во најава на имплементација на нови методи, во полна сала, отпочна обуката на голем број на доктори кои наскоро ќе ги практикуваат предностите за нашите пациентки. Универзитетската клиника за гинекологија и акушерство продолжува да воведува нови и помалку инвазивни дијагностички и терапевтски методи.
Чекор пред е чекорот кој го следиме!

20/05/2026

Со оваа активност, Универзитетската клиника за гинекологија и акушерство продолжува да вложува во современа, минимално инвазивна гинекологија, едукација и унапредување на квалитетот на здравствената грижа за жените.

20/05/2026

📢УНИВЕРЗИТЕТСКАТА КЛИНИКА ЗА ГИНЕКОЛОГИЈА И АКУШЕРСТВО ВИ НАЈАВУВА РАБОТИЛНИЦА ЗА ОФИС ХИСТЕРОСКОПИЈА и TruClear

ПРИСУТНИТЕ ЌЕ ИМААТ МОЖНОСТ ЗА ПРАКТИЧНА ЕДУКАЦИЈА/ТРЕНАЖЕР/ОПЕРЦИОНА САЛА

🧑‍⚕️Предавач: Проф. Д-р Бранка Жегура
🗓️Датум: 21-22 мај 2026 (четврток и петок)
⏰Време:🕣 8.30 - 🕝14.00ч.
🏥Локација: Амфитеатар на ГАК