Yarma Khingyi Art

11/06/2025

07/09/2024

မီးငယ်လေးရေ....
ကမ္ဘာပေါ်မှာ အရက်သမားတွေကြောင့်ဖြစ်တဲ့
စစ်ပွဲဆိုတာ မရှိဘူးကွ....
အရက်အတုတွေ သောက်လည်း ခံစားချက်အစစ်တွေပဲ ထွက်တဲ့ကောင်တွေလေ....

ခင်ဗျား မသတီသလိုကြည့်သွားတဲ့ အရက်သမားဆိုတဲ့ကောင်တွေကလေ
စတစ်ကော်လံဝတ်ပြီး အနာဂတ်ကိုပြာချမဲ့ ကောင်မျိုးတွေမဟုတ်ကြောင်းတော့ ဆေးပေါ့လိပ်မြည်းရင်း ရှင်းပြ‌ချင်သေးတယ်ဗျာ....

အရက်သမား အမှားတစ်ရာက ခါးမှာပါတာ ကုန်သလောက်ပါ...
ခြေလှမ်းတွေ မှားချင်မှားမယ် ခံစားချက်မမှားတဲ့‌ေကာင်တွေ....
ခြေလှမ်းတွေ ယိုင်ချင်ယိုင်မယ် ဘယ်သူ့လမ်းမှ ပိတ်မထားတဲ့ကောင်တွေပါ...

အရက်သမားဆိုတာ စစ်ပြေငြိမ်းရေးသမားတွေ
အရက်သမားဆိုတာ အချစ်ရေးရဲ့ ဒဿဂီရိတွေ
ပြီးတော့...
အရက်သမားဆိုတာ သူများရင်ခွင်ထဲကကောင်မလေးကို
ဘုံဆိုင်ထောင့်တထောင့်ကနေ အကုသိုလ်ကင်းကင်း လွမ်းနေတတ်တဲ့ ကောင်တွေပေါ့ကွာ။

23/03/2024

ဆေးကျန်ပုံလေးပါလက်တန်းလေးရေး

10/03/2024

Artistတွေကို မပြောသင့်သောအရာများ။
=====================

မည်သည့်လုပ်ငန်းခွင်မှာမဆိုအနုပညာရှင်တွေဟာ သူတို့နှင့်အပြန်အလှန်ပြောဆိုမှုများတွင် လေးစားသမှုနဲ့ဆက်ဆံခံရသင့်ပါတယ်။ အပြုသဘောဆောင်တဲ့အပြန်အလှန်ပြောဆိုမှုဟာမရှိမဖြစ်လိုအပ်သော်လည်း ဒီအချက်တွေကိုတော့ ရှောင်ကျဉ်ရပါမယ်။

1.Freeလုပ်ခိုင်းခြင်း။
===========
Artist တစ်ယောက်ကိုအလကားအလုပ်လုပ်ပေးရန် သို့မဟုတ် Artworkများလက်ဆောင်ပေးရန် ပြောဆိုခြင်းများအား ရှောင်ကျဉ်ရပါမယ်။ အနုပညာရှင်များဟာသူတို့ရဲ့အလုပ်အတွက် ငွေကြေးတစ်ခု မျှတစွာရရှိသင့်ပါတယ်။

2."မင်းလုပ်ထားတာက တကယ့်အနုပညာမဟုတ်ဘူး"
=============================
ဒီလိုပြောခံရတဲ့အခါ Artist တွေအရမ်းစိတ်ဆိုးတတ်ပါတယ်။ အနုပညာဟာပုံစံမျိုးစုံ၊ styleမျိုးစုံဖြင့်ထွက်ပေါ်လာပြီး လူတစ်ယောက်အတွက်မကြိုက်ပေမယ့် အခြားသူများအတွက်တော့ နက်နက်ရှိုင်းရှိုင်း အဓိပ္ပာယ်ရှိစေပါတယ်။ ကိုယ်ရေးကိုယ်တာအကြိုက်များပေါ်အခြေခံပြီး အနုပညာရှင်တစ်ဦးရဲ့အလုပ်ကို ပေါ့တန်စွာပြောဆိုခြင်းမှရှောင်ကြဉ်ပါ။

3."ဒါလေးများ ငါတောင်လုပ်နိုင်တယ်"
=====================
ဒီလိုပြောလိုက်ခြင်းဖြင့် Artist တွေရဲ့အရည်အချင်းနဲ့ကြိုးစားမှုကို လျော့ကျသွားစေပါတယ်။ Artwork တစ်ခုကဘယ်လောက်ပဲရိုးရှင်းပုံပေါ်ပါစေ နှစ်ပေါင်းများစွာ အလေ့အကျင့်နှင့် ကျွမ်းကျင်မှု လိုအပ်ပါတယ်ဆိုတာကိုနားလည်ပါစေ။

4."အနုပညာက တကယ့်အလုပ်မဟုတ်ဘူး"
========================
အနုပညာဆိုတာ ကျွမ်းကျင်မှု၊ စိတ်အားထက်သန်မှုနှင့် ကြိုးစားအားထုတ်မှု လိုအပ်သော တရားဝင်အလုပ်တစ်ခုဖြစ်ပါတယ်။ “အစစ်အမှန်” အလုပ်မဟုတ်ဟု ပြောလိုက်ခြင်းဟာ Artist တွေအပေါ်အရိုအသေတန်ရာရောက်ပါတယ်။

5."မင်းချစ်တဲ့အရာကိုလုပ်နိုင်တာ အရမ်းကံကောင်းတယ်"
================================
ဒီစာမှာ မှားတာမရှိဘူးလို့ထင်ရပေမယ့်အနုပညာဟာအခြားအလုပ်များကဲ့သို့ပင် စိန်ခေါ်မှုများနှင့် ရုန်းကန်မှုများကို ရင်ဆိုင်ရပါတယ်။ သူတို့ကို ကံကောင်းရုံမျှသာဖြစ်တယ်လို့အဓိပ္ပာယ်ဖွင့်ဆိုခြင်းဟာ သူတို့ရဲ့ဇွဲလုံ့လနှင့် ကြိုးစားမှုကို အလေးမထားရာရောက်ပါတယ်။

6."အချင်းချင်းပဲကွာ၊ ငါ့ကိုစျေးလျော့ပေးပါလား"
===========================
ပန်းချီလက်ရာများကိုလျှော့ဈေးဖြင့်ညှိနှိုင်းခြင်းဟာ Artistတစ်ယောက်ရဲ့ ကြိုးစားအားထုတ်မှုကို တန်ဖိုးဖြတ်ရာကျပြီး၊ သူတို့ရဲ့စားဝတ်နေရေးကိုပါထိခိုက်စေနိုင်ပါတယ်။

7."အလုပ်မရှိလို့ အနုပညာလုပ်တာ"
===================
ဒီဖော်ပြချက်ဟာအနုပညာရှင်တစ်ယောက်ရဲ့ ရွေးချယ်ထားသောအသက်မွေးဝမ်းကြောင်းနှင့် ဝါသနာကိုစော်ကားသလိုဖြစ်စေပြီး သူတို့ရဲ့ ရွေးချယ်မှုကိုအသိအမှတ်ပြုလေးစားဖို့ အရေးကြီးပါတယ်။

8."မင်းတခြားအနုပညာရှင်တွေလုပ်သလို လုပ်သင့်တယ်"
================================
Artistတိုင်းမှာ ထူးခြားတဲ့ကိုယ်ပိုင်ဟန်များရှိပါတယ်။ ဒါတွေကိုအခြားသူများနှင့် နှိုင်းယှဉ်ခြင်း သို့မဟုတ် အခြားသူတစ်ဦးအားအတုယူရန်အကြံပြုခြင်းဟာ စိတ်ဓာတ်ကျစေပြီး အကူအညီမဖြစ်နိုင်ပါ။

9."အဲဒါပြီးဖို့ မင်းဘယ်လောက်ကြာခဲ့လဲ"
======================
အနုပညာလက်ရာတစ်ခုဖန်တီးရန်အချိန်ကာလသည် artistတစ်ယောက်ရဲ့လုပ်ငန်းစဉ်ပေါ်မူတည်ပြီး များစွာကွဲပြားနိုင်ပါသည်။ ဒီမေးခွန်းကိုမေးတာဟာအလုပ်ရဲ့တန်ဖိုးကို အချိန်အားဖြင့်သာ ဆုံးဖြတ်သည်ဟုထင်ရပြီး စိတ်အနှောင့်အယှက်ဖြစ်စေနိုင်ပါတယ်။

10."ငါ့မှာဒီပန်းချီကားတစ်ချပ်အတွက် အကြံတစ်ခုရှိတယ်။ မင်းလုပ်သင့်တယ်"
============================================
အနုပညာရှင်များတွင် သူတို့ရဲ့ကိုယ်ပိုင်ဖန်တီးမှုအမြင်နဲ့ စိတ်ကူးစိတ်သန်းများရှိပါတယ်။ Artist တွေကိုသင့်စိတ်ကူးတိုင်းအကောင်အထည်ဖော်ရန် အကြံပြုမည့်အစား အတူတူပူးပေါင်းလုပ်ဆောင်ခြင်း သို့မဟုတ် သူတို့ရဲ့မူရင်းအလုပ်ကို ပံ့ပိုးပေးရန်သာ စဉ်းစားသင့်ပါတယ်။

11."မင်း တကယ့်အလုပ်တစ်ခု ဘယ်တော့ရမှာလဲ"
============================
အနုပညာဟာတရားဝင်အသက်မွေးဝမ်းကြောင်းမဟုတ်ဘူးလို့ အဓိပ္ပာယ်ဖွင့်ဆိုလိုက်ခြင်းသည် Artistတစ်ယောက်ရဲ့ကိုယ်ပိုင်ရွေးချယ်မှုလမ်းကြောင်းကို ထိခိုက်စေနိုင်ပါတယ်။

12."မင်းပန်းချီကားအတိုင်းပဲ စတိုးဆိုင်မှာစျေးပေါပေါနဲ့ဝယ်လို့ရတယ်"
=======================================
ပန်းချီဆရာတစ်ဦးရဲ့လက်လုပ်လက်ရာနှင့် အစုလိုက်အပြုံလိုက်ထုတ်လုပ်တဲ့ပစ္စည်းများကို နှိုင်းယှဉ်ခြင်းသည် သူတို့ရဲ့တန်ဖိုးနှင့်အနုပညာအရည်အသွေးများကို စော်ကားရာရောက်စေပါတယ်။

အနုပညာရှင်တွေဟာ သူတို့ရဲ့ နှလုံးသားနဲ့စိတ်ဝိညာဉ်များကို သူတို့အလုပ်ထဲတွင်ထည့်သွင်းထားသော ပုဂ္ဂိုလ်များဖြစ်ကြောင်းသတိရပါ။ သူတို့ရဲ့ ဇွဲလုံ့လနဲ့ တီထွင်ဖန်တီးမှုဆိုင်ရာ ထုတ်ဖော်ပြောဆိုမှုတွေအပေါ် လေးစားမှုဟာ အနုပညာရှင်တွေအတွက် အပြုသဘောဆောင်ပြီး ပံ့ပိုးကူညီတဲ့ ဆက်ဆံရေးကို တည်ဆောက်ရာမှာအသုံးဝင်ပါတယ်။

03/03/2024

yarma khingyi

01/03/2024

yarmakhingyi tattoo dalla city 0966494579

01/03/2024