ကျန်းမာသုတ ဘဝသုခ

16/05/2026

ထမင်းစားပြီး နောက် ရှောင်ကြဥ်သင့်သော
အချက်များ

❤️၁)လှဲလျောင်းခြင်း- အစာခြေခြင်းကို
နှေးကွေးစေပြီး အက်စစ်ပြန်တက်ခြင်းကို ဖြစ်စေတယ်။

❤️၂)ရေအလွန်အကျွံသောက်ခြင်း-
အစာခြေအင်ဇိုင်းများကို ပျော့ပျောင်းစေပြီး
အစာခြေစနစ်ကို အားနည်းစေပါတယ်။

❤️၃)အစာစားပြီးနောက်ဆေးလိပ်သောက်ခြင်း-
အဆိပ်အတောက်များတိုးစေပြီး ကျန်းမာရေးဆိုင်ရာပြဿနာများ အန္တရာယ်မြင့်တက်စေပါတယ်။

❤️၄)ချက်ချင်းရေချိူးခြင်း -အစာခြေခြင်းမှ
သွေးစီးဆင်းမှုကို ပြန်လည်လမ်းကြောင်းပြောင်းပေးတယ် အစာခြေစနစ်မကောင်းပါ ။

❤️၅)ချက်ချင်းသစ်သီးစားခြင်း-
အူလမ်းကြောင်းတွင် ဖောရောင်ခြင်းနှင့်
အချဥ်ဖောက်ခြင်းဖြစ်နိုင်ပါတယ်။

❤️၆)ကော်ဖီ လက်ဖက်ရည်သောက်ခြင်း-
သက့်အစာအစားမှ သံဓါတ်စုပ်ယုမှုအားနည်းစေပါတယ်။

❤️၇)လေ့ကျင့်ခန်းလုပ်ခြင်း -ကြွက်တက်ခြင်းနှင့်အမောရောဂါဖြစ်နိုင်ပါတယ်။

credit

09/05/2026

#ဂေါက်အဆစ်ရောင် #ဆီးနှင့်ကျောက်ကပ် #အသည်းသမားများအတွက် #ဘူးပင် အစွမ်း အံမခန်းပါ

ရေဓာတ်ပါဝင်မှုများပြီး အအေးစာဖြစ်သောကြောင့် ဆီးမကောင်းသူများနှင့် ယူရစ်အက်စစ်များ၍ ဆီးပူသော သူများသည် ဘူးသီးကိုဖျော်ရည်လုပ်ပြီး သံပရာရည်ဖြင့်ရောကာ သောက်သုံးပေးသင့်သည်။

ကျောက်ကပ်ရောင် ခြင်းကိုလည်း ကုသပေးနိုင်စွမ်းရှိသည်။

ဆီးချိုရောဂါသည်များအတွက် အထူးသင့်လျော်သည်။.

ဝမ်းလျှောခြင်းကြောင့် ရေငတ်နေသူများ၊ အဆီဓာတ်များသောအစားအစာ သို့မဟုတ် ဆီကြော်မုန့်စားသုံးပြီး နောက် ရင်ပူနေသူများသည် ဘူးသီးကိုဖျော်ရည်လုပ်ကာ ဆားအနည်းငယ်ရော၍သောက်သုံးပေးသင့်သည်။

ပူပြင်းသောနွေရာသီတွင် ဆုံးရှုံးသွားသောချွေးများအတွက် အထက်ပါအတိုင်းသောက်သုံးပေးပါက လူကိုပြန်လည် လန်းဆန်းစေသည်။ အပူလျှပ်ခြင်းမှလည်း ကာကွယ်ပေးသည်။

သွေးတိုးရောဂါသမားများနှင့် နှလုံးရောဂါဝေဒနာရှင်များကို များစွာအကျိုးပြုသည်။

ဘူးညွန့်(ဘူးရွက်)သည် အသည်းရောင်အသားဝါရောဂါကို ဟန့်တားကာကွယ်ပေးသည်။

ဆံပင်ဖြူခြင်းကို သက်သာလျော့ပါးစေသည်။

အဆီဓာတ်ပါဝင်မှုနည်းပြီး အမျှင်ဓာတ်ပေါများသောကြောင့် အစာကြေလွယ်ပြီး ဝမ်းချုပ်ခြင်းမှ ကာကွယ်ပေး သည်။

အာရုံကြောများကို အားကောင်းစေကာ မှတ်ဉာဏ်ကို ဖွံ့ဖြိုးတိုးတက်စေသည်။(စိတ်ဖောက်ပြန်သူများအတွက် ကောင်းကျိုးပြုပါသည်)

ဆံပင်မရှိ၍ ထိပ်ပြောင်သူများသည် ဘူးညွန့် (ဘူးရွက်)အရည်ကို လိမ်းပေးသင့်သည်။

သွားကိုက်ခြင်းကို သက်သာပျောက်ကင်းစေသည်။ သွားများမပျက်စီးရအောင် ကြိုတင်ကာကွယ်သည့်အနေဖြင့် ဘူးညွန့်အရည်ဖြင့် ပလုတ်ကျင်းပေးသင့်ပါသည်။

ဖက်ခွက်နာ(ပြည်တည်နာများ)၊ ဝက်ရူးပြန်ခြင်းနှင့် အစာမကြေခြင်းဝေဒနာများကို သက်သာ ပျောက်ကင်း စေသည်။

နံနက်စာမစားမီ ဘူးသီးကိုဖျော်ရည်လုပ်ပြီး နေ့စဉ်တစ်နေ့လျှင် တစ်ခွက်ပုံမှန်သောက်သုံးပေးပါက အရွယ်တင် နုပျိုစေသည်။

မိတ်၊ အင်ပျဉ်ကဲ့သို့ အရေပြားပေါ်တွင် အဖုအပိမ့်အနီကွက်ထပါက ဘူးသီးကိုကြိတ်ချေ၍ ၎င်းအနှစ်များဖြင့် လိမ်းပေးခြင်းဖြင့် ချက်ချင်းသက်သာပျောက်ကင်းစေသည်။

ဘူးသီးကို မှန်မှန်စားပေးခြင်းဖြင့် အပြစ်အနာအဆာမရှိသော လင်းလက်စိုပြည်လှပသည့် အသားအရေကို ပိုင်ဆိုင်နိုင်သည်။

ဘူးသီးသည် အသည်းပုံမှန်အလုပ်မလုပ်နိုင်သူများကို ကောင်းစွာအကျိုးပြုသည်။

နာတာရှည်အိပ်မပျော်နိုင်ဘဲ မျက်စိကြောင်နေသူများသည် ဘူးသီးကိုဖျော်ရည်လုပ်ပြီး နှမ်းဆီနှင့်ရော၍ ဦးခေါင်းခွံ (ဦးရေပြား)ကို ညစဉ်နှိပ်ပေးခြင်းဖြင့် ထိရောက်စွာအကျိုးရှိစေသည်။

အစာအိမ်အက်စစ် အထွက်လွန်သူများအတွက် သက်သာပျောက်ကင်းသည်။

နှလုံးကိုအားကောင်းစေသည်။

အဆိပ်ပြေစေသည်။

ချောင်းဆိုးခြင်းကြောင့် အသက်ရှူလေပြွန်ရောင်နေသူများ၊ လည်ချောင်းနာသူများနှင့် ပန်းနာရင်ကျပ်ရောဂါများကို ကုသပေးနိုင်စွမ်းရှိသည်။

ဗီတာမင်အီးက မျက်လုံးသွေးကြောမျှင်များကို ကောင်းကျိုးပြုသည်။
အစိမ်းရင့်ရောင် ဟင်းသီးဟင်းရွက်တစ်မျိုး ဖြစ်သည့် ဘူးညွန့်ဟင်းလျာတစ်ခွက်တွင် ဗီတာမင်အီးကိုလုံလောက်စွာ ရရှိနိုင်သည်။ ထို့ကြောင့် ဘူးညွန့်စားခြင်း က မျက်စိကျန်းမာရေးကို အထောက်အကူဖြစ်စေသည်။

မှတ်သားရန်

ဘူးသီးသည် အပူပေးချက်ပြုတ်ပြီးမှသာ စားသုံးရသည့် ဟင်းသီးဟင်းရွက်တစ်မျိုးဖြစ်သည်။ ဆီးရောဂါရှိသူများအနေဖြင့် ဖျော်ရည်လုပ်၍ သောက်သုံးနိုင်သော်လည်း ၎င်းရောဂါမရှိဘဲ ရက်လတာရှည်အစိမ်းစားပါက အစာအိမ်နှင့်အူမများအတွက် အန္တရာယ်ဖြစ်စေနိုင်သည်။

အချုပ်အားဖြင့်ဆိုသော် ဘူးသီးသည် ကိုယ်ခန္ဓာအတွင်းရှိ အင်္ဂါအစိတ်အပိုင်းများကို အကျိုးပြုရုံသာမက အသားအရေကို ကျန်းမာလှပစေခြင်း၊ ဆံပင်ဖြူခြင်းကို လျော့နည်းစေခြင်းတို့အပြင် ကိုယ်အလေးချိန်ထိန်းလိုသူများအတွက် ထိထိရောက်ရောက် အကျိုးပြုစေသည့် အစွမ်းသတ္တိများနှင့်ပြည့်စုံသော အစိမ်းရောင် ဟင်းသီးဟင်းရွက်တစ်မျိုးဖြစ်သည်။ ရေဓာတ်ပါဝင်မှုများပြားသဖြင့် အချိန်ကြာမြင့်စွာချက်ပြုတ်ပေးရန် မလိုဘဲ အချိန်ကုန်သက်သာစေသည်။ ထို့ကြောင့်ဆေးဖက်ဝင်ဟင်းရွက်နွယ်ပင်တစ်မျိုးဖြစ်သည့် ဘူးသီးကို စားသောက်နိုင်ကြပါစေကြောင်း သတင်းကောင်းပါးအပ်ပါသည်။ ။
Crd ပေါက်ပေါက်
#ဘူးရွက်
#ဘူးညွှန့်
#ဘူးသီး
#ဗူးရွက် #ဗူးသီး

08/05/2026

ဆီးချိုရောဂါ နှင့် သတိမထားမိသော အန္တရာယ်အစားအစာများ
ဆီးချိုရောဂါရှိသူတွေကြားမှာ ပြောနေကျစကားတစ်ခွန်းက “ဘာမှလည်း မစားပဲနဲ့ ဆီးချိုတွေ အရမ်းတက်တက် လာတယ်။ အခုကြောက်လို့ ဘာမှမစားရဲတော့ဘူး” ဆိုတဲ့ စကားပါပဲ။ ကြောက်လို့ ဘာမှမစားဖြစ်တဲ့အခါ အားနည်းပြီး သွေးချိုကျတာ၊ လမ်းမလျှောက်နိုင်တော့တာ၊ အလေးချိန်တွေ ကျသွားတာမျိုးတွေ ကြုံရတတ်ပါတယ်။
အကြောင်းကတော့ ဆီးချိုအထိန်းဓာတ်ကို တရိပ်ရိပ်နဲ့ တက်လာစေတဲ့ အစားအစာတွေကို မသိပဲ စားမိနေလို့ပါပဲ။ ဒါကြောင့် ဒီနေ့မှာတော့ ဆေးသောက်နေရင်းနဲ့ ကို သွေးတွင်းအချိုဓာတ်တက်လာ​စေတဲ့ အစားအစာတွေအကြောင်းကို ဗဟုသုတရအောင် ပြောပြပေးချင်ပါတယ်
(ဘာအစားအစာတွေ သိရရင် ကြိုးစားပြီးရှောင်ဖို့က အရေးကြီးပါတယ်)

(၁) “အချိုမှုန့် (ဟင်းခတ်မှုန့်)”
- MSG (သို့) အချိုမှုန့်ကို ဟင်းထဲထည့်စားတာ ဒါမှမဟုတ် အချိုမှုန့် ဟင်းခတ်မှုန့်တွေ ပါပြီးသား အစားအစာတွေ (ဥပမာ - ခေါက်ဆွဲခြောက်ထုပ်၊ အာလူးကြော်လေဖောင်းထုပ်တွေ နဲ့ ကြေးအိုးလို စားစရာတွေ) စားတာဟာ သွေးတွင်းအချိုဓာတ်ထိန်းတာကို ပျက်စီးစေတဲ့အပြင် အဝလွန်စေတာကို တွေ့ရပါတယ်။
- အချိုမှုန့်အနွယ်ဝင်တွေထဲမှာ အချိုမှုန့်ပါတဲ့ ကြက်သားမှုန့်၊ ငါးအသားမှုန့် နဲ့ ဟင်းသီးဟင်းရွက်မှုန့်တွေလည်း ပါတာကြောင့် မသုံးရင်အကောင်းဆုံးပါပဲ။
- ဆီးချိုသွေးတိုး ရှိပြီး ကျောက်ကပ်ပါအားနည်းတဲ့ လူနာတွေမှာဆိုရင် ဟင်းသီးဟင်းရွက်မှုန့် စစ်စစ်တွေ ဆိုရင်တောင် ရှောင်ပေးရပါမယ်။ (ပိုတက်ဆီယမ် နဲ့ ဆိုဒီယမ် တက်လာပြီး ကျောက်ကပ်ပိုပျက်နိုင်လို့ပါ)

(၂) သကြားနဲ့ ဆော်ဒါပါသော အားဖြည့်အချိုရည်များ
- တခါတလေ ဆီးချိုလူနာတွေမှာ အားပြတ်ရင် အားဖြည့်အချိုရည်တွေ သောက်မိတတ်ကြပါတယ်။ ကြော်ငြာတွေ အားကောင်းတာကြောင့် ထမင်းမစားပဲ အားဖြည့်အချိုရည်သောက်လိုက်ရင် အားပြည့်သွားမယ်လို့ ထင်တတ်ကြပါတယ်။
- ဗီတာမင် နဲ့ သတ္တုဓာတ်တွေ ပါတယ်ဆိုပြီး ကြော်ငြာတာကြောင့် လူနာတွေခမျာ မှားယွင်းသောက်သုံးမိပြီး ဆီးချိုမထိန်းနိုင်ဖြစ်ကြရပါတယ်။
- ဆီးချိုအကြိုအဆင့်နဲ့ ကိုယ်ဝန်ဆောင်ဆီးချို ဖြစ်ဖူးတဲ့သူတွေမှာဆိုရင် နောင်မှာဆီးချိုမဖြစ်အောင် ပိုရှောင်သင့်ပါတယ်။

(၃) ပြည့်ဝဆီများ (Trans fats and Saturated Fats)
- ထောပတ်၊ မာဂျရင်း၊ မြေပဲထောပတ်၊ မလိုင်၊ ခရင် နဲ့ အေးခဲအစားအစာတွေ မှာ ပြည့်ဝ/အသွင်ပြောင်းဆီ​တွေ အများကြီးပါပါတယ်။ ဒီဆီတွေက ဆီးချိုဓာတ်ကို တိုက်ရိုက်မတက်စေပေမယ့် သွေးတွင်းအဆီများတာကတဆင့် အင်ဆူလင်အထိန်းကျစေပြီး သွယ်ဝိုက်သောနည်းနဲ့ ဆီးချိုတက်စေပါတယ်။
- အပေါ်က စားစရာတွေပါတဲ့ ကိတ်မုန့်၊ ပေါင်မုန့် တွေစားရင်လည်း ဆီးချိုတက်စေတတ်လို့ သတ်မှတ်ပမာဏအတိုင်းပဲ စားသင့်ပါတယ် (ကိတ်မုန့် သို့ ပေါင်မုန့်ဖြူ = တစ်ချပ်/ ပေါင်မုန့်ကြမ်း = ၂ချပ်၊ ထမင်း/အာလူး/အချိုစာများနဲ့ ကပ်မစားပါနဲ့၊ တစ်နေ့တစ်မျိုးသာ အဆာပြေအနေနဲ့ စားပါ)

(၄) သီးစုံအရသာ ဒိန်ချဉ်
- အချိုမပါတဲ့ ဒိန်ချဉ်အလွတ် (သို့) အဆီထုတ်နွားနို့ဒိန်ချဉ် ကို ဆီးချိုဩကားလေးအနည်းငယ်ထည့်သောက်တာက ဆီးချိုလူနာတွေအတွက် ပိုသင့်တော်ပါတယ်
- သီးစုံအရသာ ဒိန်ချဉ်ကတော့ အဆီနည်းပေမယ့် သကြားများပါတယ် >> သိပ်မသောက်သင့်ပါဘူး

(၅) အသင့်ဖျော် ကွေကာအုတ်ထုတ်များ (Sweetened Cereals & Instant Oats)

(၆) သစ်သီးခြောက်များ/ဖျော်ရည်များ

(၇) အာလူးကြော်

(၈) ခရင်ပါသော ဘီစကစ်တွေပဲ ဖြစ်ပါတယ်။

ဒီအစားအစာတွေကို မသိပဲ စားမိနေသူတွေမှာ ဆီးချိုတရိပ်ရိပ်တက်တာကြောင့် ကျောက်ကပ်ပျက်တာ၊ လေဖြတ်တာ၊ မျက်စိကွယ်တာ နဲ့ အခြားဆိုးကျိုးတွေ ခံစားရတာကြောင့် ရှောင်ရှားဖို့ အကြံပြုချင်ပါတယ်။

Crd
​Dr. ဆုမြတ်သဇင်
အာဟာရအထူးပြုဆရာဝန်

03/05/2026

ဘယ်အစာတွေက ဘယ်ကိုယ်တွင်းအင်္ဂါကို သန့်စင်ပေးနိုင်ပါသလဲ။
—————-
၁ ။ ရှောက်သီး… အသည်း

၂ ။ ဟင်းနုနယ်…သွေး

၃ ။ သခွါးသီး…ကျောက်ကပ်

၄ ။ ကြက်သွန်ဖြူ…သွေးကြော

၅ ။ မုန်လာဥနီ…မျက်စိ

၆ ။ ဘရိုကိုလီ( အစိမ်းရောင်ပန်းဂေါ်ဖီ)…အဆုတ်

၇ ။ ပန်းသီး…အူ

၈ ။ ပြောင်းဖူး..အူမကြီး

၉ ။ စပျစ်သီး…နှလုံး

၁၀ ။ လက်ဖက်ရည်ကြမ်းGreen tea…ဆဲလ်

၁၁ ။ သရက်သီး…အရေပြား

၁၂ ။ ငှက်ပျောသီး…အစာအိမ်

၁၃ ။ အုန်းရည်…ဆီးအိမ်

၁၄ ။ ခရမ်းချဉ်သီး…ဆီးကျိတ်

၁၅ ။ အာလူး…မုန့်ချိုအိတ်

၁၆ ။စတော်ဘယ်ရီ…ခံတွင်း

#အားလုံးကိုယ်စိတ်နှစ်ဖြာကျန်းမာကြပါစေ
Crd ဒေါက်တာခင်မိုးမိုး

03/05/2026

ရာသီစာ #လယ်ပတူရွက်
အစာအိမ်အူလမ်းကြောင်းကျန်းမာစေပြီးသွေးအားနည်းသူတွေစားသင့်တဲ့ #လယ်ပတူရွက်

❤ 1. သွေးအားနည်းတာမျိုး မဖြစ်အောင် ကာကွယ်ပေးတယ်

လယ်ပတူမှာ သံဓာတ် ပါဝင်နေတာကြောင့် သွေးနီဥဆဲလ် အရေအတွက်ကို တိုးစေနိုင်သလို သွေးအားနည်းတာမျိုး မဖြစ်အောင် ကာကွယ်ပေးပါတယ်။ ရာသီလာချိန်မှာ သံဓာတ် အားနည်းတာမျိုး မဖြစ်အောင် ကာကွယ်ပေးပါတယ်။

သံဓာတ်ချို့တဲ့ သွေးအားနည်းရောဂါ ခံစားနေရသူတွေအတွက် အထူးသင့်တော်ပါတယ်။

💁 2. ဆီးချို ရောဂါ သက်သာစေတယ်

လယ်ပတူရဲ့ ကျန်းမာရေး အာနိသင် တစ်ခုကတော့ သွေးတွင်းသကြားဓာတ်ကို ထိန်းညှိပေးနိုင်ပြီး ဆီးချို ရှိသူတွေမှာ ရုတ်တရက် သွေးတွင်းသကြားဓာတ် မြင့်တက်တာမျိုး မဖြစ်စေဖို့ ကာကွယ်ပေးနိုင်ပါတယ်။

👉 3. အရောင်ကျစေနိုင်တယ်

လယ်ပတူမှာ ဓာတ်တိုးဆန့်ကျင်ပစ္စည်းတွေ ပါဝင်နေတာကြောင့် ခန္ဓာကိုယ်တွင်း၊ ကိုယ်ပက ရောင်ရမ်းမှုတွေကို သက်သာစေနိုင်ပါတယ်။

👉 4. ဖောရောင်တာကို သက်သာစေနိုင်တယ်

လယ်ပတူရဲ့ နောက်ထပ် ကျန်းမာရေး အာနိသင် တစ်ခုကတော့ ဖောရောင်တာကို သက်သာစေနိုင်တာပါ။ ရောင်ရမ်းမှုကို သက်သာစေနိုင်သလို ခြေဆစ်လက်ဆစ်တွေမှာ အရည်တွေ စုပြီး ဖောရောင်တာကို သက်သာစေနိုင်ပါတယ်။

🍚 5. အစာခြေစနစ် ကျန်းမာစေတယ်

လယ်ပတူမှာ အမျှင်ဓာတ် ကြွယ်ဝစွာ ပါဝင်နေတာကြောင့် အစာခြေစနစ်ကို ကျန်းမာစေပြီး ဝမ်းမှန်စေနိုင်သလို အစာအိမ်အူလမ်းကြောင်း ကျန်းမာစေဖို့ ထောက်ကူပေးနိုင်ပါတယ်။ ဝမ်းပျက်ဝမ်းလျှောတာကို သက်သာစေနိုင်ပါတယ်။

❤ 6. အသည်း ကျန်းမာစေတယ်

လယ်ပတူက ဓာတ်တိုးဆန့်ကျင်ပစ္စည်း ပါဝင်နေတာကြောင့် ကိုယ်တွင်းက အဆိပ်အတောက်တွေကို ဖယ်ရှားပေးသလို အသည်းကို ကျန်းမာစေဖို့ ထောက်ကူပေးပါတယ်။

💪 7. ကိုယ်ခံအား ကောင်းစေတယ်

လယ်ပတူမှာ ဗီတာမင် C ပါဝင်နေတာကြောင့် ကိုယ်ခံအား ကောင်းစေဖို့ ထိထိရောက်ရောက် ထောက်ကူပေးနိုင်ပါတယ်။

⭐ 8. ဘက်တီးရီးယားတွေကို တိုက်ဖျက်ပေးတယ်
လယ်ပတူက ဘက်တီးရီးယားတွေကို တိုက်ဖျက်ပေးနိုင်တဲ့ အာနိသင် ရှိပြီး အနာတွေကို သက်သာစေနိုင်သလို ဘက်တီးရီးယားတွေကြောင့် ကျန်းမာရေး ထိခိုက်တာမျိုး မဖြစ်စေဖို့ အသုံးပြုပေးလို့ ရပါတယ်။

🙅 9. အကိုက်အခဲ ပျောက်စေတယ်

လယ်ပတူရဲ့ နောက်ထပ်အာနိသင် တစ်ခုကတော့ နာကျင် ကိုက်ခဲမှုတွေကို သက်သာစေတာပါ။ ဒါကြောင့် နာကျင်ကိုက်ခဲမှုကို သက်သာစေဖို့ လယ်ပတူကို စားပေးလို့ ရပါတယ်။

💁 10. အနာကျက်စေနိုင်တယ်

အနာကျက်စေနိုင်တဲ့ အာနိသင် ရှိတာကြောင့် ထိခိုက်ဒဏ်ရာတွေကို အနာကျက်စေဖို့အတွက် လယ်ပတူရွက်ကို အသုံးပြုပေးလို့ ရပါတယ်။

🚫 လယ်ပတူရွက်က ဆေးဖက်ဝင်တယ်ဆိုပေမဲ့ အလွန်အကျွံ စားမယ်ဆိုရင် အန္တရာယ်ဖြစ်နိုင်ပါတယ်။ရောဂါအခံရှိသူတွေ အနေနဲ့ ဆရာဝန်နဲ့ တိုင်ပင်ပြီးမှ စားပေးသင့်ပါတယ်။ ဆေးတွေနဲ့ တွဲသောက်တာမျိုး မလုပ်ပါနဲ့။ ကိုယ်ဝန်ဆောင်တွေ နို့တိုက်မိခင်တွေအနေနဲ့ ဆရာဝန်နဲ့ တိုင်ပင်ပြီးမှ စားပေးပါ။

👇👇
လယ်ပတူကို မန်ကျည်းမှည့်လေးနဲ့ ပြုတ်လို့ တို့စားလို့ ရသလို ပြုတ်ပြီးသားကို ဆီချက်၊ ကြက်သွန်နီ၊ မြေပဲထောင်၊ ပုစွန်ခြောက်ထောင်း၊ သံပုရာရည်လေးတွနဲ့ အချိုအငန်ထည့်လို့ သုပ်စားလို့လည်းရပြီး သိပ်ကို ဆေးဖက်ဝင်ပါတယ်။

Credit ; မူရင်း‌ရေးသားသူအား လေးစားလျှက်
Photo - Crd
#လန်းလန်းတိုင်းရင်းဆေး
#လယ်ပတူ
#ရွှေလန်းလန်းတိုင်းရင်းဆေး

12/02/2026

12/02/2026

#သင်္ဘောသီး အစိမ်း စားခြင်းနှင့် ကျန်းမာရေး

ဗီတာမင်စီ၊ ပိုတက်ဆီယမ်နဲ့ အမျှင်ဓာတ်ကြွယ်ဝပြီး သင်္ဘော သီးအစိမ်းမှာပါဝင်တဲ့ သကြားနဲ့ တူတဲ့ဒြပ်တစ်ခုကလည်း အစာ ကောင်းစွာချေဖျက်နိုင်ဖို့ထောက်ကူပေးပါတယ်။ သင်္ဘောသီးစိမ်းဟာ အဆစ် အမြစ်ရောင်ရမ်းကိုက်ခဲခြင်း၊ အရိုးအဆစ်ရောင်ရမ်းနာ၊ ဂေါက်ရောဂါနဲ့ ပန်းနာရောဂါတွေကို သက်သာစေတဲ့အပြင် အူမအတွင်းက ကင်ဆာဖြစ်စေတဲ့ အဆိပ်အတောက်တွေကို ဝမ်းသွားစေခြင်းဖြင့် စွန့်ထုတ်စေပါတယ်။

သင်္ဘောသီးဟာ အစာချေ ဖျက်ခြင်းကို ထောက်ကူတဲ့ သဘာဝဝမ်းနုတ်ဆေး တစ်မျိုးလည်းဖြစ်တာကြောင့် ပုံမှန်စား ပေးရင် ဝမ်းချုပ်တာ၊ လိပ်ခေါင်း ရောဂါဖြစ်တာနဲ့ ဝမ်းလျှောတာ တွေကို ကာကွယ်ပေးနိုင်ပါတယ်။ သင်္ဘောသီးအစိမ်းကို ဖျော်ရည် လုပ်သောက်မယ်ဆိုရင် ဓမ္မတာ ထိမ်ခြင်းကို သက်သာစေပြီး ပုံမှန်ဖြစ်စေပါတယ်။ ဒါ့အပြင် အရေပြားဆိုင်ရာ ရောဂါတွေနဲ့ ဝက်ခြံ၊ မျက်နှာပေါ်မှာ အနီအဖုအပိန့် ထတာတွေကိုလည်း ပျောက်ကင်းစေပါတယ်။

အနာဖြစ်ရင်လည်း သင်္ဘော သီးစိမ်းနဲ့ ကပ်ပေးရင် ဖူးရောင်တာတွေ၊ ပြည်တည်တာတွေ မဖြစ်စေဘူးလို့ ဆိုပါတယ်။ သင်္ဘောသီးစိမ်းကို အနှစ်လုပ်ပြီး မျက်နှာမှာ သုတ်လိမ်းပေးရင်လည်း အညိုစက်တွေ၊အမည်းကွက်တွေကို ပျောက်ကင်းစေပြီး အသားအရေပုံမှန်ပြန်ဖြစ်စေပါ တယ်။ နောက်ပြီး သင်္ဘောသီးစိမ်းကို ပျားရည်နဲ့ဖျော်စပ်ပြီး သောက်သုံးပေးရင် အာသီးရောင်တာ၊ ဆုံဆို့နာနဲ့ တခြားလည်ချောင်းဆိုင်ရာရောဂါတွေကို ပျောက်ကင်းစေနိုင်ပါတယ်။

တစ်ခု သတိထားရမှာက သင်္ဘောသီးအစိမ်းမှာပါတဲ့ ဓာတ်တစ်မျိုးက ကိုယ်ဝန်ပျက်ကျခြင်းကို ဖြစ်စေတာကြောင့် မိခင်လောင်းတွေ ရှောင်ရမှာပါ။ ဒါပေမဲ့ သင်္ဘောသီးမှည့်သွားရင် အန္တရာယ်ရှိစေတဲ့ ဓာတ်ကလျော့ပါးသွားပြီး ဗီတာမင်တွေ၊ ဓာတ်တိုးဆန့်ကျင် ဂုဏ်သတ္တိတွေရှိတာကြောင့် ကိုယ်ဝန်ဆောင်တွေစား ပေးသင့်ပါတယ်။

နောက်တစ်ချက်က သွေးကြောကျဉ်းရောဂါ ရှိသူတွေနဲ့ ကြက်ပေါင်စေး၊ ရော်ဘာစေးလိုမျိုးနဲ့ ဓာတ်မတည့်သူတွေ သင်္ဘောသီးစိမ်း မစားသင့်ပါဘူး။

Ref: healthbenefits.com
#လန်းလန်းတိုင်းရင်းဆေး
#လန်းလန်းအာရုံကြောဆေး

03/11/2025

#လေးညှင်းပွင့် ဆေးဖက်ဝင် အာနိသင်

#လေးညှင်း
၁။ ဝမ်းဗိုက် အမြဲထိုးအောင့် နာကျင်၍
ဝမ်းဖြူဖြူ အရေ ကျဲကျဲများ သွားပါက
လေးညှင်းမှုန့် ကို ပျားရည်နှင့် ရော၍ လျက်သော် ပျောက်၏။

၂။ လေးညှင်းပွင့် နှင့် ကနခို တို့ကို ညက်ညက် ကြိတ်၍
လုံးပြီး အရိပ်၌ အခြောက်လှန်း၍ ရေနွေးနှင့် သုံးဆောင်ပါက ဓာတ်ချုပ်ခြင်း၊ စမြင်းခံခြင်း၊ သလိပ် ကျပ်ခဲခြင်း တို့ပျောက်၏။

၃။ လေးညှင်းပွင့် ကို သွေး၍ သကြားခဲ ကျိုရည် ပျစ်ပျစ် နှင့် ရောလျက်သော် ကိုယ်ဝန် တည်စ အန်သော ရောဂါ ပျောက်၏။

၄။ လေးညှင်းပွင့် ကို ဆေးခါးကြီး နှင့် ရောကြိတ်ပြီး ရေနွေး ပူပူနှင့် သောက်သော် အဖျားရောဂါ နှင့် အားအင် ကုန်ခန်းခြင်း များကို ပျောက်ကင်းစေ၏။

၅။ ကြေးနီခွက် သန့်သန့်၌ လေးညှင်းပွင့် ကို ပျားရည်နှင့် ထုခြေ၍ မျက်စဉ်း ခတ်သော် မျက်စိနာခြင်း၊ မျက်လုံး၌ တိမ်ဖြူစွဲ ခြင်း ပျောက်၏။

၆။ လေးညှင်းပွင့် ကို ရေနှင့် ကြိတ်၍ ခပ်နွေးနွေး ပြုပြီး သောက်သော် ရေငတ်ခြင်း၊ ပျို့အန်လိုခြင်း၊ လျှာခြောက်ခြင်း၊ ချွဲခြင်း၊ အရသာ မပေါ်ခြင်း များပျောက်၏။

၇။ လေးညှင်းပွင့် နနွင်း ဆတူ စပ်၍ ကြိတ်ပြီး မြုံနေသော အနာများ ပေါ်တွင် လိမ်းပေးသော် ပျောက်၏။

၈။ သလဲသီး အချဉ် အရည်နှင့် လေးညှင်း ရောသောက်သော် ဝက်ရူးနာ ထ၍ အန်ခြင်းနှင့် ရိုးရိုး အန်သော ရောဂါ များ ပျောက်၏။

၉။ အထိုင် အထတို့ ၌ မူး၍ မျက်စိ မူးမိုက် သော် လေးညှင်း ကို ရေအေးနှင့် သွေးပြီး မျက်စဉ်းခတ် ပေးက ပျောက်၏။

၁၀။ လေးညှင်းပွင့်ကို မီးနှင့်လှော်၍ ကြိတ်ပြီး ပျားရည်နှင့် ရောလျက်သော် ကြက်ညှာ ချောင်းဆိုး ပျောက်၏။

အဆီ

၁။ လေးညှင်းဆီ သို့မဟုတ် လေးညှင်းပွင့် ကို သွေး၍ သွားနာ၊ သွားကိုက်သော နေရာသို့ လိမ်းပေးသော် သွားနာ၊ သွားကိုက် ပျောက်၏။

၂။ လေးညှင်းဆီကို မုန်ညင်းဆီနှင့် ရောလိမ်းသေCreditာ် အဆစ် အမျက် ကိုက်ခဲ နာကျင်ခြင်း များပျောက်၏။

၃။ မျက်နှာ နဖူး၏ အထက်ပိုင်းသို့ လေးညှင်းဆီကို လိမ်းပေးသော် ခေါင်းကိုက် ရောဂါ ပျောက်၏။
Crd

02/11/2025

#ကွမ်းရွက် တမျိုးတည်းရှိရုံနဲ့ ကုသနိုင်သောရောဂါများ

#ကွမ်းရွက် ညှစ်၍ ရသော သတ္တုနှင့် ဂျင်းပြုတ်ရည်၊ ဆားအနည်းငယ်နှင့် တိုက်ကျွေး‌‌ပါက ပန်းနာ ရင်ကျပ်၊ ရင်အောင့် ရင်ကယ်၊ ကြက်ညှာ ချောင်းဆိုး ရောဂါများ ပျောက်၏။

ကလေးများ လေပွခြင်း၊ အစာ မကြေဖြစ်ခြင်း၊ ဝမ်းသွားခြင်း၊ ဖျားနာခြင်းများ၌ ကွမ်းရွက် သတ္တုရည်နှင့် ပျားရည်များ ရော၍ တိုက်ကျွေးလျှင် ပျောက်ကင်း နိုင်၏။

အဖျားကြောင့် ဖြစ်သော ခေါင်းကိုက် ရောဂါများ၌ ကွမ်းရွက် မျက်စဉ်းအဖြစ် ခတ်ပေးနိုင်သည်။

မျက်စိပူခြင်း၊ ယားခြင်း၊ နာခြင်းများတွင် ကွမ်းရွက်ကို မျက်လုံး ပေါ်တွင် ကပ်ပေးနိုင်သည်။

ဗိုင်းရပ်စ် ပိုးကြောင့် ဖြစ်သော အဖျား၊ လည်ချောင်းနာ ရောဂါများကို ပျောက်ကင်း စေနိုင်သည်။

သွေးတိုး ရောဂါတွင် သွေးတက်သည့် အခါ ချက်ချင်း ကျစေရန် ကွမ်းရွက် သတ္တုရည်ကို ညှစ်၍ တိုက်‌‌ကျွေး‌‌နိုင်သည်။

ဆီးချိုအတွက်ကောင်းတယ် – ကွမ်းရွက်မှာ ပါတဲ့ ဒြပ်ပေါင်းတစ်ခုကသွေးတွင်းသကြားဓာတ်ကို ကျဆင်းစေနိုင်တာကြောင့် ဆီးချိုသမားတွေ သုံးဆောင်ပေးသင့်ပါတယ်။

ကိုယ်အလေးချိန်ကျစေနိုင်တယ် – ကွမ်းရွက်မှာ ခန္ဓာကိုယ်ရဲ့ အဆီတွေကို ကျဆင်းစေနိုင်တဲ့ အာနိသင်ရှိပြီး ဇီဝတွင်းဖြစ်စဉ်ကို တိုးတက်ကောင်းမွန်စေတာကြောင့် ကိုယ်အလေးချိန်ကျချင်သူတွေအတွက် ကွမ်းရွက်ကသင့်တော်ပါတယ်။

ကင်ဆာကာကွယ်ပေးတယ် -ကွမ်းရွက်ကို ဝါးစားပေးမယ်ဆိုရင် ခံတွင်းထဲမှာရှိတဲ့ ascorbic acid ပမာဏကိုထိန်းညှိပေးပြီး ခံတွင်းကင်ဆာမဖြစ်အောင်ကာကွယ်ပေးပါတယ်။ ကွမ်းရွက် ၁၀ ရွက်၊ ၁၂ ရွက်လောက်ကို ရေနွေးဆူဆူထဲထည့်ပြုတ်ပြီး ပျားရည်နည်းနည်းထည့်သောက်သုံးပေးမယ်ဆိုရင် ကင်ဆာကာကွယ်ဖို့ အထောက်အပံ့ဖြစ်စေမှာပါ။

အနာကျက်စေနိုင်တယ် – အနာပေါ်ကို ကွမ်းရွက် သန့်သန့်လေး အုပ်ပြီး ပတ်တီးနဲ့ စည်းပေးမယ်ဆိုရင် အနာကျက်မြန်စေမှာ အသေအချာပါ။

ခေါင်းကိုက်သက်သာစေနိုင်တယ် -ခေါင်းအရမ်းကိုက်နေရင် ကွမ်းရွက်ကို ခြေပြီးရှူပေးတာ၊ နားထင်မှာ ကွမ်းရွက်ကပ်ပေးတာမျိုး လုပ်ပေးပါ။ ခေါင်းကိုက်တာကို သိသိသာသာသက်သာစေမှာပါ။

သွေးတွင်းကိုလက်စထရောကို ကျဆင်းစေနိုင်တယ် -သွေးတွင်းကိုလက်စထရော များလာတာက နှလုံးရောဂါဖြစ်နိုင်ခြေကို တိုးစေနိုင်သလို လေဖြတ်နိုင်ခြေကိုလည်း တိုးစေနိုင်ပါတယ်။ ဒါကြောင့် သွေးတွင်းကိုလက်စထရော အရမ်းများမလာအောင် ဂရုစိုက်ဖို့ လိုပါမယ်။ ကုန်ကျစရိတ် သက်သက်သာသာနဲ့ သွေးတွင်းကိုလက်စထရော ကျချင်ရင်တော့ ကွမ်းရွက်ကို သုံးဆောင်ပေးပါနော်။

ခံတွင်းကျန်းမာရေးကိုကောင်းစေတယ် – ကွမ်းရွက် ဝါးပေးမယ်ဆိုရင် ခံတွင်းထဲမှာ ဘက်တီးရီးယားတွေပေါက်ဖွားမှုကို ဟန့်တားနိုင်ပြီး ခံတွင်းနံ့ကို သင်းပျံ့စေမှာပါ။ ဒါကြောင့် သွားနဲ့ခံတွင်းကျန်းမာဖို့ ဆေးဝါးတွေအသုံးပြုမယ့်အစား သဘာဝဆေးတစ်မျိုးဖြစ်တဲ့ ကွမ်းရွက်ကိုပဲ ဝါးပေးပါ။

ချောင်းဆိုးသက်သာစေနိုင်တယ် – ကွမ်းရွက်ရဲ့ နောက်ထပ် ဆေးဖက်ဝင်ပုံ တစ်ခုက လူတိုင်းလိုလို သိထားပြီးဖြစ်တဲ့အတိုင်း ချောင်းဆိုးသက်သာတာပါ။ ကွမ်းရွက်မှာ ရောဂါပိုးမွှားတွေကို တိုက်ဖျက်ပေးနိုင်တဲ့ အာနိသင် ရှိတာကြောင့် ချောင်းဆိုးတာကို သိသိသာသာ သက်သာစေနိုင်ပါတယ်။

ဝက်ခြံသက်သာစေနိုင်တယ် – ဝက်ခြံ နဲ့ အရေပြားပြဿနာတွေအတွက် ကွမ်းရွက်ကို အသုံးပြုလို့ရပါတယ်။ ကွမ်းရွက်မှာ ဘက်တီးရီးယားတွေကို တိုက်ဖျက်ပေးနိုင်တဲ့ အာနိသင်ရှိတာကြောင့် ဝက်ခြံနဲ့ အရေပြား ဓာတ်မတည့်မှုတွေကို လျော့ပါးသက်သာစေနိုင်ပါတယ်။ ကွမ်းရွက် ပြုတ်ရည်နဲ့ နေ့စဉ် မျက်နှာသစ်ပေးပါ။

နားကိုက်တာကို သက်သာစေနိုင်တယ် -နားကိုက်တဲ့အခါ နေရထိုင်ရမသက်သာပါဘူး။ နားကိုက်တာအတွက် အကောင်းဆုံး ဆေးနည်းတစ်ခုက ကွမ်းရွက်ပါ။ နားကိုက်တဲ့အခါ ကွမ်းရွက် အသုံးပြုပြီး သက်သာအောင် လုပ်လို့ ရပါတယ်။

ဝမ်းမှန်စေနိုင်တယ် – ကွမ်းရွက်က ဓာတ်တိုးဆန့်ကျင်အာနိသင် ကြွယ်ဝတဲ့ အရွက်တစ်မျိုးပေါ့။ ကိုယ်တွင်းက ဓာတ်တိုးပစ္စည်းတွေကို ဖယ်ရှားပေးပြီး pH ပမာဏ ညီညွတ်မျှတအောင် ထိန်းညှိပေးနိုင်ပါတယ်။ ဝမ်းချုပ်နေတယ်ဆိုရင် ကွမ်းရွက်ပြုတ်ရည် သောက်ပါ ဝမ်းမှန်သွားပါလိမ့်မယ်။

နှာခေါင်းသွေးလျှံတာကို သက်သာစေနိုင်တယ် – ကွမ်းရွက်က နှာခေါင်းသွေးလျှံတာကို သက်သာစေနိုင်ပါတယ်။ ကလေးလေးတွေ အပြင်ထွက်ဆော့လို့အပူလျှပ်တာကြောင့် နှာခေါင်းသွေးလျှံတာကို သက်သာစေနိုင်ပါတယ်။ နှာခေါင်းသွေးလျှံတဲ့အခါ ကွမ်းရွက်လေးကိုအသုံးပြုပြီး သွေးတိတ်အောင်လုပ်ဆောင်ပေးလို့ရပါတယ်။
Crd
#လန်းလန်းအာရုံကြောဆေး
#လန်းလန်းတိုင်းရင်းဆေး
#ကျန်းမာသုတဘဝသုခ

31/10/2025

#မာလကာရွက် ရဲ့အသုံးဝင်ပုံ ( ၁ရ ) ချက်

၁။ ခန္ဓာကိုယ်ရဲ့အလေးချိန်ကို လျော့နည်းစေပါတယ်။ လက်ဖက်ခြောက်လို ခတ်သောက်လို့ရတဲ့ မာလကာရွက် ရေနေွးကြမ်းက အစာ ခဏခဏစားချင်တဲ့စိတ်ကို အဓိက ထိန်းပေးလို့ ကိုယ်အလေးချိန် လေှျာ့ချချင်တဲ့သူတေွအတွက်တော့ အထူးသင့်လျော်ပါတယ်။

၂။ မာလကာရွက် ခတ်ထားတဲ့ ရေနေွးကြမ်းကို ပုံမှန် သောက်သုံးပေးခြင်းအားဖြင့် ဆီးချိုဝေဒနာကို သက်သာစေပါတယ်။

၃။ အဲဒီမာလကာရွက် ရေနေွးကြမ်းက သင့်ရဲ့ ကိုလက်စထရော (cholesterol) ကျစေဖို့အတွက် အထောက်အကူ ပြုပါတယ်။ မကောင်းတဲ့ ကိုလက်စထရောတေွကိုပဲ ဖယ်ထုတ်တာဖြစ်ပြီး အကျိုးပြုတဲ့ ကိုလက်စထရောတေွကိုတော့ ကောင်းကောင်း ချန်ထားပါတယ်။

၄။ မာလကာရွက် ရေနေွးကြမ်းက ဝမ်းပျက် ဝမ်းလေှျာနဲ့ ဝမ်းကိုက်ရောဂါတေွကိုလည်း သက်သာစေပါတယ်။ ဘာဖြစ်လို့လဲဆိုတော့ မာလကာရွက်ဟာ မကောင်းတဲ့ ဘက်တီးရီးယားတေွကို ဖယ်ရှားပေးနိုင်လို့ပဲ ဖြစ်ပါတယ်။

၅။ ထိုနည်းတူစွာ ၄င်းရေနေွးကြမ်းက အစာအိမ်အောင့်ခြင်းနဲ့ အစာ အဆိပ်သင့်ခြင်း စတာတေွကိုလည်း သက်သာစေပါတယ်။

၆။ မာလကာရွက်ကို စားခြင်းဖြင့် လည်ချောင်းနာခြင်းနဲ့ ချောင်းဆိုးခြင်းတေွကိုလည်း ပျောက်ကင်း စေနိုင်ပါတယ်။

၇။ မာလကာရွက်ကို ၀ါးစားပေးရင် ခံတွင်းနာခြင်း ၊ သွားဖုံးရောင်ခြင်း ၊ သွားကိုက်ခြင်းတေွကိုလည်း သက်သာစေပါတယ်။

၈။ မာလကာရွက် ရေနေွးကြမ်းက သာမန်အဖျားရောဂါတေွကိုလည်း ကုသနိုင်ပါတယ်။ အကောင်းဆုံး နည်းလမ်းကတော့ မာလကာရွက် ကိုးရွက်ခန့်ကို ရေငါးခွက်စာထဲမှာ ထည့်ပြုတ်ပြီးတော့ သောက်ပါက အအေးမိ ဖျားနာ ကူးစက်ခြင်းကိုလည်း သက်သာစေပါတယ်။

၉။ ဒါအပြင် မာလကာရွက် ရေနေွးကြမ်းက ယောကျ်ားလေးအတွက် အရေးကြီးတဲ့ ယောကျာ်းအားကိုလည်း တိုးပွားစေပါတယ်။

၁ဝ။ ထိခိုက်ရှနာပွန်းပဲ့ ဒဏ်ရာတေွ အပေါ်မှာလည်း မာလကာရွက်ကို ချေပြီးအုံလိုက်ရင် မကြာမီ သိသိသာသာ ပျောက်ကင်းသက်သာသွားစေပါတယ်။

၁၁။ ပိုးကြောင့်ဖြစ်တဲ့ နားရောဂါများကိုလည်း အအေးခံထားတဲ့ မာလကာရွက် ရေနေွးကြမ်းနဲ့ နားထဲကို အစက်ချ ပေးလိုက်လှျင် သက်သာသွားစေပါတယ်။

၁၂။ ဓာတ်မတည့်လို့ ဖြစ်တဲ့ အရေပြား ယားနာတာတေွကိုလည်း မာလကာရွက် ချေပြီးတော့ အုံရင် များစွာ သက်သာစေပါတယ်။

၁၃။ ချေထားတဲ့ မာလကာရွက်ကလည်း ပိုးကောင် ကိုက်ထားတဲ့ အဖုအပိမ့်တေွ၊ အနာတေွကို ကောင်းကောင်း သက်သာစေပါတယ်။

၁၄။ ဒါအပြင် မာလကာရွက်ကို ညက်အောင်ထောင်းပြီးတော့ ၀က်ခြံဖုတေွ အပေါ်မှာ အုံပေးလိုက်ရင် ၀က်ခြံဖြစ်နေတာတေွ ပျောက်ကင်းစေနိုင်ပါတယ်။

၁၅။ မျက်နှာမှာ တကယ်လို့ အမည်းစက်တေွ ဖြစ်နေရင် မာလကာရွက်ကို ရေအနည်းငယ် ရောကာ ညက်အောင် ထောင်းပြီးတော့ ရလာတဲ့ အရည်နဲ့ မျက်နှာကို ချေးချှတ်နိုင်ပါတယ်။

၁၆။ အထက်ပါ အရည်ကိုလည်း မျက်နှာ ပေါင်းတင်ပေးရင် အိုမင်းရင့်ရော်မှုကို အထိုက်အလျောက် ကောင်းကောင်း တားဆီးပေးနိုင်ပါတယ်။

၁၇။ ရေထဲ ထည့်ပြုတ်ထားတဲ့ မာလကာရွက်တေွကို အအေးခံပြီးတော့ ဦးရေပြားမှာ ပွတ်ချေနိှပ်နယ် ပေးခြင်းဖြင့်လည်း ဆံပင်ကျှတ်ခြင်းကို သက်သာစေနိုင်ပါတယ်။
( For You - မာလကာရွက်ရဲ့ကောင်းကျိုးများ ဆောင်းပါးမှ)
#ရှမ်းပုတ်(မိုမိုလေး)