26/04/2021
သင် အလုပ်ပင်ပန်းနေပီဆို ဖြစ်ပေါ်လာသော လက္ခဏာများ
============================
ကျွန်ုပ်တို့တွေဟာ နေ့စဉ်နှင့်အမျှ မြောက်များစွာသော လုပ်ငန်းဆောင်တာများကို လုပ်ဆောင်နေရပါသည်။ထိုလုပ်ငန်းဆောင်တာများကြောင့် စိတ်ပင်ပန်းမှုတွေ ဖြစ်ပေါ်လာကာ အချိန်ကြာတာနှင့်အမျှ စိတ်ရော်ကိုယ်ပါ ထိခိုက်လာနိုင်ပါသည်။ မိမိရဲ့ ခံနိုင်ရည်စွမ်းအားကို မကျော်လွန်မီ ကြိုတင်ကာကွယ်နိုင်ရန်အတွက် အောက်ပါ လက္ခဏာရပ်များကို သိရှိထားသင့်ပါသည်။.
(၁) သင် အိပ်နေစဉ်တောင်မှ သင်၏စိတ်မှာ အတွေးများ ဖြစ်ပေါ်နေခြင်း
တစ်နေတာ လုပ်ငန်းဆောင်တာများ လုပ်ဆောင်ကာ ပင်ပန်းနွမ်းနယ်ပြီးနောက် သင့်အတွက် ကောင်းမွန်သော အိပ်စက်ခြင်းတစ်ခု လိုအပ်နေပါသည်။ သို့သော် အိပ်ရာပေါ် လှဲလျောင်းလိုက်သောအခါမှာ သင့်ရဲ့စိတ်တွေဟာ ဟိုဟိုဒီဒီ လျှောက်တွေးနေခါ လတ်တလော မပြီးပြတ်သေးသော လုပ်ငန်းဆောင်တာများကို တွေးတောနေမိပါသည်။ ထိုအခြေအနေထက် ပိုဆိုးစေသော အရာမှာ အိပ်ရေးမဝမှာကို ပူပန်လေလေ အိပ်ပျော်ဖို့က ခက်ခဲလေလေ ဖြစ်နေသည်ကို ခံစားရပါလိမ့်မည်။ ထိုသို့ အခြေအနေများ ဖြစ်ပေါ်နေစဉ်မှာပဲ နာရီနိုးစက် အသံကြားကာ အိပ်ရာထချိန် ရောက်ခဲ့ရပေလိမ့်မည်။
ထိုသို့ကျင်လည်နေရသော သံသရာများထဲမှ ရုန်းထွက်နိုင်ဖို့အတွက် သင် အိပ်ရာမဝင်ခင်မှာ ကွန်ပျူတာ၊ဖုန်းတွေကို အဝေးမှာထားကာ အနည်းဆုံး နာရီဝက်လောက် စိတ်ကို ပြေလျော့စေသော လုပ်ဆောင်မှုများကို လုပ်ဆောင်ပါ။ ထိုလုပ်ဆောင်မှုတွေဟာ လက်ဖက်ရည်တစ်ခွက်ကို စိမ်ပြေနပြေသောက်ခြင်း၊ စာအုပ်ဖတ်ခြင်း၊ ရေနွေးနွေးဖြင့် ရေချိုးခြင်း ကဲ့သို့ပင် ရိုးရှင်းလှပေသည်။ ထို့အပြင် လုပ်ဆောင်ရမည့် ကိစ္စများကို စာရင်းပြုစုထားခြင်းကလဲ သင့်ရဲ့စိတ်ကို သက်တောင့်သက်သာဖြစ်စေရန် ကူညီပေးသောကြောင့် နောက်နေ့အတွက် အဆင်သင့်ဖြစ်ပီ ဆိုသောအသိနှင့် သင်ဟာ ကောင်းမွန်စွာ အိပ်စက် အနားယူနိုင်ပါသည်။
(၂) သင်၏ မှတ်ဉာဏ်စွမ်းအားများ လျော့နည်းလာခြင်း
သင် အလုပ်တွေ ပင်ပန်းလာပီဆိုရင် ဦးနှောက်မှတ်ဉာဏ်က မှတ်နိုင်စွမ်း လျော့နည်းလာပါသည်။ ဥပမာ သင့်သော့ထားခဲ့သော နေရာကို မမှတ်မိတော့တာမျိုး၊ သင် ဒီနေ့ နောက်ဆုံးဘယ်သူနဲ့ စကားပြောခဲ့လဲ မမှတ်မိတော့တာမျိုးတွင် ဖြစ်လာတတ်ပါသည်။ ထိုသို့ ဖြစ်စဉ်များ မကြာခဏ ဖြစ်ပေါ်လာပီဆိုလျင် သင့်ဦးနှောက်က ပင်ပန်းနေပီဆိုတာ ပြသနေခြင်း ဖြစ်သည်။ ဦးနှောက်က ပင်ပန်းလာပီဆိုလျှင် မှတ်ဉာဏ်စွမ်းအားများ လျော့နည်းလာသည်။
သင်၏ မှတ်ဉာဏ်စွမ်းအားများ လွယ်ကူစွာ အချိန်တိုအတွင်း တိုးတက်လာဖို့ဆိုရင် BRAN
Get
