ThuKha Oo Clinic and Pharmacy

17/05/2026

🩺 သွေးပေါင်ချိန် တိုင်းတာတဲ့အခါ မှန်ကန်ဖို့ လိုအပ်တဲ့ အချက်များ

သွေးပေါင်ချိန်ကို မှန်ကန်စွာ တိုင်းတာနိုင်ဖို့ ဒီအချက်တွေကို လိုက်နာပါ👇

✅ သွေးပေါင်မတိုင်းခင် ၅ မိနစ်ခန့် အနားယူပါ
✅ သွေးပေါင်မတိုင်းခင် မိနစ် ၃၀ အတွင်း ကော်ဖီ/လက်ဖက်ရည်သောက်ခြင်း၊ လေ့ကျင့်ခန်းလုပ်ခြင်း မပြုလုပ်ပါနဲ့
✅ တိုင်းတာနေစဉ် စကားမပြောပါနဲ့
✅ ကျောကို ထိုင်ခုံနောက်မှီပေးထားပါ
✅ ခြေထောက်ကို ကြမ်းပြင်ပေါ် တည့်တည့်ထားပါ
✅ လက်မောင်းကို စားပွဲပေါ်တင်ပြီး နှလုံးအမြင့်နဲ့ တန်းညီထားပါ
✅ Cuff (လက်ပတ်) ကို လက်မောင်းအရွယ်အစားနဲ့ ကိုက်ညီတဲ့ size အသုံးပြုပါ
✅ အဝတ်အထူပေါ် မတင်ဘဲ bare arm (သို့) အဝတ်ပါးပေါ်တွင် တိုင်းပါ
✅ Digital BP စက်ပေါ်က တိုင်းတာချက်ကို တိတိကျကျ မှတ်တမ်းတင်ပါ (မခန့်မှန်းပါနဲ့)

📌 သွေးပေါင်ချိန်ကို မှန်ကန်စွာ တိုင်းတာခြင်းက
နှလုံးရောဂါ၊ လေဖြတ်ရောဂါ နှင့် သွေးတိုးရောဂါတွေကို စောစီးစွာ သိရှိနိုင်ဖို့ အရေးကြီးပါတယ်။

💙 ကျန်းမာရေးကို ဂရုစိုက်ဖို့ သွေးပေါင်ချိန်ကို မှန်မှန်စစ်ဆေးကြပါစို့။

16/05/2026

🚨 **ကော်လရာ (Cholera) ဟုခေါ်သော ကာလဝမ်းရောဂါ အကြောင်း သိကောင်းစရာများ —** 🆘️

"ကာလဝမ်းရောဂါ" ဟာ
👉 *Vibrio cholerae* ဆိုတဲ့ **ဘက်တီးရီးယားပိုး** ကြောင့်ဖြစ်တဲ့ ရောဂါပါ။ ရိုးရိုးဝမ်းလျှောတာနဲ့ မတူပဲ ပေါ့ဆမိရင် အသက်အန္တရာယ်ရှိတဲ့ထိ ဖြစ်နိုင်လို့ လူတိုင်း သိထားသင့်ပါတယ်။

---

💩 **ကော်လရာက ဘယ်လိုကူးတာလဲ?**

အဓိကကတော့ ဝမ်းထဲပါလာတဲ့ပိုးတွေဟာ -
🥤 ညစ်ညမ်းတဲ့ရေ၊ ရေခဲ
🍜 မသန့်ရှင်းတဲ့ အစားအစာ တွေထဲရောက်တာ
👐 လက်မဆေးဘဲ အစားစားမိတာ
တွေကနေ ကူးပါတယ်။

*ရေနှင့် ရေခဲ*

ဥပမာ - မသန့်ရှင်းသော ရေကို သောက်သုံးခြင်း၊ အအေးဆိုင်တွေမှာ အခမဲ့ရတဲ့ရေခဲမှာကအစ ပိုးက ပါလာ ခြင်းဖြစ်နိုင်ပါတယ်။ အထူးသတိထားရပါမယ်။

နောက်တစ်ခုက ကာလဝမ်းရောဂါ ခံစားနေရတဲ့ လူနာတစ်ယောက် အိမ်မှာရှိပြီဆိုရင် သူ့ဆီကနေ အိမ်ကလူတွေ အကုန်ကူးနိုင်သလို၊ မိလ္လာစနစ် မသန့်ရှင်းမှု မရှိပါက သူ့ဝမ်းကနေ မိလ္လာကျင်းကတဆင့် မြေကြီးထဲက သောက်ရေ၊ သုံးရေ ပိုက်တွေထဲ ရောက်ခဲ့သော် တစ်ရပ်ကွက်လုံး ကူးသွားတာမျိုးပါ တွေ့ဖူးတာမို့ သတိပြုသင့်ပါတယ်။

👉 ကာကွယ်ရန် - ရေသန့် သောက်သုံးခြင်း၊ ဆပ်ပြာဖြင့် လက်သေချာဆေးခြင်း အမြဲပြုလုပ်သင့်ပါတယ်။ အပြင်ရေ၊ ရေခဲများ သောက်သုံးခြင်းကို တတ်နိုင်သမျှ ရှောင်ရှားပါ။

🍜အစားအစာ

ဥပမာ - လမ်းဘေးအစားအစာတွေ စားတဲ့အခါမှာ ပန်းကန်ဆေးတဲ့ ရေမသန့်တာ၊ အစားအစာပြင်ဆင်တဲ့ ရေမသန့်တာ၊ ပြင်ဆင်တဲ့လက်မသန့်တာ စသည်ဖြင့် အကြောင်းအမျိုးမျိုးကြောင့် ပိုးကူးနိုင်ပါတယ်။

⚠️ကာကွယ်ရန် - လမ်းဘေးမသန့်တဲ့ အစားအသောက်တွေကို တတ်နိုင်သမျှ ရှောင်ကြဉ်ပြီး အိမ်မှာသာ အစားအသောက်တွေကို ပူပူနွေးနွေး၊ သန့်သန့်ရှင်းရှင်း ချက်ပြုတ်စားသောက်ပါ။

---

🤒 **လက္ခဏာတွေက ဘာတွေလဲ?**

ကာလဝမ်းရောဂါရဲ့ အဓိကလက္ခဏာကတော့
🚽 “ဆန်ဆေးရည်လိုဝမ်းတလေဟာလျှောခြင်း” ပါ။ ဝမ်းအရောင်က တခါတလေ ပုံမှန်အရောင် ဖြစ်နေတတ်သလို ဆန်ဆေးရည်လို အဖြူနောက်နောက် အရောင်တွေလဲ ဖြစ်တတ်ပါတယ်။ ဝမ်းသွားတဲ့ ပမာဏကလည်း ရေဘုံဘိုင် ဖွင့်လိုက်တဲ့အလား အများကြီးကို အကြိမ်မြောက်များစွာ သွားတဲ့အတွက် ခန္ဓာကိုယ်ထဲမှာ ရေဓာတ် လျင်မြန်စွာ ကုန်ဆုံးပြီး အသက်အန္တရာယ် ဖြစ်ရတာပါ။

တချို့လူနာတွေမှာ

* အန်ခြင်း 🤮
* ခြေထောက်ကြွက်တက်ခြင်း 🦶
* ပါးစပ်ခြောက်ခြင်း 👄
* မူးဝေခြင်း 😵‍💫
* ဆီးနည်းသွားခြင်း 💦
* သတိလစ်ခြင်း 🫩 အထိ
ဖြစ်နိုင်ပါတယ်။

တချို့လူနာတွေက “ဝမ်းလျှောတာပဲ” လို့ ထင်ကြပေမယ့် ကော်လရာ ကာလဝမ်းရောဂါက **နာရီပိုင်းအတွင်း** ရေဓာတ်ခန်းခြောက်ပြီး အသက်အန္တရာယ်ရှိနိုင်ပါတယ်။ လက္ခဏာ တစ်ခုခုတူခဲ့ရင် နီးစပ်ရာ ဆေးရုံဆေးခန်းကို ချက်ချင်းပြဖို့ လိုအပ်ပါတယ်။

---

⏰ **ဘယ်လောက်ကြာရင် လက္ခဏာပေါ်လဲ?**

ပိုးဝင်ပြီး
🕐 ၁၂ နာရီကနေ ၅ ရက်အတွင်း
လက္ခဏာပေါ်လာနိုင်ပါတယ်။

---

🧃 **အရေးကြီးဆုံးကုသမှုက ဘာလဲ?**

💧 “ရေဓာတ်ပြန်ဖြည့်တာ” ပါ။

ဟုတ်ပါတယ်…
ဒီရောဂါကို အနိုင်ယူဖို့ အလိုအပ်ဆုံး က
🦸‍♂️ ORS (ဓာတ်ဆားရည်) ပါ။

ORS က
ဝမ်းလျှောလို့ ဆုံးရှုံးသွားတဲ့
ရေ + ဆားဓာတ် + သတ္တုဓာတ်တွေကို ပြန်ဖြည့်ပေးပါတယ်။

👉 ကော်လရာသံသယရှိရင်
“ဆေးရုံရောက်မှ သောက်မယ်” လို့မစောင့်ပါနဲ့။
ORS ဓာတ်ဆားရည်ကို ချက်ချင်းစသောက်ပါ။

ပြင်းထန်တဲ့လူနာတွေမှာတော့
💉 သွေးကြောထဲကနေ ဆေးရည် drip ပုလင်းချိတ်ပေးရနိုင်ပါတယ်။ တချို့လူနာတွေဆို တစ်ရက်တည်းတင် ပုလင်းကြီး အလုံး ၃၀ လောက် ချိတ်ရတာ မြင်ဖူးလို့ ဘယ်လောက်ပြင်းထန်လဲဆိုတာ မှန်းကြည့်နိုင်ပါတယ်။

တချို့အခြေအနေတွေမှာ
💊 ပဋိဇီဝဆေး (antibiotics) တွေလည်း သုံးရနိုင်ပါတယ်။

အချိန်မီကုသရင်
✅ လူနာ 99% ကျော် အသက်ရှင်နိုင်ပါတယ်။

---

🚫 **ဘာတွေ မသောက်သင့်လဲ?**

ဝမ်းလျှောနေချိန်မှာ
🥤 soft drink
🧃 juice အချိုများတာ
⚡ energy drink
တွေ မသောက်သင့်ပါဘူး။

သကြားဓာတ်များလွန်းရင် လက္ခဏာတွေ ပိုဆိုးနိုင်ပါတယ်။

---

🛡️ **ကာကွယ်နည်းများ**

ကော်လရာ ကာလဝမ်း ရောဂါက “ကြောက်စရာ” ဖြစ်ပေမယ့်
ကာကွယ်လို့ရတဲ့ ရောဂါပါ 💪

✅ လက်ကို ဆပ်ပြာနဲ့ဆေးပါ
✅ ရေကို ကျိုသောက်ပါ
✅ မသန့်တဲ့ရေခဲ ရှောင်ပါ
✅ အစာကို သေချာချက်ပြုတ်စားပါ
✅ အိမ်သာသုံးပြီးတိုင်း လက်ဆေးပါ
✅ ဝမ်းလျှောရင် ရေဓာတ်ပြန်ဖြည့်ပါ

WHO ကမ္ဘာ့ကျန်းမာရေးအဖွဲ့အစည်းကြီးက ပြောသလို
သန့်ရှင်းတဲ့ရေ + သန့်ရှင်းတဲ့အိမ်သာ + လက်ဆေးခြင်း
က ကော်လရာကာကွယ်ဖို့ အရေးကြီးဆုံးအချက်တွေပါ။

---

Cholera ကာလဝမ်းရောဂါနဲ့ ပတ်သက်တဲ့ သိချင်တာတွေ ရှိရင်လည်း ဆေးခန်း page ကို စာပို့ပြီး အခမဲ့ မေးမြန်းနိုင်ပါတယ်။

အားလုံး ကျန်းမာချမ်းသာ ကာလဝမ်းဘေးကင်းကြပါစေ။

Dr. Hay Mun Min Lwin Oo
M.B.,B.S (Ygn) MRCP (UK)

04/05/2026

💉😷ရာသီတုပ်ကွေးကာကွယ်ဆေး (Flu Vaccine) ထိုးနှံနိုင်ပါပြီ
မိုးရာသီအဝင်မှာ အဖြစ်များတဲ့ ရာသီတုပ်ကွေးရောဂါကြောင့် ဝေဒနာမခံစားရအောင် ကာကွယ်ဆေး ကြိုတင်ထိုးနှံထားကြဖို့ တိုက်တွန်းပါရစေ။

👨‍⚕️👩‍⚕️ဘာကြောင့် ကာကွယ်ဆေးထိုးသင့်တာလဲ?
👉တုပ်ကွေးရောဂါကြောင့် ပြင်းထန်စွာ ဖျားနာခြင်းကို လျှော့ချပေးနိုင်ခြင်း။
👉နောက်ဆက်တွဲဆိုးကျိုးများမှ ကာကွယ်ပေးခြင်း။
👉မိသားစုနှင့် ပတ်ဝန်းကျင်သို့ ရောဂါကူးစက်မှုကို ဟန့်တားပေးနိုင်ခြင်း။
💙 အထူးသဖြင့် ကလေးငယ်များ၊ သက်ကြီးရွယ်အိုများနှင့် ကိုယ်ခံအားနည်းသူများအနေဖြင့် နှစ်စဉ် ကြိုတင်ထိုးနှံထားရန် အထူးလိုအပ်ပါသည်။
# # # 📅 Booking ရယူရန်
ဆေးပမာဏ ကန့်သတ်ချက်ရှိသည့်အတွက် စိတ်ချရစေရန် ဖုန်းဖြင့်ဖြစ်စေ၊ Messenger or Viber မှတစ်ဆင့်ဖြစ်စေ **Booking ကြိုတင်ရယူပေးပါရန်** မေတ္တာရပ်ခံအပ်ပါသည်။
📞ဆက်သွယ်ရန် Ph- 09 956 363 771

📍ဆေးခန်းလိပ်စာ - အမှတ် 709၊ ဗိုလ်တေဇလမ်း၊ ၁၀မိုင် မှတ်တိုင်အနီး၊ အင်းစိန်မြို့နယ်
**ကျန်းမာပျော်ရွှင်သော နေ့ရက်များကို ပိုင်ဆိုင်နိုင်ကြပါစေ။**

12/04/2026

💙 မဟာင်္ကြန်ကာလအတွင်း ဆေးခန်းခေတ္တပိတ်ထားပြီး မြန်မာနှစ်ဆန်း ၁ရက်နေ့တွင် ပုံမှန်အတိုင်း ဆေးခန်းပြန်ဖွင့်ပါမည်

💙 နှစ်သစ်အခါသမယမှစ၍ ကျန်းမာပျော်ရွှင်ပါစေကြောင်း ဆုမွန်ကောင်းတောင်းအပ်ပါသည် 👩‍⚕️👨‍⚕️

12/04/2026

အပူရှပ်ခြင်း (Heat stroke) သည် အလွန်အန္တရာယ်ရှိသော အပူကြောင့် ဖြစ်ပေါ်သည့် ရောဂါတစ်မျိုးဖြစ်ပြီး ခန္ဓာကိုယ်အပူချိန်ကို ထိန်းညှိနိုင်ခြင်း မရှိတော့သည့်အခါ ဖြစ်တတ်ပါတယ်။ အချိန်မီ ကုသမှုမရရှိပါက အသက်အန္တရာယ်ရှိနိုင်ပါတယ်။

⸻

🔥 အပူရှပ်ခြင်း ဖြစ်ရခြင်းအကြောင်းများ
• အပူချိန်မြင့်မားသော နေရာများတွင် ကြာရှည်နေခြင်း
• နေရောင်ပြင်းထန်စွာ ထိတွေ့ခြင်း
• ရေလုံလောက်စွာ မသောက်သုံးခြင်း (Dehydration)
• ခန္ဓာကိုယ်အားစိုက်အားထုတ်မှုများ (ဥပမာ - လေ့ကျင့်ခန်း၊ အလုပ်ပြင်းထန်ခြင်း)
• လေဝင်လေထွက်မကောင်းသော နေရာများတွင် နေထိုင်ခြင်း

⸻

⚠️ လက္ခဏာများ
• ကိုယ်အပူချိန် ၄၀°C (104°F) ကျော်တက်ခြင်း
• ခေါင်းမူးခြင်း၊ မူးဝေခြင်း
• နှလုံးခုန်မြန်ခြင်း
• အသက်ရှူမြန်ခြင်း
• အရေပြား ပူ၍ ခြောက်ခြင်း (ချွေးမထွက်နိုင်ခြင်း)
• မောပန်းခြင်း၊ အားလျော့ခြင်း
• မိမိကိုယ်ကို မထိန်းနိုင်ခြင်း၊ စိတ်ရှုပ်ထွေးခြင်း
• သတိလစ်ခြင်း

⸻

🚑 ပထမဦးဆုံး ကူညီနည်း (First Aid)
• လူနာကို အေးမြသောနေရာသို့ ချက်ချင်းရွှေ့ပါ
• အဝတ်အစားများကို လျော့ချပါ
• ရေဖြင့် ကိုယ်ကို ပွတ်သပ်ပါ သို့မဟုတ် ရေစိုအဝတ်ဖြင့် ဖုံးအုပ်ပါ
• ပန်ကာဖြင့် လေတိုက်ပေးပါ
• သတိရှိပါက ရေအေး သို့မဟုတ် electrolyte ပါသော အရည်များ သောက်ပေးပါ
• အရေးပေါ် ဆေးရုံသို့ ချက်ချင်း ပို့ဆောင်ပါ

⸻

🛡️ ကာကွယ်နည်းများ
• ရေများများ သောက်ပါ (နေ့စဉ် အနည်းဆုံး ၂-၃ လီတာ)
• နေရောင်ပြင်းချိန် (နေ့လယ် ၁၁ နာရီမှ ၃ နာရီ) တွင် အပြင်မထွက်ပါနှင့်
• အလွန်ပူသောနေ့များတွင် ပေါ့ပါးသောချည်ထည်အဝတ်များ ဝတ်ဆင်ပါ
• လေဝင်လေထွက်ကောင်းသော နေရာတွင် နေထိုင်ပါ

⸻

❗ သတိပြုရန်

အပူရှပ်ခြင်းသည် လျင်မြန်စွာ ဆိုးရွားနိုင်သောကြောင့် လက္ခဏာများ တွေ့ရှိပါက ချက်ချင်း ဆေးဘက်ဆိုင်ရာ အကူအညီ ရယူရန် အရေးကြီးပါသည်။

⸻

26/03/2026

☀️ နွေပူပူမှာ ဆီတန်းစီရင်း "အပူမရှပ်" ဖို့ ဘယ်လိုဂရုစိုက်မလဲ
ဒီရက်ပိုင်း ရာသီဥတုကတော့ သိတဲ့အတိုင်းပါပဲ။ အပြင်ထွက်လိုက်တာနဲ့ ငရဲပြည်ရောက်သွားတာလားအောက်မေ့ရတယ် (ပူတာပြောတာပါ!)။ ဒီကြားထဲ မိမိတို့ရဲ့ ချစ်လှစွာသော ကားလေး၊ ဆိုင်ကယ်လေးတွေအတွက် ဆီဆိုင်မှာ အချိန်အကြာကြီး တန်းစီနေရတာက တကယ့်ကို စိန်ခေါ်မှုတစ်ခုပါပဲ။
ဆီရဖို့အရေး တန်းစီရင်း အပူရှပ်ခြင်း (Heat Stroke) ဆိုတဲ့ ရန်သူတော်ကြီးကိုလည်း သတိထားဖို့ လိုပါတယ်နော်။ ဆီဖြည့်ဖို့စောင့်ရင်း လူပါ အပူလွန်ပြီး အားကုန် မသွားရအောင် အောက်ပါအချက်လေးတွေကို ဖတ်ကြည့်လိုက်ပါဦး။

🌡️ ၁။ "လူက မူမမှန်တော့ဘူးလား" (အပူရှပ်ခြင်း လက္ခဏာများ) 🥵🥵🥵
တန်းစီနေတုန်း အောက်ပါအတိုင်း ခံစားလာရရင်တော့ ဆီကိစ္စ ခဏထားပြီး အရိပ်ထဲ အရင်ပြေးပါတော့-
* ကိုယ်အပူချိန်တွေ အရမ်းတက်လာမယ် (ဖျားတာမဟုတ်ဘဲ အပြင်အပူကြောင့် ပူလာတာပါ)။
* အသားတွေ နီရဲလာမယ်၊ ချွေးတွေလည်း တောက်တောက်စက်စက် ထွက်လာမယ် (ဒါမှမဟုတ် လုံးဝကို မထွက်တော့ဘဲ ခြောက်ကပ်နေမယ်)။
* ခေါင်းထဲမှာ မူးနောက်နောက် ဖြစ်လာမယ်၊ အမြင်အာရုံတွေ ဝေဝါးလာမယ်။
* ရင်ဘတ်ထဲက "တဒိတ်ဒိတ်" နဲ့ နှလုံးခုန်တာ မြန်လာမယ် (Crush နဲ့ တွေ့လို့ ခုန်တာမဟုတ်ရင် သတိထားပါ!)။
* စိတ်ထဲမှာ ဂယောင်ဂတမ်း ဖြစ်လာတာ၊ သတိလစ်ချင်သလို ဖြစ်တာ။

✅ ၂။ "မဖြစ်ခင်က ကြိုတင်ကာကွယ်" (လိုက်နာရန် အချက်များ) ⚠️⚠️⚠️
အပူဒဏ်ကို အလဲထိုးဖို့ ဒါတွေ ပြင်ထားပါ-
* ရေများများသောက်ပါ: ရေငတ်မှ သောက်တာထက် မငတ်ခင်ကတည်းက ကြိုသောက်ထားတာက ပိုကောင်းပါတယ်။ (ရေဗူးကို ဖက်ထားလိုက်ပါ)။
* ဖက်ရှင်ထက် ကျန်းမာရေးအတွက် အပြင်သွားရင် ထီး၊ ဦးထုပ်၊ နေကာမျက်မှန်တို့ကို "မပါမဖြစ်" ဆောင်သွားပါ။
* အဝတ်အစား: အသားချောင်ချောင်၊ အရောင်ဖျော့ဖျော့လေးတွေ ဝတ်ပါ။ (အနက်ရောင်ဝတ်ရင် နေပူကို ပိုစုပ်ယူလို့ လူက "ကင်" ထားသလို ဖြစ်နေပါလိမ့်မယ်)။
* အရိပ်ကို ခိုလှုံပါ: မိမိအလှည့်မရောက်သေးရင် ကား/ဆိုင်ကယ်ကိုသာ အစဉ်အတိုင်း ထားခဲ့ပြီး လူကတော့ နီးစပ်ရာ အရိပ်အောက်မှာ ခဏနားနေပါ။

🚫 ၃။ "ဒါတွေတော့ လုံးဝမလုပ်နဲ့နော်" (ရှောင်ကြဉ်ရန် အချက်များ) 🙅🙅🙅

* နေပူထဲ အကြာကြီး မရပ်ပါနဲ့: "ငါ့အလှည့်ရောက်တော့မှာပါ" ဆိုပြီး ဇွဲကောင်းပြပြီး နေပူထဲ အံကြိတ်မစောင့်ပါနဲ့။
* ကော်ဖီနဲ့ အရက် ရှောင်ပါ: အပူထဲမှာ ဒါတွေသောက်ရင် ခန္ဓာကိုယ်ထဲက ရေဓာတ်ကို ပိုခမ်းခြောက်စေလို့ "နွမ်း" သွားတတ်ပါတယ်။
* ကလေးနဲ့ အိမ်မွေးတိရစ္ဆာန်: ကားထဲမှာ သူတို့ကိုထားခဲ့ပြီး ဆီတန်းစီတာ၊ ခဏထွက်သွားတာမျိုး လုံးဝ (လုံးဝ) မလုပ်ပါနဲ့။ ပိတ်ထားတဲ့ကားထဲက အပူချိန်က မိနစ်ပိုင်းအတွင်းမှာတင် အသက်အန္တရာယ်ဖြစ်စေနိုင်လောက်အောင် မြင့်တက်နိုင်လို့ပါ။

ဆီတန်းစီရင်း အပူဒဏ်ကြောင့် စိတ်တို၊ လူပင်ပန်းတာမျိုး မဖြစ်ရအောင် အားလုံးပဲ သတိထားပြီး ဂရုစိုက်ကြပါလို့ တိုက်တွန်းချင်ပါတယ်။ အားလုံးပဲ ဘေးကင်းကင်းနဲ့ ဆီဖြည့်နိုင်ကြပါစေ။
ဒီအချက်လေးတွေကို ကိုယ့်ရဲ့ သူငယ်ချင်းတွေ၊ မိသားစုဝင်တွေဆီလည်း Share ပေးပြီး အပူဒဏ်ကနေ အတူတူကာကွယ်ကြရအောင်🧑‍⚕️

17/03/2026

အခုကာလမှာ ဆေးတွေဝယ်ရခက်လို့ စိတ်ညစ်နေရပြီလား??? 😓😓
🏥👨‍⚕️👩‍⚕️သုခဦး ဆေးဆိုင်မှာ ဒီလို services တွေရရှိနိုင်ပါတယ် 👇👇👇
💊ဝယ်ရခက်သော ဆေးများကိုရှာဝယ်ပေးခြင်း
💊လစဉ်ဆေးစွဲသောက်‌‌နေရသောလူနာများအတွက် ဆေးများကို တစ်လစာစီစဉ်‌ပေးခြင်း
💊ဈေးကွက်ထဲမှာ ပစ္စည်းပြတ်‌နေတဲ့‌ ဆေးတွေအတွက် ဆရာဝန်‌တွေကိုယ်တိုင် အာနိသင်တူဆေး‌တွေကို ညွှန်ကြားပေးခြင်း‌ကြောင့် ယုံကြည်စိတ်ချစွာနဲ့ ဝယ်ယူ‌‌နိုင်ခြင်း

💌 ☎️အသေးစိတ် သိဖို့အတွက် page messenger or viber 09-956 363 771 ကိုဆက်သွယ်လိုက်ပါ

13/03/2026

Hello! မင်္ဂလာပါ။
Dr. Hay Mun ပါ။
ကျွန်တော်တို့ ဆေးခန်းလေးကို "10 Miles Clinic ၁၀မိုင် အထွေထွေရောဂါကု ဆေးခန်း" မှ "သုခဦး ‌အထွေထွေရောဂါကု ဆေးခန်း နှင့် ဆေးဆိုင်" အဖြစ် ဆေးဆိုင်လေးပါ ထည့်ပြီးနာမည်ပြောင်း ဖွင့်လှစ်ထားပါတယ်။

ရရှိနိုင်တဲ့ Services တွေအများကြီးထပ်တိုးဖို့ ရှိလို့ ဒီ post လေးကို like and share လုပ်ပြီး သူများတွေကို အသိပေးပေးပါဦးနော်။

ဆေးပညာ နဲ့ပါတ်သတ်တဲ့ ပညာပေး contents ဆောင်း‌ပါးလေးတွေကိုလဲ ဆရာ၀န် အငယ်တွေ အတွက်ရော လူနာတွေအတွက်ရော ပုံမှန်ရေးတင်သွားဖို့ရှိပါတယ်။

If you have visited my clinic before, please feel free to like, share, follow and leave an honest review on the clinic page. (whether positive or negative, it's ok)

With warm regards,

Dr. Hay Mun Min Lwin Oo
M.B.,B.S (YGN) MRCP (UK)

11/03/2023

10 Miles Clinic တွင်ရရှိနိုင်သော ဝန်ဆောင်မှုများ
✅ ဆရာဝန်များမှ စမ်းသပ်စစ်ဆေးပြီး လိုအပ်သောဆေးကုသမှုများပေးခြင်း။
✅ အထူးကုဆရာဝန်များမှ ဆေးခန်းသို့ oncall လာရောက်ကြည့်ရှုပေးခြင်း/ အထူးကုဆရာဝန်များကို ဖုန်းဖြင့်ဆက်သွယ်၍ လူနာအားကုသပေးခြင်း။
✅ အရေးပေါ်လူနာများအား အရေးပေါ်ဆေးကုသမှုပေးခြင်းနှင့် သင့်တော်သောဆေးရုံသို့လွှဲပြောင်းပေးခြင်း။
✅ အိမ်ပင့်ဆေးကုသမှုပေးခြင်း။
✅ ဓာတ်ခွဲခန်းဝန်ဆောင်မှု ပေးခြင်း။ (သွေး၊ ဝမ်း၊ ဆီး၊ သလိပ် စစ်ဆေးခြင်း)။
✅ Online Electronic Medical Records (EMR) system ဖြင့် လူနာမှတ်တမ်းများကိုသိမ်းဆည်းပေးခြင်း။
✅ ၃လခံသ‌န္ဓေတားဆေး၊ မေးခိုင်ရောဂါကာကွယ်ဆေး၊ ခွေးရူးပြန်ရောဂါကာကွယ်ဆေး၊ ရာသီတုပ်ကွေးကာကွယ်ဆေး၊ အသည်းရောင်အသားဝါဘီပိုးကာကွယ်ဆေး၊ အခြားကာကွယ်ဆေးများထိုးပေးခြင်း။
✅ အိမ်အရောက် ECG, X-ray ဓာတ်မှန် နှင့် Ultrasound ဝန်ဆောင်မှုများအတွက်စီစဉ်ပေးခြင်း။
✅ အစာပိုက်၊ ဆီးပိုက် ထည့်ခြင်း၊ လဲလှယ်ပေးခြင်း၊ အနာဆေးထည့်ခြင်း၊ အသေးစားခွဲစိတ်မှုများ လုပ်ဆောင်ပေးခြင်း။

✅ Covid-19 ရောဂါအတွက် အိမ်တိုင်ရာရောက်သွေးစစ်ဆေးမှုများပြုလုပ်ပေးခြင်း၊ လိုအပ်သော ဆေးကုသမှုများပေးခြင်းနှင့် ကာကွယ်ဆေးထိုးရန်စီစဉ်ပေးခြင်း

စသည့် ၀န်ဆောင်မှုများကိုရရှိနိုင်ပါသည်။

လိပ်စာ။ ။ အမှတ် ၇၀၉၊ ဗိုလ်တေဇလမ်း၊ နီလာဒန်ပေါက်ဆိုင်ဘေး၊ ၁၀မိုင်ကုန်း။ (5 mins drive from Yangon International Airport)

☎️ အသေးစိတ်သိလိုပါက 09 95 6363 771 ကိုဆက်သွယ်မေးမြန်းနိုင်ပါသည်။

24/01/2023

10 Miles Clinic တွင်ရရှိနိုင်သော ဝန်ဆောင်မှုများ
✅ ဆရာဝန်များမှ စမ်းသပ်စစ်ဆေးပြီး လိုအပ်သောဆေးကုသမှုများပေးခြင်း။
✅ အထူးကုဆရာဝန်များမှ ဆေးခန်းသို့ oncall လာရောက်ကြည့်ရှုပေးခြင်း/ အထူးကုဆရာဝန်များကို ဖုန်းဖြင့်ဆက်သွယ်၍ လူနာအားကုသပေးခြင်း။
✅ အရေးပေါ်လူနာများအား အရေးပေါ်ဆေးကုသမှုပေးခြင်းနှင့် သင့်တော်သောဆေးရုံသို့လွှဲပြောင်းပေးခြင်း။
✅ အိမ်ပင့်ဆေးကုသမှုပေးခြင်း။
✅ ဓာတ်ခွဲခန်းဝန်ဆောင်မှု ပေးခြင်း။ (သွေး၊ ဝမ်း၊ ဆီး၊ သလိပ် စစ်ဆေးခြင်း)။
✅ Online Electronic Medical Records (EMR) system ဖြင့် လူနာမှတ်တမ်းများကိုသိမ်းဆည်းပေးခြင်း။
✅ ၃လခံသ‌န္ဓေတားဆေး၊ မေးခိုင်ရောဂါကာကွယ်ဆေး၊ ခွေးရူးပြန်ရောဂါကာကွယ်ဆေး၊ ရာသီတုပ်ကွေးကာကွယ်ဆေး၊ အသည်းရောင်အသားဝါဘီပိုးကာကွယ်ဆေး၊ အခြားကာကွယ်ဆေးများထိုးပေးခြင်း။
✅ အိမ်အရောက် ECG, X-ray ဓာတ်မှန် နှင့် Ultrasound ဝန်ဆောင်မှုများအတွက်စီစဉ်ပေးခြင်း။
✅ အစာပိုက်၊ ဆီးပိုက် ထည့်ခြင်း၊ လဲလှယ်ပေးခြင်း၊ အနာဆေးထည့်ခြင်း၊ အသေးစားခွဲစိတ်မှုများ လုပ်ဆောင်ပေးခြင်း။

✅ Covid-19 ရောဂါအတွက် အိမ်တိုင်ရာရောက်သွေးစစ်ဆေးမှုများပြုလုပ်ပေးခြင်း၊ လိုအပ်သော ဆေးကုသမှုများပေးခြင်းနှင့် ကာကွယ်ဆေးထိုးရန်စီစဉ်ပေးခြင်း

စသည့် ၀န်ဆောင်မှုများကိုရရှိနိုင်ပါသည်။

လိပ်စာ။ ။ အမှတ် ၇၀၉၊ ဗိုလ်တေဇလမ်း၊ နီလာဒန်ပေါက်ဆိုင်ဘေး၊ ၁၀မိုင်ကုန်း။

☎️ အသေးစိတ်သိလိုပါက 09 95 6363 771 ကိုဆက်သွယ်မေးမြန်းနိုင်ပါသည်။

12/09/2022

Contact us for more details 📞📞

Covid 19 medications including Remdesivir, Molnupiravir and Favipiravir are available with reasonable price at the clinic now!! Call us for more details ☎