19/04/2026
https://www.facebook.com/share/p/1KReyuNXiv/
“ငါ့ဆွေမျိုးအရင်းပဲ၊ ငါ့သွေးပဲ လှူမှာပေါ့” ဆိုတဲ့ စိတ်စေတနာဟာ တခါတလေမှာ လူနာအတွက် အန္တရာယ်အကြီးကြီး ဖြစ်သွားနိုင်တယ်ဆိုတာ သင်သိပါသလား။ 💔
သွေးလိုနေတဲ့ မိသားစုဝင်တစ်ယောက်အတွက် မိမိသွေးကို လှူချင်ကြတာ သဘာဝပါ။ ဒါပေမဲ့ ဆေးပညာအရ ဆွေမျိုးအချင်းချင်း တိုက်ရိုက်သွေးသွင်းတာကို သတိထားဖို့ လိုပါလိမ့်မယ်။
ဘာကြောင့်လဲဆိုတော့ Transfusion-associated graft-versus-host disease (TA-GVHD) ဆိုတဲ့ ကြောက်စရာကောင်းတဲ့ အခြေအနေကြောင့်ပါ။
🚨 ဒါကို ဘာလို့ ကြောက်ရတာလဲ?
အဖြစ်မများပေမယ့် ဖြစ်လာရင် သေဆုံးနိုင်ခြေ ၉၀% ကျော် ရှိပါတယ်။ (၁၀ ယောက်မှာ ၉ ယောက် အသက်ဆုံးရှုံးနိုင်ပါတယ်)။
🗣️ “အရင်က လှူဖူးတယ်၊ ဘာမှမဖြစ်ဘူး”
အမြဲတမ်းမဖြစ်တာ မှန်ပါတယ်။ ဒါပေမဲ့ ဖြစ်လာခဲ့ရင် ကုသဖို့ အရမ်းခက်ခဲပြီး အသက်အန္တရာယ် ရှိပါတယ်။ ဒီစွန့်စားမှုမျိုးကို မယူသင့်ပါဘူး။
💡 ဘာကြောင့် ဆွေမျိုးအချင်းချင်းဆို ပိုဖြစ်ရတာလဲ? (Trojan Horse မြင်းရုပ်ကြီးလိုပဲ)
စစ်တပ်အချင်းချင်း: သွေးလှူတဲ့အခါ အလှူရှင်ရဲ့ သွေးဖြူဥ (တိုက်ခိုက်ရေးတပ်စိပ်) တွေဟာ လူနာဆီ ရောက်သွားပါတယ်။ ပုံမှန်ဆိုရင် လူနာရဲ့ သွေးဖြူဥတပ်မကြီးက အပြင်ကလာတဲ့တပ်စိပ်ကို ရှင်းပစ်ပါတယ်။
အမှတ်မှားခြင်း: ဆွေမျိုးအရင်းအချာ (မိဘ၊ သားသမီး၊ ညီအစ်ကိုမောင်နှမ) ဖြစ်တဲ့အခါ သွေးဖြူဥတွေက ပုံစံတူနေတတ်ပါတယ်။ လူနာရဲ့ ခန္ဓာကိုယ်က ဝင်လာတဲ့ သွေးဖြူဥတွေကို “ငါ့လူတွေပဲ” ဆိုပြီး အမှတ်မှားပြီး မတိုက်ခိုက်ဘဲ ထားမိပါတယ်။
အတွင်းကဖျက်ဆီးခြင်း: Trojan Horse မြင်းရုပ်ကြီးလိုပဲ၊ ဖျက်ဆီးမခံရတဲ့ အလှူရှင်သွေးဖြူဥတွေက လူနာရဲ့ ရိုးတွင်းခြင်ဆီနဲ့ အသည်းတွေကို အတွင်းကနေ လှိုက်စားဖျက်ဆီးပစ်ပါတော့တယ်။
🤢 လက္ခဏာများ (သွေးသွင်းပြီး ၂ ပတ်ဝန်းကျင်):
ပြင်းထန်စွာ ဖျက်ဆီးခံရတဲ့အတွက် ဖျားခြင်း၊ အရေပြားအနီစက်များထွက်ခြင်း၊ ဝမ်းလျှောခြင်း၊ ပျို့အန်ခြင်း၊ ဗိုက်အောင့်ခြင်း၊ အသားဝါခြင်းတို့ ဖြစ်လာပြီး ခန္ဓာကိုယ်က ကိုယ်ခံအားမထုတ်နိုင်တော့ဘဲ ပိုးဝင်ကာ အသက်ဘေးကြုံရတတ်ပါတယ်။
✅ ဘာလုပ်ရမလဲ?
မိသားစုဝင်အတွက် သွေးလိုလျှင် ဆွေမျိုးမတော်စပ်သည့် ပြင်ပအလှူရှင်ကိုသာ ရှာဖွေပါ။
တကယ့် အရေးပေါ်အသက်ကယ်ရမယ့် အခြေအနေမျိုးမှာ Risk vs Benefit ကို ချိန်ဆပြီး ဆရာဝန်တွေက ဆုံးဖြတ်ပါလိမ့်မယ်။ ဆေးပညာရှင်တွေရဲ့ လမ်းညွှန်မှုကို ယုံကြည်စိတ်ချစွာ လိုက်နာပါ။
မိမိချစ်ခင်ရသူကို တကယ်ကာကွယ်ချင်ရင် ဒီအချက်ကို သတိပြုကြပါစို့။ 🙏
