Aung Zeyar Specialist Clinic

Aung Zeyar Specialist Clinic လူတိုင်းအတွက် အကောင်းဆုံးသော ကျန်းမာရေး စောင့်ရှောက်မှုများကို မိတ်ဆွေများ စိတ်တိုင်းကျ ဆောင်ရွက်ပေးနေပါသည်

မြတ်ဗုဒ္ဓ၏ တရားအလင်းဖြင့် စိတ်နှလုံးအေးချမ်းကြရမည့် ဝါဆိုလပြည့်နေ့ ဓမ္မစကြာနေ့မြတ်တွင် မိဘပြည်သူများအားလုံး ရောဂါဘယများက...
29/07/2026

မြတ်ဗုဒ္ဓ၏ တရားအလင်းဖြင့် စိတ်နှလုံးအေးချမ်းကြရမည့် ဝါဆိုလပြည့်နေ့ ဓမ္မစကြာနေ့မြတ်တွင် မိဘပြည်သူများအားလုံး ရောဂါဘယများကင်းဝေးပြီး ကိုယ်စိတ်နှစ်ဖြာကျန်းမာချမ်းသာကြပါစေကြောင်း အောင်ဇေယျာမိသားစုမှ ဆုမွန်ကောင်းတောင်းလိုက်ပါတယ်ရှင်...

💻 ရုံးခန်းထဲမှာ အထိုင်များတဲ့သူတွေနဲ့ ဖုန်းမျက်နှာပြင်ကို နာရီပေါင်းများစွာ စိုက်ကြည့်နေမိတဲ့သူတွေ "ဇက်ကြောတက်တာ၊ ပခုံးန...
09/07/2026

💻 ရုံးခန်းထဲမှာ အထိုင်များတဲ့သူတွေနဲ့ ဖုန်းမျက်နှာပြင်ကို နာရီပေါင်းများစွာ စိုက်ကြည့်နေမိတဲ့သူတွေ "ဇက်ကြောတက်တာ၊ ပခုံးနာတာ" ကို သာမန်ညောင်းညာတာပဲဆိုပြီး ပစ်ထားမိနေသလား?

"အလုပ်လုပ်ရင်း၊ ဖုန်းသုံးရင်း ခေါင်းလေးနည်းနည်းငုံ့လိုက်ရုံတင်မလား" လို့ ထင်ရပေမယ့် တကယ်တော့ ကျွန်တော်တို့ ခေါင်းကို ၁၅ ဒီဂရီလောက် ငုံ့လိုက်တိုင်း လည်ပင်းကြွက်သားတွေပေါ်ကို အလေးချိန် ၂၇ ပေါင်လောက်အထိ ဖိအားပိုသက်ရောက်သွားစေပါတယ်။

ဒါကို ဆေးပညာအရ "Text Neck Syndrome" (သို့မဟုတ်) "Office Syndrome" ရဲ့ အစပျိုးလက္ခဏာတွေလို့ ခေါ်ပါတယ်။ အစပိုင်းမှာ ဇက်ကြောတက်ရုံ၊ ညောင်းရုံပဲဆိုပေမယ့် ရေရှည်မှာ အရိုးနုပြားကျွံတာ၊ အာရုံကြောညှပ်တာနဲ့ လက်မောင်းတွေအထိ ထုံကျင်ကိုက်ခဲလာတဲ့အထိ ဆိုးရွားသွားနိုင်ပါတယ်။

ဒါကြောင့် အခုကတည်းက သတိထားပြီး မိမိရဲ့ နေထိုင်မှုပုံစံ (Posture) ကို ပြင်ဆင်ဖို့ လိုအပ်နေပါပြီ။ နေ့စဉ်အလုပ်လုပ်ရင်း ကြွက်သားတွေ တောင့်တင်းမနေစေဖို့ အောင်ဇေယျာဆေးခန်းကနေ ရိုးရှင်းတဲ့ အကြောလျှော့နည်းလေးတွေကို မျှဝေပေးလိုက်ပါတယ်နော်။ 👇

လွယ်လွယ်ကူကူ အကြောလျော့လို့ရတဲ့ အကြောလျှော့နည်း လေ့ကျင့်ခန်းများ.

1. Neck Stretch : ခေါင်းကို မတ်မတ်ထားပြီး ညာဘက်နားရွက်ကို ညာဘက်ပခုံးဆီသို့ ဖြည်းဖြည်းချင်း စောင်းပေးပါ။ (၅ စက္ကန့်ထိန်းထားပြီး ဘယ်ဘက်ကို အလားတူပြောင်းလုပ်ပါ)

2. Shoulder Roll : ပခုံးနှစ်ဖက်ကို အနောက်ဘက်သို့ ဝိုင်းဝိုင်းလေး ၅ ကြိမ်၊ ပြီးလျှင် အရှေ့ဘက်သို့ ၅ ကြိမ် ဖြည်းဖြည်းချင်း လှည့်ပေးပါ။

3. Chin Tuck : ခေါင်းကို ရှေ့သို့ မထွက်စေဘဲ မေးစေ့ကို အနောက်ဘက် (လည်ပင်းဆီသို့) ဖြည်းဖြည်းချင်း တွန်းသွင်းပြီး ၅ စက္ကန့်လောက် အထိန်းထားပေးပါ။

ပြင်းထန်တဲ့ နာကျင်ကိုက်ခဲမှုတွေဟာ နေ့စဉ်ဘဝရဲ့ တက်ကြွမှုတွေကို အတားအဆီး မဖြစ်ပါစေနဲ့။ ဇက်၊ ပခုံးနဲ့ ခါးနာကျင်မှုတွေက ရက်သတ္တပတ်တော်တော်ကြာတဲ့အထိ မသက်သာဘူးဆိုရင်တော့ အောင်ဇေယျာဆေးခန်း (Aung Zeyar Clinic) က အရိုးအကြောရောဂါအထူးကု ဆရာဝန်ကြီးများနှင့် လူကိုယ်တိုင် လာရောက်ပြသကာ တိကျတဲ့ ကုသမှုခံယူဖို့ တိုက်တွန်းပါရစေခင်ဗျာ။

📩 အထူးကုဆရာဝန်ကြီးများ ပြသနိုင်မယ့်ရက်နှင့် အသေးစိတ်သိရှိလိုပါက Page Messenger သို့မဟုတ် အောက်ပါဖုန်းနံပါတ်များမှတစ်ဆင့် ဆက်သွယ်စုံစမ်းနိုင်ပါသည်။

"မိသားစုအားလုံးရဲ့ ကျန်းမာရေးကို စောင့်ရှောက်ပေးမှာ အောင်ဇေယျာ"

⏰ ဖွင့်လှစ်ချိန်: ပိတ်ရက်မရှိ (နံနက် ၈ နာရီ မှ ည ၇ နာရီအထိ)
📍 လိပ်စာ: S/44၊ ရွှေသရဖီရိပ်မွန်၊ ဘုရင့်နောင်လမ်းမကြီး၊ ရေကြောင်းသိပ္ပံအနီး၊ ကမာရွတ်မြို့နယ်၊ ရန်ကုန်မြို့။

📞 အသေးစိတ်စုံစမ်းရန်နှင့် Booking ရယူရန်: 09 5050819၊ 09 769900088

#အောင်ဇေယျာအထူးကုဆေးခန်း #အိမ်ပင့်ကုသမှု #မိုးရာသီကျန်းမာရေး #ကမာရွတ်ဆေးခန်း #ဇက်ကြောတက် #ဒူးနာ #ခါးနာ #ကာယကုထုံး #ရွာမကွေ့ #ကမာရွတ် #လိူင် #ရွှေအင်ကြင်း #ရေကြောင်းသိပ္ပံ

မိုးကလည်းသည်း၊ အလုပ်ကလည်းမအားလို့ မိဘတွေကို ဆေးခန်းလိုက်မပြနိုင်ရင်တောင်... သူတို့ကျန်းမာရေးအတွက် စိတ်အေးရအောင် မေတ္တာအပ...
18/06/2026

မိုးကလည်းသည်း၊ အလုပ်ကလည်းမအားလို့ မိဘတွေကို ဆေးခန်းလိုက်မပြနိုင်ရင်တောင်... သူတို့ကျန်းမာရေးအတွက် စိတ်အေးရအောင် မေတ္တာအပြည့်နဲ့ အိမ်တိုင်ရာရောက် လာခဲ့ပါမယ်။ 🌧️❤️

အခုလို မိုးသည်းသည်းမဲမဲ ရာသီမှာ အလုပ်ကိစ္စတွေ၊ စီးပွားရေးတွေကြောင့် အပြင်မှာ ရုန်းကန်နေရတဲ့ သားသမီးတိုင်းရဲ့ စိတ်ထဲမှာ အိမ်က မိဘ၊ အဘိုးအဘွားတွေ နေမကောင်းဖြစ်မှာကို အမြဲတမ်း စိုးရိမ်နေကြရတယ် မဟုတ်လား။

"မိုးထဲလေထဲ လမ်းပိတ်၊ ရေကြီးနေတာနဲ့ ဆေးခန်းခေါ်သွားဖို့ အဆင်ပြေပါ့မလား..."
"ငါလည်း အလုပ်ထဲက ခွင့်ယူဖို့ ခက်နေလို့ မိဘတွေကို ဆေးခန်းလိုက်မပြနိုင်သေးဘူး..."

ဒီလို စိုးရိမ်ပူပန်မှုတွေအားလုံးကို အောင်ဇေယျာ အထူးကုဆေးခန်း သို့ လွှဲအပ်လိုက်ပါ။ သင်ကိုယ်တိုင် အနားမှာ မရှိနိုင်တဲ့ အချိန်မျိုးမှာတောင် သင့်မိဘတွေရဲ့ ကျန်းမာရေးအတွက် ရာနှုန်းပြည့် စိတ်အေးသွားစေရပါမယ်။ 🩺✨

🏥 အောင်ဇေယျာဆေးခန်းရဲ့ "အိမ်တိုင်ရာရောက် (Home Visit) ကုသစောင့်ရှောက်မှု"
မိုးထဲလေထဲ ပင်ပန်းခံပြီး ဆေးခန်းအထိ လာစရာမလိုဘဲ အိမ်မှာပဲ နွေးနွေးထွေးထွေးနဲ့ ကုသမှုကို ခံယူနိုင်ပါပြီ။

✅ ဆရာဝန်ကိုယ်တိုင် အိမ်အထိ လာရောက်စမ်းသပ်ပေးခြင်း (သွေးပေါင်ချိန်၊ ဆီးချို စစ်ဆေးပေးခြင်းနှင့် ရောဂါရှာဖွေခြင်း)

✅ သက်ကြီးရွယ်အိုများနှင့် လှုပ်ရှားရခက်ခဲသော လူနာများအတွက် အထူးစောင့်ရှောက်မှု

✅ ဆေးပိုက် (NG Tube) လဲပေးခြင်း၊ အစာပိုက်လဲပေးခြင်းနှင့် ဆေးအညွှန်းများ သေချာရှင်းပြပေးခြင်း

✅ အထူးသန့်စင်ပြီး စိတ်ချရသော ဆေးပစ္စည်းကိရိယာများဖြင့်သာ ကုသပေးခြင်း

သားသမီးအရင်းတွေလိုပဲ ဂရုတစိုက်နဲ့ နွေးထွေးတဲ့ အပြုံး၊ ကျွမ်းကျင်တဲ့ ကုသမှုတွေပေးဖို့ အောင်ဇေယျာဆေးခန်းက အမြဲအဆင်သင့်ရှိနေပါတယ်နော်။

📞 အိမ်ပင့်ကုသမှု ကြိုတင် Booking ရယူရန်နှင့် အသေးစိတ်မေးမြန်းရန် -
Ph: 09-769900088, 09-5050819

📍 ဆေးခန်းလိပ်စာ -
Address: S/44, ရွှေသရဖီရိပ်မွန်၊ ရေကြောင်းသိပ္ပံရှေ့၊ ဘုရင့်နောင်လမ်းမကြီး၊ ကမာရွတ်မြို့နယ်၊ ရန်ကုန်မြို့။

#အောင်ဇေယျာအထူးကုဆေးခန်း #အိမ်ပင့်ကုသမှု #မိုးရာသီကျန်းမာရေး #ကမာရွတ်ဆေးခန်း

🌧️ မိုးရွာလို့ အေးမြပေမယ့်... မိုးရာသီမှာ အစားအသောက်နဲ့ ရေကတဆင့် အဖြစ်အများဆုံး "ဝမ်းပျက်ဝမ်းလျှောရောဂါ" ကို သတိပြုမိကြရ...
04/06/2026

🌧️ မိုးရွာလို့ အေးမြပေမယ့်... မိုးရာသီမှာ အစားအသောက်နဲ့ ရေကတဆင့် အဖြစ်အများဆုံး "ဝမ်းပျက်ဝမ်းလျှောရောဂါ" ကို သတိပြုမိကြရဲ့လား? 🌧️

မိုးရာသီအစ မုတ်သုံလေဝင်ရောက်လာတဲ့အခါ ရေစီးရေလာ မကောင်းတာ၊ ရေတွင်းရေကန်တွေထဲ ညစ်ပတ်တဲ့မိုးရေတွေ ရောနှောဝင်ရောက်တာတွေကြောင့် ရောဂါပိုးမွှားတွေ ပိုမိုပေါက်ဖွားလွယ်လာပါတယ်။ ဒီလိုအချိန်မှာ သောက်သုံးရေနဲ့ အစားအသောက်တွေ မသန့်ရှင်းရင် ဝမ်းပျက်ဝမ်းလျှောရောဂါ၊ ဝမ်းကိုက်ရောဂါတွေ အလွန်အဖြစ်များလာတတ်ပါတယ်။

အထူးသဖြင့် ကိုယ်ခံအားနည်းတဲ့ ကလေးငယ်တွေနဲ့ သက်ကြီးရွယ်အိုတွေမှာ ကူးစက်ခံရရင် ရေဓာတ်ခမ်းခြောက်ပြီး အသက်အန္တရာယ်အထိ စိုးရိမ်ရတာမို့ အောက်ပါအချက်များကို အထူးဂရုစိုက်ကြဖို့ တိုက်တွန်းပါရစေခင်ဗျာ။

🛑 ဘယ်လိုလက္ခဏာတွေပြရင် သတိထားရမလဲ?
တစ်နေ့လျှင် (၃) ကြိမ်နှင့်အထက် ဝမ်းအမှုံ့ သို့မဟုတ် ဝမ်းအရည်များ သွားခြင်း

▶️ ဗိုက်ရစ်နာခြင်း၊ ပျို့အန်ခြင်း

▶️ နုန်းခွေခြင်း၊ နှုတ်ခမ်းခြောက်ခြင်း (ရေဓာတ်ခမ်းခြောက်သည့် လက္ခဏာ)

▶️ အချို့တွင် ဖျားခြင်းနှင့် ဝမ်းထဲသွေးပါခြင်း (ဝမ်းကိုက်လက္ခဏာ)

🛡️ ဝမ်းပျက်ဝမ်းလျှောရောဂါမှ ကင်းဝေးစေမယ့် "စည်းကမ်း (၅) ချက်"
၁။ ရေကို ကျိုချက်သောက်ပါ သို့မဟုတ် သန့်ရှင်းသော သောက်ရေသန့်ကိုသာ သုံးပါ 💧
မိုးရာသီမှာ ရေအရင်းအမြစ်တွေ ညစ်ပတ်လွယ်လို့ ရေကို ဆူပွက်အောင် (အနည်းဆုံး ၅ မိနစ်ခန့်) ကျိုချက်ပြီးမှ သောက်သုံးပါ။ သွားတိုက်၊ ပလုတ်ကျင်းလျှင်လည်း သန့်ရှင်းသောရေကိုသာ သုံးစွဲရပါမယ်။

၂။ အစားအသောက်ကို ပူပူနွေးနွေးနှင့် ယင်ကောင်မနားအောင် ဖုံးအုပ်ထားပါ 🍲
ချက်ပြုတ်ပြီးသား အစားအစာများကို ယင်ကောင်မနားစေရန် သေချာဖုံးအုပ်ထားပါ။ လမ်းဘေးစာများ၊ ယင်နားစာများနှင့် တစ်ညသိပ်ဟင်းများကို အပူပြန်မပေးဘဲ စားသောက်ခြင်းကို ရှောင်ကြဉ်ပါ။

၃။ အစာမစားမီနှင့် အိမ်သာတက်ပြီးတိုင်း လက်ကို ဆပ်ပြာဖြင့် စနစ်တကျဆေးပါ 🧼
လက်သည် ရောဂါပိုးမွှားတွေ ခန္ဓာကိုယ်ထဲဝင်ဖို့ အလွယ်ဆုံး လမ်းကြောင်းဖြစ်ပါတယ်။ အစာမစားမီ၊ အစားအစာမကိုင်တွယ်မီနဲ့ အိမ်သာတက်ပြီးတိုင်း လက်ကို ဆပ်ပြာ၊ ရေတို့ဖြင့် အနည်းဆုံး စက္ကန့် ၂၀ ကြာ အောင် စနစ်တကျ ဆေးကြောပါ။

၄။ အသီးအနှံနှင့် ဟင်းသီးဟင်းရွက်များကို သန့်ရှင်းသောရေဖြင့် စင်ကြယ်အောင်ဆေးပါ 🥦
အစိမ်းစားမယ့် အသီးအနှံတွေ၊ ဟင်းသီးဟင်းရွက်တွေကို မချက်ပြုတ်ခင် သန့်ရှင်းသောရေမှာ သေချာဆေးကြောပါ။

၅။ အမှိုက်များကို စနစ်တကျ စွန့်ပစ်ပါ 🗑️
အိမ်ပတ်ဝန်းကျင်မှာ အမှိုက်ပုံးများကို အဖုံးအုပ်ထားပြီး ယင်ကောင်၊ ကြွက်နှင့် ပိုးဟပ်များ ပေါက်ဖွားမှုမရှိအောင် သန့်ရှင်းရေး ပြုလုပ်ပါ။

💡 အရေးပေါ် သိထားရန်။ ။ ဝမ်းလျှောလာလျှင် ဘာတွေလုပ်ရမလဲ?
ဝမ်းစတင်လျှာသည်နှင့် ခန္ဓာကိုယ်မှ ဆုံးရှုံးသွားသော ရေနှင့် ဆားဓာတ်များကို ပြန်လည်ဖြည့်တင်းရန် ဓာတ်ဆားရည် (ORS) ကို စောစီးစွာ တိုက်ကျွေးရပါမယ်။ (ဓာတ်ဆားထုပ်ကို သန့်ရှင်းသော သောက်ရေဖြင့်သာ ဖျော်စပ်ပါ)။

⚠️ ဘယ်အချိန်မှာ ဆေးခန်းပြမလဲ?
ကလေးငယ်များ ဝမ်းသွားပြီး မှိန်းနေခြင်း၊ ပြင်းထန်စွာ အန်ခြင်း၊ ရေ လုံးဝမသောက်နိုင်ခြင်း၊ ဝမ်းထဲ သွေးပါခြင်း သို့မဟုတ် (၂) ရက်ထက်ကျော်လွန်ပြီး ဝမ်းမရပ်ခြင်းများ ကြုံတွေ့ရပါက မိမိသဘောဖြင့် ဝမ်းပိတ်ဆေးများ လျှောက်မတိုက်ဘဲ နီးစပ်ရာ ဆေးခန်း သို့မဟုတ် တတ်ကျွမ်းနားလည်သည့် ဆရာဝန်များနှင့် ချက်ချင်း ပြသကုသမှု ခံယူရပါမယ်။

မိမိနှင့် မိသားစုဝင်များအားလုံး ရောဂါဘယကင်းဝေးပြီး ကျန်းမာပျော်ရွှင်သော မိုးရာသီရက်စွဲများကို ပိုင်ဆိုင်နိုင်ကြပါစေ။

🩺 အောင်ဇေယျာဆေးခန်း (Aung Zeyar Clinic)
ကျန်းမာရွှင်လန်းသော နေ့ရက်များကို ပိုင်ဆိုင်နိုင်ကြပါစေ။

ကျန်းမာရေးက အရာရာထက် အရေးကြီးတာမို့ မဖြစ်ခင် ကြိုတင်ကာကွယ်ထားဖို့ တိုက်တွန်းပါရစေ။ တုတ်ကွေးကာကွယ်ဆေးများ ထိုးနှံနိင်ပြီမို့ ကာကွယ်ဆေးနဲ့ ပတ်သက်ပြီး အသေးစိတ် သိရှိလိုပါက Messenger ကနေတစ်ဆင့် ဖြစ်စေ၊ အောက်ပါဖုန်းနံပါတ်များသို့ ဖြစ်စေ ဆက်သွယ်စုံစမ်းနိုင်ပါတယ်။

✅ အောင်ဇေယျာ အထူးကုဆေးခန်း ✅
Ph : 09769900088, 095050819
Address : S/44, ရွှေသရဖီရိပ်မွန်၊ ရေကြောင်းသိပ္ပံရှေ့၊ ဘုရင့်နောင်လမ်းမကြီး၊ ကမာရွတ်မြို့နယ်။

#ကျန်းမာရေး #ကာကွယ်ဆေး

🌧️ မိုးရာသီ စိုစွတ်ထိုင်းမှိုင်းတဲ့အခါ သတိထားရမယ့် အရေပြားရောဂါများနှင့် ကာကွယ်နည်းများ 🌧️မိုးရာသီအစ မုတ်သုံလေဦးနဲ့အတူ ရ...
29/05/2026

🌧️ မိုးရာသီ စိုစွတ်ထိုင်းမှိုင်းတဲ့အခါ သတိထားရမယ့် အရေပြားရောဂါများနှင့် ကာကွယ်နည်းများ 🌧️

မိုးရာသီအစ မုတ်သုံလေဦးနဲ့အတူ ရာသီဥတုက ပူအိုက်စိုစွတ်လာတဲ့အခါ မိမိတို့ရဲ့ အရေပြားမှာ အစိုဓာတ်နဲ့ ချွေးအောင်းမှု ပိုများလာတတ်ပါတယ်။ ဒီလို စိုစွတ်ထိုင်းမှိုင်းတဲ့ ရာသီဥတုဟာ ဗက်တီးရီးယားနဲ့ မှို (Fungus) တွေ ပေါက်ဖွားဖို့ အကောင်းဆုံး အခြေအနေဖြစ်တာကြောင့် အောက်ပါ အရေပြားပြဿနာတွေ အဖြစ်များလာတတ်ပါတယ်။

၁။ မှိုစွဲခြင်း (Fungal Infections)
မိုးရေစိုထားတဲ့ အဝတ်အစား၊ ခြေအိတ်တွေကို အချိန်အကြာကြီး ဝတ်ဆင်ထားရာကနေ ပေါင်ခြံ၊ ဂျိုင်း၊ ခြေချောင်းကြားတွေမှာ ပွေး၊ ညှင်းနဲ့ သဲဝဲ (Athlete's foot) တွေ ဖြစ်ပွားတတ်ပါတယ်။ ယားယံခြင်း၊ အရေပြားနီရဲပြီး ကွဲအက်ခြင်းတို့ ခံစားရတတ်ပါတယ်။

၂။ မွေးကျွတ်နာနှင့် ပြည်တည်နာများ
ချွေးထွက်များပြီး အရေပြား သန့်ရှင်းမှု အားနည်းတဲ့အခါ ချွေးပေါက်ပိတ်ပြီး ဗက်တီးရီးယား ဝင်ရောက်ကာ မွေးကျွတ်နာ၊ အဖုအပိမ့်များနှင့် ပြည်တည်နာများ ဖြစ်ပွားတတ်ပါတယ်။

၃။ မိုးရေကြောင့် အရေပြားဓာတ်မတည့်ခြင်း
မိုးရေထဲမှာပါတဲ့ ဖုန်မှုန့်၊ ဓာတုဗေဒပစ္စည်းတွေနဲ့ လမ်းဘေးက မိုးရေဝပ်နေတဲ့ ညစ်ပတ်တဲ့ ရေတွေကြောင့် အရေပြား ဓာတ်မတည့်ဘဲ အင်ပြင်ထခြင်း၊ အဖုအပိမ့်ထွက်ကာ ယားယံခြင်းများ ဖြစ်တတ်ပါတယ်။

၄။ ချွေးပိမ့်၊ မိတ်ဖုများထွက်ခြင်း
မိုးရွာလိုက် နေပူလိုက်နဲ့ အိုက်စပ်စပ် ရာသီဥတုကြောင့် ချွေးထွက်လွန်ပြီး ချွေးပြွန်လေးတွေ ပိတ်ဆို့ကာ ရင်ဘတ်၊ ကျောနဲ့ လည်ပင်းတို့မှာ ယားယံတဲ့ မိတ်ဖုလေးတွေ အစုလိုက်အပြုံလိုက် ထွက်လာတတ်ပါတယ်။

🛡️ မိုးရာသီမှာ အရေပြားကျန်းမာရေးအတွက် ဘာတွေ ဆင်ခြင်ရမလဲ?

• အဝတ်အစားကို ခြောက်သွေ့အောင်ထားပါ: မိုးရေစိုသွားတဲ့ အဝတ်အစား၊ အတွင်းခံနဲ့ ခြေအိတ်တွေကို အမြန်ဆုံး လဲလှယ်ပါ။ အဝတ်လျှော်ပြီးရင်လည်း သေချာခြောက်သွေ့အောင် လှန်းပြီးမှ ဝတ်ဆင်ပါ။
• ခန္ဓာကိုယ် ခြောက်သွေ့ပါစေ: ရေချိုးပြီးတဲ့အခါ သို့မဟုတ် မိုးရေစိုလို့ ရေပြန်ဆေးပြီးတဲ့အခါ ဂျိုင်း၊ ပေါင်ခြံ၊ ခြေချောင်းကြားတွေကို ခြောက်သွေ့အောင် သေချာသုတ်ပါ။
• ပွပွချောင်ချောင် ဝတ်ဆင်ပါ: ချွေးအောင်းခြင်း ကာကွယ်ဖို့ လေဝင်လေထွက်ကောင်းပြီး ချည်သား (Cotton) အဝတ်အစားပွပွတွေကို ဦးစားပေး ဝတ်ဆင်ပါ။
• မိုးရေညစ်ပတ်တာတွေနဲ့ ထိတွေ့ရင် ချက်ချင်းဆေးပါ: လမ်းလျှောက်ရင်း ညစ်ပတ်တဲ့ မိုးရေဗွက်အိုင်တွေ စင်သွားရင် အိမ်ပြန်ရောက်တာနဲ့ ဆပ်ပြာနဲ့ သေချာ သန့်စင်အောင် ဆေးကြောပါ။

💡 အကြံပြုချက်
အရေပြားမှာ မှိုစွဲတာ၊ ယားယံတာ သို့မဟုတ် အဖုအပိမ့်တွေ ထွက်လာတဲ့အခါ မိမိသဘောနဲ့မိမိ စတီးရွိုက် (Steroid) ပါတဲ့ လိမ်းဆေးများ သို့မဟုတ် မကိုက်ညီသည့် မှိုသတ်ဆေး၊ ပိုးသတ်ဆေးများကို ရောနှောလိမ်းခြင်းဟာ အရေပြားကို ပိုမိုပျက်စီးစေနိုင်ပါတယ်။ ထို့ကြောင့် နီးစပ်ရာ ဆေးခန်း သို့မဟုတ် တတ်ကျွမ်းနားလည်သည့် ဆရာဝန်များနှင့် သေချာပြသပြီးမှ မှန်ကန်တဲ့ ဆေးဝါးကို အသုံးပြုကြဖို့ တိုက်တွန်းနှိုးဆော်အပ်ပါတယ်။

လူကြီးမင်းတို့၏ ကျန်းမာရေးအတွက် အောင်ဇေယျာဆေးခန်းမှ အမြဲတမ်း လှိုက်လှဲစွာ ကြိုဆိုစောင့်ရှောက်ပေးနေလျက် ရှိပါသည်။

🩺 အောင်ဇေယျာဆေးခန်း (Aung Zeyar Clinic)
📌 လိပ်စာ: S/44, ရွှေသရဖီရိပ်မွန်၊ ဘုရင့်နောင်လမ်းမကြီး၊ ကမာရွတ်မြို့နယ်၊ ရန်ကုန်မြို့။
📞 ဖုန်းနံပါတ်: 09-769900088, 09-5050819

ခါးနာ၊ ဒူးနာတာက အသက်ကြီးမှ ဖြစ်တာလို့ ထင်နေတုန်းပဲလား? 🤔"အရင်ကတော့ အသက်ကြီးမှ ဖြစ်တာ၊ အခုတော့ အသက် ၃၀ မပြည့်ခင်ကတည်းက စန...
09/05/2026

ခါးနာ၊ ဒူးနာတာက အသက်ကြီးမှ ဖြစ်တာလို့ ထင်နေတုန်းပဲလား? 🤔

"အရင်ကတော့ အသက်ကြီးမှ ဖြစ်တာ၊ အခုတော့ အသက် ၃၀ မပြည့်ခင်ကတည်းက စနာနေပြီ" ဆိုတာ အခုခေတ် လူငယ်နဲ့ လူလတ်ပိုင်းတော်တော်များများ ပြောလေ့ရှိတဲ့ စကားပါ။ အလုပ်စားပွဲမှာ အထိုင်များတာ၊ ဖုန်းကြည့်ရင်း ဇာတ်ညောင်းတာကနေစလို့ ခါးနာ၊ ဒူးနာ ဝေဒနာတွေက အသက်အရွယ်မရွေး ဒုက္ခပေးလာပါတယ်။

ဘာကြောင့် အသက်ငယ်ငယ်နဲ့ ခါးနာ၊ ဒူးနာတာလဲ? 👇
✅ Prolonged Sitting (အထိုင်များခြင်း): ရုံးခန်းထဲမှာ ဒါမှမဟုတ် ကားမောင်းရင်း အချိန်အကြာကြီး ထိုင်နေရတာက ခါးဆစ်ရိုးတွေပေါ်မှာ ဖိအား (Pressure) များစေပါတယ်။
✅ Poor Posture (ပုံစံမမှန်ခြင်း): ကွန်ပျူတာကြည့်ရင်း ကုန်းနေတာ၊ ဖုန်းကြည့်ရင်း ခေါင်းငုံ့တာတွေက အရိုးအကြောတွေကို တောင့်တင်းစေပါတယ်။
✅ Heavy Lifting (အလေးအပင်မခြင်း): နည်းစနစ်မကျဘဲ အလေးအပင်မမိတာက ခါးဆစ်ရိုးကျွံခြင်း (Herniated Disc) ကို ရုတ်တရက် ဖြစ်စေနိုင်ပါတယ်။
✅ Lack of Exercise (ကိုယ်လက်လှုပ်ရှားမှုနည်းခြင်း): ကြွက်သားတွေ အားနည်းတဲ့အခါ အရိုးအဆစ်တွေကို မထောက်ပံ့နိုင်တော့ဘဲ နာကျင်မှုကို ခံစားရစေပါတယ်။

🏥 Aung Zeyar Clinic မှာ ဘယ်လိုကုသပေးနေသလဲ?
ကျွန်တော်တို့ Aung Zeyar Clinic မှာတော့ လူနာတစ်ဦးချင်းစီရဲ့ အခြေအနေပေါ်မူတည်ပြီး အတွေ့အကြုံရင့် ဆရာဝန်ကြီးများက စနစ်တကျ ကုသပေးနေပါတယ် -
✨ Specialist Consultation: အထူးကုဆရာဝန်ကြီးမှ ရောဂါရဲ့ အရင်းအမြစ်ကို သေချာစွာ စစ်ဆေးရှာဖွေပေးခြင်း။
✨ Effective Physiotherapy: တက်ကျွမ်းသော ကာယကု ဆရာ/မများမှ ခေတ်မီစက်ကိရိယာများဖြင့် နာကျင်မှုဝေဒနာများကို သက်သာစေရန် ကုသပေးခြင်း။
✨ Holistic Approach: အိမ်မှာလုပ်ဆောင်ရမယ့် လေ့ကျင့်ခန်းများနဲ့ သောက်ဆေးများကို စနစ်တကျ ညွှန်ကြားပြသပေးခြင်း။

⚠️ မပေါ့ဆပါနဲ့! အချိန်ဆွဲလေလေ ကုသရခက်လေလေပါ။
ခဏတာ နာကျင်တာပဲဆိုပြီး အကိုက်အခဲပျောက်ဆေးတွေချည်း သောက်နေတာက ရေရှည်မှာ ကျောက်ကပ်ကို ထိခိုက်စေနိုင်သလို၊ ရောဂါအမြစ်ကိုလည်း မပျောက်ကင်းစေပါဘူး။ လမ်းလျှောက်ရ ခက်ခဲလာတဲ့အထိ မဖြစ်ခင် အမြန်ဆုံး လာရောက်ပြသဖို့ အောင်ဇေယျာမှ တိုက်တွန်းပါရစေ...

💙 Aung Zeyar Clinic မှာ ကျွမ်းကျင်သူများရဲ့ ဂရုစိုက်မှုနဲ့အတူ နာကျင်မှုကင်းဝေးတဲ့ ဘဝသစ်ကို ပြန်လည်စတင်လိုက်ပါ။

✅ အောင်ဇေယျာ အထူးကုဆေးခန်း ✅
Ph : 09769900088, 095050819
Address : S/44, ရွှေသရဖီရိပ်မွန်၊ ရေကြောင်းသိပ္ပံရှေ့၊ ဘုရင့်နောင်လမ်းမကြီး၊ ကမာရွတ်မြို့နယ်။

#ကျန်းမာရေး #ကမာရွတ် #ရွာမကွေ့ #ဒူးနာ #ခါးနာ #ဇက်ကြောတက် #ကာယကုထုံး #အိမ်ပင့်

🍃ရာသီတုပ်ကွေးကို အထိရောက်ဆုံး ကာကွယ်ဖို့ ဒါတွေလုပ်ထားပြီးပြီလား?မိုးဦးကျကာလမှာ အဖြစ်အများဆုံးနဲ့ မိသားစုဝင်တစ်ယောက်ဖြစ်ရ...
06/05/2026

🍃ရာသီတုပ်ကွေးကို အထိရောက်ဆုံး ကာကွယ်ဖို့ ဒါတွေလုပ်ထားပြီးပြီလား?

မိုးဦးကျကာလမှာ အဖြစ်အများဆုံးနဲ့ မိသားစုဝင်တစ်ယောက်ဖြစ်ရင် အကုန်လုံး ကူးစက်ခံရနိုင်တာကတော့ "ရာသီတုပ်ကွေး" ပါပဲ။ ဖျားတာ၊ ချောင်းဆိုးတာအပြင် ကိုယ်လက်ကိုက်ခဲတာတွေကြောင့် နေ့စဉ်အလုပ်တွေကိုပါ ထိခိုက်စေနိုင်ပါတယ်။

ဒါကြောင့် Aung Zeyar Clinic မှ မိဘပြည်သူများ တုပ်ကွေးရန်ကနေ စိတ်ချလက်ချ ကျော်ဖြတ်နိုင်ဖို့ အချက် (၅) ချက်နဲ့အတူ အထိရောက်ဆုံး ကာကွယ်မှုကို မျှဝေပေးလိုက်ပါတယ်။

၁။ ကိုယ်ခံအားကို အဆင့်မြှင့်ပါ
ဗီတာမင် C နဲ့ အာဟာရပြည့်ဝတဲ့ အစားအသောက်တွေကို ပုံမှန်စားပေးပါ။ ရေဓာတ်ပြည့်ဝနေဖို့လည်း အထူးဂရုစိုက်ပါ။

၂။ တစ်ကိုယ်ရေသန့်ရှင်းရေးကို အလေးထားပါ
လက်ကို စနစ်တကျဆေးခြင်းက ဗိုင်းရပ်စ်ပိုးမွှားတွေကို အထိရောက်ဆုံး ဟန့်တားပေးနိုင်ပါတယ်။

၃။ အနားယူခြင်းက အကောင်းဆုံးအားဆေးပါပဲ
ခန္ဓာကိုယ်ပင်ပန်းနွမ်းနယ်မှုမရှိအောင် တစ်နေ့ကို (၇) နာရီထက်မနည်း အိပ်စက်အနားယူပါ။

၄။ လူထူထပ်သောနေရာများတွင် Mask တပ်ပါ
လေထုထဲကတစ်ဆင့် ကူးစက်တတ်တာကြောင့် Mask တပ်ဆင်တဲ့ အလေ့အကျင့်က သင့်ကိုရော သင့်ပတ်ဝန်းကျင်ကိုပါ ကာကွယ်ပေးပါတယ်။

၅။ 🚨(အရေးကြီးဆုံး) နှစ်စဉ် တုပ်ကွေးကာကွယ်ဆေး ထိုးနှံပါ ✅
တုပ်ကွေးရန်ကနေ ကာကွယ်ဖို့ အကောင်းဆုံးနဲ့ အသေချာဆုံးနည်းလမ်းကတော့ "ကာကွယ်ဆေး" ထိုးနှံခြင်းပါပဲ။ ဆေးထိုးထားခြင်းဖြင့် ရောဂါကူးစက်မှုကို လျှော့ချပေးနိုင်သလို၊ ကူးစက်ခံရလျှင်ပင် ပြင်းထန်တဲ့ ဝေဒနာ ခံစားရခြင်းမှ ကင်းဝေးစေပါတယ်။

📣 Aung Zeyar Clinic မှာ တုပ်ကွေးကာကွယ်ဆေး ထိုးနှံနိုင်ပါပြီ
ယခုနှစ်အတွက် လတ်တလော ထွက်ရှိထားသော Seasonal Flu Vaccine (4-Strain) ကို အောင်ဇေယျာဆေးခန်းမှာ အချိန်မရွေး လာရောက်ထိုးနှံနိုင်ပါပြီ။

✅ ဘယ်သူတွေ ထိုးသင့်လဲ?

▶ အသက် ၆ လအထက် ကလေးငယ်များ

▶ ကိုယ်ခံအားနည်းသော လူကြီးမိဘများ

▶ အလုပ်ခွင်မှာ လူအများနှင့် ထိတွေ့ဆက်ဆံနေရသူများ

🛡️ ယုံကြည်စိတ်ချရမှု: အောင်ဇေယျာမှာ အေးခဲကွင်းဆက် (Cold Chain) စနစ်တကျ ထိန်းသိမ်းထားတဲ့ အရည်အသွေးမြင့် ကာကွယ်ဆေးများကိုသာ အသုံးပြုပေးနေတာမို့ စိတ်ချလက်ချ လာရောက်ထိုးနှံနိုင်ပါတယ်။

ကျန်းမာရေးက အရာရာထက် အရေးကြီးတာမို့ မဖျားခင် ကြိုတင်ကာကွယ်ထားဖို့ တိုက်တွန်းပါရစေ။ ကာကွယ်ဆေးနဲ့ ပတ်သက်ပြီး အသေးစိတ် သိရှိလိုပါက Messenger ကနေတစ်ဆင့် ဖြစ်စေ၊ အောက်ပါဖုန်းနံပါတ်များသို့ ဖြစ်စေ ဆက်သွယ်စုံစမ်းနိုင်ပါတယ်။

✅ အောင်ဇေယျာ အထူးကုဆေးခန်း ✅
Ph : 09769900088, 095050819
Address : S/44, ရွှေသရဖီရိပ်မွန်၊ ရေကြောင်းသိပ္ပံရှေ့၊ ဘုရင့်နောင်လမ်းမကြီး၊ ကမာရွတ်မြို့နယ်။

#ကမာရွတ် #ရွာမကွေ့ #ရွှေအင်ကြင်း #လိူင် #ကာကွယ်ဆေး #ကျန်းမာရေး

ရာသီတုပ်ကွေးကို အထိရောက်ဆုံး ကာကွယ်ဖို့ ဒါတွေလုပ်ထားပြီးပြီလား?မိုးဦးကျကာလမှာ အဖြစ်အများဆုံးနဲ့ မိသားစုဝင်တစ်ယောက်ဖြစ်ရင...
05/05/2026

ရာသီတုပ်ကွေးကို အထိရောက်ဆုံး ကာကွယ်ဖို့ ဒါတွေလုပ်ထားပြီးပြီလား?

မိုးဦးကျကာလမှာ အဖြစ်အများဆုံးနဲ့ မိသားစုဝင်တစ်ယောက်ဖြစ်ရင် အကုန်လုံး ကူးစက်ခံရနိုင်တာကတော့ "ရာသီတုပ်ကွေး" ပါပဲ။ ဖျားတာ၊ ချောင်းဆိုးတာအပြင် ကိုယ်လက်ကိုက်ခဲတာတွေကြောင့် နေ့စဉ်အလုပ်တွေကိုပါ ထိခိုက်စေနိုင်ပါတယ်။

ဒါကြောင့် Aung Zeyar Clinic မှ မိဘပြည်သူများ တုပ်ကွေးရန်ကနေ စိတ်ချလက်ချ ကျော်ဖြတ်နိုင်ဖို့ အချက် (၅) ချက်နဲ့အတူ အထိရောက်ဆုံး ကာကွယ်မှုကို မျှဝေပေးလိုက်ပါတယ်။

၁။ ကိုယ်ခံအားကို အဆင့်မြှင့်ပါ
ဗီတာမင် C နဲ့ အာဟာရပြည့်ဝတဲ့ အစားအသောက်တွေကို ပုံမှန်စားပေးပါ။ ရေဓာတ်ပြည့်ဝနေဖို့လည်း အထူးဂရုစိုက်ပါ။

၂။ တစ်ကိုယ်ရေသန့်ရှင်းရေးကို အလေးထားပါ
လက်ကို စနစ်တကျဆေးခြင်းက ဗိုင်းရပ်စ်ပိုးမွှားတွေကို အထိရောက်ဆုံး ဟန့်တားပေးနိုင်ပါတယ်။

၃။ အနားယူခြင်းက အကောင်းဆုံးအားဆေး
ခန္ဓာကိုယ်ပင်ပန်းနွမ်းနယ်မှုမရှိအောင် တစ်နေ့ကို (၇) နာရီထက်မနည်း အိပ်စက်အနားယူပါ။

၄။ လူထူထပ်သောနေရာများတွင် Mask တပ်ပါ
လေထုထဲကတစ်ဆင့် ကူးစက်တတ်တာကြောင့် Mask တပ်ဆင်တဲ့ အလေ့အကျင့်က သင့်ကိုရော သင့်ပတ်ဝန်းကျင်ကိုပါ ကာကွယ်ပေးပါတယ်။

၅။ (အရေးကြီးဆုံး) နှစ်စဉ် တုပ်ကွေးကာကွယ်ဆေး ထိုးနှံပါ
တုပ်ကွေးရန်ကနေ ကာကွယ်ဖို့ အကောင်းဆုံးနဲ့ အသေချာဆုံးနည်းလမ်းကတော့ "ကာကွယ်ဆေး" ထိုးနှံခြင်းပါပဲ။ ဆေးထိုးထားခြင်းဖြင့် ရောဂါကူးစက်မှုကို လျှော့ချပေးနိုင်သလို၊ ကူးစက်ခံရလျှင်ပင် ပြင်းထန်တဲ့ ဝေဒနာ ခံစားရခြင်းမှ ကင်းဝေးစေပါတယ်။

📣 Aung Zeyar Clinic မှာ တုပ်ကွေးကာကွယ်ဆေး ထိုးနှံနိုင်ပါပြီ

🛡️ တုပ်ကွေးကာကွယ်ဆေး ဘာကြောင့် ထိုးသင့်သလဲ?
တုပ်ကွေး (Influenza) ဆိုတာ သာမန် နှာစေးချောင်းဆိုးတာမျိုး မဟုတ်ပါဘူး။ ပြင်းထန်တဲ့ အသက်ရှူလမ်းကြောင်းဆိုင်ရာ ရောဂါပိုးဖြစ်ပြီး ဆေးရုံတက်ရတဲ့အထိ ဖြစ်ပွားစေနိုင်ပါတယ်။
🩺ကာကွယ်ဆေးထိုးခြင်းအားဖြင့် -
✅ဖျားနာနိုင်ခြေကို ၄၀% မှ ၆၀% ထိ လျှော့ချပေးနိုင်ပါတယ်။
✅အဆုတ်ရောင်ခြင်း သို့မဟုတ် နှလုံးရောင်ရမ်းခြင်းကဲ့သို့ ပြင်းထန်တဲ့ နောက်ဆက်တွဲ ဝေဒနာတွေကို ကာကွယ်ပေးပါတယ်။
✅မိမိသာမက မိမိပတ်ဝန်းကျင်က ကာကွယ်ဆေးထိုးလို့ မရသေးသူတွေကိုပါ ရောဂါမကူးစက်အောင် ကာကွယ်ပေးနိုင်ပါတယ်။

👥 ဘယ်သူတွေ ထိုးဖို့ လိုအပ်သလဲ?
အသက် ၆ လနဲ့အထက် လူတိုင်း နှစ်စဉ် တုပ်ကွေးကာကွယ်ဆေး ထိုးသင့်ပါတယ်။ အထူးသဖြင့် အောက်ပါလူပုဂ္ဂိုလ်တွေအတွက် ပိုမိုအရေးကြီးပါတယ် -
🔘အသက် ၆၅ နှစ်နှင့်အထက် လူကြီးများ: အသက်ကြီးလာတာနဲ့အမျှ ကိုယ်ခံအားစနစ် အားနည်းလာတတ်ပါတယ်။
🔘ကလေးငယ်များ: ကလေးတွေရဲ့ ကိုယ်ခံအားစနစ်က လူကြီးတွေလို မဖွံ့ဖြိုးသေးတဲ့အတွက် ဗိုင်းရပ်စ်တွေကို တိုက်ထုတ်ဖို့ ကာကွယ်ဆေး ထိုးပေးရန် လိုအပ်ပါတယ်။
🔘ကိုယ်ဝန်ဆောင် မိခင်များ: ကာကွယ်ဆေးဟာ မိခင်ကိုသာမက မွေးလာမယ့်ကလေးကိုပါ မွေးဖွားပြီး လပေါင်းများစွာအထိ ကာကွယ်မှု ပေးနိုင်ပါတယ်။
🔘နာတာရှည်ရောဂါ အခံရှိသူများ: ပန်းနာရင်ကျပ်၊ ဆီးချို သို့မဟုတ် နှလုံးရောဂါရှိသူများ။

🧪 Trivalent နှင့် Quadrivalent (Tetravalent) တို့ရဲ့ ခြားနားချက်

ဆေးခန်းသွားတဲ့အခါ ဒီအသုံးအနှုန်းတွေကို ကြားရနိုင်ပါတယ်။ ဒါဟာ ကာကွယ်ဆေးထဲမှာ တုပ်ကွေးဗိုင်းရပ်စ် အမျိုးအစား ဘယ်နှမျိုးကို ကာကွယ်ပေးနိုင်သလဲ ဆိုတာကို ဆိုလိုတာပါ။

▶ Trivalent: တုပ်ကွေးဗိုင်းရပ်စ် သုံးမျိုးဖြစ်တဲ့ Influenza A (H1N1), A (H3N2) နဲ့ B (Victoria) ကို ကာကွယ်ပေးပါတယ်။

▶ Quadrivalent (Tetravalent): Influenza A (H1N1), A (H3N2), B (Victoria) နဲ့ B (Yamagata) ဗိုင်းရပ်စ် လေးမျိုးလုံးကို ကာကွယ်ပေးနိုင်ပါတယ်။

🏥 ကာကွယ်ဆေး ထိုးနှံခြင်း

တုပ်ကွေးကာကွယ်ဆေးကို ကျွမ်းကျင်တဲ့ ကျန်းမာရေးဝန်ထမ်းများကသာ စနစ်တကျ ထိုးနှံပေးသင့်ပါတယ်။
⚕ တုပ်ကွေးအပြင်းအထန် ကူးစက်တဲ့အချိန်အထိ မစောင့်ပါနဲ့! ကာကွယ်ဆေးထိုးပြီး ခန္ဓာကိုယ်ထဲမှာ ခုခံအားစနစ် တည်ဆောက်ဖို့ ၂ ပတ်ခန့် အချိန်ယူရတတ်ပါတယ်။

👉 ယနေ့ပဲ Aung Zeyar မှာ ရက်ချိန်းရယူလိုက်ပါ!

✅ အောင်ဇေယျာ အထူးကုဆေးခန်း ✅
Ph : 09769900088, 095050819
Address : S/44, ရွှေသရဖီရိပ်မွန်၊ ရေကြောင်းသိပ္ပံရှေ့၊ ဘုရင့်နောင်လမ်းမကြီး၊ ကမာရွတ်မြို့နယ်။

#ကာကွယ်ဆေး #ကျန်းမာရေး #လိူင် #ကမာရွတ် #ရွှေအင်ကြင်း #ရွာမကွေ့

🥗 "အစာလည်းဆေး၊ ဆေးလည်းအစာ" — ချစ်ခင်ရတဲ့ မိဘဘိုးဘွားတို့အတွက် အာဟာရလမ်းညွှန်အသက်အရွယ်ရလာတာနဲ့အမျှ ခန္ဓာကိုယ်ရဲ့ ဇီဝကမ္မဖ...
01/05/2026

🥗 "အစာလည်းဆေး၊ ဆေးလည်းအစာ" — ချစ်ခင်ရတဲ့ မိဘဘိုးဘွားတို့အတွက် အာဟာရလမ်းညွှန်

အသက်အရွယ်ရလာတာနဲ့အမျှ ခန္ဓာကိုယ်ရဲ့ ဇီဝကမ္မဖြစ်စဉ်တွေ ပြောင်းလဲလာတာကြောင့် လူကြီးမိဘတွေအတွက် "ဘာစားစား အဆင်ပြေတယ်" ဆိုတာထက် "ဘာကို ဘယ်လိုစားမလဲ" ဆိုတာက ပိုပြီး အရေးကြီးလာပါတယ်။

မှန်ကန်တဲ့ အာဟာရကို ရရှိခြင်းဟာ ရောဂါဘယတွေကို ခုခံပေးနိုင်တဲ့ အကောင်းဆုံး "ဆေး" တစ်ခွက်ပါပဲ။ Aung Zeyar Clinic မှ မိဘဘိုးဘွားတို့အတွက် အခြေခံ အာဟာရလမ်းညွှန် (၄) ချက်ကို ဝေမျှပေးလိုက်ပါတယ်။

🥩 ၁။ ကြွက်သားထု တည်ဆောက်ဖို့ ပရိုတင်း (Protein)
အသက်ကြီးလာရင် ကြွက်သားတွေ အားနည်းလာပြီး လမ်းလျှောက်ရခက်ခဲတာ၊ အားမရှိတာမျိုးတွေ ဖြစ်တတ်ပါတယ်။ ဒါကြောင့် အဆီနည်းတဲ့ အသား၊ ငါး၊ ဥအမျိုးမျိုးနဲ့ ပဲအမျိုးမျိုးကို နေ့စဉ် အချိုးကျ စားသုံးပေးသင့်ပါတယ်။

🥦 ၂။ အစာခြေစနစ်အတွက် အမျှင်ဓာတ် (Fiber)
အစာခြေစနစ် နှေးကွေးလာတာကြောင့် ဝမ်းချုပ်တာမျိုး မဖြစ်အောင် ဟင်းသီးဟင်းရွက်နဲ့ အသီးအနှံတွေကို ပိုစားပေးရပါမယ်။ ဒါဟာ သွေးတွင်းသကြားဓာတ်နဲ့ ကိုလက်စထရောကိုလည်း ထိန်းညှိပေးနိုင်ပါတယ်။

🥛 ၃။ အရိုးအဆစ် သန်မာဖို့ ကယ်လ်စီယမ် (Calcium)
အရိုးပွရောဂါနဲ့ အရိုးကျိုးခြင်းအန္တရာယ်ကနေ ကာကွယ်ဖို့ နွားနို့၊ ဒိန်ချဉ် သို့မဟုတ် ပဲနို့နဲ့ စိမ်းစိုတဲ့ ဟင်းသီးဟင်းရွက်တွေကို ဂရုစိုက် စားပေးပါ။

💧 ၄။ ရေဓာတ် ပြည့်ဝပါစေ
လူကြီးတွေဟာ ရေငတ်တဲ့အာရုံ လျော့နည်းသွားတတ်တာကြောင့် ရေငတ်မှသောက်တာမျိုး မဟုတ်ဘဲ တစ်နေ့တာလုံး ရေကို နည်းနည်းချင်း မကြာခဏသောက်ပေးဖို့ လိုအပ်ပါတယ်။

💡 Aung Zeyar Clinic ရဲ့ အကြံပြုချက်:
အစာစားတဲ့အခါ တစ်ကြိမ်တည်း အများကြီး စားတာထက် နည်းနည်းချင်းစီ ခွဲစားတာက အစာခြေစနစ်အတွက် ပိုကောင်းပါတယ်။ အကယ်၍ မိဘဘိုးဘွားတွေမှာ အစားအသောက် ပျက်တာ၊ အာဟာရချို့တဲ့တယ်လို့ ယူဆရတာမျိုးရှိရင် ကျွမ်းကျင်ဆရာဝန်များနဲ့ ဆွေးနွေးတိုင်ပင်ဖို့ လိုအပ်ပါတယ်။

မိဘဘိုးဘွားတို့ ကျန်းမာသက်ရှည်ဖို့ Aung Zeyar Clinic က အမြဲအနားမှာ ရှိနေပါတယ်။ ❤️

✅ အောင်ဇေယျာ အထူးကုဆေးခန်း ✅
Ph : 09769900088, 095050819
Address : S/44, ရွှေသရဖီရိပ်မွန်၊ ရေကြောင်းသိပ္ပံရှေ့၊ ဘုရင့်နောင်လမ်းမကြီး၊ ကမာရွတ်မြို့နယ်။

#လိူင် #ကျန်းမာရေး #ကမာရွတ် #ရွှေအင်ကြင်း #ရွာမကွေ့ #ကာကွယ်ဆေး

🥵 အပူရှိန်ပြင်းတဲ့ နွေရာသီမှာ "Heatstroke" အန္တရာယ်ကနေ မိသားစုကို ဘယ်လိုကာကွယ်မလဲ?နွေဦးရဲ့ အပူဆုံးလတွေထဲကို ရောက်ရှိလာတာ...
27/04/2026

🥵 အပူရှိန်ပြင်းတဲ့ နွေရာသီမှာ "Heatstroke" အန္တရာယ်ကနေ မိသားစုကို ဘယ်လိုကာကွယ်မလဲ?

နွေဦးရဲ့ အပူဆုံးလတွေထဲကို ရောက်ရှိလာတာနဲ့အမျှ တစ်နေ့ထက်တစ်နေ့ အပူရှိန်က ပိုမိုမြင့်တက်လာနေပါတယ်။ ဒီလိုအချိန်မှာ အဖြစ်အများဆုံးနဲ့ အသက်အန္တရာယ်အထိ စိုးရိမ်ရတာကတော့ 𝐇𝐞𝐚𝐭𝐬𝐭𝐫𝐨𝐤𝐞 (အပူလျှပ်ခြင်း) ပဲ ဖြစ်ပါတယ်။
မိမိတို့ရဲ့ မိဘဘိုးဘွားတွေနဲ့ ကလေးငယ်တွေမှာ အောက်ပါလက္ခဏာတွေ ရှိနေပြီလားဆိုတာ အမြဲသတိပြု ကြည့်ရှုပေးဖို့ Aung Zeyar Clinic မှ တိုက်တွန်းလိုပါတယ်။

✨ Heatstroke ရဲ့ သတိပေးလက္ခဏာများ
• ခန္ဓာကိုယ်အပူချိန် အလွန်မြင့်တက်လာခြင်း (၁၀၄ ဒီဂရီဖာရင်ဟိုက်နှင့်အထက်)။
• ခေါင်းမူးခြင်း၊ ခေါင်းကိုက်ခြင်းနှင့် အော့အန်ခြင်း။
• သတိလစ်ခြင်း သို့မဟုတ် စိတ်ဂယောင်ခြောက်ခြားဖြစ်ခြင်း။
• ချွေးမထွက်တော့ဘဲ အရေပြားများ နီမြန်းခြောက်သွေ့လာခြင်း။

🛡️ ဘယ်လိုကာကွယ်ကြမလဲ?
• ရေများများသောက်ပါ: ရေငတ်သည်ဖြစ်စေ၊ မငတ်သည်ဖြစ်စေ တစ်နေ့တာလုံး ရေကို ပုံမှန်သောက်ပေးပါ။
• နေရောင်ခြည်ကို ရှောင်ပါ: အပူဆုံးအချိန် (မနက် ၁၁ နာရီမှ ညနေ ၄ နာရီအတွင်း) အပြင်ထွက်ခြင်းကို တတ်နိုင်သမျှ ရှောင်ကြဉ်ပါ။
• အကာအကွယ်ယူပါ: အပြင်ထွက်ရပါက ထီး၊ ဦးထုပ်ဆောင်းခြင်းနှင့် ပေါ့ပါးချောင်ချိသော ချည်သားအဝတ်အထည်များကို ဝတ်ဆင်ပါ။

🆘 အရေးပေါ်အခြေအနေ ကြုံလာပါက...
လူနာကို အေးမြပြီး လေဝင်လေထွက်ကောင်းတဲ့ နေရာကို အမြန်ဆုံးရွှေ့ပြောင်းပါ။ ရေပတ်တိုက်ပေးခြင်း၊ ယပ်ခတ်ပေးခြင်းများ ပြုလုပ်ပြီး နီးစပ်ရာ ဆေးခန်းသို့ အမြန်ဆုံး ပို့ဆောင်ပေးရပါမယ်။

မိဘဘိုးဘွားတွေနဲ့ မိသားစုဝင်တွေရဲ့ ကျန်းမာရေးနဲ့ ပတ်သက်ပြီး စိုးရိမ်ပူပန်မှုများ ရှိနေပါက Aung Zeyar Clinic သို့ လာရောက်ဆွေးနွေး တိုင်ပင်နိုင်ပါတယ်ခင်ဗျာ။ ✨
❤️ အားလုံးပဲ အပူဒဏ်ကနေ ကင်းဝေးပြီး ကျန်းမာရွှင်လန်းကြပါစေ။

✅ အောင်ဇေယျာ အထူးကုဆေးခန်း ✅
Ph : 09769900088, 095050819
Address : S/44, ရွှေသရဖီရိပ်မွန်၊ ရေကြောင်းသိပ္ပံရှေ့၊ ဘုရင့်နောင်လမ်းမကြီး၊ ကမာရွတ်မြို့နယ်။

#ကျန်းမာရေး #လိူင် #ရွှေအင်ကြင်း #ရွာမကွေ့ #ကမာရွတ်

Address

S/44, Shwe Tharaphi Housing, Bayint Naung Road, Kamaryut Township, Yangon
Kamayut
11041

Opening Hours

Monday 08:00 - 19:00
Tuesday 08:00 - 19:00
Wednesday 08:00 - 19:00
Thursday 08:00 - 19:00
Friday 08:00 - 19:00
Saturday 08:00 - 19:00
Sunday 08:00 - 19:00

Telephone

+959769900088

Website

Alerts

Be the first to know and let us send you an email when Aung Zeyar Specialist Clinic posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Aung Zeyar Specialist Clinic:

Shortcuts

Share

Category