21/02/2026
ၵၢၼ်လူႇၼမ်ႉ တွၼ်ႈ 2 (21/2/2026) တီႈဝၢၼ်ႈမႂ်ႇပၢင်ႇပဵင်း ဝၢၼ်ႈမႂ်ႇၼႆႉပဵၼ်ဝၢၼ်ႈဢၼ်ယူႇသုင်သေၼမ်ႉလႄႈၵိၼ်းၸႂ်လွင်ႈၼမ်ႉၵိၼ်ဢိၵ်ႇၼမ်ႉၸႂ်ႉတႄႉတႄႉ တွၵ်ႇၼမ်ႉဢႃႈဝေႇၸီႉၵေႃႈသမ်ႉလႆႈတွၵ်ႇလိုၵ်ႉလိုၵ်ႉ ၶုတ်းၼမ်ႉမေႃႇၵေႃႈလႆႈၶုတ်းလိုၵ်း ၼမ်ႉႁူၺ်ႈသမ်ႉယူႇတႅမ်ႇသေဝၢၼ်ႈတႄႉတႄႉ လိူဝ်သေၼၼ်ႉၵူၼ်းဝၢၼ်ႈၵမ်ႉၼမ်ၼမ်သမ်ႉပဵၼ်ၵူၼ်းၵိၼ်းၸႂ် ဢၼ်မီးႁႅင်းငိုၼ်းသေ သိုဝ်ႉၸၢၵ်ႈတိုတ်ႉၼမ်ႉၶိုၼ်ႈၽႅဝ်ႁိူၼ်းၼၼ်ႉ ၵွႆးမီးသၢမ်လင်ၵူၺ်း လိူဝ်သေၼၼ်ႉၸိူဝ်းမီးထူဝ်ႈၵေႃႈလႆႈၵႂႃႇတၵ်းၼမ်ႉတီႈၵႆသေသႂ်ႇပုင်းလိူင်တၢင်ႇထူဝ်ႈမႃး ၸိူဝ်းဢမ်ႇမီးသင်သမ်ႉလႆႈလူင်းၵႂႃႇတၵ်းၼမ်ႉႁူၺ်ႈဢၼ်ယူႇလိုၵ်ႉလႄႈသဵၼ်ႈတၢင်းၸၼ်းတႄႉတႄႉသေၶိုၼ်ႈမႃးၸႂ်ႉ ၼမ်ႉၵိၼ်ၵေႃႈလႆႈႁႃယွၼ်းၵိၼ်တီႈႁိူၼ်းဢၼ်ၶႅၼ်းၸႂ်ၸင်ႇတေလႆႈၵိၼ်လႆႈၸႂ်ႉ ၵွပ်ႈၼႆလႄႈယူႇတီႈမုင်ႉႁေႃႁိူၼ်းၶႃႈႁဝ်းသေတေလူႇပၼ်ၼမ်ႉတႃႇဢၢပ်ႇတႃႇၸႂ်ႉ သၵ်ႉၶူဝ်းလွႆးၶူဝ်း ၼမ်ႉသႂ်ႇထၢင်လႄႈလၢင်ႉမေႃႈလၢင်ႉဝၢၼ်ႇ (ၼမ်ႉၵိၼ်တႄႉပႆႇလီၵိၼ်) တႃႇတေႁႂ်ႈပေႃးလႆႈၸႂ်ႉၼမ်ႉလီလီၼၼ်ႉ ၶႃႈႁဝ်းတေလူႇတၢၼ်းပၼ် ၶၼ်ႇဝႆႉပဵၼ်သွင်တွၼ်ႈ တွၼ်ႈၼိုင်ႈတႄႉၼႂ်းလိူၼ်ထူၼ်ႈ 2/2026 ၼႆႉတေဢဝ်ၼမ်ႉၶိုၼ်ႈထိုင်ၼႂ်းၵၢင်ႈဝၢၼ်ႈသေ တေဢဝ်ၽႃႈယၢင်ပၢၼ်ႈသေပၼ်ၵၼ်ၸႂ်ႉၵႂႃႇၵွၼ်ႇ ပေႃးထိုင်မႃးလိူၼ်ထူၼ်ႈ 4/2026 သမ်ႉတေၶိုၼ်းသိုပ်ႇႁဵတ်းပၼ်ယွင်ၼမ်ႉလႄႈၵပ်းတေႃႈလွတ်ႇၼမ်ႉၸႅၵ်ႇၽႄပၼ်ႁႂ်ႈထိုင်ၼႃႈႁိူၼ်းၵူႈလင်လင်သေ ၸင်ႇၵွႆႈႁႅၼ်းပၢင်လူႇတၢၼ်းၵၢပ်ႈသွမ်းသင်ႇၶႃႇၸဝ်ႈသေလူႇတၢၼ်းယၢတ်ႇၼမ်ႉၵႂႃႇၼႆၶႃႈဢေႃႈ ယိူင်းဝႆႉဝႃႈတေႃႇပေႃးယဝ်ႉသဵင်ႈသဵင်ႈၼႆႉ တေသဵင်ႈတီႈဢေႇမၼ်းမွၵ်ႈပၢၵ်ႇသႅၼ်(သိပ်းလၢၼ်ႉ)ၶႃႈ ၵူႉသူဝ်ႇတၢင်းလီတီႈၼႆႈ ႁႂ်ႈလႆႈၽဵင်ႇပဵင်းၵၼ်တၢင်းသဵင်ႈသေၵမ်းၶႃႈ 🙏🙏🙏
