နေသူရိန်ဆေးခန်းနှင့်ဆေးဆိုင်-Nay Thu Rein Clinic

28/07/2026

"ကျန်းမာရေးဆိုတာ အချိန်ရွေးလို့ မရပါဘူး" ❤️
မနက်ပဲဖြစ်ဖြစ်၊ ညနက်သန်းခေါင်ပဲဖြစ်ဖြစ် သင်နဲ့ သင့်မိသားစု ကျန်းမာရေးအတွက် နေသူရိန် ၂၄ နာရီ ဆေးခန်းနှင့် ဆေးဆိုင် က အမြဲအသင့်ရှိနေပါတယ်။
စိတ်ချရတဲ့ ဆေးဝါးများ စုံလင်စွာရရှိနိုင်ခြင်း
စေတနာအပြည့်နဲ့ ဂရုစိုက်ကုသပေးမယ့် ဆရာဝန်များနှင့် ဝန်ထမ်းများ
၂၄ နာရီ ပွင့်လှစ်ထားတာမို့ အရေးပေါ်အချိန်တိုင်း အားကိုးလိုက်ပါ
09982017490

19/07/2026

စပျစ်သီးသန္ဓေ 🍇

သန္ဓေသားက စပျစ်သီးတွေဖြစ်နေတာလား❓
စပျစ်သီး​တွေ ဗိုက်ထဲ​ရောက်​နေတာလား ❓
မဟုတ်ပါဘူး❌
သာကူ​စေ့လို အစိစိလေးတွေ စပျစ်ခိုင်လိုမျိုးဖြစ်နေလို့ စပျစ်သီးသန္ဓေလို့ ခေါ်ကြတာပါ။ 🍇

ဘယ်လိုသိနိုင်လဲ❓
အာထရာဆောင်း​ရိုက်ပြီးသိနိုင်ပါတယ်။✅ ​သွေးထဲရှိ ကိုယ်ဝန်​ဆောင်​ဟော်မုန်း အဆမတန် များပြား​နေခြင်းကို ​သွေးစစ်ခြင်းဖြင့်လည်း သိနိုင်ပါတယ်။✅
သားအိမ်ခြစ်ကုသပြီး အသားစပို့ခြင်းဖြင့် ပိုသေချာစေပါ​တယ်။ ✅

ဘယ်လိုလက္ခဏာ​တွေ ထူးထူးခြားခြားရှိတတ်လဲ❓
များ​သောအားဖြင့်​တော့ ပုံမှန် ကိုယ်ဝန်ပျက်ကျတဲ့ လက္ခဏာ​တွေနဲ့ ဆင်တူပါတယ်။
📍ရာသီထိန်မယ်၊ ​
📍ဆီးစစ်ရင် နှစ်​ကြောင်း​ပေါ်မယ်၊ ​
📍သွေးဆင်းမယ်။
📍တစ်ခါတစ်​လေ အ​ပေါ်မှာ​ပြောသလို သာကူ​စေ့လို အစိစိ​လေး​တွေ ​သွေးဆင်းရင်းပါလာမယ်။
အခု​နောက်ပိုင်း​တော့ နည်းနည်း ရှားသွား​ပေမယ့် တစ်ချို့ ကိုယ်ဝန်လနုတုန်းမှာ ​သွေးလည်းမဆင်း/ ဆင်းခဲ့​သော်လည်း အမှတ်မဲ့​နေလိုက်ပြီး ​မသိလိုက်​တဲ့ သူများအ​နေနဲ့က​တော့ ကိုယ်ဝန်ရှိရမယ့်လထက် ပို၍ဗိုက်ထွက်​နေခြင်း၊ ကိုယ်ဝန်ဆိပ်တက်ခြင်း (ကိုယ်ဝန်​ဆောင်​သွေးတိုးဖြစ်ခြင်း) တို့ ဖြစ်တတ်ပါတယ်။

ကုသမှုပိုင်းက​ရော ဘယ်လိုကုလို့ရလဲ❓
ကိုယ်ဝန်ပျက်သလိုနဲ့ ဆင်တူတယ်လို့ ​ပြောခဲ့သလိုပဲ သားအိမ်ခြစ်ပြီး ကုသရပါတယ်။ သားအိမ်ခြစ်တဲ့​နေရာမှာ သမားရိုးကျ သားအိမ်ခြစ်တာမျိုးမဟုတ်ဘဲ ​လေစုပ်ပြီး သားအိမ်ခြစ်တာက အ​ကောင်းဆုံး ကုသနည်းဖြစ်ပါတယ်။

သားအိမ်ခြစ်လိုက်ရင် ​ပျောက်သွား​ရောလား❓
များ​​သောအားဖြင့်​တော့ သားအိမ်ခြစ်ပြီးရင် ​ပျောက်ကင်းတတ်ပါတယ်။
သို့​ပေမယ့်လည်း အနည်းငယ်​သော သူ​တွေမှာ စပျစ်သီးသ​န္ဓေအသားစများ သားအိမ်တွင်း ကပ်ကျန်​နေခြင်း၊ သားအိမ်အသားထဲတွင်နစ်မြစ်​နေခြင်းတို့ ဖြစ်တတ်သဖြင့် သားအိမ်ခြစ်ပြီး ​နောက်ပိုင်းလည်း အနည်းဆုံး ၆ လ​လောက်ထိ သက်ဆိုင်ရာဆရာဝန်နဲ့ ပုံမှန်ဆက်ပြပြီး ဆီး/​သွေးတို့ထဲရှိ ကိုယ်ဝန်​ဆောင်​ဟော်မုန်းကို တိုင်းတာ​စောင့်ကြည့်ဖို့လိုပါတယ်။ ✅

သားအိမ်ထဲမှာ ကျန်​နေတာ/ ကိုယ်ဝန်​ဆောင်​ဟော်မုန်းက မကျပဲ များ​​နေရင်​ရော စိုးရိမ်ရလား။ ဘာဖြစ်တတ်လဲ❓

အခုလိုဖြစ်​နေတယ်ဆိုရင်​တော့ အ​ရေးကြီးပါတယ်။ ထိ​ရောက်တဲ့ ကုသမှု ​သေချာ မခံယူရင် ကင်ဆာပြောင်းတတ်လို့ပါ။‼️
ဒါပေမယ့် တခုတည်းသော ပျောက်အောင်ကုနိုင်တဲ့ ကင်ဆာလို့ပဲ ဆိုပါရစေ။
ကင်ဆာ​ပြောင်းသွားရင်​တော့ ပြန့်တာလည်းမြန်သလို ​စောစီးစွာသိပြီး အချိန်မီ ​ကင်ဆာ​ဆေးသွင်းနိုင်ရင် အလုံးစုံ​ပျောက်ကင်းသည်အထိ ကုသနိုင်တဲ့ ကင်ဆာတစ်မျိုးလည်းဖြစ်ပါတယ်။ 💯
သတ်မှတ်ထားတဲ့အချက်တွေနဲ့ အမှတ်တွေတွက်ပြီးရင်တော့ သင့်တော်တဲ့ ဆေးအမျိုးအစားများကို ရက်အလိုက်သွင်းခြင်းဖြင့် နောက်ဆုံးမှာ ပျောက်ကင်းနိုင်ပါတယ်

ဘာအရေးကြီးလဲ❓
ချိန်းဆိုတဲ့အတိုင်း မပျက်မကွက် လာရောက်ပြသဖို့နဲ့ ညွှန်ကြားချက်များကို တိတိကျကျလိုက်နာဖို့ အရေးကြီးပါတယ်..
ဒါမှသာ အမြစ်ပြတ် ကုသနိုင်မှာဖြစ်ပါတယ်✅

အခုလက်ရှိက​လေးကလည်းမရ​သေး စပျစ်သီးသ​န္ဓေကလည်းဖြစ်​နေ​တော့ က​လေးရပါဦးမလား❓
ရနိုင်ပါတယ်✅
အ​ပေါ်မှာ​ပြောခဲ့သလိုပဲ ညွှန်ကြားချက်​တွေကို ​သေချာလိုက်နာပြီး ပုံမှန်ကုသမှုခံယူလို့ ​ပျောက်ကင်းသွားတဲ့အချိန် က​လေးယူလို့ရပါတယ်။
ကင်ဆာ​ပြောင်းသွားလို့ ကင်ဆာ​ဆေး​တွေသွင်းပြီး ​​ပျောက်ကင်း​အောင် ကုသပြီး​နောက်ပိုင်း​တောင် က​လေးယူလို့ရပါ​သေးတယ် ✅

ဒီလောက်ဆို စပျစ်သီးသန္ဓေအကြောင်း ကြားဖူးနားဝ ရှိသွားလောက်မယ်လို့ မျှော်လင့်မိပါတယ်☘️

နေသူရိန်၂၄နာရီအထွေထွေရောဂါကုဆေးခန်းနှင့်ဆေးဆိုင်
68 လမ်း 110×111 လမ်းကြား
#၂၄ နာရီဆေးခန်း #
09982017490

Credit Dr Soe Lwin

13/07/2026

❤️သားအိမ်ကျခြင်း အကြောင်းကိုဆွေးနွေးပေးသွား
မှာဖြစ်ပါတယ် ❤️

သားအိမ်ကျတဲ့ပြဿနာကို ကုသလို့ရလား ။ ။

✔️မိန်းမကိုယ်ဝမှာ တစ်ဆို့ဆို့ကြီးနဲ့၊ နေရထိုင်ရခက် အောင့်တောင့်တောင့်နဲ့ ဖြစ်နေလို့ ဆရာဝန်ဆီ ပြေးတဲ့အခါ သားအိမ်ကျ နေပြီဆိုတဲ့ ဝေဒနာ ကိုယ့်မှာ ခံစားနေရပြီ ဆိုတဲ့ အဖြေထွက်လာပြီ ဆိုရင် လန့်သွားတတ်ကြတာ အမျိုးသမီးတိုင်းပါ။

❓❓သားအိမ်ကျတဲ့ပြဿနာကို ကုသလို့ရလား ။

❓❓သားအိမ်ကျတဲ့ ပြဿနာ ဘာ့ကြောင့် ဖြစ်ရတာလဲ။

✔️အဓိက ကတော့ သားအိမ်ကို ထိန်းထားတဲ့ တင်ပဆုံ ကြွက်သားတွေနဲ့ အရွတ်တွေ အားလျော့သွားတာကြောင့် ဖြစ်ရတာပါ။

✔️ ဒီတော့ ဒီ ကြွက်သားနဲ့ အရွက်တွေကို အားလျော့စေတဲ့ ပြဿနာတွေဖြစ်တဲ့ကိုယ်ဝန်ဆောင်တဲ့ အကြိမ် အရေအတွက် များတာ
မီးဖွားချိန် သားအိမ် ဝန်းကျင်ကို ထိခိုက်မိတာ
ပေါင်ချိန်များတဲ့ ကလေး၊ ကလေး ကြီးကြီးတွေကို မိန်းမကိုယ်ကနေ ရိုးရိုးမွေးတာ

✔️အလေးအပင်တွေ မလွန်းတာ စတာတွေက သားအိမ်ကျခြင်းကို ဖြစ်စေတဲ့ အကြောင်းအရင်းတွေပါ။

✅သားအိမ်ကျတဲ့ ပြဿနာကို ကုသမှုဟာ သားအိမ်ကျတဲ့ အဆင့် ဆိုးရွားမှုတွေပေါ် မူတည်ပါတယ်။

❇️Pessary – ရာဘာကွင်းစွတ်ခြင်း ။ ကျနေတဲ့ သားအိမ်နဲ့ တစ်ရှူး အပိုင်းအစတွေကို ထိန်းဖို့ သားအိမ် ရာဘာကွင်း စွတ်တာကတော့ သားအိမ်ကျတဲ့သူတိုင်းကို ကုသနေကျနည်း တစ်ခုပါ။

❇️ခွဲစိတ်မှု – တချို့ ပြင်းထန်တဲ့သားအိမ်ကျတဲ့ ပြဿနာတွေမှာဆို ခွဲစိတ်မှု လုပ်ဖို့ လိုအပ်ပါတယ်။

ခွဲစိတ်မှုတွေကတော့ – ကိုယ့်ကိုယ်ခန္ဓာက ကြွက်သားတွေကို ပြန်ယူပြီး အားနည်းနေတဲ့ တင်ပဆုံ ကြွက်သားတွေကို ပြန်ပြီး ပြုပြင်ခွဲစိတ်တာမျိုးပါ။

❇️နောက်ဆုံး မရတော့တဲ့ အခြေအနေမှာဆို သားအိမ်ကို ထုတ်လိုက်တာမျိုးတွေ စတဲ့ နည်းတွေ နဲ့ ကုသလို့ ရပါတယ်။

✅စစချင်း သိပ်မပြင်းထန်တဲ့ ကိစ္စမှာတော့ ဘာပြဿနာမှ မရှိသေးတဲ့ အတွက် ထွက်ခါစ ပြုနေတဲ့ သားအိမ် ပြန်ဝင်သွားအောင် Kegel exercises လေ့ကျင့်ခန်းလုပ်
ကိုယ်အလေးချိန် လျှော့တာတွေ အပြင်
အားနဲ့ ညှစ်စေတဲ့ ကျန်းမာရေး ပြဿနာတွေဖြစ်တဲ့ချောင်းဆိုးတာတွေ ဝမ်းချုပ်တာတွေကိုပါ ကုသဖို့ လိုအပ်ပါတယ်။
နောက်ပြီး အလေးအပင် မတာတွေဖို့ လိုအပ်ပါတယ်

Crd to original Owner

11/07/2026

09/07/2026

ဆေးခန်းလည်းပြ... ဆေးလည်းချက်ချင်းဝယ်... ၂၄ နာရီလုံး စိတ်ချရတဲ့ “နေသူရိန်" ဆေးခန်းနှင့်ဆေးဆိုင် ☀️🏥💊
နေမကောင်းဖြစ်လို့ ဆေးခန်းပြပြီးရင် ညဉ့်နက်သန်းခေါင် ဆေးရောင်းတဲ့ဆိုင် လိုက်ရှာရမှာကို စိုးရိမ်နေပါသလား?
နေသူရိန် ၂၄ နာရီ အထွေထွေရောဂါကုဆေးခန်း နှင့် ဆေးဆိုင် မှာဆိုရင်တော့ ဆေးခန်းပြသခြင်းတင်မကဘဲ လိုအပ်တဲ့ ဆေးဝါးများကိုပါ တစ်ပါတည်း တစ်နေရာတည်းမှာတင် အလွယ်တကူ ဝယ်ယူရရှိနိုင်ပါပြီ။
ကျန်းမာရေးအတွက် လိုအပ်သမျှကို နေ့ညမရွေး တစ်နေရာတည်းမှာ ယုံကြည်စိတ်ချစွာ ဝန်ဆောင်မှုပေးနေတဲ့ နေသူရိန်"

မိမိနှင့် မိသားစုဝင်များ ကျန်းမာရေးအတွက် စိတ်ပူပန်စရာရှိလာရင် နေသူရိန်သို့ လှမ်းလာခဲ့ဖို့ ဖိတ်ခေါ်လိုက်ရပါတယ်။
📍 ဆေးခန်းနှင့်ဆေးဆိုင်လိပ်စာ: ၆၈ လမ်း ၁၁၀နှင့်၁၁၁ကြား မန်းလေးမြို့သစ်
📞 ဆက်သွယ်ရန် ဖုန်းနံပါတ်: ၀၉၉၈၂၀၁၇၄၉၀

06/07/2026

အလုပ်တွေ အရမ်းရှုပ်နေလို့ဖြစ်ဖြစ်၊ ဂိမ်းဆော့လို့ ကောင်းနေလို့ဖြစ်ဖြစ်၊ ဒါမှမဟုတ် ကြည့်နေတဲ့ ရုပ်ရှင်က အရှိန်တက်နေလို့ပဲဖြစ်ဖြစ်… တစ်ခါတရံ ကျနော်တို့တွေ ဆီးသွားချင်ပေမဲ့ “ခဏလေးပါပဲ၊ ဒါလေးပြီးမှ သွားလိုက်မယ်” ဆိုပြီး အောင့်ထားတတ်ကြပါတယ်၊ ဟုတ်တယ်မလား။ 😉

ဒါပေမဲ့ ဒီလို “ခဏလေးပါပဲ” ဆိုတဲ့ အကျင့်လေးက ရေရှည်မှာ ကျနော်တို့ ခန္ဓာကိုယ်ကို ဘယ်လောက်တောင် ဒုက္ခပေးနိုင်လဲဆိုတာ သိပြီးရင်တော့ နောက်ခါ ဆီးသွားချင်ရင် အလုပ်ခဏချပြီး ပြေးသွားမိကြမှာပါ။ ဆီးအောင့်တာကနေ ဘာတွေဖြစ်လာနိုင်လဲဆိုတော့..

၁။ ပိုးဝင်ပြီး ဆီးလမ်းကြောင်းပိုးဝင်ခြင်း (UTI) ဖြစ်နိုင်တယ် 🦠

ဆီးအိမ်ဆိုတာ ခန္ဓာကိုယ်ထဲက မလိုလားအပ်တဲ့ စွန့်ပစ်ပစ္စည်းနဲ့ ဘက်တီးရီးယားတွေကို ဖယ်ထုတ်ပေးတဲ့နေရာပါ။ ဆီးကို အကြာကြီး အောင့်ထားလိုက်တဲ့အခါ ဆီးအိမ်ထဲမှာ ဘက်တီးရီးယားတွေ ပွားများဖို့ အချိန်ရသွားပြီး ဆီးလမ်းကြောင်း ပိုးဝင်တာ၊ ဆီးသွားရင် စပ်ဖျဉ်းဖျဉ်းဖြစ်ပြီး အောင့်တာမျိုးတွေ ကြုံရတတ်ပါတယ်။

၂။ ဆီးအိမ်ကြွက်သားတွေ လျော့ရဲလာမယ် 🎈

ဆီးအိမ်က ရုန်းကန်အားရှိတဲ့ ပူဖောင်းလေးလိုပါပဲ။ ဒါပေမဲ့ သူ့ကို ခဏခဏ အတင်းအကြပ် ဖောင်းကားနေအောင် ဆီးတွေအောင့်ထားရင် ရေရှည်မှာ ဆီးအိမ်ကြွက်သားတွေ လျော့ရဲကုန်ပါတယ်။ နောက်ပိုင်းကျရင် ဆီးသွားချင်စိတ်ကို ကောင်းကောင်း မထိန်းနိုင်တော့တာမျိုး ဒါမှမဟုတ် ဆီးသွားရင်လည်း ကုန်အောင် မသွားနိုင်တော့တာမျိုး ဖြစ်လာတတ်ပါတယ်။

၃။ ကျောက်ကပ်ကို တိုက်ရိုက်ထိခိုက်နိုင်တယ် ⚠️

ဒါကတော့ အဆိုးဆုံးပါပဲ။ ဆီးအိမ်ထဲမှာ ဆီးတွေ အရမ်းပြည့်လျှံနေတဲ့အထိ အောင့်ထားရင် အဲ့ဒီဆီးတွေက ကျောက်ကပ်ဆီကို နောက်ပြန်လျှံတက်သွားနိုင်ပါတယ်။ အဲ့ဒီအခါ ကျောက်ကပ်ပိုးဝင်တာမျိုးနဲ့ ရေရှည်မှာ ကျောက်ကပ်ပျက်စီးတာမျိုးအထိ ဖြစ်သွားစေနိုင်ပါတယ်။

၄။ ဆီးကျောက်တည်ခြင်း 💎

ဆီးထဲမှာ ကယ်လ်စီယမ်နဲ့ ယူရစ်အက်ဆစ် (Uric Acid) လိုမျိုး သတ္တုဓာတ်တွေ ပါဝင်ပါတယ်။ ဆီးကို အကြာကြီး အောင့်ထားပြီး ရေလည်း ပုံမှန်မသောက်ဘူးဆိုရင် အဲ့ဒီဓာတ်တွေက ဆီးအိမ်ထဲမှာ အနည်ထိုင် ခဲသွားပြီး ဆီးကျောက်တည်ခြင်းကို ဖြစ်စေပါတယ်။

ရှင်းရှင်းပြောရရင် အလုပ်ကိစ္စတွေ၊ ဂိမ်းတွေက ခဏရပ်ထားလို့ ရပေမဲ့ ကျန်းမာရေး မကောင်းရင်တော့ကိုယ်ပဲ ခံရမှာပါ။ ဆီးအောင့်တာက ခဏလေးဆိုပေမဲ့ ဖြစ်လာတဲ့နောက်ဆက်တွဲက တကယ့်ကို ခံရခက်ပါတယ် မိတ်ဆွေ။

ဒါကြောင့် နောက်တစ်ခါ ဆီးသွားချင်စိတ် ပေါ်လာပြီဆိုရင် အလုပ်တွေကို ခဏဘေးဖယ်၊ ဂိမ်းကို ခဏ Pause လုပ်ပြီး ထသွားဖို့ အကြုံပြုပါတယ်။ ကိုယ့်ခန္ဓာကိုယ်လေးကို ကိုယ်တိုင်ပဲ ဂရုစိုက်ပါ။ 💪❤️

#ကျန်းမာရေးဗဟုသုတ #ဆီးလမ်းကြောင်းကျန်းမာရေး #ကျန်းမာရေး
#
နေသူရိန် ဆေးခန်းနှင်ဆေးဆိုင်

05/07/2026

#လက်သည်း၊ ခြေသည်း မှိုစွဲတဲ့ရောဂါ (Fungal Nail Infection) အကြောင်းကို ရှင်းပြပေးပါမယ်ခင်ဗျာ။
ဒီရောဂါဟာ အဖြစ်များလေ့ရှိပြီး အဓိကအားဖြင့် စိုစွတ်တဲ့ ပတ်ဝန်းကျင်ကြောင့် မှိုပိုးမွှားတွေ လက်သည်း/ခြေသည်းထဲ ခိုအောင်းပွားများရာကနေ ဖြစ်လာတာပါ။
၁။ ရောဂါလက္ခဏာများ
မှိုစွဲတဲ့အခါ အောက်ပါလက္ခဏာတွေကို သတိထားမိနိုင်ပါတယ် -
အရောင်ပြောင်းလဲခြင်း: လက်သည်း/ခြေသည်းတွေဟာ ဖြူဖျော့ဖျော့၊ ဝါကျင့်ကျင့် ဒါမှမဟုတ် အညိုရောင် ပြောင်းလာတတ်ပါတယ်။
ထူထဲလာခြင်း: လက်သည်းက ပုံမှန်ထက် ပိုထူလာတတ်ပါတယ်။
ကြွပ်ဆတ်လာခြင်း: လက်သည်းတွေက ကျိုးလွယ်၊ ပဲ့လွယ်ပြီး အနားသတ်တွေ ပဲ့ကြွေလာတတ်ပါတယ်။
ပုံသဏ္ဌာန်ပျက်ခြင်း: လက်သည်းပုံစံက ကောက်ကွေးတာ၊ ပုံပျက်ပန်းပျက် ဖြစ်လာတာမျိုးပါ။
အနံ့ဆိုးထွက်ခြင်း: မှိုစွဲနေတဲ့ လက်သည်းအောက်ခြေကနေ အနံ့ညှော်ညှော် ထွက်လာတတ်ပါတယ်။
၂။ ဘာကြောင့် ဖြစ်ရတာလဲ (အဖြစ်များသည့် အကြောင်းရင်းများ)
စိုစွတ်ပြီး အောင်းနေတဲ့ ပတ်ဝန်းကျင် (ဥပမာ- ချွေးအောင်းတဲ့ ရှူးဖိနပ်တွေကို အကြာကြီး စီးထားခြင်း)။
ရေ၊ ဆပ်ပြာ၊ ဒါမှမဟုတ် ဓာတုပစ္စည်းတွေနဲ့ လက်ကို အမြဲမပြတ် ထိတွေ့နေရခြင်း။
ခြေသည်း၊ လက်သည်း အလှပြင်ဆိုင်တွေမှာ ပိုးသတ်မထားတဲ့ အသုံးအဆောင်တွေကို သုံးမိခြင်း။
ကိုယ်ခံအားနည်းခြင်း သို့မဟုတ် သွေးချို/ဆီးချို ရောဂါအခံရှိခြင်း။
၃။ ကာကွယ်နည်းနှင့် ဂရုစိုက်နည်းများ
ခြောက်သွေ့အောင်ထားပါ: လက်နဲ့ ခြေထောက်ကို ရေချိုးပြီးတိုင်း၊ အလုပ်လုပ်ပြီးတိုင်း ခြောက်သွေ့အောင် သေချာသုတ်ပါ။
လက်သည်း၊ ခြေသည်း တိုတိုညှပ်ပါ: ပုံမှန်တိုတို ညှပ်ပေးပြီး သန့်ရှင်းရေးလုပ်ပါ။ ညှပ်တဲ့ ကတ်ကြေးကိုလည်း သုံးပြီးတိုင်း အရက်ပြန်နဲ့ သန့်စင်ပါ။
လေဝင်လေထွက်ကောင်းအောင်ထားပါ: ချွေးစုပ်တဲ့ ဂွမ်းခြေအိတ် (Cotton) တွေကို ဝတ်ဆင်ပြီး ဖိနပ်ကို လေဝင်လေထွက်ကောင်းတာမျိုး ရွေးစီးပါ။
အလှပြင်ဆိုင်ရွေးချယ်မှု: လက်သည်းသွားပြင်တဲ့အခါ ပိုးသတ်စနစ် သေချာတဲ့ ဆိုင်မျိုးကိုပဲ ရွေးချယ်ပါ။
၄။ ကုသခြင်း
မှိုပိုးဟာ သူ့အလိုလို ပျောက်ကင်းသွားဖို့ ခဲယဉ်းပြီး ကုသရတာ အနည်းငယ် အချိန်ယူရတတ်ပါတယ် (အထူးသဖြင့် ခြေသည်းတွေဆိုရင် ပိုကြာတတ်ပါတယ်)။
လိမ်းဆေးများ: အခြေအနေ သိပ်မပြင်းထန်ရင် မှိုသတ်ဆေးရည် (Nail lacquer) သို့မဟုတ် ခရင်မ်တွေကို နေ့စဉ် မှန်မှန် လိမ်းပေးရပါမယ်။သောက်ဆေးများ: မှိုစွဲတာ ပြင်းထန်ရင်တော့ ဆရာဝန်နဲ့ ပြသပြီး မှိုသတ်သောက်ဆေးတွေကို (လအနည်းငယ်ကြာ) သောက်ဖို့ လိုအပ်ပါတယ်

နေသူရိန်၂၄နာရီအထွေထွေရောဂါကုဆေးခန်းနှင့်ဆေးဆိုင်
68 လမ်း 110×111 လမ်းကြား
#
09982017490

သောက်ဆေးများ: မှိုစွဲတာ ပြင်းထန်ရင်တော့ ဆရာဝန်နဲ့ ပြသပြီး မှိုသတ်သောက်ဆေးတွေကို (လအနည်း

02/07/2026

Amlosun 5 ကို နေသူရိန်Pharmacy မှာ ရရှိပါပြီနော် 🥰

💁 နေသူရိန်ဆေးဆိုင်မှာ သွေးတိုးကျဆေးအမျိုးမျိုးကို ကိုယ်တိုင်စိတ်တိုင်းကျ လာရောက် ဝယ်ယူနိုင်ပါတယ်။ သိလိုသည်များကို messengerမှာ မေးမြန်းနိုင်ပါတယ်။

🏡 68 လမ်း ၁၁၀/၁၁၁ကြား မြို့သစ် မန်းလေးမြို့

Viber 09 982017490

#သွေးတိုးကျဆေး

25/06/2026

Betex ဆေးပြား/ဆေးတောင့် (အာရုံကြောအားဆေး)
Betex ကတော့ ဗီတာမင် B Complex (Vitamin B1, B6, B12) ဓာတ်တွေ အဓိကပါဝင်တဲ့ အာရုံကြော အားဆေး ဖြစ်ပါတယ်။ #
အဓိက အာနိသင်များ:
အာရုံကြောစနစ်ကို အားကောင်းစေခြင်း: ခြေလက်ထုံကျင်တာ၊ ကျဉ်စိမ့်စိမ့်ဖြစ်တာ၊ အာရုံကြောအားနည်းတာတွေကို သက်သာစေပါတယ်။
ပင်ပန်းနွမ်းနယ်မှု လျှော့ချပေးခြင်း: ခန္ဓာကိုယ်တွင်း အစားအစာတွေကနေ စွမ်းအင်ပြောင်းလဲမှုကို ကူညီပေးလို့ ပင်ပန်းနွမ်းနယ်တာ၊ စိတ်ဖိစီးတာတွေ သက်သာပြီး လန်းဆန်းစေပါတယ်။
သောက်သုံးရန်အညွှန်း: ယေဘုယျအားဖြင့် လူကြီးများအတွက် တစ်နေ့လျှင် ၁ ပြား (သို့မဟုတ်) ဆရာဝန် ညွှန်ကြားချက်အတိုင်း သောက်သုံးနိုင်ပါတယ်။ #

နေသူရိန်၂၄နာရီအထွေထွေရောဂါကုဆေးခန်းနှင့်ဆေးဆိုင်
68 လမ်း 110×111 လမ်းကြား
#
09982017490
Viber Channel လေးကိုလဲ join ထားလို့ရပါတယ်
https://invite.viber.com/?g2=AQAjpHlvouyXc1Xtp5AY%2FrC2EDaxOHsOowz0Q4qjy1hOPBqBmklMjzCu6PBPAn4J