နေသူရိန်ဆေးခန်းနှင့်ဆေးဆိုင်-Nay Thu Rein Clinic

09/05/2026

(ဟန်တာဗိုင်းရပ်စ်) ဆိုတာ ကြွက်တွေဆီကနေတစ်ဆင့် လူကိုကူးစက်တတ်တဲ့ ပြင်းထန်တဲ့ ဗိုင်းရပ်စ်ရောဂါတစ်မျိုး ဖြစ်ပါတယ်။ ဒီဗိုင်းရပ်စ်ဟာ ပတ်ဝန်းကျင်မှာရှိတဲ့ ကြွက်တွေရဲ့ အညစ်အကြေးတွေကတစ်ဆင့် အဓိကကူးစက်တာပါ။
ကူးစက်နိုင်သည့် နည်းလမ်းများ
ဒီဗိုင်းရပ်စ်ဟာ လူအချင်းချင်း ကူးစက်တာမျိုး အလွန်ရှားပြီး များသောအားဖြင့် အောက်ပါနည်းလမ်းတွေနဲ့ ကူးစက်တတ်ပါတယ် -
• ရှူမိခြင်း: ကြွက်ချေး၊ ကြွက်ဆီး သို့မဟုတ် ကြွက်တံတွေးများ ခြောက်သွေ့ပြီး ဖုန်မှုန့်အဖြစ် လေထဲပျံ့နှံ့နေတာကို ရှူမိတဲ့အခါ (ဥပမာ- ကြွက်ရှိတဲ့ အခန်းဟောင်းတွေကို တံမြက်စည်းလှဲတဲ့အခါ)။
• တိုက်ရိုက်ထိတွေ့ခြင်း: ဗိုင်းရပ်စ်ရှိတဲ့ အရာတွေကို ကိုင်တွယ်မိပြီးနောက် မိမိရဲ့ နှာခေါင်း၊ ပါးစပ်နဲ့ မျက်လုံးတွေကို ပြန်ပွတ်မိတဲ့အခါ။
• အကိုက်ခံရခြင်း: ဗိုင်းရပ်စ်ပိုးရှိတဲ့ ကြွက်အကိုက်ခံရတဲ့အခါ။
ခံစားရနိုင်သည့် လက္ခဏာများ
ရောဂါပိုးဝင်ပြီး (၁) ပတ် ကနေ (၈) ပတ်အတွင်း လက္ခဏာတွေ စတင်ပြတတ်ပါတယ်။ အစပိုင်းမှာ တုပ်ကွေး နဲ့ ဆင်တူတဲ့အတွက် သတိထားဖို့ လိုအပ်ပါတယ် -
• ဖျားခြင်းနှင့် ချမ်းတုန်ခြင်း။
• ကြွက်သားများ နာကျင်ခြင်း (အထူးသဖြင့် ပေါင်၊ ခါးနှင့် ပုခုံး)။
• မောပန်းနွမ်းနယ်ခြင်း၊ ခေါင်းမူးခြင်း။
• အစာအိမ်မကောင်းခြင်း၊ အော့အန်ခြင်း။
• ပြင်းထန်လာပါက: အသက်ရှူရခက်ခဲလာခြင်း၊ ချောင်းဆိုးခြင်းနှင့် အဆုတ်ထဲ ရေဝင်ခြင်းတို့ ဖြစ်နိုင်ပါတယ်။
ကာကွယ်နည်းများ
ဒီရောဂါအတွက် သီးသန့်ကာကွယ်ဆေး မရှိသေးတာကြောင့် အဓိကကာကွယ်နည်းမှာ ကြွက်များကို နှိမ်နင်းခြင်း ဖြစ်ပါတယ် -
1. အိမ်ကို လုံခြုံအောင်ထားပါ: အိမ်ထဲကို ကြွက်တွေ မဝင်နိုင်အောင် အပေါက်တွေကို ပိတ်ထားပါ။
2. သန့်ရှင်းရေးလုပ်ပါ: အစားအသောက်တွေကို လုံခြုံအောင် ဖုံးအုပ်ထားပြီး ပန်းကန်ခွက်ယောက်တွေကို ချက်ချင်းဆေးကြောပါ။
3. သတိထား သန့်ရှင်းပါ: ကြွက်ချေး သို့မဟုတ် ကြွက်သေတွေကို တွေ့တဲ့အခါ တံမြက်စည်းမလှဲပါနဲ့ (လေထဲ ပျံ့နှံ့နိုင်လို့ပါ)။ ပိုးသတ်ဆေး သို့မဟုတ် ကလိုရင်း (Bleach) ရည်နဲ့ အရင်ဖြန်းပြီး စိုစွတ်နေမှသာ လက်အိတ်စွပ်ပြီး ဂရုတစိုက် သိမ်းဆည်းပါ။

အရေးကြီးချက်: အကယ်၍ ကြွက်တွေရှိတဲ့နေရာကို သွားထားတာ ဒါမှမဟုတ် သန့်ရှင်းရေးလုပ်ထားတာရှိပြီး ဖျားတာ၊ အသက်ရှူကျပ်တာမျိုး ဖြစ်လာရင် ဆရာဝန်နဲ့ ချက်ချင်းပြသဖို့ လိုအပ်ပါတယ်။ ဆရာဝန်ကိုလည်း မိမိမှာ ကြွက်တွေနဲ့ ထိတွေ့မှုရှိခဲ့ကြောင်း သေချာပြောပြပါ။

08/05/2026

- [ ] ညဘက်မှာ ကောင်းကောင်းအိပ်ပျော်စေဖို့အတွက် လုပ်ဆောင်သင့်တဲ့ အလေ့အကျင့်ကောင်း ၅ ခုကို အောက်ပါအတိုင်း အကြံပြုပေးချင်ပါတယ်ခင်ဗျာ။
- [ ] ၁။ အိပ်ချိန်နှင့် နိုးချိန်ကို ပုံမှန်သတ်မှတ်ပါ
- [ ] နေ့တိုင်း (ပိတ်ရက်အပါအဝင်) အချိန်တစ်ခုတည်းမှာ အိပ်ရာဝင်ပြီး အချိန်တစ်ခုတည်းမှာ နိုးထအောင် ကြိုးစားပါ။ ဤအလေ့အကျင့်က ခန္ဓာကိုယ်ရဲ့ ဇီဝနာရီ (Biological Clock) ကို မှန်ကန်စေပြီး ညဘက်ရောက်ရင် အလိုအလျောက် အိပ်ငိုက်လာအောင် ကူညီပေးပါတယ်။
- [ ] ၂။ အိပ်ရာမဝင်မီ ဖုန်းနှင့် အီလက်ထရွန်းနစ်ပစ္စည်းများ ရှောင်ပါ
- [ ] ဖုန်း၊ ကွန်ပျူတာနဲ့ TV စခရင်တွေက ထွက်တဲ့ အပြာရောင်အလင်း (Blue Light) ဟာ အိပ်စက်ခြင်းကို ဖြစ်စေတဲ့ Melatonin ဟော်မုန်း ထွက်ရှိမှုကို ဟန့်တားပါတယ်။ အိပ်ရာမဝင်မီ အနည်းဆုံး မိနစ် ၃၀ ခန့် ကြိုတင်ပြီး ဖုန်းသုံးခြင်းကို ရပ်နားသင့်ပါတယ်။
- [ ] ၃။ ကဖင်း (Caffeine) နှင့် အစားအသောက် ဆင်ခြင်ပါ
- [ ] နေ့လယ်နောက်ပိုင်းမှာ ကော်ဖီ၊ လက်ဖက်ရည်နဲ့ ကဖင်းပါတဲ့ အအေးများ သောက်သုံးခြင်းကို ရှောင်ကြဉ်ပါ။ ထို့ပြင် ညဘက်မှာ အစာအလွန်အကျွံစားခြင်း သို့မဟုတ် ဗိုက်အရမ်းဆာနေခြင်းကလည်း အိပ်စက်မှုကို အနှောင့်အယှက် ဖြစ်စေနိုင်ပါတယ်။
- [ ] ၄။ အိပ်ခန်းပတ်ဝန်းကျင်ကို သက်သောင့်သက်သာဖြစ်အောင် ပြင်ဆင်ပါ
- [ ] အိပ်ခန်းကို မှောင်နေအောင်၊ အေးမြနေအောင်နဲ့ ဆိတ်ငြိမ်နေအောင် ထားရှိပါ။ အလင်းရောင် အရမ်းများနေရင် မျက်စိပိတ်ပုဝါ (Eye Mask) သုံးတာမျိုး၊ ဆူညံနေရင် နားကြပ် (Earplugs) သုံးတာမျိုး လုပ်ဆောင်နိုင်ပါတယ်။
- [ ] ၅။ စိတ်ကို လျှော့ချပေးမယ့် အလုပ်တစ်ခုခုလုပ်ပါ
- [ ] အိပ်ရာပေါ်မှာ ဟိုဘက်ဒီဘက် လှည့်မနေဘဲ စိတ်အေးချမ်းစေမယ့် အလုပ်မျိုး လုပ်ပေးပါ။
- [ ] • စာအုပ်ဖတ်ခြင်း
- [ ] • တရားထိုင်ခြင်း သို့မဟုတ် အသက်ရှူလေ့ကျင့်ခန်း လုပ်ခြင်း
- [ ] • ရေနွေးနွေးလေးနဲ့ ရေချိုးခြင်း

- [ ] အကြံပြုချက်: အိပ်ရာဝင်ခါနီးမှာ စိတ်ဖိစီးစရာ ကိစ္စတွေကို စဉ်းစားတာထက် "ဒီနေ့ လုပ်ဆောင်ခဲ့သမျှ အဆင်ပြေခဲ့တယ်" လို့ စိတ်ထဲက ကျေးဇူးတင်ပြီး အနားယူတာက ပိုမိုမြန်ဆန်စွာ အိပ်ပျော်စေနိုင်ပါတယ်ခင်ဗျာ။

နေသူရိန်၂၄နာရီအထွေထွေရောဂါကုဆေးခန်းနှင့်ဆေးဆိုင်
68 လမ်း 110×111 လမ်းကြား
#
09982017490

06/05/2026

www.tiktok.com/

မင်္ဂလာပါနေသူရိန်ဆေးခန်း page လေးကို TikTok ပေါ်မှာလဲ follow လုပ်ပေးပါဦးနော် ။ ကျေးဇူးပါ ။

925 Followers, 1720 Following, 1031 Likes - Watch awesome short videos created by နေသူရိန်ဆေးခန်းနှင့်ဆေးဆိုင်

05/05/2026

Body Thu Rein Clinic #

နေသူရိန်၂၄နာရီအထွေထွေရောဂါကုဆေးခန်းနှင့်ဆေးဆိုင်
68 လမ်း 110×111 လမ်းကြား
09982017490

30/04/2026

(ဗက်ဆီဂရစ်) ဆိုတာ ပြင်သစ်နိုင်ငံအခြေစိုက် Sanofi Pasteur ကုမ္ပဏီက ထုတ်လုပ်တဲ့ တုပ်ကွေးကာကွယ်ဆေး (Flu Vaccine) အမျိုးအစားဖြစ်ပါတယ်။ မြန်မာနိုင်ငံမှာ တော်တော်များများ အသုံးပြုကြတဲ့ ဆေးတစ်မျိုးလည်း ဖြစ်ပါတယ်။
ဒီဆေးနဲ့ပတ်သက်ပြီး သိထားသင့်တဲ့ အဓိကအချက်တွေကို အောက်မှာ အကျဉ်းချုပ် ဖော်ပြပေးလိုက်ပါတယ် -
၁။ အမျိုးအစားနှင့် အာနိသင်
• Vaxigrip ဟာ Quadrivalent (၄ မျိုးစပ်) အမျိုးအစား ဖြစ်ပါတယ်။ ဆိုလိုတာက ပုံမှန်အဖြစ်များတဲ့ တုပ်ကွေးဗိုင်းရပ်စ် ၄ မျိုး (Type A နှစ်မျိုးနဲ့ Type B နှစ်မျိုး) ကို တစ်ပြိုင်နက် ကာကွယ်ပေးနိုင်ပါတယ်။
• ဆေးထိုးပြီး ၂ ပတ် ကနေ ၃ ပတ် အတွင်းမှာ ခန္ဓာကိုယ်က ကိုယ်ခံအား (Antibodies) ကို စတင်ထုတ်လုပ်ပေးပါတယ်။
၂။ ဘယ်သူတွေ ထိုးသင့်သလဲ?
• အသက် ၆ လအထက် ကလေးငယ်တွေကနေစပြီး လူကြီးတွေအထိ ထိုးနှံနိုင်ပါတယ်။
• အထူးသဖြင့် ကိုယ်ခံအားနည်းတဲ့သူတွေ၊ သက်ကြီးရွယ်အိုတွေ၊ ဆီးချို/နှလုံး ရောဂါအခံရှိသူတွေနဲ့ ကိုယ်ဝန်ဆောင်မိခင်တွေအတွက် တုပ်ကွေးကြောင့် နောက်ဆက်တွဲ ပြင်းထန်ဝေဒနာမခံစားရအောင် ထိုးနှံထားသင့်ပါတယ်။
၃။ ဘယ်နှစ်ကြိမ် ထိုးရမလဲ?
• တုပ်ကွေးဗိုင်းရပ်စ်ဟာ နှစ်စဉ်ပုံစံပြောင်းလဲနေတတ်တာကြောင့် တစ်နှစ်လျှင် တစ်ကြိမ် ပုံမှန်ထိုးနှံပေးဖို့ လိုအပ်ပါတယ်။
• အသက် ၉ နှစ်အောက် ကလေးငယ်တွေမှာ တစ်ခါမှ တုပ်ကွေးဆေး မထိုးဖူးသေးရင်တော့ ပထမအကြိမ်မှာ ၁ လခြားပြီး ၂ ကြိမ် (Double Dose) ထိုးဖို့ ဆရာဝန်တွေက အကြံပြုလေ့ရှိပါတယ်။
၄။ ဘေးထွက်ဆိုးကျိုးများ
အများအားဖြင့် ပြင်းထန်လေ့မရှိဘဲ ခေတ္တခဏသာ ဖြစ်တတ်ပါတယ်။
• ဆေးထိုးထားတဲ့နေရာ နာကျင်ခြင်း၊ နီရဲခြင်း သို့မဟုတ် ရောင်ရမ်းခြင်း။
• အနည်းငယ် ဖျားချင်သလိုဖြစ်ခြင်း သို့မဟုတ် ကိုယ်လက်မအီမသာဖြစ်ခြင်း။
• ခေါင်းကိုက်ခြင်း။
သတိပြုရန် -
တကယ်လို့ သင့်မှာ ဥ (Egg Allergy) နဲ့ မတည့်တဲ့ ဓာတ်မတည့်မှု အပြင်းအထန်ရှိရင် ဒါမှမဟုတ် အရင်က ကာကွယ်ဆေးထိုးပြီး ဓာတ်မတည့်မှု ဖြစ်ဖူးရင်တော့ မထိုးခင် ဆရာဝန်နဲ့ သေချာတိုင်ပင်ဖို့ လိုအပ်ပါတယ်။

vaccine #

နေသူရိန်၂၄နာရီအထွေထွေရောဂါကုဆေးခန်းနှင့်ဆေးဆိုင်
68 လမ်း 110×111 လမ်းကြား
09982017490

11/04/2026

💚သင်္ကြန်ကာလအတွင်း
ပိတ်ရက်မရှိ ပုံမှန်အတိုင်း ဖွင့်လှစ်ပါသည်💚

30/03/2026

#ခန္ဓာကိုယ်ကပူကျွတ်နေတာပဲ
#ချွေးလည်းမထွက်တော့ဘူး
#အသက်ရှူတွေမြန်_သွေးပေါင်တွေကျပြီး_သတိလစ်သွားတယ်

#ရာသီဥတုပူပြင်းလာတာနဲ့အမျှ
သက်ကြီးရွယ်အိုများအတွက် အိမ်တွင်းမှာတောင် သင့်တင့်မျှတသော အပူချိန် မဖန်တီးနိုင်ကြသောအခါ
#အတွေ့အရမ်းများလာပါတယ်


( #အပူလေသင်တုန်းဖြတ်ခြင်း)

Stroke လို့ခေါ်ကြလို့ လေဖြတ်တာလို (ကိုယ်တစ်ခြမ်းသေသွားတာ၊မျက်နှာရွဲ့သွားတာမျိုးဖြစ်ပြီး နာတာရှည်ရောဂါသည်အနေနဲ့ နေသွားရတာ) မဟုတ်ပါဘူး ဖြစ်ပြီဆိုရင် အရေးပေါ်ချက်ချင်းကုသမှုမခံယူလျှင် သေသွားနိုင်တာပါ

- ကိုယ်ခန္ဓာအပူချိန် ၁၀၄ Drgree Fahrenheit ကျော်ပူနေပြီး
- အသက်ရှူတွေမြန်၊ နှလုံးခုန်တွေမြန်၊ သွေးပေါင်တွေထိုးကျပြီး
- ကယောင်ကတမ်းတွေဖြစ်၊ သတိလစ်ရာကနေ၊ အသက်ဆုံးတဲ့အထိဖြစ်ရတာပါ။

ရာသီဥတုပူလွန်းအားကြီးလို့အဖြစ်များလာရတာပါ။
👉 ရာသီဥတုကပူ
👉 ရင်ထဲကအပူတွေကများ
👉 နေပူကြီးထဲတန်းတွေစည်
👉 ဆီး သွားရမှာစိုးပြီး ရေကမသောက်

အကြောင်းရင်းတွေစုပြီး အသက်ပါပေးရတတ်ပါတယ်။

လူကနုံးချိ၊ ပင်ပန်းနွမ်းနယ်နေပြီး၊ အာခေါင်တွေခြောက်၊ ခေါင်းတွေကိုက်ပြီး၊ ကြွက်တွေတက် ဆီးနည်းသွားတဲ့
Heat Stroke လောက်မဆိုးသေးတဲ့
- Heat cramp
- Heat Exhausation
စတာတွေတော့ အခုခံစားနေကြရလောက်ပါတယ်။

ခံစားနေကြရတယ် ဆိုရင်တော့ သတိကြီးကြီးထားကြပါ 👉 Heat Stroke ဖြစ်လာနိုင်ပါတယ်

👉👉👉
#ဘာလို့ဖြစ်ရတာလဲ ⁉️

ကျွန်တော်တို့ သွေးနွေးသတ္တဝါ (Warm blooded Animal) တွေက ခန္ဓာကိုယ်အပူချိန်တသတ်မှတ်တည်းဖြစ်ဖို့
အပူထုတ်လုပ်ခြင်း (Heat Gain) နှင့် အပူဆုံးရှုံးခြင်း (Heat Loss) က မျှချေမှာရှိရပါတယ်။

အပူထုတ်လုပ်ခြင်း (Heat Gain)
- ဇီဝဖြစ်စဉ်တွေကနေ ဘေးထွက်အနေနဲ့ အပူစွမ်းအင်ကိုရပါတယ်
- ကြွက်သားတွေလှုပ်ရှားခြင်း ကနေလည်း အပူရသလို
- ပတ်ဝန်းကျင်က ကနေလည်း ရရှိပါတယ်

အပူဆုံးရှုံးခြင်း (Heat Loss)
- ရေငွေ့ပြန်ခြင်း၊ ချွေးထွက်ခြင်း (အရေပြားမှစွန့်ထုတ်ခြင်း)
- အသက်ရှူထုတ်ခြင်း
- ဆီး၊ ဝမ်းစွန့်ခြင်း အစရှိသည်တို့က နေ့ စွန့်ထုတ်ပါတယ်

အဲ့ဒီ 😰 အပူထုတ်လုပ်ခြင်း (Heat Gain) နှင့် အပူဆုံးရှုံးခြင်း (Heat Loss) က မျှချေမှာ မရှိတော့လျှင်

ဖျားနာခြင်းကစလို့၊ Heat Cramp, Heat exhaustation မှ Heat Stroke အထိဖြစ်ပါတယ်။

ဖြစ်မှကုသရတာက ခက်ခဲပါတယ်
- ပန်ကာလေ/လေအေးပေးစက်တွေနဲ့ အေးနေအောင်လုပ်ရပါတယ်
- ရေပတ်တွေရွှဲရွှဲစိုအောင်တိုက်ရပြီး
- ရေဓာတ်တွေသွေးကြောမှအမြန်ပြန်သွင်းရပါတယ်

အဲ့ဒါကြောင့် မဖြစ်ရအောင်ပဲ #ကြိုတင်ကာကွယ် ကြရပါမယ်

- အပူရှောင်ပါ (အရိပ်ရသော၊ အေးမြသောနေရာများတွင်သာနေပါ)
- ရေများများသောက်ပါ (ရေကိုပုလင်းဖြင့် မှတ်မှတ်သားသား ဒီနေ့ (၃) ပုလင်းသောက်မယ် ဆိုပြီးသောက်ပါ၊ ရေဆာမှ၊အာခေါင်ခြောက်မှ မသောက်ပါနှင့်)
- ပြင်းထန်သောကိုယ်လက်လှုပ်ရှားမှုရှောင်ပါ (လက်လုပ်လက်စား အလုပ်သမားများအနေနဲ့မရှောင်လွှဲနိုင်သော်လည်း 👉 နေ့လည်ပိုင်း Gym သွားပြီး ပြင်းထန်သောလှုပ်ရှားမှုများ မလုပ်ကြပါနဲ့)

မရှောင်လွှဲနိုင်လို့အပြင်ထွက်ရလျှင်

- အင်္ကျီပွပွချောင်ချောင် ချည်ထည်များသာဝတ်ပါ၊
- အနက်ရောင်မဝတ်ပါနှင့် (ဝတ်ရဲကြမည်လည်း မထင်ပါ 😅)
- ထီးဆောင်းပါ
- အရိပ်ရသောနေရာများမှသာသွားပါ
- ရေများများပို၍သောက်ပါ (လမ်းတွင်ဆီးသွားချင်မည်ကိုမစိုးရိမ်ကြပါနှင့် ရေမသောက်ကဆီးမသွားနိုင်ပဲ ကျောက်ကပ်ပျက်တတ်ပါတယ်)
- လှုပ်ရှားမှုနည်းအောင်တတ်နိုင်သမျှ နေပါ

နေ့အချိန် အကာမရှိသောနေရာတွင်အလုပ်လုပ်ရသောလုပ်သားများအနေဖြင့်

- အင်္ကျီပွပွချောင်ချောင် ချည်ထည်များသာဝတ်ပါ၊
- အနက်ရောင်မဝတ်ပါနှင့်
- ရေအများကြီးသောက်ပါ (ဓာတ်ဆားရည်သောက်ပါ)
- အဆိုင်းခွဲပြီး နားချိန်ယူ၍အလုပ်လုပ်ပါ (အလုပ်ကြီးကြပ်သူများမှ သေသေချာချာစီစဉ်ပေးပါ) နားချိန်တွင် အရိပ်ကောင်းကောင်းရ၍အေးမြသောနေရာတွင်နားပါ
- ဆေးလိပ်မသောက်ပါနှင့်၊ အရက်မသောက်ပါနှင့်

👉👉👉
​😢 အရေပြားကြီးပူလောင်နေပြီး ချွေးမထွက်တော့လျှင်
😢 အာခေါင်တွေခြောက်ပြီး တံထွေးမထွက်တော့လျှင်
😢 မလှုပ်ရှားချင် နွမ်းနယ် နုံးချိကြွက်တက်လာလျှင်
😢 ခေါင်းအရမ်းကိုက်၊ မျက်စိပြာ သတိလစ်ချင်သလိုဖြစ်လာလျှင်
😢 အသက်ရှူကြပ်ပြီး မောလာလျှင်

ရေများများသောက်ပြီး နီးစပ်ရာ ဘေးမှလူများကိုအကူညီတောင်းပြီး နီးစပ်ရာဆေးရုံ၊ ဆေးခန်းသို့ အမြန်သွားကြပါ။

ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

to owner #

20/02/2026

ဓာတ်ဆား အမှုန့်ထုပ်နဲ့
အူလမ်းကြောင်းအကျိုးပြု အမှုန့်ထုပ် မတူဘူးဆိုတာ သိစေဖို့

ဒီနှစ်ဆောင်းတွင်းမှာ ကလေးတွေ ဝမ်းပျက်ဝမ်းလျှော၊ အထက်လန်အောက်လျှောနဲ့ အစာအဆိပ်သင့်တာတွေ တအားဖြစ်ခဲ့တယ်။ ဆရာတို့လည်းနေ့တိုင်း ဒါတွေပဲထိုင်ကုနေရသလိုဖြစ်တဲ့အထိကို များခဲ့ပါတယ်။ အဲဒီမှာ ဆရာသတိထားမိလိုက်တာတစ်ခုက ပရိုဘိုင်အိုးတစ်အမှုန့်ထုပ် (Probiotics) နဲ့ ဓာတ်ဆားကို သိပ်ပြီးသဲသဲကွဲကွဲမသိကြတဲ့ မိဘတွေအများစုရှိနေတာကိုတွေ့ရတယ်။
ဒါအရေးကြီးပါတယ်။ မိဘတိုင်းသိဖို့လိုအပ်ပါတယ်။ အဲဒါကြောင့် ဒီနေ့ဆရာ Probiotics နဲ့ ဓာတ်ဆားအသုံးပြုပုံကို ပြောပြချင်ပါတယ်။

✅ ဓာတ်ဆား ဆိုတာဘာလဲ? ဓာတ်ဆားဘာကြောင့်တိုက်ရသလဲ?

ဝမ်းပျက်ဝမ်းလျှောဖြစ်တဲ့အခါ ဝမ်းအရည်တွေသွားတာဖြစ်တဲ့အတွက် အဓိကဆုံးရှုံးတာကတော့ ရေဓာတ်ပါ။ ဒါပေမယ့် ရေနဲ့အတူတူ ခန္ဓာကိုယ်ကနေ ဆိုဒီယမ်၊ ပိုတက်ဆီယမ်၊ ကလိုရိုက် (Sodium, Potassium, Chloride) စတဲ့သတ္တုဓာတ်တွေလဲ အတူတူပါသွားပါတယ်။ ဒီသတ္တုဓာတ်တွေဟာ ရေဓာတ်ထိန်းညှိမှု၊ ကိုယ်တွင်းအင်္ဂါများလှုပ်ရှားနိုင်မှု နဲ့ ကိုယ်ခံအားအတွက်အရမ်းအရေးကြီးပါတယ်။ ဒါကြောင့် ဝမ်းလျှောတဲ့အခါ ဒီဓာတ်တွေကိုပြန်ဖြည့်ပေးဖို့အတွက် "ဓာတ်ဆား" (Oral Rehydration Salt - ORS) ပြန်တိုက်ပေးရပါတယ်။

ဝမ်းလျှောတဲ့ အကြိမ်ရေများလာပြီး ဒီသတ္တုဓာတ်၊ ဆားဓာတ်တွေ ဆက်တိုက်ဆုံးရှုံးနေပေမယ့် ဓာတ်ဆားပြန်မဝင်ရင်တော့ ခန္ဓာကိုယ်တွင်းဇီဝကမ္မဖြစ်စဥ်တွေ ပုံမှန်မလုပ်နိုင်တော့ဘဲ အသက်အန္တရာယ်ရှိတဲ့အထိ ဖြစ်သွားနိုင်ပါတယ်။ ဒါကြောင့် ဝမ်းပျက်ဝမ်းလျှောရင် ဓာတ်ဆားပြန်တိုက်ရတာဖြစ်ပါတယ်။

✅ အူလမ်းကြောင်းကောင်းမွန်စေတဲ့ အမှုန့်ထုပ်လေးတွေ (သို့မဟုတ်) ပရိုဘိုင်အိုးတစ်

ဆရာတို့ အူလမ်းကြောင်းအတွင်းမှာ အစာခြေစနစ်ကိုအကျိုးပြုတဲ့ ပိုးမွှားတွေရှိပါတယ်။ ဒီပိုးတွေက အူလမ်းကြောင်းကို ကျန်းမာစေဖို့အကျိုးပြုပါတယ်။ ဝမ်းပျက်ဝမ်းလျှောပိုးဝင်လာတဲ့အခါ အူလမ်းကြောင်းအကျိုးပြု ပိုးမွှားတွေနဲ့ ခန္ဓာကိုယ်ရဲ့ ဂေဟစနစ်ပျက်စီးသွားပါတယ်။ ဒါကြောင့် ဝမ်းပျက်ဝမ်းလျှောပိုးကိုပြန်တိုက်ထုတ်ဖို့အတွက် အကျိုးပြုပိုးမွှားတွေပါဝင်တဲ့ ပရိုဘိုင်အိုးတစ်အမှုန့်ထုပ် (Probiotics) တွေကို ကလေးငယ်ကိုပြန်တိုက်ပေးပြီး ဝမ်းပျက်ဝမ်းလျှောသက်သာအောင်ကုကြပါတယ်။ ကစ်လက်၊ ဘိုင်အိုဖလော၊ အင်နိုလက် စသည်ဖြင့်စျေးကွက်ထဲမှာဝယ်လို့ရပါတယ်။

✅ ဓာတ်ဆားနဲ့ ပရိုဘိုင်အိုးတစ် မှားကြတဲ့အခါ

များသောအားဖြင့် မှားကြတာက ပရိုဘိုင်အိုးတစ်ကို ဓာတ်ဆားလို့မှားမှတ်ကြတာပဲ။ ဝမ်းလျှောတဲ့အခါ ဒီနှစ်မျိုးလုံးကိုတိုက်ဖို့လိုအပ်ပေမယ့် ကလေးငယ်က အင်မတိအင်မတန် အီးပန်းလာတဲ့အခါ ဆားဓာတ်ပါတဲ့ဓာတ်ဆားတိုက်ဖို့က အလွန်အရေးကြီးပါတယ်။
ဓာတ်ဆားတိုက်တဲ့အခါ ဓာတ်ဆားအငန်ထုပ်တိုက်လို့ရပါတယ်။ အရသာပါယုံစွက်ထားတဲ့ ဓာတ်ဆားတွေတိုက်လို့ရပါတယ်။ တစ်လီတာနဲ့ဖျော်ရပါတယ်။
ကလေးဓာတ်ဆားလည်းတိုက်လို့ရပါတယ်။ များသောအားဖြင့် 150ml ဒါမှမဟုတ် 250ml နဲ့ဖျော်ရပါတယ်။
ပရိုဘိုင်အိုးတစ်အမှုန့်ထုပ် တိုက်တဲ့အခါ ရေအများကြီးနဲ့ဖျော်စရာမလိုပါဘူး။ ကလေးသောက်ဖို့အဆင်ပြေယုံရေပမာဏနဲ့ပဲ ဖျော်ပေးရင်ရပါတယ်။

ဓာတ်ဆားကို ရေနည်းနည်းနဲ့ဖျော်မိတဲ့အခါ သတ္တုဓာတ်နဲ့ရေဓာတ်အချိုးမကျဘဲ ဝမ်းလျှောတာမသက်သာတဲ့အပြင် မလိုလားအပ်တဲ့ဆိုးကျိုးတွေရှိသွားနိုင်ပါတယ်။
ပရိုဘိုင်အိုးတစ်ကို ရေများများနဲ့ဖျော်မိတဲ့အခါ ဒီအချိုးမကျတဲ့ဖျော်ရည်ကြီးသောက်နေရတဲ့အတွက် ကလေးရသင့်တဲ့အခြားအစာအာဟာရတွေလဲ မဝင်၊ ကလေးဆီရောက်သင့်တဲ့ပရိုဘိုင်အိုးတစ်ပမာဏလဲမရောက် ဖြစ်ပြီး ဘာမှအကျိုးမထူးဖြစ်တတ်ပါတယ်။

ဒါကြောင့် ပရိုဘိုင်အိုးတစ် နဲ့ ဓာတ်ဆားမမှားရအောင် ဆရာခေါင်းစဥ်တစ်ခုအဖြစ်ထုတ်နုတ်ရေးပေးလိုက်ပါတယ်။

နောက်တစ်ပတ်မှာ ဝမ်းပျက်ဝမ်းလျှောချိန်မှာ တိုက်သင့်တဲ့ဓာတ်ဆားနဲ့ တိုက်ရန်မသင့်တော်တဲ့ဓာတ်ဆားအကြောင်းကို တင်ပြသွားပါမယ်။

ဒီစာဖတ်မိတဲ့ကလေးမိဘတို့ အသိပညာတစ်ခုတိုးသွားမယ်၊ သိပြီးသားကလေးမိဘတွေလည်း ကိုယ့်အသိမှန်ကန်ကြောင်း စိတ်ချသွားမယ်လို့မြော်လင့်ပါတယ်။ ကိုယ့်ပတ်ဝန်းကျင်က ကိုယ့်ရဲ့မိတ်ဆွေ သားငယ်သမီးငယ်ပိုင်ရှင်တွေအသိတိုးအောင် ကုသိုလ်ဖြစ်အနေနဲ့ ကူညီမျှဝေဖို့လည်း အကြံပြုချင်ပါတယ်။

05/02/2026

implant

#အခမဲ့ လက်မောင်းပိုက်ထည့်ခြင်း #

#နေသူရိန်၂၄ နာရီ ဆေးခန်းနှင့်ဆေးဆိုင် #

24/01/2026

ဖြစ်နေတာကတော့ India မှာပါ
သတိတော့ထားမှ

Crd AI info team
🔴 နီပါဗိုင်းရပ်စ် (Nipah Virus)၏ ရှေ့ပြေး
လက္ခဏာများနှင့် စစ်ဆေးအတည်ပြုခြင်း

အိန္ဒိယနိုင်ငံ၊ အနောက်ဘင်္ဂလားပြည်နယ်အတွင်း နီပါးဗိုင်းရပ်စ် ပြန်လည်ခေါင်းထောင်လာခြင်းကြောင့် လူထုအတွင်း စိုးရိမ်ပူပန်မှုများ ရှိနေပါသည်။ ကာကွယ်ဆေးမရှိသေးသော ဗိုင်းရပ်စ်အကြောင်း ကြားရသည့်အခါ ကြောက်ရွံ့ခြင်းမှာ သဘာဝဖြစ်သော်လည်း၊ ကြိုတင်သိရှိနားလည်
ထားခြင်းဖြင့် ဤအန္တရာယ်ကို ကာကွယ်နိုင်မည်
ဖြစ်သည်။

⚠️ အဓိကမှတ်သားရန်အချက်များ

▫️ နီပါးဗိုင်းရပ်စ်၏ ရှေ့ပြေးလက္ခဏာများသည် သာမန်တုပ်ကွေးနှင့် ဆင်တူသော်လည်း လျင်မြန်စွာပင် ပြင်းထန်သော ဦးနှောက်ရောင်ခြင်း (Encephalitis) အဆင့်သို့ ရောက်ရှိသွားနိုင်သည်။

▫️ ရောဂါပိုးကို စစ်ဆေးရာတွင် သာမန်သွေးစစ်ချက်ဖြင့် မရနိုင်ဘဲ အထူးပြုလုပ်ထားသော RT-PCR စစ်ဆေးမှုများ လိုအပ်သည်။

▫️လက်ရှိတွင် သီးသန့်ကုသဆေး မရှိသေးသဖြင့် ရောဂါလက္ခဏာပြသည်နှင့် ချက်ချင်းသီးသန့်ခွဲထားပြီး လိုအပ်သော ထောက်ပံ့ကုသမှုများ (Supportive Care) ကို ပေးရမည်ဖြစ်သည်။

⚠️ ရောဂါဖြစ်စဉ် အဆင့်ဆင့်ကို နားလည်ခြင်း

▫️နီပါးဗိုင်းရပ်စ်သည် ခန္ဓာကိုယ်ထဲသို့ ရောက်ရှိပြီးနောက် ချက်ချင်းလက္ခဏာမပြတတ်ပါ။ ရောဂါပျိုးချိန် (Incubation Period) မှာ ပုံမှန်အားဖြင့် ၄ ရက်မှ ၁၄ ရက် အတွင်း ဖြစ်သော်လည်း၊ အချို့ဖြစ်ရပ်များတွင် ၄၅ ရက် အထိ ကြာမြင့်နိုင်သည်။

▪️အဆင့် (၁) - တုပ်ကွေးကဲ့သို့ လက္ခဏာပြခြင်း (Flu-like Stage)
ကနဦးတွင် သာမန်ဖျားနာခြင်းနှင့် မှားယွင်းနိုင်သဖြင့် အောက်ပါလက္ခဏာများကို ဂရုပြုပါ:
- ရုတ်တရက် အပြင်းဖျားခြင်း၊
- ပြင်းထန်စွာ ခေါင်းကိုက်ခြင်း၊
- ကြွက်သားများ နာကျင်ကိုက်ခဲခြင်း၊
- လည်ချောင်းနာခြင်းနှင့် ပျို့အန်ခြင်း၊

▪️ အဆင့် (၂) - အန္တရာယ်ရှိ အာရုံကြောလက္ခဏာများ (Neurological Signs)
ဤအဆင့်တွင် ဗိုင်းရပ်စ်သည် ဦးနှောက်ကို စတင်တိုက်ခိုက်လာသည်။
- မူးဝေခြင်းနှင့် အလွန်အမင်း အိပ်ငိုက်ခြင်း၊
- သတိလစ်ခြင်း သို့မဟုတ် လူ၊ နေရာ၊ အချိန်တို့ကို ဝေခွဲမရဘဲ စိတ်ရှုပ်ထွေးခြင်း၊
- အသက်ရှူရ ခက်ခဲလာခြင်း၊
- အကြောဆွဲခြင်း သို့မဟုတ် အတက်ရောဂါကဲ့သို့ ဖြစ်ခြင်း၊
- ပြင်းထန်ပါက ၂၄ နာရီမှ ၄၈ နာရီအတွင်း သတိမေ့မြောခြင်း (Coma) ဖြစ်သွားနိုင်သည်။

⚠️ ရောဂါပိုးကို မည်သို့ စစ်ဆေးသနည်း?

နီပါးဗိုင်းရပ်စ်ကို -
အိမ်သုံးစစ်ဆေးကိရိယာ သို့မဟုတ် သာမန်သွေးစစ်
ချက်ဖြင့် မသိနိုင်ပါ။

• ရောဂါဖြစ်ပွားနေစဉ်
နှာခေါင်း၊ လည်ချောင်း သို့မဟုတ် ဆီးနှင့် သွေးနမူ
နာများကိုယူ၍ RT-PCR နည်းဖြင့် စစ်ဆေးသည်။

• ပြန်လည်ကျန်းမာလာချိန်
ခန္ဓာကိုယ်အတွင်းရှိ ခုခံအား (Antibodies) ကို
ELISA နည်းဖြင့် စစ်ဆေး၍ ယခင်က ကူးစက်ခံ
ခဲ့ရခြင်း ရှိ၊ မရှိ အတည်ပြုသည်။

🩺 ကာကွယ်ရေးလမ်းညွှန်ချက်များ (Do's and Don'ts)
ကုသဆေးမရှိသေးသဖြင့် ကာကွယ်ခြင်းသည်
အကောင်းဆုံးဖြစ်သည်။

• ထန်းရည်အစိမ်း မသောက်ပါနှင့်
လင်းနို့များ ကိုယ်တွင်းအရည်များဖြင့် ညစ်ညမ်း
နေနိုင်သဖြင့် မသောက်မီ သေချာကျိုချက်ပါ။

• သစ်သီးများကို သေချာဆေးပါ
လင်းနို့ကိုက်ရာပါသော အသီးများကို လုံးဝမစား
ပါနှင့်။ အသီးများကို အခွံနွှာစားပါ။

• တိရစ္ဆာန်များနှင့် ကင်းကင်းနေပါ
အထူးသဖြင့် လင်းနို့နှင့် ဝက်များကို တိုက်ရိုက်ထိ
တွေ့ခြင်း ရှောင်ပါ။

• လူနာပြုစုသူများ သတိထားပါ
Mask တပ်ပါ၊ လက်ကို မကြာခဏဆေးပါ။ လူအ
ချင်းချင်း ခန္ဓာကိုယ်ထွက်ရည်များမှတဆင့် ကူးစက်
နိုင်သည်။

အနောက်ဘင်္ဂလားပြည်နယ် နောက်ဆုံးရသတင်း
၂၀၂၆ ဇန်နဝါရီ အစီရင်ခံစာအရ မြောက်ပိုင်း (North 24 Parganas) အပါအဝင် နယ်စပ်ခရိုင်များတွင် သံသယဖြစ်ဖွယ် ကူးစက်မှုများရှိနေသဖြင့် ကျန်းမာရေးဌာနများက အမြင့်ဆုံး သတိပေးချက် ထုတ်ပြန်ထားသည်။

ပြင်းထန်သော တုပ်ကွေးလက္ခဏာနှင့်အတူ စိတ်ရှုပ်ထွေးခြင်း သို့မဟုတ် အသက်ရှူရခက်ခဲခြင်းတို့ တွဲဖြစ်လာပါက လုံးဝမပေါ့ဆပါနှင့်။ အချိန်မီ ဆေးရုံတက်ရောက် ကုသခြင်းဖြင့် အသက်အန္တရာယ်မှ ကယ်တင်နိုင်ပါသည်။

🇲🇲 မြန်မာနိုင်ငံသားများအတွက် အကြံပြုချက်

အကယ်၍ အိန္ဒိယနိုင်ငံ (အထူးသဖြင့် ကာလကတ္တားနှင့် အနီးတဝိုက်) သို့ သွားရောက်ရန်ရှိပါက အထက်ပါအချက်များကို အထူးဂရုပြု လိုက်နာကြပါရန် တိုက်တွန်းအပ်ပါသည်။

🌿 AI Info Team 🌿
23 JAN 2026 | NIPAH VIRUS