08/07/2026
🤒အအေးမိတုပ်ကွေးရောဂါများအတွက် ခရမ်းကစော့သီး
မြန်မာအမည် -ခရမ်းကစော့သီး
အင်္ဂလိပ်အမည် - Turkey berry , prickly nightshade
ရုက္ခဗေဒအမည် - Solanum torvum
🌳ခရမ်းကစော့သီးသည် ခြုံပုတ်သဏ္ဌာန် နှစ်ရှည်ခံပင်များဖြစ်ပြီး တောင်ပေါ်ဒေသများတွင် အများအားဖြင့် တွေ့ရလေ့ရှိပါတယ်။ သူ့ရဲ့ အရွက်များဟာ ခရမ်းသီး အရွက်နဲ့တူညီပြီး လုံးဝန်းသော အသီးခိုင်လေးများ သီးကြပါတယ်။
🤒 ထို့အပြင် ခရမ်းကစော့သီးသည် အအေးမိတုပ်ကွေးဖြစ်ခြင်းများ ကုသရာတွင် နာမည်ကြီးသော အသီးတစ်မျိုး ဖြစ်ပါတယ်။
သူ့ရဲ့ ကျန်းမာရေးအကျိုးကျေးဇူးများကတော့
🟡 ခရမ်းကစော့သီးမှာ ပါဝင်သော ပိုးသတ်အာနိသင်များကြောင့် အအေးမိတုပ်ကွေးရောဂါများ မဖြစ်အောင် ကာကွယ်ပေးတဲ့အပြင် ပန်းနာရင်ကျပ် ရောဂါများကြောင့် ချွဲ၊သလိပ်များထွက်ခြင်း ၊အဆုတ်ရောင်ခြင်းများ ဖြစ်ခြင်းမှ ကာကွယ်ပေးပါတယ်။
🟡 ခရမ်းကစော့သီးမှာ ပါဝင်တဲ့ ဗီတာမင်စီများသည် သံဓာတ်စုပ်ယူမှုတိုးစေပြီး သွေးနီဥဖြစ်ပေါ်မှုကို အားပေးသောကြောင့် သွေးအားနည်းရောဂါများမဖြစ်အောင် ကာကွယ်ပေးသည့်အပြင် သွေးတွင်း သကြားဓာတ် ပမာဏကို ထိန်းညှိပေးနိုင်သောကြောင့် ဆီးချိုရောဂါများ မဖြစ်အောင်ကာကွယ်ပေးပါသည်။
🟡 သူ့မှာပါဝင်သော flavonoids, alkaloids, glycoside များကြောင့် နှလုံးသွေးကြောကျဉ်းရောဂါများကို ကာကွယ်ပေးပါတယ်။
🟡 ခန္ဓာကိုယ်ထဲမှာ uric acid နှင့် အခြားအဆိပ်အတောက်များကို ဆီးနှင့်အတူ ပါသွားစေသောကြောင့် ကျောက်ကပ်ရောဂါများကို ကာကွယ်ပေးသည့်အပြင် ဂေါက်ရောဂါရှိသူများအတွက် ကိုယ်လက်နာကျင် ရောင်ရမ်းမှုများကို သက်သာစေပါတယ်။
🟡 ခရမ်းကစော့သီး အမှည့်ကို စားသုံးခြင်းဖြင့်လဲ ခန္ဓာကိုယ်ခုခံအားစနစ်ကို တိုးစေပါတယ်။
