ဒေါက်တာ စိုးရန်ပိုင် - အာရောဂျံ အထွေထွေရောဂါကုဆေးခန်း၊မူဆယ်မြို့။

  • Home
  • Myanmar
  • Mu-se
  • ဒေါက်တာ စိုးရန်ပိုင် - အာရောဂျံ အထွေထွေရောဂါကုဆေးခန်း၊မူဆယ်မြို့။

ဒေါက်တာ စိုးရန်ပိုင် - အာရောဂျံ အထွေထွေရောဂါကုဆေးခန်း၊မူဆယ်မြို့။ အရည်အချင်း/အရည်အသွေး = တန်ကြေး

18/03/2026

"ဆေးတစ်လုံးထက်... စကားတစ်ခွန်းက ပိုကုသနိုင်ပါတယ်။"

​ပညာရပ်ဆိုတာ အသက်ကယ်ဖို့ပါ။
ဒါပေမဲ့ နှလုံးသားဆိုတာ ရှင်သန်ဖို့ အားမာန်ပေးဖို့ပါ။
ကျွန်တော်တို့ အာရောဂျံမှာ ပညာနဲ့ ကုသသလို၊ စေတနာနဲ့လည်း အားဖြည့်ပါတယ်။

​ဒေါက်တာစိုးရန်ပိုင်
အာရောဂျံဆေးခန်း (မူဆယ်မြို့)

#ဒေါက်တာစိုးရန်ပိုင် #အာရောဂျံဆေးခန်း #မူဆယ်မြို့ #စေတနာ

ခန္ဓာကိုယ်ရဲ့ ဝေဒနာတွေကို ကုသတာထက် ပိုတဲ့ "နက်နဲတဲ့ ကုသခြင်း" အဆင့် (၃) ဆင့်​"ကျွန်တော်တို့ နေမကောင်းဖြစ်တဲ့အခါ ဆေးသောက်...
14/03/2026

ခန္ဓာကိုယ်ရဲ့ ဝေဒနာတွေကို ကုသတာထက် ပိုတဲ့ "နက်နဲတဲ့ ကုသခြင်း" အဆင့် (၃) ဆင့်

​"ကျွန်တော်တို့ နေမကောင်းဖြစ်တဲ့အခါ ဆေးသောက်လိုက်ရင် ပျောက်သွားတာပဲလို့ ထင်တတ်ကြပါတယ်။ ဒါပေမဲ့ တကယ့် 'ကုသခြင်း' ဆိုတာ အဲဒီထက် အများကြီး ပိုနက်နဲပါတယ်..."

​၁။ စာအုပ်ထဲကအတိုင်း ကုသခြင်း (The Guidelines) 📚

ဒါက အခြေခံပါ။ နိုင်ငံတကာက အသိအမှတ်ပြုထားတဲ့ နည်းလမ်းတွေအတိုင်း တိတိကျကျ ကုသတာ ဖြစ်ပါတယ်။ ဆရာဝန်တိုင်း ဒါကို အခြေခံကစပြီး ကျွမ်းကျင်နေဖို့ လိုပါတယ်။

​၂။ အခြေအနေနဲ့ လိုက်လျောညီထွေ ကုသရခြင်း (The Adaptation) 🛠️

စာအုပ်ထဲမှာ မပါတဲ့၊ မိမိဒေသရဲ့ အခြေအနေ၊ လူနာရဲ့ ဘဝအခြေအနေနဲ့ ကိုက်ညီအောင် ကြောင်းကျိုးဆီလျော်စွာ ပြုပြင်ပြောင်းလဲ ကုသတာပါ။ ရှိတာလေးနဲ့ အကောင်းဆုံးဖြစ်အောင် ဖန်တီးပေးရတဲ့ ပညာရပ် ဖြစ်ပါတယ်။

​၃။ အရာရာကို အသုံးချပြီး ကုသခြင်း (The Mastery) ✨

ဒါကတော့ အမြင့်ဆုံး အဆင့်ပါ။ ဆေးပညာတင်မကဘဲ မြေ၊ ရေ၊ လေ၊ မီး ဓာတ်တွေ အပါအဝင် စိတ်ပညာ၊ လူနေမှုပုံစံ ပြုပြင်တာကအစ မက်ဆီ (Messi) ဘောလုံးကစားသလိုမျိုး ပါရမီနဲ့ ပညာကို ပေါင်းစပ်ပြီး လူနာရဲ့ ဘဝတစ်ခုလုံး မျှတသွားအောင် ကုသပေးတာ ဖြစ်ပါတယ်။

​နိဂုံးချုပ် စဉ်းစားစရာ...

ကုသခြင်းဆိုတာ ဆေးတစ်လုံးပေးလိုက်ရုံတင် မဟုတ်ပါဘူး။ စိတ်ဓာတ်၊ စည်းကမ်း၊ ပညာ တွေ ပေါင်းစပ်ပြီး လူသားတစ်ဦးရဲ့ ဘဝကို ပြန်လည် တည့်မတ်ပေးခြင်းသာ ဖြစ်ပါတယ်။

ဒေါက်တာစိုးရန်ပိုင်၊ အာရောဂျံဆေးခန်း၊ မူဆယ်မြို့၊ မြန်မာ - တရုတ် နယ်စပ်။

(Page ထဲမှာ ယခု ပို့စ် ထက် ပို၍ လေးနက်သော ပို့စ်များကို ဝင်ရောက် ဖတ်ရှု မှတ်ချက် ပြုနိုင်ပါသည် ခင်ဗျား)

10/10/2025

"လူနာခံစားရတဲ့ ခေါင်းအစခြေအဆုံး ဝေဒနာ မှန်သမျှကို ဖြေရှင်းမှု (ဝါ) ကုသခြင်း (အကြောင်းတရားကိုဖြေရှင်း - ဖြည်ရှင်းခြင်း)"

(1) အဆင့်ဆင့်သော စာတွေ့ + လက်တွေ့ လေ့လာတွေ့ရှိချက်များနဲ့ အထောက်အထားခိုင်မာစွာ ကြောင်းကျိုးဆီလျော်အောင် ဖြေရှင်း/ကုသ ပြထားတဲ့ နိုင်ငံတကာကုထုံး Upgraded + Updated Guidelines တွေက လူအများစု လက်ခံယုံ​ကြည် လိုက်နာကျင့်သုံးကြတဲ့ အဆင့်တစ်ခုမှာရပ်တည်လျက်ရှိပါတယ် (ကုသမှုပေးသူအားလုံးဟာ ၎င်းကုထုံးများကို အချိန်နဲ့တပြေးညီ လေ့လာသိရှိဖို့ရာ စဥ်ဆက်မပြတ် မဖြစ်မနေ ကြိုးပမ်းအားထုတ်နေရမှာဖြစ်ပါတယ်)။

(2) ထိုထက်အဆင့်မြင့်သွားရင်တော့ လေ့လာသိရှိထားတဲ့ (လေ့လာသိရှိပြီးဖြစ်နေဖို့က အရင်လိုပါတယ်) နိုင်ငံတကာ ကုထုံး Upgraded + Updated Guidelines များကို မှီငြမ်းရုံသာမှီငြမ်း၍​ မိမိနေထိုင်ကြီးပြင်းရာ အရပ်ဒေသပတ်ဝန်းကျင်နဲ့ သဟဇာတဖြစ်အောင် ခိုင်မာတဲ့ကြောင်းကျိုးဆီလျော်မှုနဲ့ လိုအပ်သလို/အလျဥ်းသင့်သလို/အလိုက်သင့် - ကိုးကား/ချိန်ထိုးကာ ရှိတာ/ရတာလေးနဲ့ မဖြစ်ဖြစ်အောင်/မရရအောင် ကုသမှုပေးနိုင်ရမည်ဖြစ်သည် (ပြီးပြီးရော လုပ်တာမျိုးတော့ လုံးဝမဖြစ်ရပါ)။

(3) ထိုထက်ပို၍ အဆင့်မြင့်သွားရင်တော့ (1 နဲ့ 2 ကိုအတတ်နိုင်ဆုံး ပြည့်စုံ/တတ်မြောက်/ကျွမ်းကျင် ပြီးဖြစ်နေရမည်) လောကမှာရှိသမျှ/ရသမျှ အရာအားလုံးနဲ့ အသိဉာဏ်ပညာ/ဆင်ခြင်တုံတရားကို အသုံးချကာ လူနာကုသမှုကို စွမ်းဆောင်ပေးနိုင်ရမည်ဖြစ်သည် (Upgraded + Updated Guidelines ခေတ်နဲ့ညီသော နိုင်ငံတကာကုထုံးများ >>> Valid or Reliable Adaptation of these Guidelines ၎င်းနိုင်ငံတကာကုထုံးများကို အလျဥ်းသင့်သလို​ ပြောင်းလဲအသုံးချပြီး ကုသမှုပေးခြင်း >>> ထိုမှသည် မြေ / ရေ / လေ / မီး / အာကာသ ဓာတ်များအပါ / ပရဆေး နဲ့ ရိုးရာကုထုံးများ / အိမ်တွင်းဆေးမြီးတိုများ / လေ့ကျင့်ခန်း - ယောဂ ကုထုံးများ / ချွတ်ချော် တိမ်းစောင်း နေသော အရိုးအဆစ်များနဲ့ တွန့်လိမ် တွန့်ခေါက်နေသော အရွတ်-အသား များကို တည့်မတ်-ပြန့်ဆန့်အောင် ပြုပြင်တည့်မတ်ကုသခြင်းများ Chiropractic and Physiotherapy / လျှပ်စစ်ကုထုံးနဲ့ဓာတ်ရောင်ခြည်ကုထုံးများ / စိတ်ကုထုံးများ နဲ့ Neuroplasticity ဦးနှောက်ပြုပြင်ကုထုံးများ / Stem Cell Therapy ကောင်းမွန်သောဆဲလ်-tissue များကိုသွပ်သွင်းကာ ပွားများစေပြီး မကောင်းသောဆဲလ်-tissue များအား အစားထိုးအနိုင်ယူ ပပျောက်စေခြင်း / Life Style Modification အစားအသောက်အနေအထိုင်အပြုအမူအပြောအဆိုများ ဆန်းသစ်တီထွင်ကာ ဇီဝရုပ်နဲ့စိတ် ဖြစ်-ပျက်မှုကို ပြုပြင်တည့်မတ်ပေးရသည့်ကုထုံးများ စသဖြင့်...အများကြီးထပ်ရှိပါသေးသည်)။ နံပါတ် (3) အချက်မှာ ပါရမီ (ဘဝအဆက်ဆက်ဖြည့်ကျင့်ခဲ့သောအထုံ + တစ်ဘဝစာ ကြုံကြိုက်ခဲ့ရသော အများနဲ့မတူ တမူထူးကဲသာလွန်နေသော ကိုယ်ပိုင်အရည်အချင်း) လိုပြီး ဥပမာ - ဘောလုံးသမား မက်ဆီ ကဲ့သို့ ပါရမီရှင် ဖြစ်နေပါက အထူးကောင်းမွန်ပြည့်စုံပါမည်။ ပါရမီပါမပါ-ပါရမီသာမသာ ယှဥ်ကြည့်မှသာ သိသာပါမည်။

နံပါတ်စဥ်အတိုင်းတစ်ခုပြီးမှတစ်ခု ချည်းကပ်နိုင်မှသာ ကုသမှုကိုအစဥ်သဖြင့် ထိရောက်အောင်ပေးနိုင်စွမ်းရှိပါမည်။ နံပါတ် (1) မပြီးဘဲ (2) / (2) မပြီးဘဲ (3) ကိုကျော်လုပ်ရင် အောက်သက်မကြေ အောက်ခြေမခိုင်သဖြင့် ဘေးဒုက္ခ တွေ့တတ်သည်။ အခြေခံဖြစ်သော နံပါတ် (1) ကို တတ်မြောက် + ကျွမ်းကျင် + အထူးကျွမ်းကျင် မှသာ တစ်ဆင့်ပြီးတစ်ဆင့် အဆင့်တက်သင့်ပါသည်။

နံပါတ် (1) ကို ထိရောက်ကျွမ်းကျင် ပိုင်နိုင်စွာ အသုံးချတတ်ဖို့က ကုသမှုဆိုင်ရာ အခြေခံအသိပညာ ဗဟုသုတ အရမ်းများ (အရမ်းများ) နေဖို့အရင်လိုအပ် (အဓိကလိုအပ်) ပြီး အချိန်နဲ့အမျှ တိုးတက်ပြောင်းလဲနေသော နိုင်ငံတကာကုထုံးများကို စဥ်ဆက်မပြတ် လေ့လာနေမှရပါမယ်။

နံပါတ် (2) ကို ထိရောက်ကျွမ်းကျင်ပိုင်နိုင်စွာ အသုံးချနိုင်ဖို့က အချိန် = အတွေ့အကြုံများစွာလိုအပ်ပြီး + Basic Science အခြေခံသိပ္ပံပညာ + Forensive Medicine ဥပဒေရေးရာဆေးပညာကို ကျယ်ကျယ်ပြန့်ပြန့်အသုံးချနိုင်ဖို့လို + Public Health and Overall Preventive & Social Medicine including Dynamic Epidemiology Based Ecosystem and Evolution ပြည်သူ့ကျန်းမာဆေးပညာနဲ့ ကာကွယ်ရေးနဲ့လူမှုရေးဆေးပညာကို ကျယ်ကျယ်ပြန့်ပြန့်အသုံးချကာ အမြဲလိုလိုပြောင်းလဲနေသော ဒေသဆိုင်ရာ ဂေဟစနစ်များ/ဆင့်ကဲတိုးတက်မှုများကို စဥ်ဆက်မပြတ် စောင့်ကြပ်ကြည့်ရှုကာ ခွဲခြမ်းစိတ်ဖြာ၍ အကဲဖြတ်သုံးသပ်နေဖို့လိုပါသည်။

နံပါတ် (3) ကိုထိရောက်ကျွမ်းကျင်ပိုင်နိုင်စွာ အသုံးချတတ်ဖို့က ကုသမှုမှာ ယူအသုံးချလို့ရတဲ့ အခြားသောအထွေထွေဗဟုသုတမျိုးစုံ + စက်မှု-လက်မှုပညာမျိုးစုံ + နိုင်ငံရေး-စီးပွားရေး-လူမှုရေး-ဝိဇ္ဇာ သိပ္ပံ ပညာရပ်မျိုးစုံ + အားကစားမျိုးစုံ​ + ဘာသာ​ရေးရှုထောင့်မျိုးစုံ + နယ်ပယ်မျိုးစုံမှာ ဖြန့်ကျက်လေ့လာပြီး စုစည်းအသုံးချခြင်း Divergent Datas of Different-Various-Lateral Dimensions to Convergent Data + ဘက်စုံကဏ္ဍအသီးသီး၌ နှံ့နှံ့စပ်စပ်သိထားဖို့ရယ် (သုတ + ရသ မျိုးစုံ) + Passion ထက်သန်ပြင်းပြတဲ့ စိတ်ဆန္ဒရယ် အားလုံး လိုအပ်ပါသည်။

(မှတ်ချက်။ ။ကုသခြင်း/ကုထုံး လို့သာကျနော်သုံးနှုန်းထားပါတယ်။ ကုသခြင်း/ကုထုံး ဆိုတာ ဆေးပေးကုသတာ Medicine Only တစ်ခုတည်းမဟုတ်ဘဲ နည်းအမျိုးမျိုး ဆေးပေးကု / နည်းအမျိုးမျိုး ခွဲစိတ်ကု / လေ့ကျင့်ခန်းကု / နှိပ်ကု / အပ်စိုက်ကုအစရှိသော တိုင်းရင်းဆေး-ရိုးရာ နည်းနဲ့ကု / စိတ်ကုထုံး / လျှပ်စစ်ကုထုံး / ဓာတ်ရောင်ခြည်ကုထုံး / ယောဂကုထုံး စသဖြင့် များပြားလွန်းလှတဲ့ကုသခြင်း/ကုထုံး များသည် ရေးလျှင်ရေးသလို စာရှည်သွားမည်ဖြစ်သည်)။

ဒေါက်တာစိုးရန်ပိုင် (အာရောဂျံ ဆေးခန်း၊ မူဆယ်မြို့၊ မြန်မာ - တရုတ် နယ်စပ်)

10.10.2025 (သောကြာနေ့)

09/10/2025

ပညာအ​ခြေပြု ဂေါတမဗုဒ္ဓ မြတ်စွာဘုရား အလေးအနက်ထား ဟောကြားတော်မူခဲ့သော "ပညာစစ်စစ်" ကိုတန်ဖိုးထား လေးစားခြင်းမရှိတဲ့သူတွေ 95% လောက်ရှိနေတဲ့ ပညာအဆိပ်သင့်နိုင်ငံဟာ မနေအပ်တဲ့အရပ်ဒေသဖြစ်နေပေမယ့်လို့ ရှောင်လွဲလို့မရတဲ့ အခြေခံမတူသည့် ဘဝ​ပေးအနေအထားတွေကြောင့် နေထိုင်နေရတယ်။

ထိုသူအများဟာ အမှားနဲ့အမှန် / အကောင်းနဲ့အဆိုး /အတုနဲ့အစစ်ကို ခွဲခြားတတ်တဲ့အသိဉာဏ်လည်း မရှိသလောက်နည်းပြီး ငါချင်းစာတရားပဲလက်ကိုင်ထားကြတော့ (သုတ + ရသ စာပေဖတ်ရှုမှု နည်းကြလို့ပါ) "မှန်တယ်ထင်ရင်လုပ်သာလုပ်" - "ငါ့ဖက်ကကြည့်ရင် ငါမှန်တယ် ၁ - င - ပ - ဂ" စတဲ့ပညာမပါတဲ့ အတ္တလွန်ကဲမှုတွေနဲ့ ဆုံးဖြတ်တတ်ကြတယ် (အမှားနဲ့အမှန်ကို ခွဲခြားပေးတာ ပညာမှတပါးအခြားမရှိပါ = ဘာသာရေးအဆုံးအမများ / နိုင်ငံတကာ ဥပဒေများ / ပညာရှိ များရဲ့ အဆိုအမိန့်များ နဲ့မှီငြမ်းပြီး အသိဉာဏ်ပညာဆင်ခြင်တုံတရားနဲ့ ဆုံးဖြတ်ရတာဖြစ်ပါတယ်)။

အရေးကြီးတာက ဘယ်သူတရားပျက်ပျက် ကိုယ်မပျက်ဖို့ နဲ့ မိုးခါးရေ မသောက်ဖို့ ရယ် အဲ့ဒီလိုနေထိုင်ပြောဆိုသွားလာရတာ လိပ်ပြာလုံနေဖို့ရယ်ပဲ လိုတာပါ။

ဒေါက်တာစိုးရန်ပိုင် (အာရောဂျံ ဆေးခန်း၊ မူဆယ်မြို့၊ မြန်မာ - တရုတ် နယ်စပ်)

06/10/2025

ဆေးတက္ကသိုလ်မှာလည်း အသုံးမကျ + ဆေးရုံမှာလည်း တလွဲလုပ် + အပြင်လောကမှာ ဆေးကု/ခွဲစိတ် တော့လည်း အရည်အချင်းကအရမ်းညံ့ (နိုင်ငံတကာစံနှုန်းများနဲ့ တခြားစီ) >>>

ဒါပေမယ့်လူနာ အများဆုံး/အများကြီး ဖြစ်နေ​တယ် (အရမ်းတော်တဲ့သူတွေက ရုန်းကန်နေရတယ်) ဆိုရင် မြန်မာပြည်ကြီးကမှားနေပြီ >>> (ဘာကြောင့်လဲဆိုတော့ >>> စျေးပိုပေါလို့ရယ် + ပြည်သူအများစုက ပညာမသိတော့ တန်ဖိုးထားဦးစားပေးမှု လွဲမှားနေလို့ရယ် + စျေးမပေါရင်လည်း ၎င်းတို့ညံ့တာကိုညံ့မှန်းမသိရ​လေအောင် ဟိတ်ဟန် မှင်မောင်းသုံးပြီး တလွဲကုသမှုတွေနဲ့ ပြည်သူအများစုကို လိမ်လည်လှည့်စား ဂျင်းထည့်ထားကြလို့ရယ် + ပြည်သူ - လူနာ အများစုက စာဖတ်အားနည်းပြီးပညာနည်းတော့ အမှား နဲ့ အမှန် / အကောင်း နဲ့ အဆိုး = "ဂျင်း" မခွဲခြားတတ်ကြလို့)

အဲ့ဒီလိုအမှားတွေနဲ့မြန်မာပြည်မှာ ဆရာဝန်ပညာရှင်စစ်စစ်တွေ ရပ်တည်ဖို့ရာ လုံးဝမဖြစ်နိုင်ပါဘူး (အရမ်းတော်တဲ့သူတွေက အမေရိက / ဥရောပ / ဂျပန် နဲ့ သြဇီ ကိုပြောင်းရွှေ့နေထိုင်ကြပြီး နည်းနည်းတော်တဲ့သူတွေက စင်ကာပူ / မလေးရှား / ယိုးဒယားမှာ ပြောင်းရွှေ့အခြေချနေကြပါပြီ) >>> ရှောင်လွှဲလို့မရတဲ့ တာဝန်တွေ ဝတ္တရားတွေ ထမ်းထားရတဲ့ ဆင်းရဲသားဆရာဝန်ပညာရှင်စစ်စစ်တွေကတော့ အဲ့ဒီလိုအခြေအနေများကြားမှာ မြန်မာပြည်ကိုအရမ်းနာကျည်းပြီး မလွှဲရှောင်သာနေထိုင်ကျက်စားလျက်ရှိနေတာပါ >>> ၎င်းတို့မှာ ဘာတာဝန်မှမရှိတော့ဘူးဆိုရင် ပညာကိုတန်ဖိုးထားတဲ့နိုင်ငံကိုပဲ ချက်ချင်းသွားကြမှာ (လူတော် - လူကောင်း တွေကို မြန်မာပြည်ကလူအများစုက ရိုသေလေးစား တန်ဖိုးထားရကောင်းမှန်းမသိကြပါဘူး) >>> လူတော် - လူကောင်း ဟုတ်မဟုတ်အောက်ပါအချက်များနဲ့ ချိန်ထိုးကြည့်ကြပါ

(နိုင်ငံခြားရောက်နေတဲ့ဆရာဝန်တွေလည်း ဒီလို​​ပြည်သူ​တွေနဲ့ဆိုရင် ရပ်တည်ဖို့မဖြစ်နိုင်ဘူးဆိုတာ သိမှာပါ / ရှင်းပြလဲလက်မခံ တစ်ဖက်ပိတ်ပြီး - နွားပလာတာကျွေးသလို - ကျွဲပါးစောင်းတီးသလို ဖြစ်ပြီး - စေတနာကိုစေတနာမှန်းမသိကြတဲ့ - အမှားကိုအမှန်ထင် အမှန်ကိုအမှားမှတ် - အတုကိုအစစ်ထင် အစစ်ကိုအတုမှတ်နေတဲ့ - ပညာရှင်စစ်စစ်ကိုတန်ဖိုးမထား ပညာရှင်အတုအပတွေကိုရိုသေလေးစားနေကြတဲ့ - ပညာမဲ့ ပြည်သူတွေကြားထဲမှာ နိုင်ငံခြားရောက်ပြီးအဆင်ပြေနေမယ့် ဘယ်ဆရာဝန်မှ မြန်မာပြည်ကိုပြန်လာပြီး ဆရာဝန်မလုပ်တော့ပါ) >>>

ပညာရှင်စစ်စစ်တွေမရှိတော့တဲ့ + ပညာစစ်စစ်နဲ့မတန်တဲ့နိုင်ငံဟာ ပညာအဆိပ်သင့်သထက်သင့်ပြီး ဒုက္ခရောက်သထက်ရောက်ရုံပဲရှိမယ် >>> အဲ့ဒီလိုမဖြစ်အောင် ပြည်သူများကိုသိစေချင်တာက ခင်ဗျားတို့ မအကြပါနဲ့ခင်ဗျား >>> ခင်ဗျားတို့ရဲ့ အသက်နဲ့ခန္ဓာကို တန်ဖိုးထားကြပါခင်ဗျား >>> အောက်ပါ အချက်များကို ကြည့်ပြီး မိမိပိုက်ဆံပေးရမယ့် ဆေးခန်း/ဆရာဝန် များကို ရွေးချယ်ကြပါ >>> အချက်အများစု သို့မဟုတ် အချက်အားလုံးမှာ ပိုကောင်း/ပိုသာတဲ့သူကို နှိုင်းယှဥ်ရွေးချယ်လို့ရအောင် တစ်ချက်ချင်းစီမှာ အနုစိတ် နှိုင်းယှဥ်ကြည့်ကြပါခင်ဗျား >>>

(1) ကျွမ်းကျင်မှု

(2) နှံ့စပ်မှု

(3) ပေးဆပ်မှု (ကြိုးစားအားထုတ်မှု)

(4) ပြည့်စုံကောင်းမွန်မှု

(5) ထောင့်စေ့မှု (ဟာကွက်နည်းမှု အမှားမရှိသလောက်နည်းမှု)

(6) နိုင်ငံတကာ ဆေးကုသမှုစံနှုန်း သတ်မှတ်ချက်များ (update) အချိန်နဲ့တပြေးညီဖြစ်မှု

(7) ဂရုစိုက်မှု

(8) ကြင်နာမှု

(9) နွေးထွေးပျူငှာမှု

(10) လေးစားမှု

(11) အချိန်ပေးမှု

(12) စိတ်ရှည်မှု

(13) သည်းခံမှု

(14) တိကျမှန်ကန်မှု

(15) အထောက်အထားခိုင်မာမှု

(16) အ​န္တရာယ်ကင်းမှု

(17) ယုံကြည်စိတ်ချရမှု (ကတိတည်)

(18) လူနာတွေ နားလည်အောင် ဘက်ပေါင်းစုံနေ အ​ကြောင်းအရာရှုထောင့်မျိုးစုံကိုဆွေးနွေးနိုင်မှု

(19) ပွင့်လင်းမြင်သာမှု

(20) ကြိုတင်ကာကွယ်နိုင်မှု

(21) စစ်မှန်တဲ့အရည်အချင်းနဲ့အထွေထွေဗဟုသုတ မျိုးစုံကို မှန်ကန်စွာ အသုံးချတတ်မှု

(22) စေတနာပြည့်ဝမှု

(23) စာနာမှု

(24) အပြန်အလှန် နားလည်ပေးမှု

(25) ဖြည့်တွေးပေးမှု နဲ့ ကိုယ်ချင်းစာမှု

(26) ငဲ့ညာ - ငဲ့ကွက် ထောက်ထားမှု

(27) လူနာတွေ သိလိုသမျှအချက်အလက်အစုံအလင်ကို (update) ခေတ်နဲ့အညီပေးနိုင်မှု

(28) တိကျသေချာစိတ်ချရတဲ့ ပြည်တွင်းနဲ့နိုင်ငံတကာညွှန်းပို့မှု / ချိတ်ဆက်နိုင်မှု

(29) ရလာဒ်ကောင်းမှု (ရေရှည် / ကြာရှည် ခံမှု)

(30) တာဝန်သိ + တာဝန်ယူ + တာဝန်ခံ + တာဝန်ကျေ + % အများကြီးတာဝန်ကျေမှု

ဒေါက်တာစိုးရန်ပိုင် (အာရောဂျံ ဆေးခန်း၊ မူဆယ်မြို့၊ မြန်မာ - တရုတ် နယ်စပ်)

6.10.2025 (တနင်္လါနေ့)

03/10/2025

ဘယ်အရာကအတု ဘယ်အရာကအစစ်မှန်း မခွဲခြားတတ်ကြသလို ဘယ်အရာကို ရိုသေလေးစား တန်ဖိုးထားရကောင်းမှန်းမသိတဲ့ အကျင့်ပျက်ခြစားနေတဲ့ တိုင်းပြည်ကြီးမှာ ---

ထမင်းတစ်ဝိုင်းစာ (တစ်နပ်စာ) တစ်သိန်းကျော်ကျသင့်တယ် (ပျော်ပျော်ကြီးပေးပြီး စားကျတယ်)

အဝစားဟော့ပေါ့ ဘူဖေးလည်း ပိုက်ဆံအများကြီးပေးစားနိုင်ကြတယ်

မလ ရှမ်းကော နဲ့ အကင် ဆိုလည်း ပိုက်ဆံအများကြီး ပေးစားဖို့ မနှမြောကြဘူး

သိန်းချီအကုန်ခံပြီး တစ်ညတာ ဘီယာသောက်ပျော်​ပါးဖို့ ဝန်မလေးကြဘူး

တခါတလေမှထဖောက်တဲ့ မိမိရဲ့အသက်နဲ့ခန္ဓာကျန်းမာရေးအတွက်ကျတော့ အသောက်အစား အပျော်အပါး လောင်းကစားတွေမှာ ဖြုန်းသလောက်တောင် ပိုက်ဆံမပေးချင်ကြဘူး (တကယ်တမ်းက သူများနိုင်ငံတွေမှာဆိုရင် အသောက်အစား အပျော်အပါးထက် ကျန်းမာရေးအတွက်ဆို ပိုက်ဆံပိုပြီးကုန်ကျတယ် - ဒီနိုင်ငံမှာလည်း နိုင်ငံခြားထက်အဆပေါင်းများစွာသာအောင် လုပ်ပေးနိုင်သူတွေရှိပါတယ် / လူ - လူချင်းကွာပါတယ် - အမှား/အမှန် ကိုကျွမ်းကျင်စွာ ခွဲခြားတတ်တဲ့သူတွေခေါ်လာပြီး ​ကြိုက်သလို ပညာလာစမ်းလို့ရတယ်)

အသက်တွေကိုတန်ဖိုးမထားလို့ အသက်တွေတန်ဖိုးမဲ့နေတဲ့ ပညာမဲ့ပတ်ဝန်းကျင်ကြီးမှာ ရှောင်လွဲလို့မရတဲ့ အခြေအနေတွေကြောင့် နေထိုင်နေရတာ နေ့စဥ်ငရဲကျနေသလိုပါပဲ (ဝဋ်ကြွေးအကြီးစားပါပဲ)

အိပ် + စား + ကာမ ထိုသုံးဝကိုပဲ တန်ဖိုးထားတယ်ဆိုရင် တိရစ္ဆာန်လုံးလုံး ဖြစ်သွားပါပြီ။ ဗိုလ်ချုပ်အောင်ဆန်းဖြစ်မှာစိုးရိမ်ခဲ့တဲ့ ဖာနိုင်ငံကမှ တိရိစ္ဆာန်နိုင်ငံထက်စာရင် တော်ပါသေးတယ်

ခေါင်းထဲမှာ ဦးနှောက်ပါတယ်ဆိုရင်တော့ အမှန်နဲ့အမှားကို ခွဲခြားတတ်ရမှာပေါ့ (နိုင်ငံတကာကို ကြည့်ကြပါ) --- အထက်ပါစကားနဲ့ သက်ဆိုင်သူတွေအဖို့ လူပီသတယ်ဆိုရင် နိုင်ငံတကာနဲ့ယှဥ်ကာ အမှားကိုသိလို့ အမှန်ကိုပြင်ကြရမှာပါခင်ဗျား...

ကျနော်ကတော့ ဘဝတစ်သက်စာ လိပ်ပြာလုံတယ်ခင်ဗျ...

27/09/2025

ပြည်သူများအကြား တစ်ဦးနဲ့တစ်ဦး စိတ်ဓာတ် + စည်းကမ်း + ပညာ သုံးမျိုးပေါင်း ယှဥ်ပြိုင်ကြည့်ကြပါ။

ပိုသာတဲ့သူကို ပိုဦးစားပေးကြပါ။ ပိုပြီးနေရာပေးကြပါ။ ပိုပြီး ရိုသေလေးစားကြပါ။ ပိုသာတဲ့သူကိုသာ လုပ်ပိုင်ခွင့်အာဏာများ အပ်နှင်းကြပါ။ ချီးမြှင့်မြောက်စားကြပါ။

"ထိုနည်းအားဖြင့်သာ ဝန်းကျင်ကောင်းအောင် တည်ဆောက်နိုင်မည် >>> ဝန်းကျင်ကောင်းမှ တိုင်းပြည်ကောင်းမည်။

ဝန်းကျင်ကောင်းမှ လူကောင်းထွက်မည် >>> လူကောင်းထွက်မှ စနစ်ကောင်းပေါ်မည် >>> စနစ်ကောင်းမှ တိုင်းပြည်ကောင်းမည်။"

ဒေါက်တာစိုးရန်ပိုင် (အာရောဂျံ ဆေးခန်း၊ မူဆယ်မြို့၊ မြန်မာ - တရုတ် နယ်စပ်)

27.9.2025 (စနေနေ့)

25/09/2025

တိုင်း​ပြည်တိုးတက်ပြောင်းလဲဖို့ရာအတွက်က တကယ်ဆိုရင် ဒီ (၃) ချက် ပဲလိုတယ်။

(1) မိမိပတ်ဝန်းကျင်မှာရှိတဲ့ လူကောင်းတွေကို >>> ခွဲခြားသိမြင်ပြီး + ရိုသေဖို့ + တန်ဘိုးထားဖို့ + လေးစားဖို့ + ဦးစားပေးဖို့ + နေရာ​ပေးဖို့ + ငွေပေးဖို့ + အာဏာပေးဖို့ + ချီးမြှင့်မြှောက်စားဖို့ လိုပါတယ်​။ ပိုသာတဲ့သူကို ပိုကောင်းပေးကြပါ။ (အခုဟာက လူကောင်းဆိုရင် ဖယ်ကျဥ်ခံရပြီး - လူကောင်းယောင်ဆောင်တဲ့သူတွေ လူဆိုးတွေကျတော့ နေရာရကြတယ် ရိုသေလေးစားခံနေရတယ် - အမှားတွေကိုပဲ လက်ခံကျင့်သုံးနေကြတဲ့ ပတ်ဝန်းကျင်ကြီးဖြစ်နေတယ်)

(2) လူတိုင်း လူတိုင်း စာပေ နဲ့ အနုပညာ ကောင်းတွေကို စဥ်ဆက်မပြတ် နေ့စဥ် ဖန်တီး/ထိတွေ့ နေဖို့လိုပါတယ်။

(3) ပြုပြင်​ပြောင်းလဲမှု ဆယ်စုနှစ်အတွင်း တင်းကျပ်ပြီး တရားမျှတတဲ့ (တန်းတူညီမျှ - သာတူညီမျှထက် သာလွန်သော) တရားဥပဒေ စနစ်သစ်တစ်ခု ခေတ်နဲ့အညီ အကောင်အထည်ဖော်ကာ စိုးမိုးဖို့လိုပါတယ်။

ဒေါက်တာစိုးရန်ပိုင် (အာရောဂျံ ဆေးခန်း၊ မူဆယ်မြို့၊ မြန်မာ - တရုတ် နယ်စပ်)

25.9.2025 (ကြာသပတေးနေ့)

Address

Mu-Se

Opening Hours

Monday 07:30 - 19:30
Tuesday 07:30 - 19:30
Wednesday 07:30 - 19:30
Thursday 07:30 - 19:30
Friday 07:30 - 19:30
Saturday 07:30 - 19:30
Sunday 07:30 - 19:30

Website

Alerts

Be the first to know and let us send you an email when ဒေါက်တာ စိုးရန်ပိုင် - အာရောဂျံ အထွေထွေရောဂါကုဆေးခန်း၊မူဆယ်မြို့။ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category