03/04/2026
အပူရှိန်ပြင်းထန်ချိန်မှာ Heat Stroke (အပူလျှပ်ခြင်း) အန္တရာယ်မှ ဘယ်လိုကာကွယ်မလဲ?
အခုတလော မြန်မာနိုင်ငံရဲ့ အပူချိန်က အရမ်း မြင့်မားနေပါတယ်။ ဒီလိုအချိန်မှာ အသက်အန္တရာယ်အထိ စိုးရိမ်ရတဲ့ Heat Stroke (အပူလျှပ်ခြင်း) ရုတ်တရက် ဖြစ်ပွားနိုင်ပါတယ်။
ကိုယ်အပူချိန် အရမ်းတက်လာပြီး သတိလစ်တာ၊ ကောင်ကောင်မသိတော့တာမျိုး ဖြစ်လာရင် အချိန်မဆွဲဘဲ အောက်ပါအတိုင်း အရေးပေါ် ကူညီပေးရပါမယ် -
✅ အရိပ်ထဲရွှေ့ပါ: လူနာကို အေးမြပြီး လေဝင်လေထွက်ကောင်းတဲ့ နေရာကို အမြန်ဆုံး ပို့ဆောင်ပါ။
✅ အပူချပေးပါ: အဝတ်အစား ကြပ်ကြပ်တွေကို ဖြေလျော့ပြီး ရေအေးဆွတ်ထားတဲ့ တဘက်နဲ့ တစ်ကိုယ်လုံးကို ပတ်ပေးပါ။
✅ ရေခဲကပ်ပါ: ချိုင်းကြား၊ ပေါင်ကြားနဲ့ လည်ပင်းတစ်ဝိုက်ကို ရေခဲအိတ် (သို့) ရေအေးပုလင်း ကပ်ပေးခြင်းက အပူချိန်ကို မြန်မြန်ကျစေပါတယ်။
🚫 သတိပြုရန်: လူနာ သတိမရပါက ရေ (လုံးဝ) အတင်းမတိုက်ပါနဲ့။
အပူရှပ် (Heat Stroke) ဖြစ်လို့ လဲကျသွားတဲ့သူကို ပြာယာခတ်ပြီး ရေအတင်းတိုက်မိရင် အဆုတ်ထဲ ရေဝင်ပြီး အသက်ရှူရပ်သွားနိုင်ပါတယ်။
🏥အထက်ပါ ရှေးဦးသူနာပြုစုနည်းတွေ လုပ်ဆောင်ရင်းနဲ့ နီးစပ်ရာ ဆေးရုံ၊ ဆေးခန်းကို အမြန်ဆုံး ပို့ဆောင်ပါ။ အချိန်မီ ကုသမှုခံယူဖို့က အသက်ကယ်ဖို့အတွက် အရေးကြီးဆုံးပါပဲ။
ဒီဗဟုသုတက တစ်ယောက်ယောက်ရဲ့ အသက်ကို ကယ်တင်နိုင်ပါတယ်။ အခုပဲ Share ပြီး ကယ်တင်နိုင်ပါတယ်။ အခုပဲ Share ပြီး သင့်ချစ်ခင်ရသူတွေကို သတိပေးလိုက်ပါ။ ✨
